İŞĞALÇINI QICIQLANDIRAN ŞOK GƏLİŞMƏ

Putin ermənilərin 1 nömrəli düşmənini Bakıya göndərir 

Azərbaycan yenidən regional proseslərin episentrində; Ermənilərin faktiki “persona non-qrata” elan elədiyi Roqozinin prezidentlərin Vyana görüşündən dərhal sonra Azərbaycana gəlişinin pərdəarxası; ziyarətin silahlarla bağlı olduğu da deyilir; sabah isə Qəbələdə Türkiyə, Azərbaycan və Gürcüstan müdafiə nazirlərinin görüşü başlayır... 
Güney Qafqaz ətrafında, o sırada Dağlıq Qarabağla bağlı gedən proseslərdə son günlər maraqlı dinamika, xeyli vaxtdır görünməyən siyasi-diplomatik və hərbi aktivlik müşahidə olunmaqdadır. Baş verənlərin ötəri təhlili göstərir ki, münaqişələrlə zəngin, Rusiyanın “həyati maraqlar zonası” elan elədiyi Cənubi Qafqaz uğrunda onun ABŞ-la, Qərblə rəqabəti daha kəskin fazaya adlayıb. İntensivləşən proseslərin episentrində isə həmişəki kimi, Azərbaycan və Qarabağ münaqişəsi durur.

Buna hazırda özünü göstərən üç mühüm gəlişmədən görmək olar. Ötən sayımızda vurğuladığımız kimi, bölgə uğrunda qlobal güclərin kəskinləşən savaşı ilk növbədə hərbi güc müstəvisində özünü göstərir. Belə ki, dünəndən etibarən NATO-nun Gürcüstanda ilk və genişmiqyaslı hərbi təlimləri başlayıb. Bu təlimlərə cavab olaraq isə Rusiya forpost Ermənistanda eyni vaxtda təlimlərə start verib.

NATO təlimləri ayın axırlınadək çəkəcək və Alyansın Gürcüstanda hərbi qüvvələr saxlaması ilə başa çatacaq. Həmin vaxt Rusiya prezidenti Vladimir Putinin Bakı və İrəvana səfər edəcəyi xəbəri yayılıb, rəsmən təsdiqlənməsə də...

Bu arada - mayın 16-da isə Vyanada, ATƏT-in Minsk Qrupuna həmsədr ölkələrin xarici siyasət idarələrinin başçılarının iştirakı ilə Azərbaycan və Ermənistan prezidentlərinin görüşəcəyi xəbəri yayılıb. 4 günlük aprel müharibəsindən sonra ilk olacaq belə yüksək səviyyəli təmasda hansısa sülh sənədinin imzalanacağı real olmasa da, belə bir görüş bölgəyə Qərbin artan diqqətini göstərir. Bu da Moskvanı bir elə məmnun edən məqam deyil. Çünki Rusiya Qarabağ məsələsində dominant rolunu itirmək fikrində deyil.   

Ən maraqlısı odur ki, Vyana görüşündən cəmi bir gün sonra, mayın 17-də Rusiya baş nazirinin müavini, ölkənin hərbi-sənaye kompleksini kurasiya edən, Putinin yaxın adamlarından sayılan Dmitri Roqozin Bakıya səfər edəcək. Bu haqda “İnterfaks-Azərbaycan” məlumatlı mənbəyə istinadən xəbər yayıb.

“Rusiya baş nazirinin müavini Azərbaycan rəhbərliyi ilə danışıqlar aparacaq. Səfər çərçivəsində Rusiya prezidenti Vladimir PutininBakıya gözlənilən səfərinə dair hazırlıq işləri müzakirə olunacaq” - mənbə qeyd edib. Məlumatlara görə, gözlənilir ki, D.Roqozin Bakıda Qarabağ münaqişəsi ətrafında yaranmış vəziyyəti də müzakirə edəcək. 

*    *    *

Xatırladaq ki, D.Roqozin eyni zamanda Rusiya-Azərbaycan hökumətlərarası komissiyasının həmsədridir, V.Putinin səlahiyyətli şəxslərindən və sözçülərindən hesab olunur. Sonuncu dəfə o, mart ayında Bakıya qəfil səfər eləmiş, Rusiyanın Azərbaycana silah satışına dair müqavilələrin yerinə yetirilməsində yaranmış problemlə bağlı danışıqlar aparmışdı. 

Ondan az sonra, Putinin də diqqətində olan problem aradan qaldırılmışdı. Mötəbər mənbələr bildirir ki, Azərbaycan Rusiyadan növbəti iri partiya silah və hərbi texnika sifariş verməyə hazırlaşır və çox güman ki, Roqozinin növbəti səfərində bu məsələ detallı müzakirə olunacaq. 

Onu da yada salaq ki, aprelin əvvəllərində Qarabağda gedən hərbi əməliyyatlar zamanı Ermənistanın Rusiyanın Azərbaycana silah satmasına etirazlarına cavab olaraq Roqozin erməni tərəfinə sərt reaksiya vermiş, hətta erməniləri aşağılamışdı. Roqozin demişdi ki, belə bəyanatlar demaqogiyadır və Bakıya silah satışı davam edəcək. “Əgər Rusiya Azərbaycana silah satmasa, onun yerini dərhal NATO ölkələri tutacaq” - o, vurğulamışdı.

Roqozinin xüsusən də 4 günlük müharibədən sonra bu kimi açıqlamalar verməsi Ermənistanda güclü qıcıq doğurmuş, hətta işğalçı ölkədə o, faktiki, “persona non qrata” elan edilmişdi. Halbuki, Roqozin həmin bəyanatları Putinin adından verirdi. Ayrı sözlə desək, ermənilər bununla əslində Rusiya prezidentinə təpki göstərmişdilər.

*    *    *

Putin indi ermənilərin 1 nömrəli düşmənini təzədən Bakıya yollayır - eyni məsələ ilə bağlı, silah ticarətini genişləndirmək üçün. Həm də elə bir dönəmdə ki, Moskva İrəvana ötən il silah almaq üçün ayırdığı 200 milyon dollarlıq kreditin verilməsini uzatmaqdadır. Şübhə yox ki, bütün bunlar Ermənistanı bir az da qəzəbləndirmiş olacaq. 

