ERMƏNİLƏR SÜRƏTLƏ İSLAM DİNİNİ QƏBUL EDİRLƏR

Müsəlman ermənilər islami qaynaqların Erməni dilinə tərcümə olunmasına ehtiyac duyurlar.

Ermənilər sürətlə İslam dinini qəbul etməyə başlayıblar. ANS PRESS-in məlumatına görə, ictimai media üzərindən təşkilatlanmağa başlayan müsəlman ermənilər islami qaynaqların Erməni dilinə tərcümə olunmasına ehtiyac duyurlar.

Son illərdə Rusiya, Türkiyə, Çeçenistan, Gürcüstan, Suriya, İordaniya, Livan və hətta Ermənistanda yaşayan ermənilərin içərisindən belə İslam dininə keçənlərin sayının artdığı müşahidə edilib. Müsəlman olan ermənilərlə yanaşı İranda da əhəmiyyətli nisbətdə erməni mənşəli şiə var.

Ankarada fəaliyyət göstərən BMAR nəşriyyat Quranı Kərimi, Türkiyənin məşhur alimlərindən Elmalılı Həmdi Yazarın hazırladığı tərcümədən erməni dilinə tərcümə edləcək. 10 cild və 2500 səhifədən ibarət olan Erməni dilindəki Qurani Kərim 2014-cü ilin yanvar ayında çapa veriləcək.

Qeyri müsəlman ermənilər isə bu vəziyyətdən çox narahatdır. İslamı qəbul etməyən ermənilər isə müsəlman olanları təhqir edirlər.

Ermənistan dövləti də, müsəlman olan ermənilərə qarşı, məsafəli duruşunu qoruyur. Fransada yaşayan məşhur erməni müğənni Çarles Aznavur Ermənistan prezidenti ilə görüşdə, “Ermənistanın qapılarını İslam dinini seçən erməni diasporuna da açmalıdır" tələbinə hələlik bir cavab belə verilməyib. Aznavur tələbinin üzərindən 3 il keçdiyini, ancaq bu mövzu ilə əlaqədar bir cavab ala bilmədiyini açıqlayıb.

Mənbə :
Minber.az

" 10 İL SONRA RUSİYA OLMAYACAQ "

Kanadalı «Nostradamus» bu ölkənin müstəqilliyini itirəcəyini proqnozlaşdırır

MDB dövlətlərinin bəzilərini də Rusiyanın taleyi gözləyir

Tanınmış kanadalı yazıçı, futuroloq Domenik Rikardi Rusiyanın gələcəyi ilə bağlı proqnozlarını açıqlayıb. Qərbdə “Kvebek Nostardamusu” kimi tanınan Rikardi Niksonun hakimiyyətdən gedəcəyi tarixi, Berlin divarının uçurulacağını, Yuqoslaviya və SSRI-nin dağılacağını əvvəlcədən deyib.
Rusiya mətbuatına açıqlamasında Domenik Rikardi “10-20 ildən sonra Rusiyanı necə görürsünüz” suala cavabında “10 ildən sonra Rusiyanı görmürəm” cavabını verib. Onun proqnozuna görə, 10 il sonra Rusiya müstəqil dövlət kimi mövcud olmayacaq.

O, Rusiyanın ərazisini necə gördüyünü da təsvir edib:

