SƏRHƏDLƏRİN AÇILMASINDAN QARABAĞA GEDƏN YOL ? - TƏHLİL

Türkiyə Ermənistanla sərhədləri açmaq üçün   müzakirələrə başlamaq istəyir.

          Bu iddia ilə “Hürriyet” qəzetinin köşə yazarı Fatih Çekirgen çıxış edib.

Onun iddiasına görə, xarici işlər naziri Mövlud Çavuşoğlu iyunda Bakıya səfəri zamanı bu məsələ ilə bağlı Azərbaycan rəhbərliyinin “nəbzi”ni yoxlamağa çalışıb.

“Müsbət abu-hava  və daha irəli getmək üçün zəmin var”, - deyə o qeyd edib.

Lakin əlavə edib ki, Azərbaycanla danışıb Ermənistanla yeni normallaşma təqvimi müəyyənləşdirmək üçün müzakirələr aparılarkən, Türkiyə daxilində xainlər çevriliş cəhdi etdi.

***

Türkiyənin Ermənistanla sərhədləri açması iddiasının gündəmə gəlməsi regionda geosiyasi mənzərənin dəyişməsi fonunda müzakirələrə yol açır. Lakin hər şey Ankaranın Bakının nəbzini yoxlaması və prosesin başlaması qədər sadə deyil.

Qərb Türkiyəyə Ermənistanla sərhədləri açması və münasibətləri normalaşdırması üçün zaman-zaman təzyiqlər edib. Bu, Rusiyanın Cənubi Qafqazdan sıxışdırılıb çıxarılması üçün lazımlı idi. 2009-cu ildə Bakının sərt reaksiyasına rəğmən, “Surix” protokollarının imzalanması da bu siyasətin tərkib hissəsi idi. Lakin elə 7 il öncə Azərbaycanın sərgilədiyi mövqe, Türkiyə və Azərbaycan ictimaiyyətlərinin bu plana qarşı həmrəylik nümayiş etdirməsi oyunun pozulması ilə nəticələndi. Həmin vaxtdan etibarən Ankaranın “sərhədləri yalnız işğal olunmuş Qarabağ azad olunarsa, açaram” mövqeyi ön plana çıxdı. 

7 il öncədən günümüzə qədər Bakı və Ankaranı bir-birinə bağlayan bağlar daha çox sıxlaşıb və hər iki paytaxtda digərinin maraqlarının əksinə addım atacaq mövqe faktiki olaraq mövcud deyil. Buna paralel olaraq, regiondakı vəziyyət, Türkiyə ətrafında baş verən hazırkı proseslər də Ankaranın Bakının razılığı olmadan, yaxud onun maraqlarına zidd şəkildə buna gedəcəyi fikrini gündəmdən çıxarır. Deməli, sərhəd iddiasında həqiqət payı varsa, bu, Azərbaycanın ərazi bütövlüyünün və Türkiyənin bununla bağlı mövqeyinin təmin olunması fonunda mümkün ola bilər. 

Bu iddianın indi gündəmə gəlməsi isə bəzi ehtimalları ön plana çıxarır.


a) İddiada qeyd olunan “Çavuşoğlu iyunda Bakıya səfəri zamanı bu məsələ ilə bağlı Azərbaycan rəbərliyinin “nəbzi”ni yoxlamağa çalışıb. Müsbət abu-hava və daha irəli getmək üçün zəmin var” fikirləri Bakının bu məsələyə loyal yanaşdığı mənasına gəlir. Bakı sərhəd məsələsinə loyallıq nümayiş etdirirsə, deməli, ölkənin maraqlarının təmin olunası zəmanəti yaranıb. Əks təqdirdə bu, mümkün olmaz, hətta 7 il öncəkindən daha sərt reaksiya verilər.

b) Əslində Dağlıq Qarabağla bağlı Vyana və Sankt-Peterburq görüşündən sonra işğal altındakı ərazilərin qaytarılması və münasibətlərinin həll olunması istiqamətində ciddi danışıqların olduğu haqda məlumatların yayılması da bu iddia fonunda yada düşür. Hansı ki, planda ətraf rayonların qaytarılması, qaçqınların geri dönüşü və Qarabağın status məsələsinin həll edilməsi var. Hesab etmək olar ki, Ankara danışıqların detallarından xəbərdardır və münaqişənin həlli ilə bağlı böyük ümidlər var. Bu baxımdan, prosesə paralel olaraq, Ermənistanla sərhədlərin açılması işinə start verib.


