Translate

22 Aralık 2015 Salı

“ATƏŞKƏSSİZ DAHA BİR İL YAŞAYACAĞIQ”



ASTROLOQUN 2016-cı il PROQNOZLARI

Modern.az saytının müsahibi tanınmış astroloq, “Qoroskop” qəzetinin baş redaktoru Səbuhi Rəhimlidir. İlin sonu olduğu üçün təbii ki, Səbuhi Rəhimli ilə üzümüzə gələn 2016-cı ilin proqnozları barədə danışdıq. Amma müəyyən məsələlər, elmi, sirli məqamlar var idi ki, hamı üçün maraqlı olan proqnozlardan sonra onlara da toxunduq. 

- Səbuhi müəllim, “keçi ili” 2015-ci il fevralın 19-dan başladı, gələn il isə “meymun ili”dir.  O nə zamandan  start götürəcək?

- Od ünsürlü “Qırmızı meymun ili”ni deyirsinizsə, bu, fevralın 8-də Bakı vaxtilə axşam saat 18:40-da start götürəcək.

- Üzümüzə gələn ilin proqnozlarına keçməzdən əvvəl, yola saldığımız 2015-ci il üçün verdiyiniz proqnozlardan hansıların doğru, hansıların yanlış olduğunu sizdən öyrənək...

- Müsahibə zamanı müxtəlif fikir və ehtimallar olur ki, bəzən jurnalistlər bunu proqnoz kimi təqdim edirlər. Məsələn, ilin başlanma vaxtı, rəngi, ünsürü, aktiv ölkələr və siyasi xarakteristika... Əslində bunlar ümumi qəbul olunmuş fikirlərdir. Bir də var, özümün tərtib etdiyim ictimai-siyasi proqnozlar. Bu baxımdan ötən il verdiyim 21 proqnozdan 16-sı tam, 3-ü qismən özünü doğrultdu. Cəmi 2 proqnoz isə yanlış çıxdı. Onların hamısı təhlillərlə birlikdə mətbuatda çıxıb.

- Ötən il bizimlə bu istiqamətdəki  müsahibənizdə verdiyiniz proqnozların böyük qismi doğru çıxdı. Lakin bircə mədəniyyət haqqında dediklərinizdə nəticə hasil olmadı. Bildirmişdiniz ki, göy keçi mədəniyyət ünsürüdür. Bu ildə kimsə parlayacaq, yeni mədəni uğurlar olacaq. Sizcə, bu proqnozunuz düz çıxdımı? 

- Əvvəlki sualda dediyim kimi, bu, proqnoz deyil, ümumi qəbul olunmuş astroloji qənaətdir. Keçi teatr və incəsənətlə bağlı olduğu üçün ümumi fonda bu fikirləri deyirik. Amma bir az araşdıra bilsəniz, hətta bunun da doğru çıxdığını görərsiniz. Elnur Hüseynovun “O səs Türkiyə” yarışmasının qalibi olması, “Əli və Nino” filminin şöhrəti, beynəlxalq film festivallarında aldığımız mükafatlar, həmyerlimiz Röyanın Türkiyə sənətçiləri arasında getdikcə irəliləyən yüksək reytinqi sübut olar. Bilirsinizmi, proqnozlar çoxsahəlidir – siyasi, iqtisadi, mədəni, tibbi, hətta coğrafi. Proqnozların nəticəsini bir jurnalist araşdıra bilməz, mütləq hər sahədən mütəxəssis özünə uyğun xətti dəqiqləşdirməlidir. Məsələn, demişdim ki, 2015-ci ildə 4 nazir və ya nazir ranqlı məmur vəzifəsini itirəcək. Bu gün hamı deyir yalnız 2 nəfər olub, çünki ilin sonunda qalmaqallı iki istefa daha çox yadda qalıb. Halbuki, ilin birinci yarısında Statistika Komitəsinin sədri dünyasını dəyişdi, Torpaq və Xəritəçəkmə Komitəsi isə ləğv olundu. Yaxud “15-ə yaxın icra başçısı dəyişdiriləcək” proqnozumu götürək. Hamının yadında son 4 dəyişiklik (Abşeron, Sumqayıt, Nəsimi, Səbail) qalıb. Halbuki,  2015-ci ildə 12 rayonun rəhbərliyi dəyişdirilib.

- İndi isə keçək 2016-cı ilə. İlin ünsürləri, aparıcı ayları, bürcləri hansılar olacaq?

- İlin göy cismi Ay, aparıcı bürcləri Xərçəng və Buğa, illəri Meymun, Siçovul və Əjdaha, ayları may, iyul, rəngi qırmızı, ağ və açıq-mavi, daş-qaşı zümrüd, rubin, Ay daşı, metalı isə gümüş olacaq.

- Dünyanın siyasi xəritəsində hansı dövlətlər 2016-da aktiv və ya passiv olacaq?

- Əslində bunu da proqnoz kimi qəbul etməyinizi istəməzdim. Çünki ilin astroloji göstəriciləri sırasında aktiv ərazilər də olur və bunu təkcə mən yox, bütün astroloqlar deyir. Bir haşiyə çıxım: bəzən gün və ya Ay tutulmalarını həftələr, aylar öncə mətbuata açıqlayıram. Bir də görürsən ki, oxucular “halaldır, demişdiniz gün tutulacaq, doğrudan da tutuldu” deyirlər. Gülməlidir, 21-ci əsrdə belə yanaşma təəssüf doğurur. Sanki heç kim bilmirdi və mənim dediyim hamını təəccübləndirib. Halbuki, bu, mənim proqnozum deyil, sadəcə olacaq deyə əvvəlcədən insanlara çatdırıb tədbirli olmalarını istəyirəm. 

Sualınıza gəlincə, 2016-cı ildə gündəmdə olacaq ərazilər bunlardır: Avstraliya, Türkiyə, Azərbaycan, Şotlandiya, Hollandiya, Almaniya, İrlandiya, Polşa, İsveçrə, Suriya, Sakit okean adaları, İraq, İran, Əfqanıstan...

- 2016-cı il Azərbaycan üçün nə ilə yadda qalacaq?

- Əslində meymun illəri daha çox qıtlıq və məhəlli münaqişələrlə, istila və sensasion sui-qəsdlərlə yadda qalır. Azərbaycan üçün hansısa qeyri-adi hadisənin olacağını isə güman etmirəm. Mən sırf astroloji qənaətlərimi deyirəm. Ola bilsin ki, bizim bilgimizi aşan amillər də çoxdur. Yaddaqalan Qarabağın qaytarılması, rüşvətin tam yığışdırılması, əhalinin rifahı naminə aparılan islahatlar ola bilərdi, onlar da olmayacaq.

- Devalvasiya, manatın ucuzlaşması, qiymət artımı 2016-cı ildə insanlara necə təsir göstərəcək? Ümumiyyətlə, sırf bu istiqamətdə müsbət nəsə gözləyə bilmərik?

- Bu sualı iqtisadçılar daha aydın tərzdə şərh edə bilərlər. Astrologiya təbii gedən mənzərəni təsvir edir, bizdə isə çox şey sünidir. Sizə bir misal deyim. Bir dəfə tanınmış bir siyasi dustaq haqqında yazmışdım ki, azad olunacaq. Tam əmin idim ki, bütün hesablamalarım dəqiqdir. Lakin həmin ilin 31 dekabr əfv fərmanında adı çıxmadı, o biri ilin Novruzunda buraxdılar. Sonralar onunla rastlaşdıq, mənə “türmədə mənə dedilər ki, Səbuhi Rəhimlini səhv çıxarmaq üçün qəsdlə səni əfv siyasından çıxarmışıq” dedi. İndi buna ulduzlar neyləsin? (gülür) 
Belə hallar da olur. Ona görə də dəyişdirilə bilən proqnozları verməməyə çalışırıq. 
Sualınıza gəlincə, hazırkı devalvasiya artan xətt üzrə gedəcək – bunu uşaq da bilir. Birinci devalvasiyada sosial şəbəkələrdə yazmışdım ki, dollar bir də heç vaxt 1,05 manatdan ucuz olmayacaq. Həmin fikri yenə təzələyirəm: dollar heç vaxt 1,5 manatdan ucuz olmayacaq. Vəziyyətin qismən də olsa düzəlməsi mümkündür, lakin bunun üçün vətəndaşları düşünən, maliyyə qaydalarını yaxşı bilən ağıllı başlar lazımdır.