Söz düşmüşkən, srağagün Rusiya XİN rəsmisi Mariya Zaxarova Moskvada keçirdiyi ənənəvi brifinqdə Bakıya silah satmaqla bağlı sual verən erməni jurnalisti məyus edib. Zaxarova deyib ki, “Rusiyanın Azərbaycana silah satmasında hər hansı nüanslar axtarmaq lazım deyil. Rusiya digər ölkələrlə hərbi-texniki əməkdaşlığını aydın beynəlxalq hüquqi əsaslarda aparır”. Yəni erməni tərəfinin narazılığı və narahatlığı Moskvada ciddiyə alınmayacaq. Niyə? 

Belə güman eləmək olar ki, Güney Qafqazın açar ölkəsi kimi, Azərbaycan Rusiya üçün hazırda təkcə etibarlı silah alıcısı kimi yox, həmçinin, başqa aspektlərdən qat-qat böyük önəm daşıyır. Söhbət yuxarıda vurğulandığı kimi,  Qərbin, NATO-nun xeyrinə rəsmi Bakının strateji seçim edə biləcəyindən dolayı əndişədən gedir. Yəni bölgədə mübarizə əslində Azərbaycan uğrundadır. Moskva hər vəchlə çalışır ki, Azərbaycan onun siyasi-hərbi orbitindən uzaqlaşmasın və imkan düşərsə, Avrasiya layihələrinə qoşulsun...  

*** 

Maraqlıdır ki, Roqozinin səfərindən iki gün öncə Qəbələdə Azərbaycan, Türkiyə və Gürcüstan müdafiə nazirlərinin üçlü görüşü planlaşdırılır. Belə ki, müdafiə naziri, general-polkovnik Zakir Həsənovun rəsmi dəvətilə mayın 14-də Gürcüstanın müdafiə naziri Tinatin Xidaşeli və Türkiyənin milli müdafiə naziri İsmət Yılmaz Azərbaycanda rəsmi səfərə gələcəklər. 

Mayın 15-dək çəkəcək müzakirələr hərbi və hərbi-təhlükəsizlik sahəsində əməkdaşlığın bundan sonrakı perspektivlərinə həsr olunacaq. Müdafiə Nazirliyindən verilən məlumata görə, səfər çərçivəsində nazirlər arasında təkbətək və üçtərəfli formatda danışıqlar nəzərdə tutulub.

*    *    *

Göründüyü kimi, proseslərin episentrində həqiqətən də Azərbaycandır. Bunun ölkəmizə, o cümlədən Qarabağ məsələsində hansı dividentlər gətirəcəyini yəqin ki, üzümüzə gələn həftə(lər)də biləcəyik.

Sonda əlavə edək ki, bir sıra analitiklər Suriyadan əsas hərbi qüvvələrini çəkdikdən sonra Rusiyanın diqqətini Ukrayna və Güney Qafqaza yönəldəcəyini təxmin etmişdilər. Hesab edilir ki, yaxın və orta perspektivdə Rusiyanın Qərblə (ABŞ, NATO ilə) maraqlarının ən çox toqquşa biləcəyi bölgələr məhz bunlardır. 

İyulda NATO-nun növbəti sammiti keçiriləcək. Sammit ərəfəsində Qərb-Rusiya rəqabəti xüsusilə Güney Qafqaz, daha dəqiqi, Alyansa üzvlüyün 1-2 addımlığında olan Gürcüstandakı proseslər fonunda qabarıq görünür. Bölgə və ətrafında Qarabağ məsələsini də öz ağuşuna alan, hətta regionun təzədən şəkillənməsinə gətirə biləcək maraqlı proseslər başlayıb.

MUSAVAT.COM & VƏTƏNSEVƏRLƏR

BİZ QAFQAZA YARAŞIRIQ, QAFQAZ BİZƏ !

DÜŞMƏNLƏRİMİZ QAFQAZDAKI ƏMİNAMANLIĞI, ADƏT-ƏNƏNƏLƏRİ VƏ HƏRTƏRƏFLİ GÖZƏLLİYİ GÖZLƏRİ GÖTÜRMƏDİYİNƏ GÖRƏ ERMƏNİLƏRİ, BU TULLANTI, YARAMAZ TAYFANI QRDAN-BURDAN YIĞIB DOLDURDULAR QAFQAZA. QAFQAZ DA QOCA QAFQAZDI HA... DÜNYANIN HƏR ÜZÜNÜ GÖRÜB.

& VƏTƏNSEVƏRLƏR

TÜRK BİR DEV HABER MERKEZİ

BAĞIMSIZ TÜRK DEVLETLERİNDEN HABERLER...

& VƏTƏNSEVƏRLƏR

MƏN BİR TURAN YOLÇUSUYAM

Marş - Ana yurdum Tükistanı bölüb qoymuşlar...

& VƏTƏNSEVƏRLƏR

ATATÜRKƏ QARŞI TƏBLİĞAT APARANLARA ŞİRMƏMMƏD HÜSEYNOVDAN SƏRT CAVAB

«Atatürkün Azərbaycanı satdığı ilə bağlı fikrin tarixi reallıqla heç bir əlaqəsi yoxdur»

Turqut Ər : «Azərbaycanda Atatürk əleyhinə aparılan təbliğatın məqsədi Azərbaycanla Türkiyənin arasını vurmaqdır»

Son zamanlar bəzi saytların, qəzetlərin, telekanalların anti-Türkiyə təbliğatı aparması təsadüfi qiymətləndirilmir. Ekspertlərin fikrincə, burada konkret məqsəd var. O da Türkiyə ilə Azərbaycanın əlaqələrinə xələl gətirməkdir.