c) Yaxud Türkiyə ilə sərhədlərin açılması, Ermənistanın blokadadan çıxması danışıqların tərkib hissəsi olub. Bakı işğal olunmuş ərazilərin qaytarılacağı təqdirdə buna etiraz etmir. Türkiyə Ermənistanla sərhədləri açaraq, iqtisadi cəhətdən yeni bazar qazanır, siyasi cəhətdən regionda mövqelərini gücləndirir. Qərb Ermənistanı Rusiyadan qoparmaq üçün bu siyasəti həmişə dəstəkləyib. Bəlkə də sərhəd məsələsini danışıqların tərkibinə qatılması təklifi Qərbin özündən gəlib. Bura qədər proses aydın görünür, lakin Rusiya faktoru ümumi mənzərəni müəyyən qədər qarışdırır.


d) Rusiya hərbi bazalarının olduğu, öz “vassallına” çevirdiyi Ermənistanı güzəştə getmək niyyətində deyil. Bura Moskvanın Qafqazda şəxsi qalası hesab oluna bilər. vaxtilə Türkiyə ilə sərhədlərin açılması prosesinə qoşulan, beləliklə, Rusiya maraqlarını zərbə altına salan İrəvan Kreml tərəfindən bu və ya digər formada cəzalandırılıb da. Lakin indi mənzərə bir qədər fərqlidir, xüsusilə Ankara-Moskva münasibətlərinin “geridönüş” mərhələsinə qədəm qoyması məsələyə fərqli baxış yaradır. 

- Rusiya Qarabağ münaqişəsinin həlli prosesində Türkiyəni yaxına buraxır. Rusiya XİN-in sözçüsü Mariya Zaxarovanın “Türkiyə təklifləri ilə münaqişənin həllinə töhfə verə bilər” deməsi də bu fikri gücləndirir.
- Türkiyənin “İrəvan həmləsi” Moskvanın razılığı ilə cərəyan edir.
- Proses Qarabağ münaqişəsinin həlli fonunda baş verir.
- Bakı ərazilərin işğaldan azad olunması şərti ilə prosesə müsbət yanaşır. 

Önə çıxan versiyalar bunlardır və nəticə etibarilə Türkiyə-Rusiya liderliyi ilə regionda stabillik əldə olunur, münaqişə həll edilir və Qərbin bura müdaxiləsinin qarşısı alınır. 

Burada iddianı irəli sürən Çekirgenin “Azərbaycanla danışıb Ermənistanla yeni normallaşma təqvimi müəyyənləşdirmək üçün müzakirələr aparılarkən, Türkiyə daxilində xainlərin çevriliş cəhdi etdi” sözləri diqqəti Türkiyədə dövlət çevrilişinə cəhddən bir gün sonra Ermənistanda başlanan qiyama yönəldir. Müəllifin bu sözləri daha çox “xainlər prosesin qarşısını aldı” mənasında qəbul oluna bilər. 

Qərbin FETÖ qruplaşmasının əli ilə Türkiyədə xaos yaratmaq, yaxud buna cəhd etmək addımı həm də Qarabağ münaqişəsində əlindən çıxan kartları Rusiyaya verməmək, başlanan prosesi tormozlamaq hədəfinə hesablanıb. Çekirgenin iddiasından ortaya çıxan ehtimallar belədir, lakin bunun nə qədər doğru iddia olduğunu demək də çətindir.


Asif Nərimanlı
PUBLİKA.AZ  &  VƏTƏNSEVƏRLƏR

RUSİYA QARABAĞIN QAYTARILMASI ÜÇÜN İRƏVANA QOŞUN YERİDİR

27 İyul 2016 / 13:32 

  
Rusiya Dağlıq Qarabağ münaqişəsi ilə bağlı planının pozulmaması üçün Ermənistandakı hadisələrə müdaxilə edəcək. Bu barədə “Lragir” saytı yazıb.

