Erdoğan'ın Zeki Olduğunu Gösteren 10 Hareketi

Öyle Büyük Bir Fırtına Geliyor Ki! Türkiye Tek Başına Kaldı

Türkiye çok büyük bir küresel projenin ana hedefidir. Bu anlamda içeride hiçbir hareket masum değildir, bu küresel proje içerideki ayağı olmadan hiçbir başarıya ulaşamaz. Bunu biz biliyorsak onlar da biliyor.

Yazar ve Kaynak: İbrahim Karagül - 
https://www.yenisafak.com/yazarlar/ibrahimkaragul/-kusatma-plani-suriyeden-cikar-akdenizde-bog-iceriden-vur-turkiyeyi-mutlaka-durdur-bu-ruzgar-firtinaya-donecek-suriye-savasi-kesinlikle-bitmeli-firatin-dogusu-temizlenmeli-ic-isgalcilerin-alani-daralmali-2050065

DÜNYA ENSİKLOPEDİYASI AZƏRBAYCANA QARŞI TƏXRİBATLA MƏŞĞULDUR

Dünya Ensiklopediyası sayılan Vikipediya, 

sən Azərbaycanın tanınmış, ləyaqətli insanları haqqında dolğun səhifələri, məlumatları pozmağında ol. Qoyma gələcək nəsil ibrət götürüləsi insanlarımızı yaxından tanısın. Onlardan ilham alıb öz yollarını müəyyənləşdirsinlər. Axı sən kosmopolit insanlar yetişdirməyə güc vermisən...

Adil İrşadoğlu (Əliyev)

Sən pozdun, qiymət verənlər başqasını yaratdılar. Mənə dəyər verənlərə təşəkkür edirəm.

Buraya daxil olub izləyə bilərsən : https://peoplepill.com/biography/adil-irshadoglu-aliyev/?fbclid=IwAR0TE3_tZDc4Y6WD6xnktLwFEJGssIoKc_bnC-yhKBS-w5xM6gRxYo9LsyQ

Mehmet Akif Ersoy XX əsrin ən böyük türk şairidir

ŞAİR ÖZ SƏSİYLƏ 

"İSTİQLAL MARŞI" ŞEİRİNİ SÖYLƏYİR...

Məhmәd Akif Әrsoy 1873-cü ildə İstanbulun Fateh səmtində dünyaya gəlib. Anası Şərifə Xanımın ata və anası Buxaralıdır. Şərifə xanım Tahir bəylə izdivac bağlamış və bu evlilikdən Məhmәd Akif Әrsoy dünyaya gəlmişdir. M.Akif ilk və orta təhsilini Fatehdə almışdır.

Ali təhsil üçün beynəlxalq hüquq institutuna girsə də təhsilini yarımçıq qoyub baytarlıq təhsilinə başlamış, buranı qızıl diplomla qurtarmışdır. Şeir yazmağa baytarlıq məktəbində başlamış, Osmanlı dövlətinin tənəzzül dövründə vətənin işğalçılar tərəfindən tutulmasıyla Anadoluya keçərək xalqı milli azadlıq hərbi üçün ruhlandırmış və böyük işlər görmüşdür.

Türkiyə Cümhuriyyətinin qurulmasından sonra Misirə getmiş və Misir Universitetində türk dili dərsləri vermiş, 1936-cı ildə ölkəyə qayıtmış və 27 dekabr 1936-cı ildə dünyasını dəyişmişdir. 

* Mehmet Akif Ersoy XX əsrin ən böyük türk şairidir.

YURDUM AZƏRBAYCAN ADINA QURBAN !

 İFA EDİR SAMİR CƏFƏROV  

“TÜRK OCAĞI” AZƏRBAYCANDA BƏRPA OLUNDU

“Şərq” qəzetinin baş redaktoru, 
tarix üzrə fəlsəfə doktoru Akif Aşırlı başqan seçildi

Beynəlxalq Mətbuat Mərkəzində Azərbaycan “Türk ocağı”nın bərpası konfransı keçirilib. Tədbirdə Türkiyənin Azərbaycandakı səfiri Erkan Özoral, Türk Ocaqları İstanbul şöbəsinin rəhbəri, professor Cezmi Bayram, İstanbul Universiteti Türkiyat Araşdırmaları İnstitutunun direktoru, professor Mustafa Balcı, Türkiyədən gəlmiş 10-ya yaxın elm adamı, millət vəkilləri və media və ictimaiyyət nümayəndələri iştirak ediblər.
Tədbirin aparıcısı, Mətbuat Şurasının sədri Əflatun Amaşov “Türk ocağı”nın bərpaçılarını təqdim edib.

Çıxışlardan öncə Azərbaycan və Türkiyənin dövlət himnləri səsləndirilib və ardınca “Türk ocağı”nın yaranması ilə bağlı sənədli film nümayiş etdirilib.
Qeyd edək ki, Azərbaycan “Türk ocağı”nın bərpaçıları – millət vəkili, Mətbuat Şurasının sədri Əflatun Amaşov, millət vəkili Qənirə Paşayeva, millət vəkili Cavanşir Feyziyev, Azərbaycan Yazıçılar Birliyinin Türkiyə təmsilçisi, Uluslararası İlişkilər və siyasi elmlər doktoru İrfan Çiftçi, Azərbaycan-Türkiyə İş Adamları Birliyi başqanı Cemal Yanğın, tarix üzrə fəlsəfə doktoru Firdovsiyyə Əhmədova, Əli bəy Hüseynzadənin varisi Cəmilə Hüseynzadə, Əhməd Cavadın nəvəsi Anar Axundzadə, Abdulla Şaiqin nəvəsi Ülkər Talıbzadə, “Şərq” qəzetinin baş redaktoru, tarix üzrə fəlsəfə doktoru Akif Aşırlı, “Şərq” qəzetinin baş redaktorunun birinci müavini Yusif Nəzərlidir.

İlk söz “Şərq” qəzetinin baş redaktoru, tarix üzrə fəlsəfə doktoru Akif Aşırlıya verilib. Baş redaktor Azərbaycanda “Türk ocağı”nın bərpası barədə uzun zamandır düşündüyünü deyib:

“1911-c ildəTürkiyənin çöküşü prosesinin qarşısını alan 190-a yaxın tibb tələbəsinin israrlı tələbi üzərinə türk ziyalıları İstanbulda Əhməd bəy Ağaoğlunun evində toplaşdılar. 1912-ci ildə İstanbulda “Türk ocağı” quruldu. Bu Ocağın qurucuları çağdaş Türkiyənin qurulmasında mühüm rol oynadılar. Eyni zamanda milli ruhun diri tutulmasında iştirak etdilər.

  1918-ci ildə Azərbaycan Xalq Cümhuriyyəti qurularkən “Türk ocağı”nın yaradılmasının tarixi bağlantılarını nəzərə alaraq belə bir cəmiyyətin Azərbaycanda təsisinin zəruri olduğunu düşündük. Bununla bağlı Türkiyədən olan dəyərli elm adamları və ziyalılarla müzakirələr apardıq. Müzakirələrdə bizə dəstək verdiyinə görə İstanbul Türk Ocaqları başqanı Cezmi Bayrama təşəkkür edirəm. Həmçinin, Türk Ocaqları başqanı Mehmet Özə minnətdarlığımı bildirirəm. Nəzərə çatdırım ki, Cümhuriyyət vaxtı Azərbaycanda milli təsisatlar yaradılmışdı ki, onlardan biri də “Türk ocağı”nın bərpası idi. Azərbaycandakı “Türk ocağı” Türkiyədəki təşkilatla eyniyət təşkil edirdi. Məramı türk birliyini təşkil etmək, yenicə qurulan Cümhuriyyətə Türkiyənin maddi-mənəvi yardımlarını təmin etmək idi”. 
  
A.Aşırlı bərpaçıların arasında üç nəfərin adını xüsusi qeyd edib:  

“Əli bəy Hüseynzadənin nəvəsi Cəmilə Hüseynzadə, Abdulla Şaiqin nəvəsi Ülkər Talıbzadə və Əhməd Cavadın nəvəsi Anar Axundzadənin adlarını xüsusi vurğlamaq istəyirəm. Bu insanların babaları, Əhməd Cavad və Abdulla Şaiq Azərbaycan Xalq Cümhuriyyətinə rəsmi şəkildə Azərbaycanda “Türk ocağı”nın yaradılması ilə bağlı müraciət ediblər. Sentyabr ayında onlara vəsiqə verilib və cəmiyyət fəaliyyətə başlayıb. Qurumun fəaliyyəti bağlı kiçik kitabım çıxıb, eyni zamanda Türkiyə tükcəsində də çap olunub. Hazırda bu mövzuda istifadə olunan mühüm elmi mənbələrdən biridir. Bu cəmiyyəti bərpa etməkdə məqsədimiz Azərbaycanın türk dünyasında yerinin, rolunun möhkəmlənməsi və ölkənin istiqlalıdır. İstəyimiz Azərbaycanda “Türk ocağı”nın bərpası ilə Orta Asiyadakı Türk respublikalarının sıx əlaqə qurmasına nail olmaqdır. Niyyətimiz “Türk ocağı”nı ideoloji mərkəzə çevirməkdir. Qısa müddət ərzində saytımız da fəaliyyət göstərəcək. Bundan əlavə 3 aydan bir jurnal da çap ediləcək”.