Türkiyənin Azərbaycandakı səfirliyinin keçmiş mətbuat müşaviri, “Azadlıqdan Tiranlığa” kitabının müəllifi Turqut Ər də Azərbaycanda antitürk təbliğatının getməsindən narahatdır. Sabiq diplomat qəzetimizə açıqlamasında bildirib ki, Azərbaycanda xüsusən də bir neçə tezis, tarixi həqiqətləri təhrif etməklə Türkiyə, Atatürk əleyhinə təbliğat vasitəsinə çevrilib: “Azərbaycan azadlığa qovuşduqdan sonra Türkiyə ilə qardaşlıq əlaqələri sıxlaşdıqca, Rusiyadan Bakının əlaqələri soyuduqca, Azərbaycanda Türkiyəyə qarşı iddialar baş qaldırmağa başladı. Burada əsas kimi Atatürklə Rusiya arasında imzalanan sazişlər göstərilir. Nəticədə bəziləri “iynəylə gor qazmağa başladılar” və bununla Azərbaycanla Türkiyənin arası vurulmağa çalışılır. Bir müddətdir təbliğat gedir ki, Atatürk Azərbaycanı Leninə satıb. Guya ruslar Atatürkə pul verib, istiqlal müharibəsinə maliyyə dəstəyi edib, bunun qarşılığında da Atatürk Qırmızı Ordunun Azərbaycanı işğal etməsinə göz yumub”.

T.Ərin fikrincə, bu tezisləri hər il gündəmə gətirənlər Azərbaycanda və Qafqazdakı kommunizmi hələ də beynindən, ürəyindən, qanından təmizləməmiş olanlardır. T.Ərin sözlərinə görə, Türkiyə ilə Azərbaycanın qurduğu və daha da inkişaf edəcək güclü birliyi zərbə vurmaq istəyənlərdir. T.Ər ortaya atılan bu kimi iddiaların heç birinin həqiqəti əks etdirmdəyini, dəfələrlə təkzib olunsa da, yenə bilərəkdən gündəmə gətirildiyini söyləyib.

Araşdırmaçı Şirməmməd Hüseynov bildirdi ki, Atatürk əleyhinə səslənən və tarixi reallıqla heç bir əlaqəsi olmayan ittihamlara cavab verməyə dəyməz: “Atatürk əleyhinə fikir səsləndirənlər Jirinovskinin yolunu gedirlər. Onlar istəyirlər ki, səslənən fikirlər mediada dərc olunsun və onlar populyarlıq əldə etsinlər. Tarix yanlış təbliğ olunur. Tarixin yiyəsi yoxdur. Tarixin yiyəsi olsa o düzgün təbliğ olunar və orta məktəblərdə də düzgün keçilər. Və bu cür siyasətin də nəticəsində heç kimi ağlına gəlməz ki, desin ki, Atatürk Azərbaycanı satıb. Bu sarsaq bir fikirdir. Bu fikrin tarixi reallıqla heç bir əlaqəsi yoxdur”.

AZADLİG.İNFO & VƏTƏNSEVƏRLƏR 

RƏSUL QULİYEV İCTİMAİ-SİYASİ ARENADA GƏRGİNLİK YARADIB

Eks-spikerə qarşı çıxanların sayı artır 
Tarix: 11-05-2016

Son günlər Qarabağ ətrafında baş verən hadisələr ictimai-siyasi arenada da ciddi müzakirələrə səbəb olub. Eks-spiker Rəsul Quliyev isə Qarabağ cəbhəsində baş verənləri dəyərləndirərkən fərqli fikirlər səsləndirib. O, aprelin əvvəlində baş verənləri Azərbaycan tərəfi üçün uğursuzluq kimi dəyərləndirib.

Eks-spikerin bu fikirləri ictimai-siyasi arenada etirazla qarşılanıb. Ehtiyatda olan polkovnik-leytenant, hərbi ekspert Üzeyir Cəfərov "Reytinq"ə deyib ki, Rəsul Quliyevin ordu ilə bağlı dedikləri qəbuledilməzdir.

Hərbi ekspert bildirib ki, indiki həssas məqamda, Qarabağda hər an başlaya biləcək Vətən savaşı öncəsi çox üzücü hallarla rastlaşanda susmaq yolverilməzdir və bəlkə də mənəviyyatsızlıqdır.

Ü.Cəfərovun sözlərinə görə, Amerikada mühacir həyatı yaşayan R.Quliyevin ötən ayın əvvəlində cəbhə xəttində baş verən hərbi əməliyyatlara bağlı səsləndirdiyi fikirlər təəccüb doğurur: "Görünən odur ki, hörmətli Rəsul müəllimin düşüncəsində Azərbaycan Silahlı Qüvvələri hələ də 90-cı illərin əvvəllərində gördüyü və təsəvvür etdiyi qüvvələr kimi qalıb. Belə olmasaydı, o, heç vaxt qeyri-ciddi fikirlər səsləndirməzdi. On illərdir okeanın o tərəfində oturub, Silahlı Qüvvələrimizin hazırki vəziyyətindən dərindən məlumatı olmaya-olmaya belə fikirlər səsləndirmək, ən azından öz əsgər və zabitinə sayğısızlıqdır.

Mən onu da yaxşı başa düşürəm ki, adətən rəqiblərinlə, elə iqtidarla siyasi mübarizə meydanında belə fikirlər, tənqidlər haradasa işlədilir. Amma, bədnam qonşularımız və onların məkrli havadarları ilə üz-üzə duran ordunun döyüş ruhuna azca da olsa təsir edə biləcək fikir səsləndirməyi düzgün saymıram və bunu böyük haqsızlıq hesab edirəm".

Hərbi ekspert qeyd edib ki, məsələnin siyasi tərəfinə əsla toxunmaq istəmir və bu işdə mənəvi amil son dərəcə önəmlidir: "Rəsul Quliyev deyir ki, "Azərbaycanda texnikanı idarə edəcək talantlı hərbçilər azdır". Onda sual olunur ki, bəs bu gün Silahlı Qüvvələrin minlərlə döyüş texnikasını - tankını, piyadaların döyüş maşınını, artileriya qurğularını idarə edən, ondan düşmən mövqelərinə atəş açan hərbçilər kimlərdir?