Sayt qeyd edir ki, İrəvanda keçirilən aksiyada siyasətçilər tez-tez bu haqda danışırlar: “Baş verənlər Moskvanın Qarabağ və erməni-türk sərhədinin açılması ilə bağlı planlarını pozur. Türkiyə də bu məsələdə Rusiyanı dəstəkləyir, çünki Moskvanın planı Qarabağın Azərbaycana qaytarılmasını nəzərdə tutur. Məhz mümkün Rusiya müdaxiləsi ilə bağlı mitinq keçirənlər hakimiyyəti xəbərdarlıq edir və buna icazə verilməməsi tələb olunur. Görünür, bu ehtimal artıq reallığa çevrilir. Xüsusilə son günlər Rusiyanın “Alfa” xüsusi təyinatlılarının gəlişi və rus təyyarələrinin səmada görünməsi haqda söhbətlər gəzir”.

Ekspertlər isə Sarkisyan hakimiyyətinin daxili problemi aradan qaldırmaq üçün Qarabağda müharibə edə biləcəyi ehtimalını dəyərləndirirlər.

Erməni ekspert Akop Badalyan isə qeyd edir ki, Rusiya Ermənistandakı vəziyyətdən ciddi şəkildə narazıdır.

“Çünki baş verənlər onun “Kazan prinsipləri” ilə Qarabağ münaqişəsini həll etməyinə mane olur. Hansı ki, bu Qarabağın qaytarılmasını nəzərdə tutur. Ola bilər ki, belə situasiyada Qarabağda müharibə yenidən alovlansın”, - deyə o bildirib.


Asif 
PUBLİKA.AZ  &  VƏTƏNSEVƏRLƏR

YADPLANETLİLƏRDƏN MESAJ GƏLDİ...

 “ Biz varıq, nə üçün yolunuzdan çıxmısınız? ”

Son vaxtlar müxtəlif ölkələrdə Uçan Naməlum Obyektlərin (UNO)  görünməsi halları artıb. İyulun 9-da Beynəlxalq Kosmik Stansiyadan canlı yayım zamanı orbitdə uçan naməlum obyekt (UNO) görünüb. Obyekt görünən kimi NASA canlı yayımı kəsib. İnternet istifadəçiləri sirli obyektin yadplanetlilərə, ya da Çinə aid ola biləcəyini iddia etsə də, NASA bu barədə heç bir açıqlama vermədi.

Bir neçə gün əvvəl isə Səudiyyə Ərəbistanında qəribə hadisə baş verib. Səhraya UNO enib. Yerli sakinlərin lentə aldığı videoda UNO-nun qapılarının açıldığı və yadplanetlinin yerə endiyi, daha sonra  UNO-nun  havaya qalxdığı görünür. Bundan bir müddət sonra isə yadplanetli havaya çəkilir.

Sonuncu dəfə UNO-larla bağlı görüntü Rusiyada qeydə alınıb. Bu ölkə təyyarəsinin xaricinə quraşdırılmış kameraya uçan naməlum aparatların görüntüləri düşüb.  Bir çox ufoloqlar bu videonun xarici sivilizasiyanın varlığına ən yaxşı sübut olduğu deyib. Bir sözlə, yadplanetlilərin varlığı son vaxtlar aktuallaşıb. Onlar insanların gözünə daha çox görünməyə başlayıb.

 

Şair-publisist, ufoloq Nazim Əhmədli Publika.az-a müsahibəsində UNO-ların yer kürəsində tez-tez görünməsinin  səbəblərinə, yadplanetlilərin gəlişlərinin məqsədlərinə aydınlıq gətirdi.

  

- Son vaxtlar yadplanetlilərlə bağlı xəbərlər çoxalıb. Səbəb nədir? Belə varlıqlar var?

- Onlara inanmaq lazımdır. Kainat böyükdür və Yer kürəsi kainatda tək deyil. Başqa sivilizasiyalardan yadplanetlilər hər zaman Yer kürəsinə gəlib-gedirlər. Dəniz və dağların altında onların bazaları da var. İnsanlarla əlaqə saxlamamalarının səbəbi Yer kürəsinin kosmik birliyin üzvü olmamasıdır. Kainatda planetlərin kosmik birliyi var. Yer kürəsində atom stansiyaları,  narkotik vasitələr var. Yadplanetlilər onların öz planetlərinə ixrac olunmasından qorxur. Ona görə də, Yeri həmin birliyə daxil etmirlər. Həm də bizim sivilizasiya daha aşağı səviyyəlidir. Onlar çox zaman gizlin şəkildə gəlib-gedirlər.