- Qarabağ məsələsində nə kimi yeniliklər olacaq?

- Döyüşlər bir az da irimiqyaslı olacaq. Atəşkəssiz və Qarabağsız bir il yaşayacağıq.

- Qarabağ demişkən hamıdan çox sizə doğma olan iki soydaşımız - Dilqəm Əsgərovla, Şahbaz Quliyevin müqəddəratı barəsində nəyi demək olar?

- Ötən il səhv çıxan iki proqnozumdan biri də onlarla bağlı oldu. Bəlkə də emosiya və istəklərim soyuqqanlı hesablamalarıma mane olmuşdu. Əslində bütün hesablamalarım onların iyulda və noyabrda azadlığa çıxacaqlarını göstərirdi. Amma məhz həmin aylarda cəbhə bölgəsində şiddətli döyüşlər, ağır itkilər oldu – bunların arasında nə kimi əlaqə olduğunu hələ də anlamıram. Ona görə də bunu siyasi iradənin öhdəsinə buraxıram.

- Proqnozlardan keçək, Səbuhi Rəhimlinin əsas fəaliyyət sahəsi olan araşdırmalara. Azərbaycan tarixinin Midiya dövrünə aid olan gizlinləri barəsində nə zaman yazmaq fikriniz var?

- Midiya dönəmi dərindən öyrənilməyib. Çoxlu açıq suallar var. Təsəvvür edin ki, hələ dəqiqləşdirən olmayıb ki, Midiya türklərə məxsus olub, farslara, yoxsa hətta kürdlərə. Əsas mənbələri ortaya çıxarmaq az qala mümkün deyil. Min dəfə dediyim fikri bir daha deyirəm: bütün dillərdə dərc olunmasına baxmayaraq bu vaxta qədər “Avesta” öz dilimizdə dərc olunmayıb. Bütün dünya gücləri buna imkan vermir. Kimsə bu fikrimə gülürsə, buyursun dərc etdirsin – rusca da var, farsca da. Kim bu işə qol qoyubsa, məhv edilib. Ən gülməlisi isə odur ki, Zərdüşt peyğəmbərin doğulduğu yer, yaşadığı ərazi (Marağa) hamıya bəlli olduğu halda, o ərazidə hətta düşmənlərimizin belə, etiraf etdiyi kimi əzəldən türklər yaşadığı aydın olsa da, bəzi ciddi tarixçilərimiz onun türklüklə heç bir əlaqəsi olmadığını deyir. Onu fars, kürd, hindli, hətta slavyan (Tamara Qloba tərəfindən) adlandıranlar var. Bax, bu problemləri aradan qaldırmaq lazımdır. Dilimizdə “Avesta”nın yalnız Yasna Qatları dərc olunub ki, onun da səhv etmirəmsə,  16 Qatı kitabdan çıxarılıb. Hər şeyin kökü də məhz buradadır. Midiyanı heç olmasa özümüz üçün öyrənə bilsək, o ad bizə bugünkü qədər uzaq və yad gəlməz. Nəsə yazmağa gəlincə, ara-sıra öz məqalələrimdə buna toxunuram, lakin ayrıca bir yazı, özü də gizlinlərdən bəhs edən yazı yazmaq planım yaxın perspektivdə yoxdur.

- Siz həm də söz adamısınız. Qədim maq fəlsəfəsini şairin və təhkiyənin dili ilə bədiiləşdirmək fikriniz varmı?

- Əgər şeiriyyət yönümündə deyirsinizsə, mən özümü şair adlandırmıram. Ara-sıra könlümdən qaynayan, içimdən doğan, zəkama hopan və oradan dilimə axan kəlmələri ovcuma yığıb qələmə həvalə edirəm. İndi insanlarda mənəvi eniş mərhələsi pik həddinə çatdığı üçün şeir və söz fəlsəfəsini qavramaq ovqatında deyillər. Qədim mağ sivilizasiyasını isə bu gün çox az adam bilir. Bilinməyən bir şeyin ədəbi təsviri isə maraq doğurmaz.

- Özümüzə qayıtmaq üçün Azərbaycan tarixinin hansı dövrünə bir daha səfər etməliyik?

- Biz hər zaman özümüzdəyik, hər zaman sıfır nöqtəsindən başlamaq şansımız var. Sadəcə bunun üçün qurban verməyə də hazır olmalıyıq. Bu gün hər şeyimiz var, yalnız qurban getməkdən, şəhid olmaqdan çəkinəcəyimiz var. Deməli, azacıq qürurumuzu artırmalıyıq. Türk milləti yaranışından deyib ki, Göyün altı bizimdir. Nə yazıq ki, bu gün dünyamız sərhədləşdirilib, türklər heç vaxt sərhəd qoymayıblar. Mən geri qayıtmaq istəməzdim, yolumuz irəlidir. Bu gündən baxanda Turanla fəxr edirik, Uzun Həsən, Xətai dönəmi ilə fəxr edirik, nə deyim, səhifələrimiz çoxdur.

Elmin NURİ 
modern.az

ÇİNDƏKİ GİZLİ TÜRK PİRAMİDALARI


Bu yazı qarşıma çıxdığında o qədər də ciddiyə almadım və oxumadan ötüb keçmək istədim. Birdən, sanki kimsə mənə bu yazını “oxu” deyə pıçıldadı. Oxudum… Və… Dəhşət… 

...Bizlər qəhrəman, tarix yaradan, çağ dəyişən, svilizasiya yaradan, böyük-böyük imperiaylar quran bir millət olaraq öz tariximizi öyrənə bilmirik. Bu yazını oxuduqca bir daha bunun şahidi oldum. Çində olan piramidalar, orada gizlənən tariximiz haqqında heç bir bilgiyə sahib deyilik. Başda Çinin özü olmaqla, bütün dünya dövlətləri bu piramidaların araşdırılmasını istəmir. Ancaq bizlər də buna çox az təşəbbüs göstəririk. Orası da bəllidi ki, onlar buna heç zaman imkan verməyəcəklər. Ta, biz o imkana sahib olana qədər. 

Marağımıza səbəb olan yazını oxuculara təqdim edirik. 

Çində piramida varmı? Bəli. Əslində dünyadakı ən böyük piramida - 300 metr yüksəkliyində olduğu təxmin edilən Xiandakı "Ağ Piramida"dır. Bu piramida Misirdə olan piramidaların iki qat böyüklüyündədir. Ağ Piramida on altı piramidadan ibarət olub bir kompleksin ən böyük parçalarından biridir və Çindəki "qadağan olunmuş bir bölgə"də yerləşir. 

Təqdim etdiyimiz fotoşəkillərdən də göründüyü kimi, piramidalar torpaqla örtülüb. Piramidalardan birində torpaq qablı daş strukturlar olduğunu göstərən daş bir giriş vardır. Bəziləri Amerikadakı piramidalar kimi düz bir təpə quruluşuna malikdir. Bu piramidalar 5000 illik tarixə malik olduqları təxmin edilir, çünki ən azından 5000 illik Çin mətnlərində onlara istinad vardır. 