Bildiyim qədər, başqa millətdən və ya ölkədən bir nəfər də olsun hərbçi yoxdur bizim döyüş texnikamızın sükanı arxasında. Özü də onların hər biri maşallah olsun ki, onlara təhkim olunmuş döyüş texnikasının sirlərini mükəmməl bilir və istifadəsini də gözəl bacarır. Əgər hörmətli sabiq spiker bilmirsə ki, aprelin əvvəllərində Azərbaycan Ordusu düşmənə qarşı heç bir əməliyyat aparmayıb və sadəcə olaraq, düşmənin həmləsini dəf edib və bu zaman cüzi qüvvəsindən yararlanıb, onda Rəsul Quliyevin işlətdiyi fikirlərə çox təəssüflənirəm. İnşallah, yaxın günlərdə ordumuzun nəyə qadir olduğunu görəndən sonra mən çox istərdim ki, Rəsul müəllim öz fikirlərini bildirsin.

Silahlı Qüvvələrimiz cəngavər kimi hər bir silah-sursata malikdir və döyüş əzmi, ruhu da çox yüksəkdir. Mənim bildiyim və hiss etdiyim bir məqam var ki, bəzi keçmiş və hazırki siyasi-hərbi elitadan olan şəxslər sanki Azərbaycanın, Silahlı Qüvvələrin uğursuzluğunu elə bil arzulayırlarmış kimi görünürlər. Bu isə ən azından əxlaqsızlıq və mənaviyyatsızlıqdır".

Politoloq Zəlimxan Məmmədli isə deyib ki, Rəsul Quliyev Azərbaycan siyasi tarixində özünəməxsus rolu olan, mürəkkəb oyunlarda iştirak etmiş, parlamentin sədri kimi mühüm vəzifə daşımış bir şəxsdir. Onun sözlərinə görə, 1993-cü ildəki hərbi qiyamda və hakimiyyətin ötürülməsində R.Quliyevin özünəməxsus rolu olub:

"O, etiraf edir ki, dəqiq imnformasiyası yoxdur. Bu olmadığı halda obyektiv təhlil imkanları da mümkün deyil. Odur ki, subyektivliklərlə zəngin yanaşmadır.

2 apreldən başlayan prosesi Azərbaycan xalqının, Milli Ordumuzun, siyasi sistemimizin - anormallıqlarla zəngin olmasına baxmayaraq - uğuru kimi dəyərləndirirəm. Sonrakı dönəmdə isə zəif diplomatiyamızın hərbi uğuru siyasi uğura çevirə bilmədiyini müşahidə edirəm.

Son 200 illik tarixdən dərs almalıyıq. Almasaq, yenidən millətin qaymaqlarının "dənlənilməsi”nə qədər mənfiliklər yaşaya bilərik. Mövcud Azərbaycan hakimiyyəti zahirən monolit görünsə də, siyasi idarəçilikdə müxtəlif təmayüllər sezilir. Rusiyanın "dirijor çubuğu" ilə idarə olunan təfəkkürün də siyasi qərarlar vermək imkanlarının mövcudluğu dövrü mətbuatda zaman-zaman ciddiliyi ilə arqumentləşdirilib. İndi də, şübhəsiz ki, bolşevik təfəkkürü başqa bir adda və qiyafədə fəaliyyətdədir. Yəqin ki, əliyehdərlər də, nərimanovlar da yetişdirilir. Bu, tarixdə gördüyümüz acı reallıqlardır. Hansı ki, bu oyunlarla Azərbaycan əraziləri əvvəl Güney və Quzeyə bölünüb, Şimali Azərbaycan ərazisinin əhəmiyyətli hissəsi işğaldadır. Ərazilərimiz 86 min kv km-ə qədər kiçildilmişdir. Güneyli-quzeyli milyona qədər millət fədailəri məhv edilmişdir. Bu gün zaman və insanlar, o cümlədən şərtlər, fikrimcə, Azərbaycanın xeyrinə dəyişməkdədir. Bu şans düzgün dəyərləndirilməlidir".

Z.Məmmədli hesab edir ki, biz mübarizəyə, müharibəyə hazır olmasaq, bu və ya digər psixoloji diversiyaların təsirinə düşsək, mütləq uduzacağıq. "Biz əminik ki, güclü ordumuz, güclü müttəfiqlərimiz, ruhlu xalqımız var. Bu vəhdət 100 ildə nadir hallarda olur. Bu gün bu birlik və psixoloji üstünlük pik həddindədir. İndi tərəddüdlərə aludə olsaq, bu vəhdəti zədələyə və uduza bilərik. Uduzmaq haqqımız isə yoxdur.

Rusiya demokratikləşmədikcə qan qoxuyur. 20 yanvar, Xocalı soyqırımları, erməninin himayədarı olmağı əsas verir ki, Azərbaycan öz düşməninin adını uca səslə söyləsin və dünyanın əhəmiyyətli hissəsinin dəstəyini qazanaraq müstəqilliyinin geriyədönməzliyini təmin etsin", - deyə müsahibimiz fikrini tamamlayıb.