 

- Bu gedib-gəlmələrin səbəbi nədir?

- Onlar Yer kürəsini nəzarətdə saxlayırlar. Milyon illərdir Yer kürəsinə gəlirlər. Hətta uzun illər NASA bilərəkdən bu məlumatları insanlardan  gizlədib. Çünki insan beyni onları dərk edəcək səviyyədə deyil. Onlar birdən-birə gəlsələr, insanlar şoka düşər, bədbəxt hadisələr baş verə bilər. Onlar yüz min illər ərzində bizim bəşəriyyətə inteqrasiya olunacaqlar. Artıq bəşəriyyət hər şeyə hazır olmalı, onları görməyi normal qarşılamalıdır. Onlar barədə yayılanlar fotoşop deyil, reallıqdır. Bu gün onlar bəşəriyyəti nəzarətdə saxlayırlar. Harada kosmodramlar, böyük hərbi hissələr varsa, yadplanetlilər onlara nəzarət edir.

 

- Niyə nəzarət edirlər ki?

- Çünki Yer kürəsi kosmosun bir hissəsidir. Burada baş verən hər hansı pis hadisə kosmosa da öz təsirini göstərə bilər. Ona görə də, onlar daim Yer kürəsini nəzarətdə saxlayırlar.

 

- Son vaxtlar onlar daha çox görünür. Bunun səbəbi nədir?

- Bu  gün Yerdə çox böyük haqsızlıqlar, müharibələr olur. Bunlar hamısı bəşəriyyətin aurasında mənfi emosiyaların yığılmasına xidmət edir. Mənfi enerji ekologiyanı korlayır. Onlar Yer kürəsində ekoloji tarazlığın pozulmasından narahatdırlar. Çünki burada ekologiyanın pozulması kainatdakı başqa sivilizaiyalara təsir edə bilər. Kainat bütövlükdə canlı orqanizmdir. Bütün sivilizasiyalar bir-biri ilə əlaqədardır. Onlar milyon illərdir Yer kürəsinə gəlib –gedirlər. Əsasən də, dünyanın hansı bucağında təbii fəlakət, müharibələr olanda ora gəlirlər. Bu gün bəşəriyyət çaşıb, müharibələr, ölümlər, pula maraq, hərislik, dünyanı sərhədlərə, dinlərə, dövlətlərə bölmək, işğalçılıq halları artıb. Ola bilər ki, son vaxtlar daha çox gəlib-getmələri də  məhz bununla bağlı ola bilər.  Bizdən daha yüksək ağılda olduqlarını, varlıqlarını müxtəlif işarələrlə göstərmək istəyirlər. Onlar  Yer kürəsinin işinə qarışmırlar. Çünki insanlar özləri kamilləşməlidirlər. Həm də onlar yüksək ağıllı varlıqlardır. Birdən-birə yüksək ağıllı birinin insanlara qoşulub küçədə kofe içməsini gözləmək mümkün deyil. Onların səviyyəsi ilə bizim səviyyə arasında milyon illər var.

 

- Yerin işinə qarışsalar, nə baş verərdi?

- Onlar Yer kürəsinin işinə qarışsalar, bütün problemləri çox qısa bir zamanda, 5 günə həll edə bilərdilər. Amma onların nizamnaməsində elə şey yoxdur, yəni qarışa bilməzlər.

 

- Yer kürəsinin işinə qarışmırlar, amma onların yeri qoruduğunu dediniz. Necə qoruyurlar?

- Yer kürəsinə meteorit düşəndə qarşısını ala bilirlər. Günəş sistemi planetləri süni şəkildə yaradılıb və çox dəqiq yaradılıb. Bu dəqiqlik Yer kürəsinə gələn bütün səma cisimlərini yaşayış olmayan planetlərə yönləndirir. Məqsəd Yer kürəsini müəyyən təzyiqlərdən qorumaqdır. Buradan da belə nəticə çıxarmaq olar ki, yer onların nəzarətindədir.

 

- Yadplanetlilərin Yer kürəsinə inteqrasiya edəcəyindən danışdınız. Onlar inteqrasiya edəndən sonra nə baş verəcək? Nə dəyişəcək?