Verilən məlumatlara görə, Çindəki Ağ Piramida ikinci dünya müharibəsi zamanı Amerikalı pilot Ceyms Qussman tərəfindən müşahidə edilib. Hindistandan Çungkingə yük daşıyan pilot uçuşdan dönərkən mühərriklərindən birinin işləmədiyini görür və benzin çəninin donduğunu güman edərək, bir az aşağı enməyə qərar verir. Pilot çox diqqətli olmaq məcburiyyətində idi, çünki bütün bölgə dağlıq və təhlükəli ərazilərlə dolu idi. Dağlara dəyməmək üçün təyyarəni yanı üstə idarə etdiyində böyük, düz bir vadiyə gəlir. Bu zaman düz qarşısında, sanki metaldan tikilibmiş kimi parlayan nəhəng bir piramidanın olduğunu görür. 
                                              Çindəki gizli Türk Piramidaları

Burada ən diqqət çəkən şey, piramidanın təpə daşı idi. Qussman bunun kristaldan düzəldiyini düşünür. Piramidanın ətrafına üç dəfə dövrə vurduqdan sonra üstünə çıxmağa cəhd edir. Ancaq o verdiyi kəşfiyyat hesabatında piramidanın ətrafında heç bir şey görmədiyini ifadə etmişdi: "Çılpaq ərazi içində böyük bir piramida dayanırdı. Onun çox köhnə olduğunu təxmin etdim". Hesabatını isə bu sualla bitirir: "Onu kim tikib? Nə səbəbə tikilmişdi? İçində nə var?"
Alman araşdırmaçı-yazar Hartvig Hausdorf bölgəni şəxsən ziyarət edib və piramidalarla əlaqədar burada gördüyümüz fotoşəkilləri çəkməklə bərabər, bir çox material da yığıb.

Edqar Caycenin araşdırmaları insanların bir zamanlar tək bir dil danışdığını və çox uzaqlara səyahət edə bilmək imkanlarının olduğunu göstərir. Həmçinin o, misirli yüksək rahib Ra Tanın Çin və əlaqədar digər bütün bölgələrə etdiyi ziyarətlərin necə reallaşdığından danışır. Bəlkə də Ra Tanın, piramida tikmə texnologiyasını səfəri əsnasında getdiyi yerlərdəki xalqlara da öyrətmişdi. Bu piramidalardan dünyanın hər yanında ola bilər: Misir, Amerika (burada digər bölgələrdən daha çox piramida vardır), qədim Fransa, Orta Asiya, Polinezya, Peru və eramızdan əvvəl Mississipi Vadisində, hətta bəlkə də Marsda belə.

Misirdəki fironlar dövrü ilə təxminən müasir sayıla biləcək zamanlarda (E.ə. 2852 - 2206 arasında) Çində yarı mifoloji "Beş Kral" hökm sürmüşdü. Bu sivilizasiya inkişaf etmiş bir sivilizasiya idi; ipək və qida bolluğu içində. Bununla birlikdə İmperator Çin Shin Huang e.ə. 212-ci ildə qədim Çinlə əlaqədar bütün kitabların və ədəbi əsərlərin yandırılmasını əmr edir. Böyük kral kitabxanası da daxil, bütün kitabxanalar yox edilmişdir. Ancaq bəzi mətnlər mağaralarda və monastırlarda saxlanmışdı. 

Deyilənə görə e.ə.100-ci ildə Vang Tao-Şih adlı Taocu bir rahib silsilə bir mağarada kitabxanaları tapıb. Bu mətnlərdə qədim zamanlardan və "Ana Vətən Mu" deyilən bir yerdən söz açılırdı. Edgar Cayce, Munun Lemuryanın digər adı olduğuna bir neçə dəfə eyham vurmuşdu. 

Tapılan bir əlyazma parçasında Atlantik və Munun batdığı Okeanı göstərən qədim bir xəritə yer almaqdadır. Bu qitələrin sulara qərq olmasından sonra sağ qalanlar zəfər dolu bir çağın geridə qalan son qeydlərini Misirə, Çinə, Yukatana və başqa yerlərə səfər edərək özləri ilə aparıblar. Bax, bu gün yenidən kəşf etməyə çalışdığımız da o çağın qədim tarixidir. 

İlk insan mumiyalama texnikasını mükəmməl bir şəkildə tətbiq edənlər Altay türkləridir. (Misir mədəniyyətindən əsrlər əvvəl) Uyğur bölgəsində olan, Misir piramidalarından əsrlər əvvəl tikilən və Misir piramidalarından daha böyük olan piramidaları da tikən türklərdir. Çin hökuməti bura girişi tamamilə qadağan etmişdir. Çünki bu piramidaların içində proto-Türk yazılar mövcuddur. Arxeologların da oraya girişinə qəti surətdə icazə verilmir. Əgər orada olanlar araşdırılsa, gərəkdir ki, bundan sonra dünya tarixi yenidən yazılsın. Bax, Çin və dünya dövlətlərinin narahatçılığı da bu üzdəndir. Piramidaların orijinal şəkil və böyüklükləri diqqət çəkməməsi baxımından Çin hökuməti tərəfindən məqsədli şəkildə təhrif edilmişdir. Piramidaların üst tərəfləri kəsilmiş və üzəriləri torpaqla örtülmüşdür. 
Türkiyə televiziyalarının birində yayımlanan “Ceviz qabığı” progamına qatılan Xəlil Şıvgın demişdi: "1984-cü ildə mən Çini ziyarət etdim, Çini ziyarətim əsnasında Turfana apardılar. İlk dəfə Turfana gedən Türk heyətinin mənsubu olmaqla da həqiqətən qürur duyuram. Orada bizi gəzdirərkən mumiya tapdıqlarını söylədilər və biz mumiyaları gördük. 

O gördüyümüz mumiyaların Misirdəki mumiyalardan çox fərqli olduğunu söylədilər, yəni texnoloji və düzəldilmə baxımından Misirdəki mumiyalardan daha əvvəl olduğunu da qeyd etdilər. Daha sonra aradan illər keçdi, bir televiziya kanalında bu mövzunu müzakirə edildiyini gördüm. Həqiqətən elmi olaraq Misir mumiyalarıyla Turfandakı mumiyalar arasında bir müqayisə aparılmalıdır. 

Mən orada qadın, uşaq, kişi mumiyaları gördüm. Və o sırada, hətta bir dənəsi kifayət qədər qorunmadığından yararsız hala düşmüşdü. Bunları muzeydə gördük. 
Bu mumiyalardakı üstünlüyü elm adamları ortaya qoymağa başladılar. Elm adamlarının ortaya qoyduqları bir gerçək var ki, ilk dəfə mumiya mədəniyyətinin Türklərdə olduğu ortaya çıxır. Yəni mən elm adamı deyiləm, amma bizim elm adamlarımınızın bu hadisənin üzərinə ciddi düşmələri lazımdır. 


Çindəki gizli Türk PiramidalarıƏgər Misirdə mumiya mədəniyyəti vardısa, deməli o zaman onun ətrafında da bir mədəniyyət olmalı idi. Misirin ətrafında mumiya mədəniyyəti ilə əlaqədar hər hansı bir iz yoxdu. İstər Afrika, istərsə də bu biri tərəflərdə yenə belə bir mədəniyyət yoxdu. Bu səbəbdən də ancaq Orta Asiyadan o bölgəyə gedən Türklərin varlığı müzakirə mövzusu ola bilər…"

Türkləri bütün dünyaya geridə qalmış bir millət olaraq tanıdan fikirləri zaman-zaman bizim də içimizə yeridiblər. Əvvəla millətə tarixini, ulu bir millətə mənsub olduğunu, bütün mədəniyyətlərin anası olan irəli bir millətin cocukları olduğunu öyrətməliyik. 

Bütün insanlıq tarixini dəyişdirərək; MƏDƏNİYYƏTİN ƏSL YARADICISININ TÜRKLƏR OLDUĞU NƏTİCƏSİNİ DOĞURAN bu fövqəladə kəşf qərbli elm adamları tərəfindən israrla görməzlikdən gəlinir. Ən azından ona görə ki, bu piramidaların özündə saxladığı həqiqətləri gizləmək sadəcə mümkün deyil. 
Necə deyirlər: ''Türkləri tarixdən çıxarsanız tarix deyə bir şey qalmaz''.