   Türkiyənin Azərbaycandakı səfiri Erkan Özoral çıxışında “Türk ocağı”nın bərpasını həyata keçirənlərə təşəkkür edib:

“Azərbaycanla Türkiyə iki dövlət, bir millətdir. Azərbaycanın gücü Türkiyənin, Türkiyənin gücü də Azərbaycanın gücüdür. Artıq arxamızı söykəyə biləcəyimiz güclü bir Azərbaycan var. “Türk ocağı”nı bərpa edən hər kəsə minnətdaram. Biz Türkiyə olaraq 28 ildir dünyada özümüzü çox rahat hiss edirik. Çünki könül rahatlığı arxamızı yaslaya biləcəyimiz güclü Azərbaycan var. Bilirik ki, qardaşımız yanımızdadır, bizimlədir. Bir il öncə türk əsgəri Azərbaycanlı qardaşı ilə birlikdə Bakıda möhtəşəm parad keçirdi. 100 il əvvəlki şanlı tarix yenidən təkrarlandı. Əsgərlərimiz birlikdə yürüş edərək bütün dünyaya “tək yumruq, tək güc” olduğumuzu göstərdilər. Bizim birliyimiz kimsəyə düşmən olmaq deyil, insanlığı və mədəniyyəti daha irəliyə götürmək məqsədi güdür. O səbəbdən bəyan edirəm ki, səfirlik olaraq “Türk ocağı”nın fəaliyyətinə hər zaman dəstək verməyə hazırıq”.

Millət vəkili Cavanşir Feyziyev qurumun fəaliyyətini yüksək dəyərləndirib:

  “Türk ocağı”nın bərpası prosesində öncə Akif Aşırlıya minnətdarlığımı bildirirəm. Çünki bu iş üçün bütün bərpaçıları, elm və iş adamlarını, varisləri bir araya gətirən məzh Akif bəydir. “Türk ocağı”nın bərpası birbaşa onun təşəbbüsü ilə reallaşıb və hesab edirəm ki, çox nəcbi bir təşəbbüsdür. “Türk ocağı” öz tarixi rolunu oynayıb. Amma 1990-c illərdən etibarən dünya xəritəsində yeni türk dövlətlərinin ortaya çıxması “Türk ocağı”nın bərpasını zəruri edirdi. Çünki biz qloballaşan dünyada türk mədəniyyətini, siyasətini bütün dünyaya çatdırmalıyıq. Fikrimcə, qurumunn fəaliyyəti bu istiqamətdə yardımçı olacaq”.
    
Türk Ocaqları İstanbul şöbəsinin rəhbəri, professor Cezmi Bayram da “Türk ocağı”nın uğurlu fəaliyyət göstərəcəyindən əminlik ifadə edib:

“Azərbaycanda bərpa edilən “Türk ocağı”na fəaliyyətində uğurlar arzu edirəm və başqanımız Mehmet Özün salamlarını çatdırıram. Çox xoşbəxtəm ki, belə bir tarixi ana şahidlik edirəm. 60 ilə yaxındır tükrçülük və turançılıq ideyasının yayılması üçün çalışıram. Hesab edirəm ki, “Türk ocağı”nın Azərbaycanda bərpa konfransına qatılmağım indiyə kimi gördüyüm faydalı işlərin mükafatıdır. “Türk ocağı”nın qurucuları arasında Əli bəy Hüseynzadə, Əhməd bəy Ağaoğlu və Yusuf Akçura kimi türk dünyasının böyük fikir adamları var idi. Yəni, “Türk ocağı” qurulduğu gündən etibarən sadəcə Türkiyəyə məxsus bir dərnək olmayıb. Bütövlükdə türk dünyasının cəmiyyəti olaraq ortaya çıxıb. Buna görə də fəaliyyət bölgəsi “türklərin yaşadığı hər yer” olaraq müəyyən edilib. Cəmiyyətin heç vaxt siyasi məramı olmayıb. Məqsəd türklərin mədəni birliyini təsis etmək, tariximizin və dilimizin qorunması olub. Azərbaycanda bərpa edilən “Türk ocağı” Türkiyə ilə digər türk respublikaları arasında mədəni əlaqələrin qurulması baxımından çox önəmlidir. “Türk ocağı” türk dünyası ilə aramızda bir körpü rolunu oynayacaq. Ona görə də bu cəmiyyətin yenidən təsis edilməsi olduqca mühüm hadisədir. Bərpa prosesində qurucu insanların varislərinin iştirakı isə həyəcanverici bir olaydır. Biz Türkiyədə çox çalışsaq da, qurucuların varislərini bu prosesə cəlb edə bilmədik. O baxımdan arzu edirəm ki, siz öz işinizlə bizi arxada qoyasınız. Sizin daha da irəliyə getməyiniz bizi ancaq və ancaq qürurlandırar”. 

Millət vəkili Qənirə Paşayeva da vurğulayıb ki, belə bir qurumun varlığına ehtiyac böyükdür:

“Əhməd bəy Ağaoğlunun gözəl bir sözü var. Deyir ki, “türklük bölünə bilməyəcək qədər tamdır”. Bizim də məqsədimiz bu missiyaya xidmət etməkdir. Xeyli öncədən hesab edirdik ki, “Türk ocağı”nın Azərbaycanda bərpa edilməsi zəruridir. Çünki bunun böyük tarixi əhəmiyyəti var. Akif Aşırlı bu işə çox böyük əmək sərf edirdi. Çox şadam ki, Akif bəy bunun reallaşması istiqamətində yorulmadan çalışdı və bizim hamımızı “Türk ocağı”nın ətrafına cəm etdi. Bəziləri hesab edir ki, əgər 100 il keçibsə, deməli Türk ocaqlarının işi də başa çatıb. Qətiyyən elə deyil. Çünki Türk ocaqlarının missiyasındakı ana xətt sərhədlər üstü milli düşüncə anlayışıdır. Bizim buna çox ehtiyacımız var”. 

Azərbaycan-Türkiyə İş Adamları Birliyi başqanı Cemal Yanğın belə bir tədbirdə olmağın onun üçün şərəf olduğunu söyləyib:

“İş adamı olaraq alimlər məclisində iştirak etmək və orada nəsə söyləmək mənim üçün çox çətindir. Amma söz verirəm ki, canla-başla bu Ocağa və onun fəaliyyətinə dəstək verəcəm”. 

Tarixçi-alim Firdovsiyyə Əhmədova da bəyan edib ki, “Türk ocağı”nın bərpası çox əlamətdar bir gündür:

“Mən bu tədbiri Azərbaycan Xalq Cümhuriyyətinin 100 illiyi ilə bağlı keçirilən tədbirlərin tərkib hissəsi sayıram. Bugün burada tarix yazılır. Azərbaycan insanı hər zaman, tarix boyu Türkiyədən olan qardaşlarına arxa-dayaq olub, onlardan yardımını əsirgəməyib. Azərbaycan və Osmanlı ziyalıları birgə addımlayıblar. Müştərək tariximiz olub. Türk xalqları arasında mədəni əlaqələri məhz iki tərəfin ziyalıları, elm adamları təşkil edirlər. Bu, tarixən belə olub. Gözəl təşəbbüsə görə Akif bəyə təşəkkür edirəm. O, həqiqətən əməl adamıdır. Sadəcə sözdə qalmır, “Türk ocağı” ilə bağlı kitab yazandan sonra cəmiyyəti də təsis edərək əməli fəaliyyətini ortaya qoyur”.

Daha sonra söz “Türk ocağı”nın qurucularının varislərinə verilib. Əli bəy Hüseynzadənin varisi Cəmilə Hüseynzadə həyəcanlı anlar yaşadığını bildirib: 

“Atam sürgün olunanda 33 yaşı var idi. O, sürgünə gedəndə özü ilə Əli bəyin fotosunu aparmışdı. İllər keçəndən sonra o şəkli mənə də göstərmişdi və mən o zaman bilmişdim ki, Əli bəy Hüseynzadə kimdi və mən hansı ailəyə məxsusam. Mən sürgündə anadan olmuşam və orada böyümüşəm. Bugün Azərbaycanda olduğuma, babamın adını eşitdiyimə və bayrağımızı gördüyümə görə çox şad oluram”.