- ABŞ hökumətinin çoxdandır ki, onlarla əlaqəsi var. Müntəzəm görüşləri olur. Hətta müəyyən dövrlərdə prezidentlərin  onlarla görüşməsi barədə fikirlər yayılmışdı.

 

- Bəs görüşəndə hansı dildə, necə danışıblar?

- Bu məsələdə müxtəlif versiyalar var. Onlar müxtəlif növlüdür. Eləsi var ki, danışa bilir, bəziləri sadəcə telepatiya ilə əlaqə saxlayır. Onların konkret necə ünsiyyət qurması tam təsdiq edilməyib. Mən Moskvada oxuyanda, yadplanetlilərin oğurladığı bir nəfərlə görüşümdük. Bizi müəllimimiz tanış etmişdi, qrup şəklində gedib həmin şəxslə danışmışdıq. Onu oğurlayıb aparmışdılar, sonra da geri qaytarmışdılar. Həmin vaxt yer kürəsində 3 gün, yadplanetlilər üçün isə bu cəmi 15 dəqiqə vaxt aparmışdı.  Həmin adamın yaddaşını silmişdilər. Amma az da olsa, bəzi nüanslar yaddaşında qalmışdı. Dəyirmi bir otağa apardıqlarını, hər tərəfin şüşə olduğunu demişdi. Təxəyyülündə qalanlarla onların şəklini də çəkmişdi. Təxminən 2.5 metr hündürlüyündə, mavi gözlü insanabənzər varlıqlar olublar.

 

- Onun dediklərinə necə inanmaq olar? Bu gün kimsə gəlib belə bir əhvalat danışsa, heç kim ona inanmaz.

- Yox, inanmaq lazımdır. Bunun üçün “Qurani-Kərim”ə müraciət etsək, görərik ki, orada da buna işarə var. Orada qeyd olunur: “Bismillahir-Rəhmanir-Rəhim. Əlhəmdu lillahi rəbbil-aləmin”. Bu o deməkdir ki, Allah bütün aləmlərin rəbbidir. Yəni kainatda başqa aləmlər də var, onlar hamısı Allahın nəzarətindədir.

 

- Deyəsən, yay fəslində daha çox görünürlər, ya da bu fəsildə UNO-larla bağlı daha çox xəbər yayılır. Bunun bir səbəbi varmı?

- Ola bilər ki, yay fəslində daha çox gəlmək onların proqramlarına uyğundur. Yayda təbiət daha gözəl olur. Lakin bu, mənim şəxsi versiyamdır. Düşünmürəm ki, daha çox yayda gəlirlər.  Bütün fəsillərdə gəlirlər. Sonuncu dəfə Səudiyyə Ərəbistanda görünüblər. Ola bilər  ki, son illər şərqdəki müharibələr və s. səbəbdən  oranı seçiblər. İnsanlara göstərmək istəyirlər ki, “biz varıq, nə üçün yolunuzdan çıxmısınız?” Dünyanın müxtəlif ölkələrində onlar təbiətdə işarələr qoyurlar. Xüsusən, əkin sahələrində qoyduqları izlərlə Yer kürəsinə varlıqları ilə bağlı mesajlar verirlər.

 

- Onları  görmək üçün xüsusi güc olmalıdır, yoxsa hər kəs görə bilər?

- Dünyada elə insanlar var ki, onlarla əlaqədədirlər, danışırlar. Özləri kimlə danışmaq lazım olduğunu bilirlər. İstədikləri insanla əlaqəyə girə bilərlər, ancaq seçilmiş insanlarla əlaqəyə girirlər. Məsələn, ABŞ kimi dövlətləri seçirlər, bunun üçün müəyyən məqsədləri var. Əsasən, gizli gəlirlər, aşkar olduqları vaxt da mətbuata çıxır. Daha çox görünməməyə üstünlük verirlər.

 

- İnsanlarla görüşməkdə məqsədləri nədir?

- O vaxtlar ABŞ prezidenti ilə danışanda bu ölkənin əhalisinin 2%-i oğurlayıb aparmaq istəmişdilər, qarşılığında onlara yeni texnologiyalar verəcəkdilər. Bu məsələdə razılaşdılar. Amma təkcə ABŞ yox, digər ölkələrdə neçə faiz əhalini oğurladılar. Hər gün dünyada nə qədər insan yoxa çıxır. Onları kim aparır? Əlbəttə, yadplanetlilər.