Rəşad SAHİL
karabakhmedia.az

2 İL SONRAKI RUSİYA : MÜSTƏQİL DÖVLƏTLƏR, VƏHABİLİK VƏ DİVARDAN AŞAN KÖÇKÜN RUSLAR...



2017-ci ildə Rusiyanın dağılma prosesi başlayacaq. 

Cebhe.info Retrans24 saytında bu barədə yer alan məqaləni təqdim edir.

Məqaləyə əsasən, Rusiyanın dağılması prosesi 2017-ci ildə başlayacaq. Şimalı Qafqazdan başlayacaq prosesə Türkiyə də dəstək verəcək. Yeni müstəqil olmuş ölkələrə Türkiyənin kömək göstərəcəyi bildirilir.

İlk növbədə Çeçenistan ayrılacaq. Bu bölgədə rus əhalisi az, müsəlman çeçenlər çoxuq təşkil edir. Moskvadan Çeçenistana ayrılan maliyyə vəsaiti azaldıqca bu bölgə onsuz da faktiki yarımüstəqil həyat sürür. Çeçenistan güclü hərbi dövlət olacaq və Qafqazda hegemonluğu ələ alacaq.

Çeçnistandan sonra prosesə Dağıstan qoşulacaq. Dağıstanın artıq Rusiya ilə mübarizə etmək təcrübəsi var. Şeyx Şamil buna ən yaxşı misaldır. Burda 3 milyon insanın ancaq 3 faizi rusdur. Bu isə gələcəkdə Rusiyanın bölgəyə hegemnonluq etməsini mümkünsüz edir. Dağıstan korrupsiya ilə mübarizədə vəhabi ideologiyasını qəbul edəcək.

Qafqazda daha bir ölkə Kabardin yaranacaq. Bu ölkə Qaraçay-Çərkəz, Kabardin-Balkar və Adıgeyin birləşməsi nəticəsində meydana çıxacaq. Kabardin-Balkarda əhalinin böyük əksəriyyəti çərkəzlərdir. Əhalisi milyondan bir qədər azdır. 40 min əhalisi olan Adıgey müstəqil yaşamağa qadir olmayacaq. Buna görə də Kabardin-Balkara birləşəcək. Qaraçay-Çərkəsdə 470 min əhali yaşayır ki, onların da böyük əksəriyyəti müsəlman qaraçaylardır. Onlar hamısı Qafqazda yeni ölkədə-Kabardində birləşəcək. Hələ 18-19-cu əsrlərdə bu bölgənin əhalisi ruslara qarşı uzun müddət dirəniş göstərib.

300 min əhalisi olan İnquşetiya Çeçenistana birləşəcək. Şimalı Osetiyada əhalinin 65 faizi osetinlərdir ki, onlar da Cənubi Osetiya ilə birləşərək yeni dövlət- Alaniyanı yaradacaqlar. Osetinlərin əcdadları olan alanlar Afrika, İspaniya, Balkanlar və Yaxın Şərqdə döyüşüblər. Qızıl Ordaya qarşı da dirəniş nümayiş etdiriblər. Alanlara qarşı mübarizədə Qızıl Orda xanları moskvalı qullardan istifadə edib.

Bütün Şimali Qafqaz respublikalarına Türkiyə böyük təsir göstərəcək. Türkiyə bu ölkələrin Rusiyadan mühafizə olunmasında xüsusi rol oynayacaq. Rusiyadan müdafiə olunmaq üçün bu ölkələr Türkiyə ilə hərbi-siyasi ittifaqa daxil olacaq. Türkiyənin məqsədi Rusiyanı Qara dənizdən qoparmaqdır ki, bu da Avropa ilə enerji və ticarət əlaqələrinin gücləndirilməsində əsas vasitələrdən biridir.

Abxaziya Gürcüstana qaytarılacaq. Türkiyənin artan təsirinin qarşısını almaq və Qafqaz ölkələrini zəiflətmək üçün Federal Tədqiqatlar Bürosu dağlarda yeni İŞİD yaradacaq.

2018-ci ildə Rusiyanın dağılması prosesində ikinci mərhələ başlayacaq. Bu mərhələ neft-qaz regionlarını əhatə edəcək. Tümen vilayəti Xantı-Mansiyski də daxil olmaqla müstəqil dövlətə çevriləcək. Və öz neftini satmağa başlayacaq.

Neft-qazla zəngin olan Komi tez ayrılacaq, buna səbəb isə neft-qazdan əldə edilən gəliri Rusiya ilə bölməmək istəyidir. Onlar hərbi kömək üçün Amerikaya müraciət edəcəklər.

Tümendən sonra ayrılmaq növbəsi Ural bölgəsinə çatacaq. Bu ərazi Çinin mümkün təsirindən qorunmaq üçün Amerikaya üz tutacaq.

Tuvalıların yaşadığı Tuva da 2018-ci ildə müstəqilliyini elan edəcək.  Tuva 1944-cü ildə Xalq Respublikası kimi tanınıb və müstəqil olub. 1944-cü ildə SSRİ-yə birləşdirilib. Bu elə zaman idi ki, Çin bu bölgəyə iddia edirdi. Çin Tuva Xalq Respublikasını tanımırdı, ancaq indi bu vəziyyət əksinə olacaq. Çünki Tuva gec-tez Çinə birləşdiriləcək və ancaq 15-20 il müstəqil yaşayacaq.

Yakutiya da müstəqil ölkə olacaq. Ancaq əhalisinin böyük hissəi Çinə miqrasiya edəcək.

Kamçatka vilayəti Çukotiya, Maqadan və Xabarovsk vilayətinin şimalı ilə birləşəcək. Bu ölkə ABŞ-ın təsiri altında olacaq və Alyaska, eləcə də Kanada ilə sıx əlaqədə olacaq.

Xabarovsk vilayətinin cənubu isə Çinə birləşdiriləcək. Zabaykalye də Çinin ərazisi olacaq. Primorski vilayəti  müstəqil olacaq ki, bu ərazilərdə Yaponiya və Amerikanın təsiri böyük olacaq. Bu iki ölkə Primorskinin müstəqillyinin qarantı hesab ediləcək. Ölkənin əhalisi pul qazanmaq üçün Yaponiya, Alyaska və Kanadaya gedəcək.

Buryatiyada əhalinin 30 faizi burtaylar, 65 faizi isə ruslardır. Buryatiyanın da Çinə birləşdirilməsi ehtimalı var. Altayın əhalisinin bir hissəsinin monqollara yaxın olduğu bildirilir ki, 2018-ci ildə bu əhalini sayı 38 faizə yaxınlaşacaq. Əgər bu ölkə müstəqillik əldə etsə belə çox keçmədən Monqolustan və ya Çinin təsiri altına düşəcək.

Krasnoyarsk İkrutskla birləşəcək və paytaxtı Krosnoyarks olan Xalq Respublikası kimi tanınacaq.

Saxalin və Kuril adaları Yaponiyaya qaytarılacaq. Omsk vilayəti Novosibirsk, Tomsk və Kemerovsk ilə birləşdiriləcək. Omsk vilayətinin bir hissəsi Qazaxıstana veriləcək.

530 min əhalisinin ancaq 12 faizini xakasların təşkil etdiyi Xakasiya Krosnoyarsk Xalq Respublikasına birləşdiriləcək.


Amur vilayəti Çinə veriləcək. Əhalisinin əksəriyyəti rus olan Altay vilayəti də müstəqilliyə imza atacaq.

2020-2025-ci illərdə Rusiyanın dağılması prosesi davam edəcək. Bu mərhələdə ilk ayrılan Çuvaşıstan olacaq. Mari-El Respublikası və Mordoviya Çuvaşıstana birləşdiriləcək. Kareliya Finlandiyaya qaytarılacaq və əhali həyat səviyyəsini yaxşılaşdıracaq.