Abdulla Şaiqin nəvəsi Ülkər Talıbzadə isə vurğulayıb ki, babasının “Türk ocağı”nın qurucusu olduğunu yeni öyrənib:

Birləşəlim türk oğlu, bu yol zəfər yoludur” deyən Abdulla Şaiq hər zaman türkçü, turançı olub. Ancaq dövrün müəyyən prosesləri ilə əlaqədar o öz fikirlərini və əqidəsini gizlətməli olmuşdu. Onun oğlu və irsinin tədqiqatçısı Kamal Talıbzadə Abdulla Şaiqin gizli qalan tərəflərini hissə-hissə xalqımıza çatdırmağa çalışmışdı və onun sovet dövründə çap edilməmiş hekayələrini toplu şəkildə “Arazdan Turana” adı ilə çap etdirmişdi. Abdulla Şaiqlə bağlı nə varsa, hamısı onun ev muzeyində qorunur. Lakin mən “Türk ocağı” barədə eşidəndə çox təəccüb etdim. Çünki bunu bilmirdim, hətta övladı belə bu barədə heçnə danışmamışdı. O baxımdan belə bir məlumatı öyrənmək bizim üçün çox dəyərlidir”.
Azərbaycan Yazıçılar Birliyinin Türkiyə təmsilçisi, Uluslararası İlişkilər və siyasi elmlər doktoru İrfan Çiftçi də “Türk ocağı”nın Azərbaycanda bərpa edilməsinin çox anlamlı olduğunu söyləyib. 

Tədbirin sonunda “Şərq” qəzetinin baş redaktoru Akif Aşırlı bərpaçılar tərəfindən Azərbaycan “Türk ocağı”nın başqanı seçilib.

“Şərq” qəzetinin baş redaktorun birinci müavini Yusif Nəzərli isə başqan yardımçısı seçilib.
Həmçinin, qurumun nizamnaməsinin hazırlanmasına və fəaliyyət istiqamətinin müəyyən edilməsinə qərar verilib.

Məlumat üçün onu da əlavə edək ki, Azərbaycan “Türk ocağı”nın eyni adlı mətbuat orqanı da fəaliyyət göstərəcək.  

Modern.az & Vətənsevərlər

ƏLİ BƏY HÜSEYNZADƏ HAQQINDA FİLMİ İZLƏYİN...

İZLƏMƏK ÜÇÜN DAXİL OL :  IRSHAD TV

“BAKIDA RADİASİYA XEROSİMADAN DAHA GÜCLÜDÜR“

© HƏYATDIR, ÇIXARIQ ÇOX-ÇOX SINAQDAN... (3-cü söhbət).

Azərbaycan Respublikasının televiziya və qəzet jurnalisti Adil İrşadoğlu Malik həkimin Bakı şəhərində məskunlaşdığı evində olmuş və ondan maraqlı müsahibə götürmüşdür. Müsahibənin həcmi böyük olduğuna görə onu sizə bir neçə yerə bölərək təqdim etdik. 3-cü müsahibə isə Malik həkimin yaşadığı dövrdən, onun şəhidlərimizə olan ehtiramından, peşə fəaliyyətindən və Azərbaycanın qədim tarixindən bəhs edir. Videonu izləməyə dəyər. Sağlıqla izləyin...

AZƏRBAYCANIN MİLLİ QƏHRƏMANI ALLAHVERDİ TEYMUR OĞLU BAĞIROVU UNUTMA !

DAXİL OL : IRSHAD TV



PAYLAŞIN, dostlar. Paylaşmaq çox vacibdir.

NƏ VƏTƏN BÖLÜNMƏZ, NƏ ŞƏHİD ÖLMƏZ...

DAXİL OL : IRSHAD TV

MÜBARİZ TAĞIYEV - ELLƏRİMİZ DARDA - İRŞAD TV

DAXİL OL : IRSHAD TV

TURAN DÖVLƏTİNİN ÜÇÜNCÜ QURULUŞU...

© SEVGİSİ GÖZÜNDƏ, DƏRDİ DƏRİNDƏ... (2-ci söhbət).

Azərbaycan Respublikasının tanınmış jurnalisti Adil İrşadoğlu Malik həkimin Bakı şəhərində məskunlaşdığı evində olmuş və ondan maraqlı müsahibə götürmüşdür. Müsahibənin həcmi böyük olduğuna görə onu sizə bir neçə yerə bölərək təqdim edirik. 2-ci müsahibə də Malik həkimin yaşadığı dövrdən, 1980-90-cı illərdə isə Qarabağda şahidi və iştirakçısı olduğu maraqlı tarixi faktlardan bəhs edir. Videonu izləməyə dəyər. Sağlıqla izləyin...

© YOL VERİN, YOL VERİN İGİDLƏRƏ SİZ... (1-ci söhbət).

Azərbaycan Respublikasının tanınmış jurnalisti Adil İrşadoğlu Malik həkimin - Malik Camal oğlu İsmayılovun Bakı şəhərində məskunlaşdığı evində olmuş və ondan maraqlı bir müsahibə götürmüşdür. Müsahibənin həcmi böyük olduğuna görə onu sizə bir neçə yerə bölərək təqdim edirik. Həkimin yaşadığı ilk dövrdən, 1980-90-cı illərdə Qarabağda şahidi və iştirakçısı olduğu maraqlı tarixi faktlardan bəhs edən bu videonu izləməyə dəyər. Sağlıqla izləyin...

Rəşid Mahmudov indi də Ərdoğandan danışdı

HƏMKARLARIMIZIN HƏYAT KREDOSU - İRADƏ ƏLİYEVA YAZIR...