 

 

- Nə üçün aparırlar ki?

- Yadplanetlilər özləri bir neçə qrupa bölünür. Eləsi var ki, Yer kürəsinə düşmən mövqe tutur, mənfi emosiyalıdır, eləsi də var ki, Yeri qoruyur.

 

- İnsanları aparanlar hansı qrupdandır?

- Hər ikisindən var. Onlar insanları aparır, öz mühitlərini göstərirlər, danışdırırlar, sonra da geri qaytarırlar.  Onlar qayıdandan sonra müəyyən qabiliyyətləri meydana çıxıb. Onlar o qədər yüksək sivilizasiyadır ki, hər şeyi bacarırlar. Bəzilərini də aparıb, özləri ilə birləşdirib, yeni bir məxluqlar yaradırlar.

 

- Siz onları görmüsünüz?

- Onların göy üzündə hərəkətlərini görmüşəm. Bilmişəm ki, uçan obyektlərdir, təyyarə deyil. Laçın rayonundanam, orada olanda  bir dəfə üç işıq saçan boşqab başımın üstündən keçmişdi. Yüksək sürətlə hərəkət edirlər.

 

Gülxar 

PUBLİKA.AZ  &  VƏTƏNSEVƏRLƏR

NASA ALLAHIN İQAMƏTGAHINI TAPDIĞINI BƏYAN ETDİ

1994-ci ildə “Hubble” kosmik teleskopu kosmosda açıq-aşkar üzən süni, nəhəng obyektin fotosunu çəkib. NASA-nın əməkdaşları onu Allahın iqamətgahı adlandırıb. ABŞ rəhbərliyi bu hadisəni gizli saxlamaq qərarı qəbul etsə də,  məlumatlar üzə çıxıb.

1994-ci ilin dekabrında NASA mütəxəssisləri "Hubble" kosmik teleskopu tərəfindən çəkilmiş fotoları əldə edib. Şəkillərin birindəki kiçik tutqun ləkəyə oxşar hissə alimlərdə böyük maraq doğurub. Onun mövcudluğunun izahını nə Yerə ötürülən siqnallarla, nə də optik effektlərlə izah etmək mümkün olmayıb.

Şəkillərdə alimlər təbiətin şah əsəri hesab edilə biləcək, çox düzgün tikilmiş və güclü  işıq saçan konstruksiya aşkar edib. Obyektin  ölçüləri barədə dəqiq məlumat əldə etmək mümkün olmayıb, hətta obyekt o qədər böyük olub ki, milyardlarla kilometr uzunluqda olan konstruksiyaya  "böyük" və "nəhəng" sözləri də uyğun gəlmir. Alimlərin sözlərinə görə, bizim planetimiz bu şəhərin küçəsində cəmi-cümlətanı qum zərrəsi ola bilərdi. Gördüyü şəkillərdən şoka düşən mütəxəssislər bu məlumatı gizlətməyə qərar verib  və obyekti  “Allahın iqamətgahı” adlandırıb. Bu fərziyyənin nə dərəcədə həqiqətə yaxın olduğunu isə heç kim bilmir.

Obyekti izləyən alimlər müəyyən ediblər ki, o, qalaktika ilə birlikdə Yerin ətrafında hərəkət edir. Bu, böyük partlayış nəzəriyyəsinə tamamilə uyğun gəlir. Partlayış nəzəriyyəsinə əsasən vaxtı ilə kainatda partlayış olub və həmin vaxtdan qalaktika müxtəlif istiqamətlərə uçub.

Mütəxəssislər kompüterlərin köməyi ilə kainatın bu konstruksiyasının modelini qurublar. Lakin onlar hazırlanmış modeldən bir daha şoka düşüb. Məsələ ondadır ki, bizim və bütün digər qalaktika nisbətən yerini dəyişir, amma "Allahın iqamətgahı" dəyişməz olaraq qalır. Çünki özü hər şeyin puç olduğu nöqtədə yerləşir. Beləliklə məlum olur ki, “Allahın iqamətgahı” kainatın lap mərkəzindədir.