“Şərqdən qərbə Saxalin adasının cənub hissəsi, Kuril arxipelaqının bütün adaları və Kamçatkanın cənub-qərb sahilləri Yaponiyanın protektoratı altında olacaq. Həmin ərazidə sərhədlərə sərt nəzarət ediləcək. Yaponlar həmçinin həmin ərazilərin sahillərini yuyan Sakit okeanın akvatoriyasına, Oxot və Vladivostokdan Yaponiya sahillərinə qədər Yapon dənizlərinə nəzarət edəcək. Hərbi baza və Petropavlovsk-Kamçatsk limanı ABŞ-la Yaponiyanın birgə nəzarətində olacaq.
Qərbə mənzərə belə olacaq: 65-ci paraleldən cənubdan şimala və şərqdə Uelendan Arxangelskə qədər ABŞ-ın nəzarətində olacaq. Daha sonra şimal-qərb istiqamətində Britaniyanın, şimal-şərqdə Almaniya və Norveçin yurisdiksiyası başlayır. 65-ci paraleldən cənuba, yəni Şimal qütb dairəsindən cənubda bütün Şərqi Sibir, həmçinin Monqolustan Çinin nəzarəti altına düşəcək. Həmin ərazilərdə Çin rejimi sərtliyi ilə seçiləcək. Həbsxana və konslagerlər sibirli və monqolustanlı partizanlarla doldurulacaq. Lakin sərhədlərin zəif mühafizəsi ordan qaçmağa da imkan verəcək. Çindən milyonlarla insan Monqolustan və Şərqi Sibirə köç etməyə başlayacaq.
Qərbi Sibirdə Ural dağ silsiləsindən Peterburqa, Murmanskdan Astraxana qədər olan ərazilərə NATO nəzarət edəcək. Kursk, Bryansk və Smolesk vilayətləri Fransanın, Tver, Yaroslavl, Arxangelsk, Kostroma vilayətləri Britaniyanın, Kalininqrad və Leninqrad vilayətləri Almaniyanın idarəçiliyi altına düşəcək. Yalnız Moskva və Moskva vilayəti qarışıq olacaq. Burda Yunanıstan və Türkiyə istisna olmaqla NATO-ya üzv olan bütün ölkələr təmsil olunacaq. Bütün ərazilərdə rəsmi dil ingilis dili olacaq. Bütün sənədləşmə işləri bu dildə aparılacaq. Ancaq qismən rus dili də istifadə ediləcək. Bu ərazilərdə inzibati orqanlarda yerli və NATO nümayəndələri çalışacaq. Pul vahidi rubl olsa da, indikindən fərqlənəcək.
Rusiyanın cənubunda vəziyyət tam fərqli olacaq. Qafqaz və onunla sərhəddə yerləşən Stavropol diyarındə uzunmüddətli etnik və dini münaqişə davam edəcək. Mübarizə isə ayrı-ayrı etnoslar arasında deyil, Islamda bir-biri ilə düşmən olan iki cərəyanın orduları arasında gedəcək.
Rikardi 10 il sonra Qafqazdakı durumun hazırda Əfqanıstandakı durumla eyni olacağını da deyib. Hətta NATO qoşunları ora daxil olmağa cəsarət etməyəcək. Çünki bu, böyük itkilərə səbəb ola bilər.

Rusiya müstəqilliyini müharibəsiz itirəcək

Rikardi eyni zamanda Rusiyanın nə səbəbdən parçalanacağına da aydınlıq gətirib. Buna səbəb ölkənin iqtisadi və siyasi təsirinin azalması, eyni zamanda geniş miqyas alan korrupsiya olacaq. Rusiyanın Qərbin təsiri altına düşməsi isə müharibəsiz və “dinc yolla” baş verəcək.

Azərbaycan Türkiyənin təsir dairəsinə düşəcək

“Kvebek Nostradamusu” digər MDB dövlətlərinin də gələcəyi barədə danışıb. O, Ukraynanın formal olaraq müstəqilliyini qoruyub saxlayacağını, ancaq bunun üçün Türkiyənin xeyrinə Krım yarımadasından keçməli olduğunu deyib. Ancaq bu tam dinc yolla, münaqişəsiz baş verəcək.
Belarus Rusiya kimi müstəqilliyini itirəcək və faktiki olaraq NATO-nun idarəçiliyinə keçəcək. Belarusun formal rəhbəri isə keçmiş siyasi mühacir olacaq.
Digər MDB dövlətlərinə gəldikdə, Rikardi onların müstəqilliyini qoruya biləcəyini deyir. Məsələn, Azərbaycan Türkiyənin təsir dairəsinə düşəcək, Iranın isə ölkəmizdə təsiri xeyli zəifləyəcək. Qazaxıstan Çinlə Türkiyə arasında uzun və üzücü mübarizənin meydanına çevriləcək. Ancaq Qazaxıstan rəhbərliyi hər iki qüvvə arasında manevr etməyi bacaracaq.

Fizzə
azadliq.info

PREZİDENTLƏ GÖRÜŞDƏN SONRA TƏƏSSÜRAT

"Hakimiyyət yeni kursa, açılıma başlayır?"

Konspektsiz danışırdı. Aramla, sakit səslə, pafossuz, ancaq təsirli. Əslində prezident Azərbaycan mediasının rəhbərlərinə brifinq verdi. Mənim üçün ilk idi. Ölkə prezidentini yaxından görüb, dinləmək, ona sual vermək, danışmaq, əl sıxmaq imkanım olmamışdı... 