4 milyon əhalinin yaşadığı Tatarıstanda əhalinin 50 fazini tatarlar rtışkil edir. Tatarıstana dotasiyalar kəsildikdən sonra müstəqil islam respublikası olacaq və Türkiyə ilə dostluq edəcək. Türkiyə bütün türkdilli ölkələrin müstəqilliyini müdafiə edəcək. Ulyanovsk vilayətində də çox sayda tatar var. Bu ərazinin də Tatarıstana briləşdirilməsi gözlənilir.

Başqırdıstanda 2010-cu il əhalinin siyahıya alınmasının nəticəsinə görə, ruslar 36 fazi, başqırdlar 29,5 faiz, tatarlar 25,4 faizdir. Burdakı vəziyyət də Tatarıstanla eyni olacaq. Ancaq dotasiyanın kəsilməsi əhalidə millətçilik əhval-ruhiyyəsini artıracaq.

Başqırdıstan 2021-ci ildə Rusiyadan ayrılacaq. Başqırdıstanın Tatarıstanla birləşərək islam dövləti yaratması mümkün olacaq.

Əhalisi 2,6 milyon nəfər olan Perm vilayətidə Rusiyadan ayrılacaq. Penzanın bir hissəsi Mordoviyaya, digər hissəsi isə Çuvaşıstana veriləcək. 1,5 milyon əhalisi olan Udmurtiya da müstəqilliyə imza atacaq. Krosnodar vilayəti Ukraynaya birləşdiriləcək.

Krım Ukraynaya qaytarılacaq. Hər şey adi qaydada baş verəcək, təkcə bayraq dəyişdirləcək.

Sevastopolda NATO bazası yaradılacaq. Türkiyə və İsrail burda öz layihələrini həyata keçirmək üçün imkan əldə edəcək.

Krım Ukraynanın tərkibində ikinci Honq-Konq olacaq. “Ölü şəhərlər” canlanacaq, əhalinin həyat səviyyəsi yüksələcək.

Astraxan vilayəti Qazaxıstana birləşdirləcək.

3,5 milyon əhalisi olan Çelyabinsk vilayəti müstəqil olacaq.

Samara vilayəti Orenburqa birləşdiriləcək və müstəqil olacaq.

Kalmıkiyada əsas əhali kalmıklardır və onlar dini əqidəsinə görə Dağıstanla birləşə bilməyəcək. Kalmıklar müsəlman deyil və buddizmə itaət edirlər. Müstəqilliklə yanaşı bu ərazinin Rusiyanın tərkibində qalmaq ehtimalı da var. Stavropol da müstəqil olacaq.

Kalininqrad ən çox bəxti gətirən bölgə olacaq. Onlar Avropa hesab ediləcəklər. Kalininqarddakı almanlar öz vətənlərinə qayıdacaqlar. Paytaxat Kenisberq olacaq.

Murmansk vilayəti Norveçin bir hissəsi olacaq. Eləcə də Arxangelsk vilayəti müstəqil dövlətə çevriləcək. Sankt-Peterburqda İnqermanlandk Xalq Respublikası yaradılacaq və orda NATO bazaları yerləşdiriləcək.

Peterburq “rejimin qurbanı” statusu alacaq və Rusiyadan fəqli xarici siyasət imtiyazı əldə edəcək. Leninqrad, Kirovsk, İvanovsk, Kemerovsk, Smolensk, Bryansk, Kursk, Belqorod, Moskva, Tambov, Tulsk, Yaroslavl, Saratov 2025-ci ildə də Rusiyanın tərkibində qalacaq.

Ukrayna və ABŞ-ın qoşunları Belarusa daxil olacaq və hakimiyyət demokratikləşəcək. Ukrayna qoşunları həmçinin Rusiyanın bəzi bölgələrinə də daxil olacaq.

Rusiyanın cəmi 70 milyon əhalisi qalacaq. Ərazisi isə indiki ərazisinin ancaq 16 faizini təşkil edəcək. Rusiya artıq dünyanın nəhəng dövləti olmayacaq. Ərazisi Qazaxıstandan da az olacaq. Vəziyyət elə həddə çatacaq ki, ölkə əhalisi Ukraynaya köş etməyi qənimət hesab edəcək. Ukrayna ilə Rusiya arasında bir zamanların Almaniyasındakı kimi divar çəkiləcək və bu divarı aşaraq Avropaya, şengen zonasına daxil olmaq ölkədəki olub-qalan rusların ən böyük arzusuna çevriləcək.

Cebhe.info

31 Ekim 2015 Cumartesi

Rac Kapur Azərbaycanda - Bakıda

RAC KAPUR NƏİNKİ HİNDİSTANDA, ELƏCƏ DƏ DÜNYADA ŞÖHRƏT QAZANMIŞ ƏN SEVİMLİ KİNO XADİMİDİR. RAC KAPURUN VƏ ONUNLA BİRLİKDƏ FİLM ÇƏKİLİŞLƏRİNDƏ FƏAL İŞTİRAK EDƏN SƏNƏTÇİLƏRİN AZƏRBAYCANA GƏLİŞİNƏ HƏSR EDİLMİŞ BU FİLMİ GÖRƏNDƏ SEVİNDİM. AXI RAC KAPURUN ÇƏKDİYİ FİLMLƏR 60 - CI, 70 - Cİ İLLƏRDƏ BİZ YAŞDA OLAN İNSANLARIN TƏRBİYƏSİNDƏ ÇOX MÜHÜM ROL OYNAMIŞDIR. BUNA GÖRƏ FİLMİ MƏHƏBBƏTLƏ ÖZÜMÜN FİLMLƏR KATALOQUMA ƏLAVƏ ETDİM. 

14 Ekim 2015 Çarşamba

AZERİN - ÇIRPINIRDIN KARADENİZ

  (TRT AVAZ açılış töreni)




Kafkas İslam Ordusu Vefa Konseri yayınımızdan...
Azerin seslendiriyor ''Çırpınırdı Karadeniz''
Söz:Ahmed Cevad
Beste: Üzeyir Hacıbeyli
Şef:Yalçın Adıgüzel

& Vətənsevərlər

ATATÜRK KİMDİR ? ( 4 ) CANINIZA SAĞLIK HOCAM...




& VƏTƏNSEVƏRLƏR

ATATÜRK KİMDİR ? ( 3 ) CANINIZA SAĞLIK HOCAM...



& VƏTƏNSEVƏRLƏR

ATATÜRK KİMDİR ? ( 2 ) CANINIZA SAĞLIK HOCAM...



& VƏTƏNSEVƏRLƏR

ATATÜRK KİMDİR ? ( 1 ) CANINIZA SAĞLIK HOCAM...



& VƏTƏNSEVƏRLƏR

7 Ağustos 2015 Cuma

İNGİLİSLƏR ŞOKDA: BU TORPAQLAR TÜRKİYƏNİN OLACAQ



İncirlik bazasından istifadə mövzusunda ABŞ və Türkiyə arasında əldə olunan razılaşma ingilisləri narahat edib. Bu razılaşmadan sonra ABŞ mediasının “Orta Şərqin yeni xəritəsini Obama və Ərdoğan çəkəcək” yazması da ingilisləri təşvişə salıb.

Publika.az xəbər verir ki, ingilis mətbuatı Amerika mediasının bu iddiasını bir qədər də konkretləşdirib.

Bildirilir ki, Firat çayının qərbindən Aralıq dənizinə qədər uzanan topraqlar Türkiyənin yeni vilayəti olacaq.

Qeyd edək ki, Türkiyə prezidenti Rəcəb Tayyib Ərdoğan avqust ayında ABŞ-a gedə biləcəyini açıqlayıb. ABŞ-ın “The New York Times” nəşri Ankara və Vaşinqton arasındakı İncirlik razılaşmasını xatırladaraq Yaxın Şərqə yeni şəkil veriləcəyini yazıb: “PKK və İŞİD böyük əməliyyatlarla qarşı-qarşıya qalacaq. Bəşər Əsədin getməsi üçün Vaşinqton daha aktiv rol oynamağa başlayacaq. Bölgənin gələcəyi Ərdoğan-Obama görüşündə planlaşdırılacaq. Ərdoğan ABŞ-a Yaxın Şərqin xəritəsini dəyişdirməyə gedir”.