Məlumatları məxfiləşdirmək

Bunu kosmosda aşkarlanan ən qəribə və mühüm məlumat kimi dəyərləndirən alimlər gəldikləri son nəticəni gizlətmək qərarına gəlib. Məsələ ilə bağlı Alber Qor və keçmiş prezident Bill Klinton müzakirə aparıb. Axırda qərara gəlib ki, bəşəriyyətin fikrini bu məlumatlarla qarışdırmaq lazım deyil. Onlar “Allahın iqamətgahı” ilə bağlı bütün məlumatların dərc olunmasına qadağa qoyub.

Buna baxmayaraq, məlumatları məxfi saxlamaq mümkün olmayıb. Belə ki, bir neçə astronomik laboratoriyalar şəkillərin surətini çıxarmağa macal tapıb. 1995-ci ilin əvvəllərində alman elmi jurnalların birində “Allahın iqamətgahı” haqqında fərziyyələr dərc olunub və bu məlumat dərhal bütün KİV-ə yayılıb. Aydın məsələdir ki, məlumatlar məxfi artıq ola bilməzdi.

Kosmosda nə tapılıb?

Nəzəriyyələrdə qıtlıq yoxdur. Hər maddədə Allahın iqamətgahı xarakteri haqqında izahlar verilib. Onlardan bir neçəsi bunlardır.

1. Bu yaşayış yeri həqiqətən Yaradanın iqamətgahıdır. Digər planetlərin və yerin ölmüş adamlarının ruhları burada toplaşır.

2. Obyekt - ən yüksək sivilizasiyanın təcəssümüdür. Əgər Kainatda başqa şüurlu varlıqlar varsa, ola bilsin ki, onlardan bəziləri o qədər yüksək səviyyəyə çatıb ki, belə miqyaslı süni obyektlər yaratmaq iqtidarındadır. Bu gün Yer ətrafında BKS uçur, 500 ildən sonra bəşəriyyət kosmosa nə buraxacaq?

Heç kim şübhə etmir ki, mütəxəssislər Allahın iqamətgahı ilə bağlı araşdırmaları bu illər ərzində də davam etdirir. Bəs niyə bu 20 il ərzində NASA alimləri daha bir sürpriz məlumat təqdim etməyib? Çoxsaylı istəklərə baxmayaraq, NASA bu məsələ ilə bağlı hər hansı yazı, şərh verməkdən qətiyyətlə imtina edir.  


PUBLİKA.AZ  &  VƏTƏNSEVƏRLƏR 

ÖCALANI ÖLDÜRÜB ÖLKƏDƏ XAOS YARADACAQLARMIŞ...

20.07.2016 / 10:34

Türkiyədə dövlət çevrilişinə cəhd planının bəzi təfərrüatları üzə çıxıb.

“Qafqazinfo” xəbər verir ki, hadisə baş verən gecə əsas hədəflərdən biri İmralı həbsxanasında olan terrorçu Abdullah Öcalan olub. Bildirilir ki, qiyamçılar Öcalanı həbsxanadan qaçırıb öldürməyi planlaşdırıblar.

Məlum olub ki, sözügedən planın əsas məqsədi Öcalanın ölümündən sonra kürd əsilli vətəndaşları ayağa qaldırıb, ölkədə xaos yaratmaq olub.

Aysel Kərimova 

& VƏTƏNSEVƏRLƏR

TÜRKİYƏDƏ QİYAMÇILAR 3 METRLİK BETON KAMERALARDA ÇÜRÜYƏCƏK

20.07.2016 / 19:44

Türkiyədə iyulun 15-də baş verən çevriliş cəhdindən sonra kütləvi həbslər davam edir. Qaynarinfo.Az xəbər verir ki, bu gün həbs olunan şəxslərə veriləcək cəzalar və onların saxlanılacağı həbsxanalarla bağlı ilginc xəbərlər yayılıb.

"Türkiyə qəzeti"nin məlumatına görə, hökumət bu kimi halların bir daha yaşanmaması üçün sərt addımlar atmaq qərarına gəlib. Bu məsələ Nazirlər Kabinetinin iclasında müzakirə olunub və bəzi qərarlar verilib.