ADP sədrinin müavini Taliyyət Əliyev isə məsələyə fərdi prizmadan yanaşmayıb. O, hesab edir ki, Azərbaycan Ordusunun gücünə kölgə salan və Azərbaycanın rus-erməni birliyi qarşısında aciz durumda olduğu barədə təbliğat aparanlara qarşı sərt mövqe ifadə edib. Onun sözlərinə görə, bu, düşmənlərimizin bizə qarşı apardığı ideoloji müharibənin tərkib hissəsidir və həmin şəxslər də həmin ideoloji müharibənin alətləridir: "Onlara qarşı da çox sərt şəkildə mübarizə aparılmalıdır. Hesab edirəm ki, bu, son aprel döyüşlərindən sonra cəmiyyətimiz tərəfindən nümayiş olunan yüksək vətənpərvərlik və döyüş əhval-ruhiyyəsindən qaynaqlanır. Görünür düşmənlərimiz bizim döyüş ruhumuzdan qorxuya düşüblər. Çünki müharibədə əsas döyüş ruhudur. Düşmənlərimiz bizim döyüş əhval-ruhiyyəmizi sındırmaq üçün artıq bu cür ideoloji müharibəyə əl atır. Necə ki, zaman-zaman belə olub. Qarabağ döyüşlərinin iştirakçısı kimi deyə bilərəm ki, bu cür medotlardan 92-ci illərdə də düşmənlərimiz istifadə edirdi. O zaman da əsgərlərimizin döyüş əhval-ruhiyyəsini aşağı salmaq üçün "qabağa getmə, özümüzünkülər səni arxadan vuracaq",- deyə söz-söhbət gəzirdi. Bu, əslində düşmənin bizim içimizdə apardığı ideoloji müharibə idi. Bu, dünya praktikasında sınaqdan çıxarılmış bir üsuldur. Bir millətə və dövlətə güc yolu ilə qalib gələ bilməyənlər, ona qarşı ideoloji müharibə aparır, bəzən bu müharibədə də istədiklərinə nail olurlar. Ona görə də cəmiyyətdə bu cür təbliğat aparanlara qarşı qanuna müvafiq qaydada çox sərt tədbirlər görülməlidir.

İkincisi, Azərbaycan rus-erməni birliyi qarşısında artıq tək deyil, Türk və İslam dünyası ayılıb. Son hadisələrdə Türkiyənin, Pakistanın, İranın mövqeləri də buna sübutdur. Əksər İslam dövlətləri bu münaqişədə Azərbaycanın yanındadır. Bu gün dini şəxsiyyətlərdən biri "Cihad Qarabağdadır!" deyə fətva versə, bir Çeçenistanla bacarmayan Rusiya onda neyləyəcək? Yəqin ki, Rusiya da bunun fərqindədir. Ermənilərin axmaq fikirlərinə görə bütün İslam dünyası ilə üz-üzə gəlməz. Onda Rusiya bir dövlət olaraq tarix səhnəsindən silinər".

ADP yetkilisi onu da nəzərə çatdırıb ki, Dağlıq Qarabağ və ətraf rayonlar təkcə erməni qüvvələri tərəfindən deyil, rus-erməni hərbi birləşmələri tərəfindən işğal olunub. Onun fikrincə, bu problemin bu günə qədər həll olunmasının qarşısında duran əsas maneə Rusiyadır: "Bunu açıq şəkildə deməliyik. Rusiya postsovet məkanında özünün imperiya maraqlarını həyata keçirmək üçün bu cür iyrənc metodlardan istifadə edib və edir. Bu gün biz bu iyrənc siyasəti təkcə Azərbaycanda deyil, o cümlədən Gürcüstanda, Moldovada və son olaraq Ukraynada Rusiyanın separatçı və işğalçılıq hərəkətlərində görürük. Lakin, bu heç də o demək deyil ki, bizim qarşımızda Rusiya var deyə, əl-qolumuzu sallayıb oturmalıyıq. Azərbaycanımızın ərazi bötövlüyü və suverenliyi uğrunda savaş bir an belə dayanmamalıdır. Dağlıq Qarabağ məsələsində haqq-ədalət Azərbaycan tərəfdədir. Bu baxımdan, bu problem gec, ya tez Azərbaycanın xeyrinə həll olunmalıdır və hesab edirəm ki, olunacaq. Artıq dünyada baş verənlər bir daha sübut edir ki, mövcud münaqişələr ədalətli şəkildə həll olunmadıqca, bu münaqişələrdən hamı əziyyət çəkəcək. Sülh yolu ilə alınmasa da, Azərbaycan öz torpaqlarını işğaldan azad etmək hüququnu daim özündə saxlayır və sön döyüşlər də göstərdi ki, kənar müdaxilə olmasa Azərbaycan qısa müddətdə işğalda olan torpaqlarını azad etmək iqtidarında olan orduya malikdir".

Keçmiş döyüşçü Vaqif Əlisoy da təslimçi ruhu aşılayanlara qarşı çıxır. V.Əlisoy bildirib ki, son günlər bəzi qüvvələr millətə nəyisə qəbul etdirmək istiqamətində hazırlığa start verib: "Aprel döyüşləri başlayandan Rusiyanın dövlət telekanalları da daxil olmaqla, bütün kanalları Azərbaycanı və Türkiyəni hədəfə aldı. Ancaq nə iqtidarımızdan, nə müxalifətimizdən, nə də Qarabağ adı ilə pul basıb yeyən QHT-lərdən, özünü millətin ziyalı kəsimi hesab edən alim, şair və yazıçılardan səs çıxmadı.

Bu milləti rusla qorxudurlar. Deməyə məcburam ki, Əfqanıstanda döyüş yolu keçmiş və sonralar münaqişə zəminində Qubadlıda yerləşmış Sovet ordusunun xüsusi təyinatlılarını bir itki vermədən tərksilah etmişik. Rusu elə təqdim edirlər ki, sanki ölməz Kaşşeydir. Vaxtiylə Sovet ordusunda qulluq edənlər təsdiqləyər ki, hər hansı bir hərbi hissədə 15-20 qafqazlı olanda bütün hərbi hissə onların nəzarətində olardı. Bir də rus hansı haqla bizim işimizə müdaxilə edə bilər? Biz ki, onun müttəfiqi Ermənistana hücum etmirik? Biz Rusiya və Ermənistanın da altından imza atdığı, BMT-yə üzv olan ölkələrin də tanıdığı ərazilərimizi bərpa etmək istəyirik. Bu da bizim haqqımızdır. Rusiyaya demək lazımdır ki, Çeçenistanda bu qədər vəhşilik törətdin, sənə irad tutulanda "Ərazimdə antiterror əməliyyatı aparıram",- dedin. Sənə olar, mənə olmaz?