İngilislərin narahatlığının əsas səbəblərindən biri İncirlik razılaşmasının bir sıra detallarının gizli saxlanılmasıdır. İddiaya görə, ABŞ İncirlik razılaşmasından sonra YPG (PKK-nın Suriya qolun olan PYD-nin silahlı qanadı) içindəki döyüşən agentlərini bölgədən geri çəkib və bununla da YPG-nin bölgədəki fəaliyyətinin sona çatacağı barədə siqnallar verilib. “Hələb dəhlizi” adlandırılan, Firat çayının qərbindəki təhlükəsiz bölgənin İŞİD-dən, demək olar ki, təmizləndiyi bildirilir.

Bütün bu prosesləri izləyən ingilis mediası Firatın qərbinin tamamilə Türkiyəyə veriləcəyini iddia edib. ”The Guardian” nəşri yazıb ki, Türkiyənin İŞİD və PKK-ya qarşı əməliyyatları, bölgəyə yeni bir ab-hava gətirib. Bu əməliyyatlar başa çatanda Türkiyə-Suriya sərhədinin Firat çayından qərbdə qalan hissəsi Türkiyənin olacaq”.

İngilis mediasının “türk vilayəti” olacağını iddia etdiyi ərazi isə Cerablus və Afrinin cənubundakı Hələb ilə İdlibi əhatə edir və Hatayın cənubundan Bəşər Əsədin tarixi vətəni Lazkiyeyə qədər uzanır.

Ömər Dağlı


TÜRKİYƏ GENİŞMİQYASLI QURU ƏMƏLİYYATINA BAŞLAYIR - DETALLAR



PKK terror təşkilatının Şimali İraq və cənub-şərqi Türkiyədəki mövqelərini havadan bombalayan Türkiyə Silahlı Qüvvələri quru əməliyyatı üçün hazırlıqlara başlayıb.

Publika.az xəbər verir ki, Türkiyə mediası PKK-ya qarşı həyata keçiriləcək quru əməliyyatının detallarını əldə edib.

Türkiyə ordusu ilk olaraq ölkə daxilindəki terror ünsürlərini məhv etməyi planlaşdırır. Bir həftə sonra isə Suriya sərhədinə keçən PKK-çılar üçün quru əməliyyatlarının başlanması nəzərdə tutulur. ABŞ ilə əldə olunan İncirlik razılaşmasından sonra terror aktlarının qarşısının alınması üçün ciddi addımlar atan Türkiyə həm İŞİD, həm  də PKK-nı bölgədən tamamilə çıxarmaq istəyir.

Hərbi mənbələrdən əldə edilən məlumatlara görə, türk qırıcılarının bombardmanlarından sonra Kandil, Hakurk və Avaşin kimi düşərgələrdən Şimali Suriyaya 1500-ə qədər silahlı PKK üzvü qaçıb. PKK-nın Şimali Suriyadakı yuvalarının məhv edilməsi üçün keçiriləcək quru əməliyyatlarına hava qüvvələri də dəstək verəcək.

Ömər Dağlı

DÜNYANI DƏYİŞDİRƏN DÖYÜŞ: SƏDDAM 24 İL ƏVVƏL NƏ SÖYLƏMİŞDİ ?


İki gün əvvəl dünyanı dəyişdirən müharibənin başlanmasından 25 il keçdi.

Publika.az xəbər verir ki, Səddam Hüseynin dövlət başçısı olduğu İraq ordusu 1990-cı il avqustun 2-də Küveytə girdi.

İraq ordusu avqustun 4-də Küveytin işğalını başa çatdırdı. ABŞ və müttəfiqləri yeddi ay ərzində I Körfəz Müharibəsi ilə Küveyti Səddamın işğalından azad etdi. Ancaq bundan sonra yaşananlar yalnız bölgədə deyil, bütün dünyada geostrateji proseslərə istiqamət verdi.

Səddam Hüseyn 1991-ci ildə “Bu bütün döyüşlərin anası olacaq” deyərək tarixə keçmişdi.

Ekspertlər hesab edir ki, Küveyt işğalı sonradan bütün dünyada siyasi proseslərə təsir göstərəcək hadisələrin baş verməsinə gətirib çıxardı. Həmin hadisələr aşağıdakılardır:

1.ABŞ qəlbindən vuruldu. “Əl-Qaidə” terror təşkilatı Küveyti işğal edən Amerika əsgərlərinin bölgədə yerləşməsindən sonra döyüşü okeanın o tayına keçirəcəyini bildirmişdi. Təşkilat 11 sentyabr 2001-ci ildə qaçırdığı 4 təyyarə ilə Nyu-York şəhərindəki ticarət mərkəzi və Pentaqon kimi strateji hədəflərə kamikadze hücumları təşkil etdi. Hücumlarda 2996 nəfər öldü. Hücumların Yaxın Şərqə böyük təsiri oldu.

2.İlk qurban Əfqanıstan. 11 sentyabr hücumlarından sonra ABŞ-ın ilk hədəfi Əfqanıstan oldu. “Əl-Qaidə”nin Əfqanıstanda yerləşdiyini iddia edən ABŞ və İngiltərə Taliban rəhbərliyinə 7 oktyabr 2001-ci ildə müharibə elan etdi.

3.Səddam Hüseynin sonu. Səddam rejimini 11 sentyabr hücumlarını həyata keçirən “Əl-Qaidə”yə dəstək verməklə və kütləvi qırğın silahlarını istehsal etməklə ittiham edən ABŞ prezidenti oğul Corc Buş İraqı işğal etmək qərarına gəldi. İraqı 24 il idarə edən Səddam rejimi yıxıldı. Səddam 2006-cı ildə asılaraq edam edildi. Buşun xələfi Obama 2011-ci ildə rəsmi olaraq müharibənin başa çatdığını açıqladı.

4.İŞİD-in doğuşu. İraqdakı şiə hökuməti ilə müharibə vəziyyətində olan Səddam rejiminin tərəfdarlarından dəstək alan qruplar “Əl-Qaidə”nin İraq qolu “İraq Şam İslam Dövləti”ni qurdular. Təşkilat 2013-cü ildə “Əl-Qaidə”dən ayrıldı. 2014-cü ilin yayında İraqda Mosul və Suriyada Rakka şəhərlərini ələ keçirən İŞİD təxminən 100 illik “Sykes-Picot” razılaşmasında əksini tapan sərhədləri yıxdı. Küveyt işğalının məhsulu olan İŞİD tam 24 il sonra İraq və Suriyada “xilafət” elan edərək bölgədəki tarazlığı da alt-üst etdi.

5.İranın yüksəlişi: Küveyt işğalının nəticələri olan Əfqanıstan və İraqın işğalı bu ölkələrlə problemləri olan İranın önünü açdı. İran İraqda yeni qurulan şiə hökuməti üzərinə təsirini artırdı. Bəzi mütəxəssislərə görə, yeni tarazlıq İranın Qərblə əldə etdiyi Vyana razılaşmasını da qaçılmaz etdi.

Ömər Dağlı
   

BÖYÜK MÜHARİBƏYƏ SAYILI GÜNLƏR QALDI: 200 ABŞ TƏYYARƏSİ TÜRKİYƏYƏ GƏLİR



Türkiyə və ABŞ arasında təxminən 10 ay davam edən və iyul ayında Türkiyə hökuməti tərəfindən son şəkil verilən razılaşma çərçivəsində konkret addımlar atılmağa başlanılıb.

Publika.az xəbər verir ki, ABŞ və Türkiyə ilk addım olaraq İŞİD terror təşkilatının Türkiyə sərhədlərindən uzaqlaşdırılması qərarına gəlib.