Dedikləri bizim demokratik düşərgənin hər hansı bir təmsilçisinin söylədiklərindən heç nə ilə fərqlənmirdi. Vizyonu, media ilə bağlı baxışları, verdiyi mesajlar dünya standartları səviyyəsində sayıla bilər. “Bəs, biz niyə əziyyət çəkirik, deyə düşündüm, prezidenti dinlərkən...” Bu cümlə də prezident danışa-danışa Facebook profilimə yazdığım fikirlərdəndir. Doğrudan da, nə baş verir? Azərbaycan respublikasının prezidenti sürətlə dəyişən dünyada və Azərbaycanda, informasiya əsrində medianın önəmini, rolunu, dövlət və millət üçün əhəmiyyətini hətta bəzi demokratlardan da yaxşı deyir: “Müstəqil mətbuatın səviyyəsi həmin ölkənin inkişaf səviyyəsini göstərir”, – sitat İlham Əliyevdəndir; lakin ölkənin önəmli media quruluşları problem içərisindədir. Biz dövlətdən ciddi dəstək alırıq. Yazılı mətbuatın yaşaması üçün cəmi iki qaynaq var: KİV DF və satışdan gələn vəsait. İndi onun birini -  satışı demək olar ki, qapadıblar. Bu da qəzetlərin dayanması gerçəkliyini ortaya çıxarıb, bizi şikayətçi duruma salıb. Və belə bir məqamda prezidentin yanında görüş olur, önəmli mesajlar verilir... (Ümid edək ki, bu görüş üzərindən verilən mesajlar, deyilən fikirlər yaxın gələcəkdə vəziyyətin dəyişməsinə gətirib çıxaracaq.) 

Oxucularımız bilir ki, neçə gündür dövlətin zirvəsindən görüş istəməkdəyəm. Administrasiyanın rəhbəri Ramiz Mehdiyevə, onun müavini Əli Əsədova, PA-nın məsul əməkdaşı Əli Həsənova, Daxili İşlər naziri Ramil Usubova görüş üçün dəfələrlə müraciət etdim. Nəhayətdə, bir neçə gün öncə  ölkənin prezidenti İlham Əliyevə məktub yazdım. Yayımda yaranan son problemi onun diqqətinə çatdırdım. Şənbə günü qəfildən “Prezidentin yanında görüş olacaq, Sizi də dəvət edirik”, çağırışını aldım və hesab etdim ki, bu, mənim müraciətlərimə, müstəqil media və demokratik düşərgə ilə birgə apardığımız sistemli işə reaksiyadır.  Buna etiraz edənlərlə, “yox” deyənlərlə də mübahisə etmək niyyətim yoxdur: mənim düşüncəm budur. “Jurnalistlərin dostu” nominasiyası üzrə təqdimat adətən ilin sonlarında olurdu; bunun bu qədər önə çəkilməsi, qəfildən baş verməsi olduqca maraqlı, həm də ümidverici hadisədir; xoş məramın göstəricisidir. 

Bu görüşdən iki gün əvvəl AXC-nin banisi Məhəmməd Əmin Rəsulzadənin 130 illik yubileyinin keçirilməsi barədə sərəncamın verilməsi, ardınca bu görüş və orada ölkə müxalifətinin ünvanına yumşaq göndərmələrin səsləndirilməsi, etiraf edək ki, düşündürücü hadisələrdir.  Az qala iddia edəsən ki, hakimiyyət yeni kursa, açılıma başlayır; güman ki, belədir... Lakin bu dəfə bir qədər səbr edək və davamını gözləyək...

Prezident müxalifətə münasibətdə dedi ki, fikirlərdə, düşərgələrdə  fərqlilik mümkündür, lakin biz hamımız bir vətənin övladlarıyıq. Bütün məsələləri, problemləri öz aramızda danışıb, həll etməliyik. O dedi ki, Azərbaycanın bütün siyasi qüvvələri ümumi inkişaf istiqamətləri üzrə demək olar ki, eyni fikirdədirlər. Ölkə prezidentinin seçki prosesinə münasibəti də maraqlı oldu -  dedi ki, seçki prosesi göstərdi ki, Azərbaycanda siyasi mədəniyyət xeyli inkişaf edib... Həmin məqamla bağlı gözlənilən aqressivlikdən əsər belə olmadı... Prezident siyasətindəki prioritetləri də sadaladı: müstəqil, kimsəyə  boyun əyməyən, güclü, çağdaş, inkişaf etmiş demokratiyaya malik, ərazi bütövlüyünü təmin etmiş  bir ölkə... ”İqtisadi islahatlarla bərabər, ictimai-siyasi sahədə də islahatlara ehtiyac var, biz bunu edirik və edəcəyik”, mesajı da səsləndirilən fikirlər arasındaydı.    
****
Hər bir halda, problemli bir qəzetin redaktoru olaraq  mən istəyimə yetişdim və dövlətin bir nömrəli şəxsinə mətbuatın dərdlərinin bir qismini  -  yayımla bağlı olanları çatdırdım. Bir bazar günü mətbuatın önünə çıxıb, vacib hesab etdiyi mesajları vermək, bizləri də dinləmək, görünür, prezident üçün də mühüm olub.  