20 yanvar və Xocalını onlara xatırlatmaq və beynəlxalq məhkəməyə müraciət etmək lazımdır. Bu gün də həmin canilər Rusiyada sərbəst yaşayırlar. Çox təəssüf ki, hələ də rusbaşlarımız ölkəmizdə meydan sulayır. Ə.Qarayevlərin, Ç.İldırımların nəvələri, əslində, kökündə erməni qarışığı olanlar vəzifə kürsüsündədir. Bunlar hər an 1920 və 1990-ı təkrarlaya bilərlər. Amma çox ağır zərbə alacaqlar".

Sonda müsahibimiz deyib ki, aprel döyüşləri bu millətin, bu ordunun nəyə qadir olduğunu göstərdi: "Şükür Allaha ki bu gün ordumuzda rus kafalı zabitlərin sayı azdır. Türkiyədə təhsil almış milliyyətçi zabit kadrlarımız var. Şükür ki, ordumuzda Qarabağ şəhidinin, əlilinin və veteranının balaları zabit və əsgər kimi qulluq edirlər. Şükür ki, yaşı imkan verən kifayət qədər keçmiş döyüşçü qazi və şəhid olmağa hazırdır.

Sonda həmin qüvvələrə bir daha bildirirəm, son döyüş göstərdi ki, bu millət hər şeyə görə hökumətinə güzəşətə gedə bilər, amma torpaq və Qarabağ məsələsində heç kəsə güzəştə getməyəcək. Bunu həmin günlər meydana və şəhidlərin dəfninə axışan Azərbaycan Xalqı bir daha sübut etdi".


REYTİNG.AZ  & VƏTƏNSEVƏRLƏR

" AZƏRBAYCANDA ANTİTÜRK TƏBLİĞATI İLDƏN - İLƏ ARTIR. NƏDƏN? "...

“Atatürkün Leninə yazdığı məktub Azərbaycanın işğalından bir ay sonra Moskvaya çatmışdı”

Türkiyənin Azərbaycandakı səfirliyinin keçmiş mətbuat müşaviri, Azərbaycanda kifayət qədər yaxşı tanınan Turqut Ər son illərdə Azərbaycanda antitürk təbliğatının getməsindən narahatdır. Sabiq diplomatın fikrincə, bu tendensiya ildən-ilə artır və bəzi insanlar bilərəkdən, bir çoxu isə bilmədən Türkiyə əleyhinə təbliğatda iştirakçıolur. 

Turqut bəyi ən çox narahat edən isə Azərbaycanda milliyyətçi kəsimin bu olaylara susqun qalması və bəzi hallarda hətta belə təbliğatın təsiri altına düşməsidir. Ankarada görüşüb söhbət etdiyimiz Turqut bəy  son olaraq 28 aprel hadisələri ilə bağlı rastlaşdığı təhriflərdən narahatlığını bildirdi. 

Onun sözlərinə görə, xüsusən də bir neçə tezis var ki, Azərbaycanda Türkiyə, Atatürk əleyhinə təbliğat vasitəsinə çevrilib: “Birincisi, bir müddətdir təbliğat gedir ki, Atatürk Azərbaycanı Leninə satıb. İkincisi, guya ruslar Atatürkə pul verib, istiqlal müharibəsinə maliyyə dəstəyi edib, bunun qarşılığında da Atatürk Qırmızı Ordunun Azərbaycanı işğal etməsinə göz yumub. Daha bir yalan bundan ibarətdir ki, Atatürk Xəlil Paşaya tapşırıq verib ki, Qırmızı Ordunun Azərbaycandan keçib Anadoluya gəlməsini təmin etsin. Ən son olaraq 3-4 gün öncə Azərbaycanda buna daha bir böhtan da əlavə etdilər. ANS telekanalında Ləman Ələşrəfqızının aparıcısı olduğu proqramda bildirdilər ki, guya Tələt Paşa deyib ki, biz Azərbaycan Respublikasını yıxmaqla yaxşı iş görmədik”. 

T.Ər deyir ki, bu mövzular zaman-zaman hansısa səbəbdən və kimin layihəsidirsə Azərbaycanda gündəmə gətirilir: “Bu böhtanların, yalanların Azərbaycan türkü tərəfindən və Qafqazdakı vətənpərvər insanların beyninə yeritməyə çalışırlar. Mənim qənaətimə görə, bunu hər il gündəmə gətirənlər hal-hazırdakı Azərbaycanda və Qafqazdakı kommunizmi hələ də beynindən, ürəyindən, qanından təmizləməmiş olanlardır, Türkiyə ilə Azərbaycanın qurduğu və daha da inkişaf edəcək güclü birliyi zərbə vurmaq istəyənlər, fars-əcəm provokatorları, ideoloqları,Putinə xidmət edən, manqurt qapı qullarıdır”.
Sabiq mətbuat müşaviri  ortaya atılan bu kimi iddiaların heç birinin həqiqəti əks etdirmdəyini, dəfələrlə təkzib olunsa da, yenə bilərəkdən gündəmə gətirildiyini söyləyir: “İllərdir Türkiyənin tarixçiləri, diplomatları, dövlət adamları tarixi sənədləri açıqlamalarına, gerçəkləri ortaya qoymalarına baxmayaraq, yenə də yuxarıda söylədiyimiz kəsimlərin bu böhran və iftiralarının qarşısını almaq mümkün deyil. Bunun səbəbi isə Azərbaycandakı ayıq vətənpərvər tarixçilərin, dövlət adamlarının, yazarların, media nümayəndələrinin bu məsələ gündəmə gəldiyində etiraz etməməsi, doğruları söyləməmələridir”. 