İnsan dünyaya bir kərə gəlir. Düşünür, yazır, yaradır və həyatda olsa da, olmasa da, əbədi ömür qazanır...
Zaman isə fikir və əməllə dolu olanda mənalı və gözəl görünür...
Görkəmli maarifçilər ağlın gücünü təmsil edən insanları xoşbəxt hesab edir. Bunu əbədi və etibarlı sərvət sayırlar. “Hər şey biliyə sahiblik haqqı və səlahiyyəti ilə bağlıdır”, - deyirlər.
***
Biz elə bir vaxtda universitet təhsili almışıq ki, o dövrdə görkəmli alimlər, ustad jurnalistlər (Mir Cəlal Paşayev, Əzizə Cəfərzadə, Nəsir İmanquliyev, Nurəddin Babayev, Şirməmməd Hüseynov, Famil Mehdi və başqaları) öz mühazirələrinə yaddaşın və tarixin dərsləri, varlığın məntiqi, dünyada xeyrin və xeyirxahlığın ölməzliyi, milli və mənəvi dəyərlərlə başlayırdılar. Mənəviyyat məsələlərinə, sözün qüdrətinə, ana dilinin böyüklüyünə və zənginliyinə xüsusi diqqət yetirirdilər. Fərdlər, nəsillər, ömürlər və əsrlər arasında fasiləsiz rabitənin olduğunu vurğulayırdılar.
Biz özümüz də anlamadan böyük təfəkkür sahiblərinin - mükəmməl ziyalı mühitinin içərisinə düşmüşdük. Yeni dünya, yeni aləmin işığında yolumuza davam edir, diqqətimizi dərinləşdirir, zəmanənin olaylarına düzgün qiymət verməyə çalışırdıq. Çalışırdıq ki, səhvlərə, qüsurlara yol verməyək, hadisə və meyillərin mürəkkəb, dolaşıq toruna düşməyək. Bizə dərs deyən müəllimlər ancaq yaxşılar, yaxşılıqlar, müsbət meyillər, etik-əxlaqi mövqedən irəli gələn həqiqətlər, güclü əməl sahiblərinin fədakarlıqlarından, şəxsiyyətlərdən danışırdılar. Pisliklərdən, mənfiliklərdən, yanlışlıqlardan, sapıntılardan söhbət açmırdılar. Biz hər yazımızda ədalət və həqiqət axtarşılarına çıxırdıq, örnəklərdən, nümunələrdən söhbət açırdıq.
Hamımız kitabxanalara üz tutur, görkəmli yazarlarımızın əsərlərini oxuyur, onlardan öyrənirdik. Yurd, torpaq sevgisi, ata-anaya, böyüyə hörmət, ehtiram və nəhayət, ziyalı missiyasına önəm verirdik. Heç kəs tərəfindən başa düşülməyən və qəbul edilməyən qəhrəmanlarımızı “başqa cür tale” idealı kimi qələmə verirdik. Bax, hər birimiz beləcə həyatı öyrənir, dərk edir və böyüyürdük. İrəlidə isə bizi nələr gözləyirdi?!.
Mən belə danışanda dünyagörmüş dayım deyirdi ki, bunlar həyat, ömür dərsləridir. Yaşadıqca içindəki mənəvi divar da böyüyüb ucalır, sağlam düşüncə əxlaqı da ucaldır, saflaşdırır, münasibətlərə də öz qiymətini verir, itirilmiş mənanı və dəyəri də geri qaytarır. Bu fikirlərlə mən sadəcə olaraq gənclik, tələbəlik illərimizin yaşam tərzini qısaca xatırlatmaq istədim. Yenə deyirəm, o dövrün gəncliyi yüksək fikirlər, nəcib duyğularla yaşayırdı...
Heç kəs məni qınamasın: tələbə yoldaşlarımızın hərəsi bir dünya idi. Adil Əliyevin (İrşadoğlunun) də öz dünyası var idi. Beş il eyni auditoriyada oxuduq və sonra ayrıldıq. Mən qəzetdə fəaliyyətə başladım, Adil isə televiziya jurnalisti idi. Müntəzəm olmasa da, tez-tez onun reportajlarına, televiziya filmlərinə, müsahibələrinə baxırdım.
Bu verilişlər ahəngdar bir üsluba malik idi. Yaradıcı dünyası ilə yurdsevərlik, torpağa, vətənə sonsuz bağlılıq təlqin olunurdu. Adil səngərlərdə vuruşan, təlim keçən əsgərlərimizin yanında idi. Onların mübariz ruhunu, mətanətini, şücaətini göstərirdi. Azərbaycan dövlətinin, xalqının və ordusunun gücünü, vətən təəssübkeşliyini, torpaq sevgisini təcəssüm etdirirdi. Hər reportajında xalqımızın şanlı tarixini, vətən naminə qurub-yaratmış, onun torpaqlarını qoruyub qəhrəmanlıqlar göstərmiş insanları xatırlayırdı. Alovlu vətənpərvərlərlə həmişə fəxr edirdi.
Adilin ömür və yaradıcılıq yolunun 20 ili Azərbaycan televiziyasında keçib. Kiçik redaktor, böyük redaktor, şöbə müdiri vəzifələrində çalışıb. Televiziyanın “Hərbi Vətənpərvərlik və Salnamə Baş Redaksiyası”nın təşkilində və səviyyəli fəaliyyətində xüsusi xidmətləri olub. Bir sözlə, bu redaksiyanın ilklərindən biridir. Hazırladığı verilişlərə görə müxtəlif mükafatlara layiq görülüb. XTNS-nın xüsusi medalı ilə təltif edilib. Cəbhədə əsgər və zabitlərin həyatından hazırladığı salnamələrə görə “Şah İsmayıl Xətai” mükafatının laureatı olub. Təsadüfi deyil ki, Azərbaycan televiziyasında işlədiyi müddətdə efirə üç mindən çox veriliş çıxarıb. Əsas mövzusu isə o vaxt da, indi də hərbi vətənpərvərliklə bağlı olub.
Adil televiziyada işləyəndə də qəzet və jurnallarda mütəmadi çıxışlar edirdi. O, jurnalistikanın bütün sahələrində və bütün janrlarında qələm işlətməyi bacaran yazardır. Azərbaycan televiziyasından sonra redaktoru, yaxud aparıcı və məsul işçilərdən olduğu “Yeni dünya”, “De Fakto”, “Çempion”, “Sara Ekspress”, “Olaylar”, “Şans” və digər qəzetlərdə də məhz geniş diapazona malik qələm sahibi olduğunu sübut etmişdir.
Adil İrşadoğlu vətənpərvər jurnalistdir. Hələ 1989-cu ildə azərbaycanlıların Dağlıq Qarabağdan sıxışdırılıb çıxarılmasının qarşısını almaq üçün dostları ilə birgə Şuşa Teleötürücü Stansiyasının nəzdində kiçik studiya yaratmışdı. Hazırda isə “İrşad-Teleradio Verilişləri, Sənədli və Bədii filmlər kampaniyası” MMC-nin təsisçisi və baş redaktoru kimi fəaliyyət göstərir. Bu gün müstəqil jurnalist olan həmkarımızın bir sıra saytları da var. O, öz sevimli vətənpərvərlik mövzusunu müxtəlif janr və aspektlərdə işıqlandırır. Qəhrəmanları arasında keçmiş sərkərdələr də, İkinci Dünya müharibəsinin fəal iştirakçıları da, Azərbaycanın suverenliyi və torpaqlarının azadlığı uğrunda canından keçən igidlər də, bu gün sinəsini vətən üçün sipər edən oğullar da var.
Adilin Qarabağ haqqında hər teleoçerkində və qəzet məqaləsində torpaq sevgisi, vətən həsrəti və can yanğısı hissi olunur. Jurnalistin ürək çırpıntıları “Qulağıma bir səs gəldi...”, “Qardaş itirənlər qanad itirir”, “Canda can varkən ruhunu şad etmək dostluq borcumdur” və s. məqalələrində daha çox duyulur.
Cəsarətlə demək olar ki, Adil İrşadoğlu həm də tədqiqatçı jurnalistdir. Onun son onilliklərdə Qarabağda baş verən olaylara şahid olaraq yazdıqları və videolentə çəkdikləri tariximizə bir töhfədir. Belə ki, Adil İrşadoğlu Ermənistan-Azərbaycan, Dağlıq Qarabağ münaqişəsi xronologiyasını mərhələlərə bölərək işıqlandırmışdır.
Eyni sözləri onun filmləri və verilişləri haqqında da demək olar. “Vətən Səyyar Briqadası” ilə ön cəbhədə, hospitalda, sərhəd bölgələrində, döyüşçülər arasında olan fədakar jurnalistin fəaliyyəti ilə Qarabağın yeni tarixi videolentlərə köçürülmüşdür. Kimlər haqqında yazmayıb Adil İrşadoğlu?!. O, milli qəhrəmanları, sıravi döyüşçüləri vəsf edib. Fred Asif adı ilə çağırılan Milli Qəhrəman A.Məhərrəmovu oxuculara yaxından tanıdıb. “Müharibəni vətən yolunda canını fəda etməyə hazır olan əsgərlərlə edirlər”, - deyir Adil İrşadoğlu (Əliyev).
Peşəkar jurnalist onlarca vətən fədailəri haqqında məqalələr yazıb, bir-birinə bənzəyən və bənzəməyən insan, döyüşçü, vətəndaş taleyinə işıq tutub. Deyir ki, əgər əsgər tərəddüdsüz sinəsini düşmən gülləsinə sipər edirsə, günahsız insanları məhrumiyyət və müsibətlərdən qorumaq uğrunda öz həyatını od-alovun içərisinə atırsa, bu, fədakarlığın zirvəsi sayılaraq əbədi hörmətə layiqdir. Məhz buna görə Yer üzünün bütün xalqları döyüşçüyə məhəbbət və onun xatirəsinə ehtiram göstərirlər.
Bir döyüşçü də elə Adilin özüdür. Həm birbaşa, həm də məcazi mənada. Birbaşa mənada ona görə ki, yazdığı sətirləri qəzet səhifələrinə və televiziya ekranına müharibə alovlarının içərisindən keçərək gətirib. Məcazi mənada ona görə ki, əynində döyüşçü paltarı olsa da, qələmi ilə döyüşür - torpaq, vətən, xalq uğrunda...
Yaddaşın həssaslıq olçüsü deyilən bir anlayış var. Bilirsiniz, jurnalistlərin həssaslıq ölçüsü digər ixtisas sahiblərindən daha artıqdır. Ona görə də özgə talelərinə həssaslıq bizlərin, o cümlədən Adilin yaradıcı fəaliyyətində üstünlük təşkil edir. Bu həssaslıq isə hamıya kövrək bir həyəcan gətirir.
Tez-tez qəribə, uğursuz, təzadlı, mürəkkəb taleli adamlar, xarakterlərlə qarşılaşırıq və onlar haqqında gözəl yazılar hazırlayırıq. Jurnalistlərlə yazıçılar arasında fərq ondadır ki, bizlər bu insanlarla həyatda rastlaşırıq, onlar isə təxəyyüllərində bu surətləri yaradırlar. Təbii ki, biz jurnalistlərin işi daha çətin, ağır və məsuliyyətlidir. Hər mövzunun daxilinə varırıq. Vardıqca da mənəviyyat məsələləri ilə üzləşirik... Heyrətlənirik, yenə də axtarır, düşünür və yazırıq... Bu baxımdan Adil İrşadoğlunun (Əliyev) yaradıcı fəaliyyətində xalqın qəhrəmanlıq səhifələri daha çox vərəqlənir. Vüsət, ucalıq, təmkin, daxili əminlik, ümid və inam, dünya, həyat, insan barədə düşüncələr qabarıq ifadə olunur. Burada əsas qəhrəman Yurdsevərlik və Vətənə, torpağa məhəbbətdir...
Adil odun-alovun içindədir. Şəhid ana və ataların ağrı-acılarını, sızıltılarını daha yaxından eşidir, içində fəryad qoparır. Dilsiz duyğuların arasında boğulur, harayı ərşə qalxır. Söhbətlərində “hər dəfə çəkilişlərdən sonra bir həftə, on gün özümə gələ bilmirəm” - deyir.
Adilin jurnalistlik fəaliyyəti haqqında istənilən qədər faktlar söyləmək olar. Lakin onun xarakterini səciyyələndirən bir-iki qeydi də vurğulamaq istəyirəm.