Bu, Suriyanın şimalında “təmizlənmiş bölgə”nin yaradılması anlamına gəlir. Təmizlənmiş bölgənin isə Suriyanın mülayim müxalifətinin nəzarətinə verilməsi  və koalisiya təyyarələrindən müxalifət gücləri üüçn “hava qalxanı”nın yaradılması planlaşdırılır. Artıq bu istiqamətdə ötən həftə ilk addımlar atılıb. Koalisiya təyyarələri Suriyanın Azez şəhərində “Əl-Nüsra” Cəbhəsi ilə qarşıdurmaya girən mülayim müxalifətə havadan dəstək verib. İŞİD-dən təmizlənmiş bölgəyə Türkiyəyə sığınan suriyalı qaçqınların yerləşdirilməsi də nəzərdə tutulur.

Əməliyyatda İncirlik bazasından istifadə üçün hazırlıqlar başlayıb. Bazadan artıq pilotsuz təyyarələr üçün istifadə etməyə başlanılsa da, bazadan hərtərəfli istifadə ABŞ hərbi hava qüvvələrinin Türkiyəyə gəlməsindən sonra mümkün olacaq. Məlumata görə, bu həftə 200-dən çox ABŞ hərbi təyyarəsinin İncirlik bazasına gəlməsi gözlənilir. ABŞ hərbi qüvvələri və hərbi təchizatın İncirliyə gətirilməsindən dərhal sonra “İŞİD-dən təmizlənilmiş bölgə”nin yaradılması üçün əməliyyatlar başlayacaq. İngiltərə və Fransanın da aralarında olduğu koalisiya ölkələri əməliyyatlara dəstək verəcək.

ABŞ Müdafiə Nazirliyi (Pentaqon) tərəfindən verilən açıqlamaya görə, ilk silahlı pilotsuz təyyarələr İncirlik bazasından qalxıb. Pentaqonun sözçüsü Jeff Devis silahlı pilotsuz təyyarələrin ötən həftə sonu İncirlik bazasından Suriyaya qalxdığını bildirib. Amma Deviz onların hər hansı bir əməliyyatda iştirak etmədiyini vurğulayıb.

Cənub-Şərqi Asiya Ölkələri Birliyinin (ASEAN) 48-ci xarici işlər nazirləri toplantısında iştirak edən Türkiyə xarici işlər naziri Mövlud Çavuşoğlu Türkiyə və ABŞ-ın yaxın vaxtlarda İŞİD-ə qarşı genişmiqyaslı mübarizəyə başladacağını söyləyib.

“ABŞ ilə əldə etdiyimiz razılaşma ilə bazalarımız, xüsusilə də İncirlik bazasının açılması mövzusunda önəmli məsafə qət etdik. Pilotlu və pilotsuz Amerika təyyarələrinin İncirlik bazasına gəlməyə başladığını görürük. Yaxın vaxtlarda İŞİD-ə qarşı birlikdə genişmiqyaslı döyüş başlayacaq”, - xarici işlər naziri deyib.

Ömər Dağlı


STRATEJİ TARAZLIQ POZULDU: 10 İL SONRASI ÜÇÜN HAZIRLANAN "B PLANI" İŞƏ DÜŞDÜ


Türkiyə 10 il sonrakı tarix üçün hazırladığı “B planı"nı iyulun 20-də 32 nəfərin ölümü, 100-dən artıq insanın yaralanması ilə nəticələnən Suruç terrorundan sonra işə salıb.

Publika.az xəbər verir ki, “Yeni Şafak” qəzeti bu planın detallarını açıqlayıb.

Bu gün Türkiyənin PKK və İŞİD-ə qarşı hücumlarını “həll müddəti” prosesinin dağılması kimi qələmə verir və bunu kürdlərə qarşı müharibə olaraq təqdim edirlər. Lakin bunu iddia edənlər də yaxşı bilir ki, Türkiyə beynəlxalq və regional güc olmaq uğuruna gedən savaşda məğlub olmaq istəmir. Bunu müstəqillik mübarizəsi də adlandırmaq olar. Terror təşkilatlarına qarşı aparılan əməliyyatlar əslində İrana və onun arxasındakı güclərin “yeni coğrafiyamızdakı” dizaynına qarşı göstərilən reaksiyadır.

Tehran bu gün imperialist Qərbin ona biçdiyi missiya ilə hərəkət edir. Avrasiya layihəsində vaxtilə “İslam inqilabı” adı altında Sovet Rusiyasına qarşı istifadə olunan şiə İranı kartı, hazırda ABŞ-ın İslam dünyasını idarəçilikdə saxlaması məqsədilə istifadə olunur. İraq-İran müharibəsi, şiə və sünni qarşıdurmasının inşa olunmasında İran amili əsas paya sahib olub. Bu strateji plan Körfəz ölkələri xaricindəki İslam coğrafiyasına da təsir edib. Misal üçün, 1947-ci ildən 1977-ci ilə qədər Pakistanda şiə-sünni münasibətləri normal idi. İranda islam inqilabından sonra Pakistanda şiə-sünni ayrı-seçkiliyi güclənməyə başladı və şiələr 1980-ci ildə güclənməyə başladı. Halbuki, Pakistanın qurucusu Əli Cinnah şiə idi. 1971-ci ildən 1977-ci ilə qədər baş nazir olan Əli Butto da şiə məzhəbindən idi.  

Məqalədə deyilir ki, İran məzhəbçi missiyası ilə hərəkət etdiyi üçün Çin də daxil olmaqla bütün beynəlxalq oyunçular tərəfindən alqışlanır. Pekinə görə şiə və sünnilər ilə İsrail və İran arasındakı nüvə savaşı bölgədə “sülhün, yəni imperiya iqtisadiyyatının mənfəətlərinin əsas təminatı” olacaq. İranın statusunu qaldıran ABŞ da bu yolla həm Türkiyənin yoluna əngəl yaratmağı, həm də Avropanın enerji təminatında Rusiyanın rolunu azaltmağı düşünür.

Qəzet yazır ki, Suriyada daxili müharibəyə səbəb olan şiə-sünni müharibəsini Türkiyəyə də ixrac etməyə cəhdlər edilib.
“Qonşularla sıfır problem” siyasətini aparan Türkiyəni “diktatorlarla əməkdaşlıqda” ittiham edənlər “ərəb baharı”nda xalqların azadlığına dəstək verəndə, Ankaranı “terror təşkilatlarını dəstəkləməkdə” ittiham etdilər. Lakin Anadolu ələviləri üzərində təsir imkanları az olan Tehran və Qərb ölkələrinin bu ssenarisi baş tutmadı. Bütün cəhdlərə baxmayaraq, Gəzi olayları və paralel dövlət planları da alınmadı. Buna görə də PKK və İŞİD kartını dövriyyəyə salmağa məcbur oldular. Lakin heç kəs Türkiyədən bu səviyyədə cavab gözləmirdi.

Və Türkiyə 10 il sonrası üçün hazırladığı “B planını” işə saldı. Əslində Türkiyə Yəmən böhranında Səudiyyə Ərəbistanı və  Körfəz ölkələrinin yanında dayanaraq ilk həmləsini etmişdi. Buna görə də cavab Qərbdən yox, İrandan gəldi. İran prezidenti Ruhani PKK-ya qarşı əməliyyatlar keçirildiyi bir vaxtda Kürdüstan əyalətini ziyarət edərək özünün “kürd açılımı” siyasətinə başladı. İranın Baş qərargah rəisi Firuzabadi isə əməliyyatları “Kürdlərlə müharibə” deyə şərh etdi.

ABŞ-la “müştərək vizion” adını verdiyi strateji razılaşma ilə Türkiyə öz mövqeyini qorudu. İlk növbədə Suriyada “təhlükəsiz zona” tələbini qəbul etdirdi. Beləliklə də, yaxın gələcəkdə regiondakı yeni şəkilləndirməyə qarşı önləyici addımlarını atdı. Bu 10 il sonra üçün nəzərdə tutulmuşdu. Lakin strateji tarazlıq pozulduğu üçün indi işə salındı.