“Məni yandıran rus yanlılar deyil, milliyyətçi kəsimdən olan insanların bu yanlışları təkrar etməsidir”

“Ən son olaraq yuxarıda qeyd etdiyim ANS telekanalındakı proqramda iki tarixçi olduğu iddia olunan insanın danışıqları, tamamilə tarixə, həqiqətlərə, Azərbaycan və Türkiyə arasındakı qardaşlıq və dostluğa zidd böhtanlardan ibarətdir” – T.Ər bildirdi. Amma sabiq diplomata ən çox təsir edən bu iddiaların milliyyətçi kəsim tərəfindən də müdafiə olunmasıdır: “Bunu niyə etdiklərini də anlamaqda çətinlik çəkirəm. Hələ o tarixçilərdən birinin 1918-ci ildə qurulan ilk Türk Cümhuriyyətinin əsasını qoymuş, vətənpərvərliyi və milliyyətçiliyinə inandığım Müsavat Partiyasının rəhbərliyində təmsil olunan, özünü də Azərbaycanda çalışdığım vaxtlarda milliyyətçi olaraq tanıdığım Nəsiman Yaqublunun olması lap təəccüblüdür. Digər iştirakçı, tarixçi olduğu söylənən Solmaz Tohidi adlı xanıməfəndi mövzunu izah edərkən çoxlu sayda qeyri-dəqiqliklərə yol verdi”.

Turqut Ərin fikrincə, sözügedən televiziya verilişində Tələt Paşanın ittiham olunması reallıqdan uzaqdır: “Çünki 1925-ci ildə Tələt Paşa həyatda deyildi, erməni terroru nəticəsində şəhid olmuşdu. Nəsiman Yaqublu deyir ki, 1925-26-cı illərdə İstiqlal Məhkəmələrində Xəlil Paşanındostu Tələt Paşa deyib ki, “biz Azərbaycan Cümhuriyyətini yıxmaqla doğru hərəkət etmədik, buna görə peşmanam”. Digər yerdə deyir ki, 11-ci Qırmızı Ordu Azərbaycana gələrkən ordunun başında bir türk zabiti vardı. İndi mən ondan soruşuram: Ay Nəsiman bəy, sən tarixçi, milliyyətçi olduğunu iddia edirsən, Azərbaycan Türk Cümhuriyyətini quran partiyanın üzvüsən. Heçmi tarix oxumursan, sənədlərə baxmırsan, duyduqlarınıdəqiqləşdirib, sənədləri axtarmırsan? Tələt Paşa Osmanlı İmperatorluğunun daxili işlər naziri olmuş, baş naziri olmuş fövqəladə güclü, dürüst, vətənpərvər, böyük bir dövlət adamı idi. İttihad və Tərəqqinin baş katibi idi. Tələt Paşa hazırda dünyada böhtan və qarayaxmalardan ibarət olan “Türklər erməniləri soyqırımı etdi” iddialarında əsas ittiham olunan şəxsı, “erməni köçürülməsi” qərarını imzalayan dövlət adamıdır. 100 ildir ki, ermənilər Tələt Paşanı əsas hədəfləri olaraq göstərirlər. Ona görə də Tələt Paşanı və o zaman Osmanlı liderləri olan Ənvər Paşanı, Camal Paşanı ermənilər şəhid ediblər. Osmanlının bu son dövlət adamlarının üçü də 1 noyabr 1918-ci ildə ölkəni tərk ediblər. Tələt Paşa Berlinə, Ənvər və Camal Paşa Moskvaya getdilər. Tələt Paşa 15 mart 1921-ci ildə Berlində Hardenber küçəsində erməni terrorçu Tehliryan tərəfindən şəhid edildi. Camal Paşa da yenə 21 iyul 1922-ci ildə Tiflisdə Karakin Lalayan və SerqoVartanyan adlı ermənilər tərəfindən şəhid edildi. Ənvər Paşa 4 avqust 1922-ci ildə Qurban bayramının sabahı DüsənbəBelcivanda erməni AqobMelikyanın komandanlığı altında olan Qırmızı Ordu qüvvələrinə qarşı savaşda şəhid oldu”.

Müsahibimiz daha sonra İstiqlal məhkəmələrinə toxundu: “Türkiyədə ilk İstiqlal məhkəmələri 18 sentyabr 1920-ci ildə qurulub. Daha sonrakılar 17 fevral 1921, 30 iyul 1921-ci il tarixlərində olub. Bu məhkəmələr 1923-cü ilə qədər hər hansı böyük məhkəmə prosesi aparmayıb. Yalnız daxili üsyanlar, əsgər fərariliyi kimi məsələlərlə bağlı çalışıb. 1921-ci ildə şəhid olan Sədrəzəm Tələt Paşanın 1925-26-cı illərdə olan İstiqlal Məhkəmələri prosesində necə ifadə verə bilər? Belə bir yalanı Nəsiman Yaqubluya kim söyləyib? Deyir ki, bunlar “Hakimiyyəti Milliyyə” qəzetində var, orda Cümhuriyyətin yıxılması ilə bağlı çox sənədlər var. İllərdir Türkiyənin istiqlal müharibəsinə, istər bu savaşı aparan, o zəfərləri qazanıb Türkiyə Cümhuriyyətini quran başda Qazi Mustafa Kamal Paşa olmaqla digər komandanlara Azərbaycandakı xainlər tərəfindən bir çox böhtanlar atılır. Nəsiman bəy ayrıca Qırmızı Ordu Azərbaycana girəndə başında bir türk zabiti vardı deyir. Adını da söyləmir. Bu da indiyə qədər edilməmiş bir böhtandır. Professor Solmaz xanım isə “Atatürk Qırmızı Ordunun Azərbaycana gəlməsinə razı olub” deyir. Bundan başqa Məhəmməd Əmin Rəsulzadənin Xəlil Paşaya “Qırmızı Ordunu bura gətirməyin, bunlar bizə də sizə də yaxşı olmayacaq” dediyini iddia edir”. 