*Adilin dünyaya baxışı safdır, təmizdir. Xeyrə və işığa son dərəcə həssasdır.
*Soykökə, ocağa bağlılığı çox güclüdür. Onda ədalət duyğusu, eyni zamanda güclü qisas yaddaşı var. Bu hissində o, əlbəttə ki, haqlıdır.
*Adil təmkinlidir, səbirlidir, insanı axıra qədər dinləyə və anlaya bilir. Sevdiyi insanlara qarşı çox mərhəmətli və şəfqətlidir.
*Yaxşı övladdır, yaxşı atadır, gözəl ailə başçısıdır.
*O, ruhu və təbiəti etibarı ilə əsl ziyalıdır. Bütün bu xüsusiyyətlər ona bol-bol hörmət qazandırır.

Tələbəlik illərindən çox-çox sonra Adilin yazılarından birində bu cümlələri oxudum: “Atam İrşad Əliyev Ağdamın, Qarabağın sayılıb-seçilən ağsaqqallarından idi. Uzun müddət dövlət orqanlarında çalışmışdı. İnsanların indi də bu şəxsi sevməsi, adı çəkiləndə “min rəhmət” oxuması səbəbsiz deyil. Qoy bu hərəkətə patriarxal deyilsin, köhnəlmiş deyilsin, amma bu ağsaqqalın ailəsinin, onun doğulduğu Sarıhacılı kəndinin, yaşadığı Ağdam şəhərinin öz əxlaq qanunları var idi. Bizim gücümüz bu yazılmamış qanunlarda idi: böyüyə, ata-anaya ehtiram, sitayiş dərəcəsinə çatan vətən sevgisi bu əxlaqın bünövrəsi idi”. Biz bu bünövrənin varlığına Adil İrşadoğlunun 65 illik ömür yolunda dəfələrlə şahid olmuşuq. Onu da bilirik ki, əzəldən üç idealı olub. Onlar Mustafa Kamal Paşa Atatürk, dahi Üzeyir bəy Hacıbəyli və atası İrşad kişidir...
Vaxtilə vətən sevgisini, torpaq təəssübkeşliyini, döyüş ruhunu, taleyini bağladığı işə sədaqəti atasından əxz etdiyini deyən Adil İrşadoğlu indi bunları bir ərməğan kimi gənc nəslə, o cümlədən övladları Fərhad və Elşada ötürür. Və onların bu ərməğanı qiymətləndirdiyinə, qoruyub saxladığına görə bir yazar, vətəndaş, ata kimi ürəkdən sevinir.
Bu günlərdə Adillə telefon söhbətimiz oldu. Dərdimiz, sərimiz, giley-güzarımız haqqında da danışdıq. Təbii ki, gündəmdə olan peşəkarlıq məsələsinə də toxunduq. “Çox təəssüf, sıralarımız seyrəlir”, - dedi Adil Əliyev. “Ciddi jurnalistika ortadan yox olur, peşəkarlar yetişmir, qeybət, şou jurnalistikası meydanı alıb əlinə. Nə yazdıqlarını, nə danışdıqlarını başa düşürük, nə hərəkətlərini, nə də vəzifələrini... Televiziya verilişlərində qeyri-etik normalar baş alıb gedir. Falçılar, baxıcılar, əqli cəhətdən xəstə insanlar kanallarda meydan qoparırlar. Qeybət proqramları, söyüş və təhqirlərlə, dava-dalaşla dolu verilişlər insanların mənəviyyatını korlayır, maarifçilik tamamilə unudulub... Peşəkarları isə axtaran yoxdur... İndi tanınmayan, xidməti bilinməyən “jurnalistlərə” evlər də verilir, təqaüdlər də, adlar da... Səviyyəsiz, peşəkarlıqdan uzaq olanlar xalq, əməkdar fəxri adlarına sahib çıxırlar. Bizlər isə o sırada yoxuq. Yenə də təəssüf, min təəssüf...”
Bu gün Adil İrşadoğlunun 100 mindən çox oxucusu var. İnternetdə 1 saytı, 2 kanalı, 12 səhifəsi, 7 bloku fəaliyyətdədir. Ən əsası isə böyük hörmətə, nüfuza malikdir. O, peşəkarlıq zirvəsinə seçdiyi yola sədaqət, xarakterindəki yorulmazlıq, məqsədyönlülük, topladığı böyük təcrübə sayəsində nail olub. Hərəkətlərində ancaq humanizmə, ədalətə, obyektivliyə söykənib. Davranışı, mədəniyyəti, sadəliyi, təvazökarlığı, insanlara diqqəti, qayğı və məhəbbəti ilə hamının rəğbətini qazanıb.
Adil İrşadoğlunu 65 illik yubileyi münasibətilə ürəkdən təbrik edir və ona dopdolu yeni uğurlu illər arzulayıram. 


İradə ƏLİYEVA.
Əməkdar jurnalist.
AZpresAZ / 20.10.2018.

ÖMÜR DEDİYİN BUDUR: 65 NƏ TEZ OLDU?

Beynəlxalq Mətbuat Mərkəzində Azərbaycan Mətbuat Şurasının təşkilatçılığı ilə Azərbaycan Jurnalistlər Birliyinin üzvü, Birinci Qarabağ müharibəsinin iştirakçısı, Qarabağ Əlillər Cəmiyyətinin fəxri üzvü Adil İrşad oğlu Əliyevin anadan olmasının 65 illik yubileyi münasibəti ilə tədbir keçirildi. Tədbirdə Azərbaycan Mətbuat Şurası idarə heyətinin və Ahıl Jurnalistlər Məclisinin üzvləri,  KİV nümayəndələri, yubilyarın tələbə yoldaşları, dostları, qohumları iştirak edirdilər. 

"Keçmişə ehtiramla, gələcəyə inamla!" layihəsi çərçivəsində təşkil olunan tədbirdə Azərbaycan Mətbuat Şurası nəzdində fəaliyyət göstərən Ahıl Jurnalistlər Məclisinin sədri Məzahir Süleymanzadə çıxış edərək, yubilyarın həyat və yaradıcılığı haqqında məlumat verdi. Azərbaycan Mətbuat Şurası İdarə heyətinin üzvü Azər Həsrət  Mətbuat Şurasının sədri, Milli Məclisin deputatı Əflatun Amaşovun təbriklərini yubilyara çatdırdı. A.Həsrət Dağlıq Qarabağ müharibəsində şəhid olmuş qəhrəmanlarımızı, o cümlədən Salatın Əsgərova başda olmaqla, şəhid jurnalistlərimizi yad edərək, müharibədə 7 nəfər azərbaycanlı, 2 nəfər də rus jurnalistinin şəhid edildiyi halda, Ermənistan tərəfdən bir nəfər də olsun, jurnalistin öldürülmədiyini diqqətə çatdırdı. Bildirdi ki, bu fakt biz azərbaycanlıların heç zaman savaşa dəxli olmayan insanlara güllə atmadığımıza sübutdur. Biz dinc insanları heç zaman hədəfə almamışıq, cəbhədən xəbər hazırlayan jurnalistlərə qarşı düşmənçilik etməmişik. Azər Həsrət Adil İrşadoğlu kimi bir jurnalisti tanımaqdan şərəf duyduğunu vurğulayaraq, onun yeni nəslə, gənc jurnalistlərə mükəmməl bir örnək, yol göstərən bir mayak olduğunu diqqətə çatdırdi. 

Məzahir Süleymanzadə A.İrşadoğluna Mətbuat Şurasının xüsusi diplomunu, Ahıl Jurnalistlər Məclisinin xatirə hədiyyəsi olaraq, “Qızıl qələm”  təqdim etdi. 
Bakı Dövlət Universitetinin jurnalistika fakültəsinindən unudulmaz müəllimlərimiz Nəsir Əhmədlinin və Akif Rüstəmovun çıxışları biz tələbə yoldaşlarını o illərə apardı... Fakültədə təşkil edilən tədbirlərdə Adilin tarı sinəsinə basıb ruhumuzun gedə bildiyi məkana apardığını xatırlatdılar...

Yubilyarın dayısı, tələbəliyimiz müddətində müəllim yox, əsil dost, yaxın insan münasibətini bizdən əsirgəməyən  Akif Rüstəmov Adilin universitetə girdiyi illərdən başlamış, tələbəliyi bitirənəcən başına gələn maraqlı əhvalatlardan danışdı. Adilin tələbə yoldaşları və dostları Mustafa Çəmənli, Adil Cəmil, Üzeyir Cəfərov, Orxan Zakiroğlu, Tahir Aydınoğlu, İbrahim Mehdi, Şəmsiyyə Kərimova və başqaları çıxış edərək yubilyarın həyat və yaradıcılıq yolundan söz açdılar.

✔Böyük inamla demək olar ki, Adil İrşadoğlu o jurnalistlərdəndir ki, “qələmini süngüyə çevirib” ifadəsi məhz onun boyuna biçilib... 