Qəzet yazır ki, hökumət qiyamçıları üçün xüsusi məhkəmədlər qurmaq fikrindədi. "Çevriliş məhkəmələri"nin qurulması üçün xüsusi qanun qəbul ediləcək. Qiyamçıların cəzaları veriləndən sonra həmin məhkəmələr ləğv olunacaq.

Qəbul olunacaq qanun layişəsində günahkarların istintaqının şərtləri, veriləcək cəzalar, onların saxlanılacağı yerlər və saxlanma şəraiti ilə bağlı bütün detallar yer alacaq.

Bildirilir ki, Nazirlər Kabinetinin iclasında edam cəzasının bərpa olunması müzakirə olunub. Lakin bəzi nazirlər edamanın qiyamçılar üçün xilas yolu olduğunu bildirib və daha ağır həraitdə cəza çəkmələrini istəyiblər. Qəbul olunacaq qanun layihəsində qiyamçıların istintaqının və məhkəməsinin tez bir zamanda başa çatması ilə bağlı maddə olunacaq. Məhkəmələr xüsusi binada keçiriləcək avə işlərə çox sayda hakim baxacaq.

Qərarın daha ilginc tərəfi həbsxanalardır. Belə ki, 3 metrlik beton kameralardan ibarət həbsxanaların inşa edilməsinə qərar verilib. Onların tikintisi 3-4 aya yekunlaşmalıdır. Bu kameralar günəş işığı görməyəcək və içində sadəcə tualet olacaq. Cəza alan qiyamçılar bu kameralarda ömürlərinin sonunadək məhkum olacaq. Onlara başqa məhkumlara verilmiş heç bir haqq verilməyəcək. Ailələri ilə görüş, kitab oxumaq və televiziya haqqları olmayacaq. 

Bunlarla yanaşı, hərbi sistemlə bağlı da önəmli qərarlar verilib. Həmin qərarlara əsasən Genelkurmay Başqanlığı (Baş Qərargjah İdarəsi), qüvvət və qarnizon komandanlıqları başda olmaqla bütün hərbi binalar şəhərdən kənara köçürüləcək.

İddialara görə, hökumət Genelkurmay Başqanlığını Milli Müdafiə Nazirliyinə birləşdirmək və Jandarma Baş Komandanlığını ləğv etmək istəyir. Bu baş versə, Jandarma Baş Komandanlığı Daxili İşlər Nazirliyinin tərkibindəki bir şöbəyə çevriləcək.


& VƏTƏNSEVƏRLƏR

TÜRKİYƏ AZƏRBAYCANDA HƏRBİ BAZA YARADIR - PREZİDENT TƏSDİQLƏDİ

20.07.2016 | 20:30

Prezident İlham Əliyev Azərbaycan Respublikası Hökuməti ilə Türkiyə Respublikası Hökuməti arasında “Qızıl Şərq” hərbi şəhərciyində yerləşən bina və tikililərin, Hacı Zeynalabdin qəsəbəsindəki aerodromda yerləşən bir terminal binasının Türkiyə Silahlı Qüvvələri şəxsi heyətinin istifadəsi üçün ayrılması haqqında protokolun təsdiq edilməsi barədə fərman imzalayıb.

“Qafqazinfo”nun məlumatına görə, fərmanda deyilir :

Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:

1. Azərbaycan Respublikası Hökuməti ilə Türkiyə Respublikası Hökuməti arasında “Qızıl Şərq” hərbi şəhərciyində yerləşən bina və tikililərin, Hacı Zeynalabdin qəsəbəsindəki aerodromda yerləşən bir terminal binasının Türkiyə Silahlı Qüvvələri şəxsi heyətinin istifadəsi üçün ayrılması haqqında 2016-cı il iyunun 3-də Bakı şəhərində imzalanmış Protokol təsdiq edilsin.

2. Azərbaycan Respublikasının Müdafiə Nazirliyi bu Fərmanın 1-ci hissəsində göstərilən Protokolun müddəalarının həyata keçirilməsini təmin etsin.

3. Azərbaycan Respublikasının Xarici İşlər Nazirliyi Protokolun qüvvəyə minməsi üçün zəruri olan dövlətdaxili prosedurların yerinə yetirildiyi barədə Türkiyə Respublikası Hökumətinə bildiriş göndərsin.


& VƏTƏNSEVƏRLƏR