“Onların arasında milliyyətçi olaraq tanıdığım Nəsiman Yaqublununda olması lap təəccüblüdür”

Sözügedən verilişdə 11-ci Qırmızı Ordunun Azərbaycanı işğal etməsi hadisəsinin yanlış təqdim edildiyini qeyd edən T.Ərin sözlərinə görə, qonaqlar bilərəkdən tarixi faktları təhrif etdilər. Tarixi mənbələrdə Azərbaycan Cümhuriyyəti Parlamentindəki son toplantının stenoqramlarının mövcud olduğunu xatırladan T.Ərə görə, hər şey açıq aydın olub: “O zaman parlamentdə “Əhrar”, İttihad və Müsavat Partiyası kimi partiyalar vardı. Bunların içərisində çoxluğu Moskvaya bağlı olanlar təşkil edirdi, başlarında Nəriman Nərimanov, Məhəmmədhəsən Hacinski, Əliheydər Qarayev kimiləri vardı. Bunlar Rusiyanın ultimatumunu parlamentdə oxutdular. Hacınski bu ultimatumu oxudu, Bakı xalqı parlamentə axın etdi. Məhəmmədəmin Rəsulzadə buna qarşı çıxsa da, onu dinləyən olmadı. Səsə qoydular, çoxluq qəbul etdi. Nəticədə şimalda gözləyən 11-ci ordu Azərbaycanı işğal etdi”.

Bolşevik işğalı ilə bağlı daha bir geniş yayılmış yalan isə Atatürkün Azərbaycanı satması iddiasıdır. Sabiq diplomat bu barədə faktların bilərəkdən təhrif edildiyini deyir: “Atatürkə edilən böhtanın əsası Leninə26 aprel 1920-ci ildə yazdığı məktubdur. Bu məktub 90 ildir yuxarıda bəhs etdiyim pis niyyətli, savadsız insanların Azərbaycan və Türkiyə arasındakı dostluq və qardaşlığın güclənməsinə qarşı istifadə etdiyi əsas vasitəyə çevrilib. Bu məktub 26 aprel 1920-cı ildə yazılsa da, 1 iyun 1920-ci ildə çatıb. O məktub Moskvaya çatanda artıq 1 ay idi ki, Bakı – Azərbaycan işğal olunmuşdu. Məktubun cavabı isə ancaq 15 iyun 1920-ci ildə Ankaraya yetişib. Məktubda Qafqazı əhatə edən bölüm belədir: “Bolşevik qüvvələri Gürcüstana hücum edib oradakı siyasəti, göstərəcəyi təsir və nüfuzla Gürcüstanın da bolşevik ittifaqına daxil olmasını və içəridəki ingilis qüvvələrin çıxarılmasınıtəmin edərsə, Türkiyə hökuməti də imperialist erməni hökumətinə hərbi müdaxilənin icrasını üzərinə götürər”. 

Məktubda Qafqaz haqqında bu qədər bəhs olunur. Bu məktub nə üçün yazılıb? Anadoluda istiqlal müharibəsi davam edir, ingilislər, italyanlar, fransızlar, yunanlar Anadolunu işğal etmişdilər. Şərqdə ermənilər ruslara güvənərək Türkiyənin bir sıra ərazilərini işğal ediblər və istiqlal hərbinin uğur qazanması üçün türk milləti əlində olan hər cür imkanlarını səfərbər edib. Bu arada Mustafa Kamal Paşa ruslarla dost münasibətləri quraraq şərq cəbhəsini təminat altına alıb, bütün gücünü qərb cəbhəsindəki savaşa çevirib”.

Və nəhayət, ən geniş yayılmış iddialardan biri də sovet hakimiyyətinin Atatürkə pul yardımı etməsidir. Geniş yayılmış iddiaya görə, ruslar Azərbaycanın işğalına göz yumması qarşılığında Atatürkə yardım edib. Turqut Ər deyir ki, bu iddianın da heç bir əsası yoxdur, iddia olunan pulu isə ruslar deyil, Buxara Respublikası verib, onun da böyük hissəsini ruslar mənimsəyib: “Zaman-zaman da Atatürkə böyük pul yardımı edildiyi söyləyirlər. Əslində isə bu puluBuxara Respublikası baş katibi Osman Xoca Moskvada Türkiyə Cümhuriyyətinin xarici işlər naziri, Mustafa Kamalın təmsilçisi olan Yusuf Kamal Tengirşenglə görüşüb və ona Buxarada xalq tərəfindən Türkiyəyə yardım üçün 100 milyon qızıl rubl topladıqlarını deyib. 3 ay sonra Yusuf Kamal Tengirşeknövbəti dəfə Moskvaya getdikdə Buxara Respublikası baş katibi Osman Xoca 100 milyon pulu Rusiya xarici işlər naziri Çiçerinətəhvil verib, Çiçerin isə bunun 5 milyon rublunu Yusuf Kamal bəyə verib, yerdə qalan 95 milyonu kommunist hökuməti mənimsəyib. Bu faktı həm Yusuf Kamal Tengirşek öz xatirələrində yazır, həm də Qırmızı Ordunun Buxara Respublikasını işğal etdiyi zaman qaçıb Türkiyəyə sığınan Buxara Respublikası baş katibi də xatirələrində yazıb. 

Bütün bunları niyə anlatdım? Yuxarıda da dediyim kimi, Azərbaycanda zaman-zaman bu gerçəklər fərqli insanlar tərəfindən, bilən və ya bilməyən, məqsədli və ya məlumatsız olanlar tərəfindən gündəmə gətirilərək Türkiyəyə, Mustafa Kamal Paşaya və dostlarına böhtanlar atılır. Nə Azərbaycanın dövləti, nə də oradakı vətənpərvər, milliyyətçi insanlar həqiqətləri söyləyərək bu təhrifləricavablandırmır.Açığı bir neçə gün gözlədim ki, bizim oradakı Türkiyə Cümhuriyyəti səfirliyi ANS-də verilən bu proqrama cavab versin, həqiqətləri bir daha Azərbaycan ictimaiyyətinə anlatsın.

Təəssüf ki, bu da olmadı. Türkiyə səfirliyinin keçmiş işçisi olaraq bu səssizliyə çox üzüldüm. İllərdir bu iftiralar davam edir. Biz də açıqlama verir, həqiqətləri ortaya qoymağa çalışırıq. Amma dayanmır. Məni yandıran rus yanlıları deyil, milliyyətçi kəsimdən olan insanların bu yanlışları təkrar etməsidir”.


MUSAVAT.COM & VƏTƏNSEVƏRLƏR