✔Çünki Adil müharibənin qızğın vaxtında ön cəbhədə olmağı, isti yataqdansa, səngərdə gecələməyi üstün tutan jurnalist olub...

✔Adil iki körpəsini gözü yolda qoyub millətə daha dolğun və operativ xəbərlər çatdırmaq üçün gecəsini gündüzünə qatıb ön cəbhə həyatını seçən, hətta bir neçə dəfə mühasirəyə düşən jurnalist olub...

✔Adil torpağına möhkəm tellərlə bağlanan ziyalı bir ailənin yetişdirdiyi jurnalist olub və yenə fəaliyyətdədir...

Məlumat üçün bildirək ki, Birinci Qarabağ müharibəsinin iştirakçısı, Qarabağ Əlillər Cəmiyyətinin fəxri üzvü Adil İrşad oğlu Əliyev həm də Üzeyir Hacıbəyov adına Ağdam şəhər Orta İxtisas Musiqi Məktəbini tar ixtisası üzrə bitirib. S.M.Kirov adına Qırmızı Əmək Bayrağı ordenli Azərbaycan Dövlət Universitetinin (indiki Bakı Dövlət Universiteti) jurnalistika fakültəsinin məzunu Adil İrşadoğlu Azərbaycan Kommunist Partiyası Mərkəzi Komitəsinin göndərişinə əsasən, 1977--1997-ci illərdə Dövlət Televiziya və Radio Verilişləri Komitəsində kiçik redaktor, böyük redaktor və şöbə müdiri vəzifələrində işləyib.

 Adil İrşadoğlu Dağlıq Qarabağdan azərbaycanlıların sıxışdırılıb çıxarılmasının qarşısını almaq üçün 1989-cu ildə Şuşa şəhərinin teleötürücü stansiyasının nəzdində kiçik studiyanın yaradılmasında və erməni daşnaqlarına qarşı əks təbliğatın aparılmasında yaxından iştirak edib. Həmçinin, dövlət televiziyasının hərbi vətənpərvərlik verilişləri baş redaksiyasının təşkil olunmasında və fəaliyyət göstərməsində əlindən gələni əsirgəmyib. Teleradio Verilişləri Komitəsində işlədiyi müddətdə 3000-dən çox veriliş hazırlayıb xalqa təqdim edib. 1988-ci ildən bugünədək Qarabağla bağlı hadisələrdə yaxından iştirak edib.

Adil İrşadoğlu Dövlət Televiziya və Radio Verilişləri Şirkətində fəaliyyətinin son illərində cəbhə bölgələrindən, ön mövqedən canlı verilişlər hazırlayıb xalqımıza göstərməyi vətəndaşlıq borcu bilib. Teleşirkətin 1-ci Qarabağ Müharibəsi arxivinin yaradılmasında yaxından iştirak edib.

Teleşirkətdə işlədiyi zaman müxtəlif qəzet və jurnallarda maraqlı yazıları ilə çıxış edib. Sonralar "Yeni dünya" qəzetinin baş redaktorunun birinci müavini, "De Fakto" qəzetinin yaradıcısı və ilk baş redaktoru, "Çempion"adlı həftəlik idman qəzetinin baş məsləhətçisi, "Sara - ekspress" qəzetinin məsul katibi, "Olaylar" qəzetinin baş direktoru, "Şans" qəzetinin baş direktoru, "Novıy mir" qəzetinin redaktoru, Qarabağ Əlillər Cəmiyyətinin orqanı olan "Əlillər" qəzetinin məsul redaktoru, Qarabağ Azadlıq Təşkilatının orqanı olan "Azad Qarabağ" qəzetinin məsul redaktoru və Azərbaycan İdman Jurnalistləri Assosiasiyasının vitse - prezidenti olmuşdur. Qarabağ Əlillər Cəmiyyətinin fəxri üzvü, Jurnalist - Müharibə Veteranları Assosiasiyası sədrinin birinci müavinidir.

Tədbirin sonunda Adil İrşadoğlu göstərilən qayğı və diqqətə görə Azərbaycan Mətbuat Şurasına, Ahıl Jurnalistlər Məclisinə minnətdarlığını bildirdi.

Adilin internetdəki və sosial şəbəkədəki fəaliyyətinə nəzər salmaq yetər ki, İrşadoğlunun fəaliyyəti ilə yaxından və əhatəli tanş olasan. Tələbə dostuma can sağlığı arzulamaqla bərabər “yaşadığımız ömür budurmu? 65 nə tez gəldi?” - deyirəm... Onun Qarabağ həsrətinin tezliklə bitməsi diləyilə tədbir düşüncələrini yazdı :



Zərifə BƏŞİRQIZI,
“Xalq qəzeti”

 26 Oktyabr 2018 13:57 - CƏMİYYƏT

YA QARABAĞ, YA ÖLÜM, BAŞQA YOLU YOX ARTIQ

Miri Yusif ft. Alim Qasımov, "Natiq" ritm qrupu - Ya Qarabağ Ya Ölüm !

DÜNYA DUYSUN SƏSİMİ !

DAXİL OL : IRSHAD TV

                              Jurnalist Adil İrşadoğlu (Əliyev)

3) MÖHTƏRƏM DOSTLAR, MƏNİMLƏ TƏMASDA QALIN ! ©

DAXİL OLUN VƏ SAĞLIQLA İZLƏYİN : 

http://www.azpress.az/index.php?lang=az&sectionid=news&id=84144

https://adilirshadoglu.blogspot.com/2018/10/insan-mrd-olsun-grk.html

2) MÖHTƏRƏM DOSTLAR, MƏNİMLƏ TƏMASDA QALIN ! ©

SAĞLIQLA İZLƏYİN :  http://adilirshadoglu.blogspot.com/

1) MÖHTƏRƏM DOSTLAR, MƏNİMLƏ TƏMASDA QALIN ! ©

SİZƏ ÇOX MARAQLI VİDEOLARIMI TƏQDİM EDƏCƏM... ©

https://www.facebook.com/A.Irshadoglu.RealistAdil/videos/vl.439382313474305/322193571894189/?type=1

VƏTƏN BAĞI AL-ƏLVANDIR , YOX ÜSTÜNDƏ SARI BÜLBÜL ! ©

TANINMIŞ JURNALİST ADİL İRŞADOĞLUNUN 65 İLLİYİ MÜNASİBƏTİLƏ HAZIRLANIB. ©

https://www.facebook.com/A.Irshadoglu.RealistAdil/videos/vl.439382313474305/609240126157221/?type=1

"SƏBR ETMƏYƏN MƏQSƏDİNİ BULAMAZ" ©

FİLM TANINMIŞ JURNALİST ADİL İRŞADOĞLUNUN 65 İLLİYİ MÜNASİBƏTİLƏ HAZIRLANIB. ©

https://www.facebook.com/A.Irshadoglu.RealistAdil/videos/vl.439382313474305/346492612770370/?type=1

İLLƏR SAÇLARIMA DÜZÜLÜB DƏN-DƏN... ©

Əziz qazilər, möhtərəm dostlar, indi sizə təqdim etdiyim bu VİDEO "Qarabağ Qaziləri" və "Vətən Müharibəsi Əlilləri" ictimai birliklərinin öz qərargahlarında keçirdikləri tədbirdə iştirak edə bilməyənlər üçün daha maraqlı olacaqdır. Sağlıqla izləyin...

https://www.facebook.com/A.Irshadoglu.RealistAdil/videos/vl.439382313474305/383251442406631/?type=1

AĞAC ƏKƏCƏKDİM, BAĞ SALACAQDIM... ©

Möhtərəm dostlar, indi sizə təqdim etdiyim bu VİDEO Azərbaycan Mətbuat Şurası və Şuranın nəzdində fəaliyyət göstərən Ahıl Jurnalistlər Məclisinin Beynəlxalq Mətbuat Mərkəzində keçirdikləri mərasimdə iştirak edə bilməyənlər üçün daha maraqlı olacaqdır. Sağlıqla izləyin...

https://www.facebook.com/A.Irshadoglu.RealistAdil/videos/vl.439382313474305/2032937430153004/?type=1

PAYLAŞAQ... MUSİQİNİN MÜŞAYİƏTİLƏ SƏNƏDLİ FİLM.

"GƏLİN QARABAĞA BİRLİKDƏ GEDƏK" ©

FİLM TANINMIŞ JURNALİST ADİL İRŞADOĞLUNUN 65 İLLİYİ MÜNASİBƏTİLƏ HAZIRLANIB. ©

https://www.facebook.com/A.Irshadoglu.RealistAdil/videos/vl.439382313474305/555621531529671/?type=1

"VƏTƏNİM AZƏRBAYCAN" SİLSİLƏSİNDƏN №1

Adil İrşadoğlu / Azərbaycan tarixi. Bütöv Azərbaycanı beləcə parçaladılar...
https://www.facebook.com/A.Irshadoglu.RealistAdil/videos/1156090694564634/

"BƏSDİR DƏ BU CAMAATI ÇƏRLƏTDİNİZ..."