Qaldırdığım məsələlərə münasibəti normal oldu. Yeni köşklərlə bağlı tənqid söyləyəndə isə gülümsədi  -  bunun səbəbini sonradan, yekun çıxışında  bildim: “Onları mən gətizdirdim, amma sonra gördüm orada bazar açıblar”, dedi...

Ümumilikdə isə “ kim qəzet satışını məhdudlaşdırırsa, buna yol vermək və dözmək olmaz”, söylədi. Göstərişini verdi. Bundan sonrasını izləyək -  göstəriş nə zaman həyata keçəcək...
****
Görüşdə “Azadlıq” qəzetinin olmaması, əlbəttə üzücü və bu görüşün əhəmiyyətini təsirləndirən hadisə idi. Bunu kimlərin nədən etdiyini anlamıram -  lakin heç doğru saymıram.

Lakin ümid edirəm ki, fürsət tapıb, qaldırdığım və prezident səviyyəsində dəstək aldığım məsələ “Azadlıq” qəzetinin də problemlərinə faydalı olacaq.
****
Düz 12 il əvvəl qəzet redaktorları olaraq mərhum prezident Heydər Əliyevin yanında toplaşdıq. O zaman da medianın ölüm-qalım məsələsi gündəmdəydi. Görüşdən sonra vəziyyət dəyişdi və indi məlum olur ki, bugünə qədər var olma, dözüb gələ bilmə səbəblərimizdən biri də məhz həmin görüşdür. 

Ümid edək ki, qəzetlər daha bir 12 il də yaşayacaq və sonradan belə məlum olacaq ki, 2013-cü ildə bir bazar günü prezident İlham Əliyevlə onun dənizkənarı rezidensiyasında toplanıb, danışmasaydıq, Azərbaycanın yazılı mətbuatının davam gətirməsi, oralara (2025) qədər yaşaması çətin olardı...  

P.S. Görüş zamanı həm də reportyor kimi işlədim. Facebook-a status yazdım, sayta şəkil və xəbər yolladım. İlk xəbəri və şəkilləri də musavat.com yaydı. Üstündən 7-8 saat keçsə də, tədbirdən hələ də bircə dənə rəsmi foto yayılmamışdı...  

Yazar : Rauf ARİFOĞLU

AZƏRBAYCAN RESPUBLİKASININ DÖVLƏT HİMNİ ( AZERBAIJAN NATIONAL HIMN ).

     AZƏRBAYCAN RESPUBLİKASININ DÖVLƏT HİMNİ

 

MƏHƏMMƏD ƏMİN RƏSULZADƏ - 130

        MƏHƏMMƏD ƏMİN RƏSULZADƏ - 130

İLHAM ƏLİYEV MƏHƏMMƏD ƏMİN RƏSULZADƏ İLƏ BAĞLI SƏRƏNCAM İMZALADI

Prezident İlham Əliyev Azərbaycan Xalq Cümhuriyyətinin banisi Məhəmməd Əmin Rəsulzadənin 130 illik yubileyinin keçirilməsi haqqında sərəncam imzalayıb
Sərəncamda deyilir: “2014-cü ilin yanvar ayında Azərbaycan Xalq Cümhuriyyətinin banilərindən biri, Azərbaycan Milli Şurasının sədri Məhəmməd Əmin Rəsulzadənin anadan olmasının 130 illiyi tamam olur.
Xalqımızın müstəqillik idealının gerçəkləşdirilməsində, Azərbaycanın tarixi dövlətçilik ənənələri zəminində milli dövlət quruluşunun dirçəldilməsində, milli istiqlal ideyalarının geniş yayılmasında böyük xidmətlər göstərmiş və siyasi publisistikası ilə ədəbi-ictimai fikir tariximizə layiqli töhfələr vermiş görkəmli ictimai-siyasi xadim Məhəmməd Əmin Rəsulzadənin 130 illik yubileyinin keçirilməsini təmin etmək məqsədilə, Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
1. Azərbaycan Respublikasının Mədəniyyət və Turizm Nazirliyi Azərbaycan Milli Elmlər Akademiyası, Azərbaycan Respublikasının Təhsil Nazirliyi və digər aidiyyəti qurumlarla birlikdə Məhəmməd Əmin Rəsulzadənin 130 illik yubileyinə həsr olunmuş tədbirlər planını hazırlayıb həyata keçirsin.
2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin”.

YAZIÇI - PUBLİSİST MUSTAFA ÇƏMƏNLİNİN TƏBRİKİ

http://525.az/site/?name=xeber&duzelis=0&news_id=12931