Aqil Məhəmməd oğlu Abbasov

Azərbaycan Milli Məclisinin deputatı

Beş manat itirəndə, ya maşınınızın farası qırılanda, ya ürəyiniz istəməyən toya gedib yüz manat pul yazdıranda bir ay deyinirsiniz. Camaatın varı-dövləti gedib, topdağıtmaz evləri yandırılıb. O villalar yandırılıb ki, Bakıda və digər rayonlarda onu hələ indi-indi tikməyə başlayıblar. Bunlar hamısı cəhənnəm, boş şeydi. Var-dövlət də qazanıla bilər, villa da tikilə bilər, topdağıtmaz evi yenidən qurmaq olar. Amma doğulduğun torpağı, ilk dəfə iməklədiyin, hətta yediyin və qəribə bir dadı olan torpağı itirmək, əzizlərinin yatdığı qəbiristanlıqları itirmək - bu dəhşətdi. Bu dəhşəti bir Ermənistandan qaçqın düşənlər, bir də qarabağlılar yaxşı bilir. Ay bizə lağ eləyənlər, heç bilirmisiniz ki, Qarabağdan kənarda basdırılan qarabağlılar əmanət basdırılır, hətta xristianlar kimi tabutda basdırılırlar, haçansa Qarabağ azad olunanda aparsınlar əzizlərinin yanında dəfn eləsinlər, öz əzizlərinə qovuşsunlar. Tanrı heç kimə qismət etməsin bunu.

Sözgəlişi, bu gün Bakıda və digər bölgələrdə tikilən villalalardan da daha yaraşıqlı bir villanı ana babam 1957-ci ildə Ağdamda tikdirmişdi. İstəyirsiniz, ünvanı da deyim: Bünyad Sərdarov küçəsi 10.

20 minə yaxın şəhid vermişik, statistikanın rəqəmlərində çox qəribədir ki, bu rəqəm təxminən 13 min göstərilir. Bəs, evlərində, həyətlərində, küçədə erməni bombardmanından ölənlər kim sayılır? Bəs, taleyi məlum olmayan girov götürülənlər (təxminən 4 min nəfər), itkin düşənlər kim sayılır ? Nə isə, bu ayrı bir mövzudu.

Şəhid. Bu bir ailənin oğludu, bir ailənin kürəkənidi, bir bacının qardaşıdı, bir atanın oğludu, bir ananın oğludu, bir nəslin övladıdı. Qarabağda şəhid olanların təxminən 70 faizi qarabağlılardı. Qarabağda elə bir nəsil tapmazsınız ki, onun şəhidi yoxdu! Şuşanın 15 min əhalisi vardı, şəhidlərinin sayı əhalisi Şuşa əhalisindən 10-20 dəfə böyük rayonların şəhidlərinin sayından bir neçə dəfə artıqdı. Eləcə də olsun Kəlbəcər, Laçın, Qubadlı, Xocalı, Xocavənd. Mən heç bura Ağdamla Füzulini salmıram. Söhbət ondan gedir ki, bu qarabağlıların Xankəndi ilə müharibəsi deyildi. Bu, Ermənistanla, Rusiya ilə, Ermənistanın arxasında duran dövlətlərlə müharibə idi. Və bu savaşda Qarabağa Azərbaycanın başqa bölgələrindən gəlib qeyrətlə savaşan, şəhid və qazi olanların önündə də baş əyirəm. Amma söhbət ondan gedir ki, bir daha təkrar edirəm, şəhidlərin 70, bəlkə də 80 faizi qarabağlılardı.

Azərbaycanda ilk şəhid iki ağdamlı gənc - Əli və Bəxtiyardı. İnşallah, Cıdır düzündə Azərbaycan bayrağı qaldırılan vaxt, Qarabağ azad olunan vaxt da son şəhidimiz bizlər olacağıq.

Şəhidlərimizin

Çiyninə qalxaraq yüksəliyoruz

Vaxtımız yox,

Onları basdırmağa!

İnşallah, o günü görəcəyəm.

Bu yazını niyə yazdım? Xeyli vaxtdı bir məsələ məni həm çərlədir, həm üzür, həm də bərk narahat edir.

Nədir bu məsələ?

Görkəmli şəxsiyyətimiz, bütün jurnalistlərimizin ustadı Şirməmməd Hüseynov hər hansı bir tədbir olur-olmasın orda mütləq Həsən bəy Zərdabinin bir məqaləsini misal çəkir. Sonra da qəzetlər, saytlar, sosial şəbəkələr Şirməmməd müəllimin çəkdiyi bu misalı elə ürəklə paylaşır, elə şərhlər yazırlar ki, oxuyanda adama elə gəlir ki, Azərbaycan xalqının düşmənləri heç də ermənilər deyil, qarabağlılar, daha doğrusu, Qarabağ bəyləridi.

Nədir məsələ?

Zərdabi yazıb ki, gedir Şuşaya, istəyir Qarabağ bəylərindən bir yardım alsın və «Hop-hopnamə»ni çap etsin. Erməni qadınları yığışıb pul qoyub «Hop-hopnamə»ni çap etdirirlər, hətta həmin vaxt bir erməni də gətirir 980 publ yardım yığanlara pul verir ki, bu pulu İsa bulaqdan su daşımaqla qazanmışam, istəyirəm erməni uşaqları təhsil görsünlər. Amma Qarabağ bəylərinin Həsən bəy Zərdabiyə verdikləri qonaqlıqların xərci bir yox, iyirmi «Hop-hopnamə»ni çap etdirməyə çatsa da, kitabın çapına pul vermirlər.

Bilmirəm bunu Həsən bəy Zərdabi niyə yazıb, bu nə qədər doğrudu? Və təbii ki, Həsən bəy Zərdabinin yazdığı «Quran» ayələri deyil, ustad yazıb də. Gərək ustad da deyəydi ki, qardaş, o qoyunu kəsməyin, onun puluyla gedim Sabirin kitabını çap etdirməyə.

Ola bilər ki, Zərdabinin yazdığı həqiqətdi. Bu gün XXI əsrdi, hələ də bu millətdə Sabiri qəbul etməyənlər var, Sabirə həqarət edənlər var, söyənlər var, onu Allahsız, dinsiz, imansız adlandıranlar var. Zaman-zaman mətbuatda belə yazıları oxuyursuz. İndi fikirləşin, bir əsrdən də bir az çox əvvəli. Ola bilər ki, Zərdabinin üz tutduğu bəylər də XXI əsrdə düşünənlər kimi düşünüb. Nə isə, bunu qoyaq bir kənara.

Qarabağlıları, yuxarıda hansı dərdləri çəkdiklərini yazdığım, hansı ağrıları yaşadıqlarını yazdığım qarabağlıları bu qədər türklər demiş, aşağılamaq, alçaltmaq görəsən, kimlərə lazımdı? Bunları mətbuata çıxarıb onsuz da üstlərində göz yaşlarından başqa, içlərində ağrı-acılardan başqa heç nəyi olmayan bu camaatı niyə çərlədirsiz?

Doğrudanmı Qarabağ bəyləri belə nanəcib insanlar olublar? Qarabağ bəylərini xəsislikdə ittiham edənlərə çox yox, bir neçə misal örnək gətirəcəm.

Bəy böyük tituldu. Nə bilim, ruslar buna qraf deyir, knyaz deyir, ingilislər lord, milord deyir, ümumiyyətlə, Avropada baron, markiz deyirlər, yəni əsilazadələr.

Təbii ki, Qarabağ bəyləri də əsilzadələr idi. Ən aşağısı Qarabağ xanlığının əsasını qoyan, Şuşanı tikən Pənah xanın nəslindən idi. Düzdür, Qarabağda Səfəvilərin və Qacarların nəslindən olan bəylər də vardı.

Xan qızı Natəvan, yadımdan çıxıb, deyəsən təxminən 17 kilometrdən öz şəxsi vəsaiti hesabına Şuşaya saxsı borularda su çəkdirmişdi. Su çəkilərkən bəzən sərt qayalıqlar çıxırdı qarşılarına. Xan qızı həmin qayalıqlar çıxan vaxt hər metrəyə fəhlələr üçün bir qızıl onluq qoyurdu ki, çapın bu qayaları. İki tərəfdən Şuşaya su gətirmişdi. Bütün var-dövlətini xeyriyyə işlərinə xərcləyirdi, şairlərə, sənət adamlarına xüsusi imtiyaz tanımışdı.

Məmməd bəy Batmanqılıncın nəvəsi Əhməd bəy Cavanşir Ağdamla Ağcabədinin arasındakı kəndlərə kəhriz vurdurmuşdu ki, kasıb camaatın məhsulu yanmasın. Məktəblər açmışdı və hətta özü kasıb balalarına dərs deyirdi ki, millət təhsil alsın. Aclıq illərində öz taxılını pulsuz-parasız camaata dağıdırdı ki, xalq aclıq çəkməsin. (Əhməd bəyin qəribə bir rəvayətini yaxın nömrələrdə yazaram).

Əhməd bəyin qızı Həmidə bəy (bəli, xalq ona xanım demirdi, hünərinə, cəsarətinə, mərdliyinə görə bəy deyirdi) Qarabağda yoluxucu xəstəlik yayılanda eşi Mirzə Cəlillə birlikdə kəndbəkənd düşüb bəlkə minlərlə adamı öz vəsaiti hesabına peyvənd edirdi. Həmin vaxt yalnız Zeynalabdin Tağıyev kömək üçün Həmidə bəyə müəyyən qədər pul göndərmişdi. Həmidə bəy Səttar xan hərəkatına maddi yardım eləmişdi.

«Qeyrət» mətbəəsini alıb Mirzə Cəlilə bağışlamışdı ki, «Molla Nəsrəddin» , (özü də bu gün bizim üçün az qala müqəddəs bir kitaba çevrilmiş) jurnalını nəşr etdirib bu millətin ağrılarını bütün Şərqə çatdıra bilsin.

Deyə bilərsiniz ki, bunu eşinin (ərini yazmıram, bu sözü xoşlamıram, elə eşi gözəldi, yəni özünün bir parçası) Mirzə Cəlilin xətrinə eləmişdi. Elə deyil, o, bunu Azərbaycan xalqının xətrinə eləmişdi.

Sabir xəstələnəndə ona ilk yardımı da Həmidə bəy eləmişdi. Nəinki yardım eləmişdi, hətta onu öz evinə gətirmiş və uzun müddət Mirzə Cəlillə birgə sağlamlığı ilə məşğul olmuşdu. İndi Həmidə bəy eşitsəydi ki, «Hop-hopnamə»nin nəşri ilə bağlı pul lazımdı, o pulu artıqlaması ilə Zərdabiyə göndərməzdimi?! Sabir Həmidə bəy haqqında demişdi ki, mən belə bir mərd, qeyrətli, kişi xasiyyətli xanım görməmişəm.

Yoxsa indiki bəylər kimi həmin pula villa tikdirərdi, birini Bayatda, birini Kəhrizlidə, birini Şuşada, birini Parisdə, birini Karlovı Varıda və sair və ilaxır. Həmidə bəydən çox yazmıram, imkanınız varsa Mehriban Vəzirin çox böyük çətinliklə üzə çıxarıb nəşr etdirdiyi «Xatirələrim» kitabını oxuyun.

Kərim bəy Cavanşir (Bayat bəylərbəyi) öz vəsaiti hesabına Qarabağda xəstəxanalar tikdirirdi, məktəblər tikdirirdi.

İsmayıl bəy Qarabağ atlarının nəslinin kəsilməməsi üçün Ağdamda Atçılıq zavodu tikdirib.

Qasım bəy Zakir bütün var-dövlətini kasıb-kusuba paylayırdı.

Bədəlbəylilər Şuşada, Ağdamda, Ağcabədidə məktəblər tikirdilər, teatr açırdılar. Hətta Bakıda ilk məktəbi də onlar açıb.

Qarabağ bəyləri Şuşada bu günki universitet təhsili verə biləcək Realnıy məktəblər açırdılar ki, kasıb-kusubun, yetim-yesirin uşağı gəlib oxusun.

Qarabağ bəyi Firudin bəy Köçərli öz vəsaiti hesabına Qazaxda Qori seminariyasının filialını açmışdı.

Şərqdə ilk operanı yazan və bu gün Azərbaycanı dünyada tanıdan Üzeyir Hacıbəyov Qarabağ bəyi idi.

Qarabağ bəylərinin sonuncu mogikanlarından olan Seyid Şuşinskinin nə qədər gənci oxutmasından, nə qədər insanlara xeyirxahlıq göstərməsindən xəbəriniz yoxdusa, günah məndə deyil.

Fikrət Əmirov Qarabağ bəyinin oğlu idi.

Fərhad Bədəlbəyli Qarabağ bəyinin nəvəsidi.

Day bəsdi. Yoxsa, gərək bütün qəzeti doldurum.

Çox güman ki, Zərdabi Şuşada Əbdürrəhim bəy Haqverdiyevin yazdığı «çertvyortıy sort» bəylərə rast gəlib.

İndi 25 ildi Qarabağ yoxdu, torpaq yoxdusa onun yetişdirdiyi bəylər də yoxdu. Əgər bizə mane olan Qarabağ bəyləri idisə, indi onlar da yoxdu. İndiki bəylər məsələni həll eləsin də. Vaqif Cəbrayılzadənin bir şeirində gözəl bir yer var:

Çərx başına gəlməyənləri

Çərlədin,

Çərlədin,

Öldürün!

Bəsdir də bu camaatı çərlətdiniz, gedin işinizlə məşğul olun. Gedin görün Təranə Qumralla Nazəninin davasının axırı nə təhər oldu?!

Aqil Abbas. 

Millət vəkili.

FÜZULİ MƏMMƏDOV KİMDİR ?

VƏTƏNPƏRVƏR VƏ XEYRİYYƏÇİ İNSAN

                                                     Füzuli Məmmədov

Füzuli Məmmədov 9 fevral 1963-cü ildə Naxçıvan Muxtar Respublikasının Ordubad rayonunda anadan olumuşdur.

1983-cü ildə Naxçıvandan Rusiyaya köçən F. Məmmədov, 1989-cu ildən “İnterserver” şirkətlər qrupunun rəhbəridir. Şirkətin rəsmi saytında adı Frenk Naxçıvanski kimi qeyd edilmişdir.

Rusiyada yaratdığı biznesini 2014-cü ildən, başda İtaliya olmaqla Avropaya köçürmüşdür. Rusiyadan çıxmasının səbəbi isə yaxın münasibətdə olduğu Moskva şəhər meri Yuri Lujkovun vəzifədən çıxması ilə əlaqədardır. Rusiyada və bir sıra başqa xarici ölkələrdə "Frenk Fond"u fəaliyyət göstərir.

Rusiyada hüquqşünas və iqtisadçi ali təhsili alan Füzuli Məmmədov, siyasi elmlər namizədidir. Hazırda İtaliyada, Berqamo şəhərində yaşayır, 2 övladı var.

Füzuli Məmmədov 1988-ci ildə Rusiyada azərbaycanlıların ilk ictimai təşkilatı olan “Azərbaycan Birliyi” («Единство Азербайджана») adlı təşkilatın əsasını qoymuşdur. Bu təşkilat Azərbaycanın Rusiyadakı diasporasının əsasını təşkil etdi və bununla azərbaycanlıların dünyadakı ən böyük diaspora təşkilatı yarandı. Füzuli Məmmədov
2005-ci ildə “Beynəlxalq İctimai Birliklər İttifaqı”, “Dünya Azərbaycanlıları İttifaqı” və “Ümumdünya Azərbaycan Mədəniyyət Fondu”nu yaratmış, “Avropa Azərbaycanlıları Konqresi”nin birinci vitse-prezidenti seçilmişdir.

Füzuli Məmmədov tez-tez xarici mətbuatda Ermənistanın işğalçılıq siyasəti ilə bağlı məqalələr yazır. İtaliyanın " italianinsider.it " saytında 2017-ci ilin iyul ayının 4-də Azərbaycanın Füzuli rayonunun Alxanlı kəndində Ermənistan ordusunun açdığı atəş nəticəsində həlak olan 1967-ci il təvəllüdlü sakini Səbinə Quliyeva və 2 yaşlı Zəhra Quliyeva məsələsini gündəmə gətirmişdir.

Füzuli Məmmədov 2017-ci ilin may ayında Heydər Əliyevin doğum gününün 94-cü
ildönümü münasibətilə, vətənin bütövlüyü uğrunda döyüşdə sağlamlığını itirən xüsusi təyinatlı gizirlərimiz Natiq Mehdiyev və Ülfət Həsənova, həmçinin 2017-ci ilin fevral ayının 24-dən 25-nə keçən gecə düşmən hücumunu dəf edərkən şəhid olan mayor Aqşin Abdullayevin və şəhid gizir Sənan İsayevin ailəsinə ev bağışlamışdır. 2018-ci iin yanvar ayında isə kapitan Hikmət Məmmədov və müddətdən artıq hərbi qulluqçu Emin Əliyevə ev vermişdir.

Vətənpərvər insan, Azərbaycan xalqının ləyaqətli oğlu Füzuli Məmmədov öz xeyirxah əməllərini əsirgəmir. Allah sizi hifz eyləsin dəyərli Füzuli Məmmədov. Vətənimizin say-seçmə övladlarına göstərdiyiniz diqqət və qayğınız təqdirəlayiqdir. 

Adil İrşadoğlu.
& Vətənsevərlər