Asif Nərimanlı

70 İLİN PLANI: “NƏ TÜRKİYƏ, BİZ TÜRKLƏRİ ASİYAYA QOVACAĞIQ”



İkinci Dünya Müharibəsində “böyük üçlüyün” üçüncü və sonuncu görüşü – Potsdam konfransının (17 iyul-2 avqust 1945) 70 illiyinə həsr edilmişdi.

Bundan əvvəlki iki görüşdən - Tehran (1943), Yalta (1945) konfranslarından fərqli olaraq Potsdam konfransında Qərbi nə Franklin Ruzvelt, nə də Vinston Çörçil təmsil edirdilər.

ABŞ prezidenti 1945-ci ilin aprelində vəfat etmişdi. Onun əvəzinə Potsdama vitse-prezident Harri Truman gəlmişdi. Britaniyanın baş naziri Çörçil iyulun 26-da parlament seçkisində məğlub olmuşdu.

Stalinin təəccübü

Çörçili Potsdamda leyboristlərin lideri Klement Attlee əvəz edirdi. Bəzi nümayəndə heyəti üzvlərinin xatirələrinə görə bu, Stalin üçün tamamilə gözlənilməz idi. O heç cür başa düşə bilmirdi ki, britaniyalılar tarixi qələbə qazanmış bir adamın üstündən necə xətt çəkə biliblər.

Görünür bu, elə Çörçilin özü üçün də gözlənilməz olmuşdu. Beləki o, demək olar seçki kampaniyası aparmamış və öz alternativsizliyinə inanmışdı. O, ictimaiyyət qarşısında ara-sıra görünər, barmaqları ilə “V” – victory (qələbə) işarəsi göstərməklə kifayətlənərmiş. Əvəzində Attlee şəxsi avtomobilində ölkə boyunca gəzmiş və “xalqla pablarda ünsiyyət qurmuşdu”. Üstəlik, sükan arxasında onun xanımı olmuşdu.

Berlin üzərində “zövqlü iş”

Yeni partnyorlarla Berlin təəssüratlarını bölüşən Stalin demişdi: “Hiss olunur ki, bizim qoşunlarımız Berlin üzərində zövqlə işləyiblər. Ordan keçəndə yalnız beş-on salamat bina gördüm”.
Artyom Kreçetnikov yazır ki, ümumiyyətlə, konfransda xoş məram əhval-ruhiyyəsi hökm sürürmüş. Stalin fasilələrdən birində Britaniya baş komandanı Bernard Montgomeriyə yaxınlaşıb deyibmiş: “Bunların hamısı siyasətçidir, bizsə sizinlə hərbçi kimi bir-birimizi daha yaxşı başa düşə bilərik”.

Görünür, Stalin sülh konfransında da hərbçi kimi hökm vermək iddiasındaydı.

Yeni və parçalanmış Almaniya

Almaniyanın yeni şərq sərhədi Oder çayı üzərindən keçməliydi və beləliklə, ölkə 1937-ci ildə malik olduğu ərazinin dörddə birini itirirdi.

Stalinin təzyiqi altında Almaniyada hələlik mərkəzləşdirilmiş hökumətin yaradılması nəzərdə tutulmurdu.

Məqalədə deyilir ki, Potsdamda razılaşdırılmış siyasi qaydaya 1949-cu ilədək riayət edilib. Yalnız bundan sonra Qərb müttəfiqlərinin nəzarətində olan hissədə AFR (Almaniya Federativ Respublikası), sovetlərin nəzarətində olan hissədə isə ADR (Almaniya Demokratik Respublikası) yaradılıb.

Ölkənin qeyri-nasistləşdirilməsi üçün əhali beş kateqoriyaya bölünmüşdü: hərbi cinayətkarlar, təqsirlilər, ikinci dərəcəli təqsiri olanlar, iştirakçılar və günahsızlar.

Qərb işğal zonasında 600 min adama peşə qadağası qoyulmuşdu. 1945-49-cu illər arasında 5025 nəfər məhkum edilmişdi. Bunlardan 486-sı (Nürnberqə asılmış əsas canilərdən başqa) edam edilmişdi.

Hitlerin prokuror və hakimləri

Buna baxmayaraq, nasist keçmişinə malik bir sıra fiqurlar yeni Almaniyada da vəzifə sahibi olmuşdular. Abverin keçmiş polkovniki Teodore Oberlender yeni hökumətdə köçkünlər üzrə nazir idi.

Abverin başqa bir rəhbəri, Reinhardt Gahlen Qərbi Almaniyanın kəşfiyyat rəisi təyin edilmişdi. Parisin nasist kommendantı Hans Speidel isə NATO qərargahının rəisi idi.

Sovet tərəfinin iradlarına cavab olaraq AFR rəhbərliyi bildirirdi ki, bu adamlar ideya baxımından nasist olmayıblar və yalnız hərbi öhdəliklərini icra ediblər.

1966-69-cu illərdə kansler olmuş Kurt Georg Kiesinger isə Hitlerin təbliğat nazirliyində işləmişdi.

1959-cu ildə AFR-də Hitler hakimiyyətindən qalma 9 min hakim və prokuror vardı.

Polşanın “iki hökuməti”

Şərqi Almaniyada isə hətta nasist olmayanlar, sosial-demokratlar, xristian fəalları, ümumiyyətlə bütün antikommunistlər repressiyalara məruz qalmışdılar.
Artyom Kreçetnikov yazır ki, Potsdam konfransında Almaniyadan başqa bir neçə ölkənin də taleyi müzakirə olunurdu.

Macarıstan, Rumıniya və Bolqarıstan müharibə illərində Almaniya ilə müttəfiqlik etmişdilər. Odur ki, bu ölkələrdə SSRİ-nin hökumət qurmaq haqqı mübahisə mövzusu deyildi.

Polşa ilə bağlı vəziyyət isə bir az başqa cür idi. 1939-cu ildən bəri Hitler tərəfindən işğal olunmuş Polşanın qanuni hökuməti Londonda mühacirətdəydi. Stalin isə Potsdama özü ilə Polşanın “yeni kommunist hökumətini” gətirmişdi. Uzun mübahisələrdən sonra məsələ kompromislə həll olundu. Kommunist Boleslav Berkutun hökumətinə “londonlular”dan bəziləri nazir kimi daxil edildi.

Alman qadınların kütləvi zorlanması

Başqa bir problem yeni Polşanın sərhədləri ilə bağlı idi. Stalin, Ribbentrop-Molotov sazişinə əsasən 1939-cu ildə Polşadan qopardılmış əraziləri qaytarmaq niyyətində deyildi. O, əvəzində Almaniyanın hesabına Polşanı genişləndirmək istəyirdi. Sovet planına görə Polşaya Almaniyadan verilməli ərazidə almanlar yaşayırdılar və burada inkişaf etmiş kənd təsərrüfatı və kömür mədənləri vardı.
Bu barədə Stalin qısa bir məlumat vermişdi ki, “problem öz-özünə həll olunub, almanlar sadəcə olaraq qaçıblar”.

Əslində bu, bir həqiqət idi. Almanların xaotik köçürülməsi nəticəsində onlardan 100 mini dünyasını dəyişmişdi.
Müasir Rusiya tarixçisi Mark Solonin isə yazır ki, bu ərazilərdə qarətlər və alman qadınların kütləvi zorlanmaları baş verirdi.
Stalinin planına görə, belə hallar yalnız SSRİ və Polşaya verilən Almaniya ərazilərində qeydə alınırdı. ADR-də bu cür hadisələrə qəti yol verilmirdi.

Solonin inanır ki, kütləvi qarət və zorlamaları sovet əsgərləri yox, təhlükəsizlik nazirliyinin dəstələri törədirdilər. Məqsəd alman əhalini boşaldılan ərazilərdən didərgin salmaq idi.

Türkiyə məsələsi

Potsdam konfransının 23 iyul iclasında Stalin və Molotov Dardanel boğazında sovet bazasının yaradılması, Türkiyənin şərq vilayətləri olan Qars və Lazıstanın SSRİ-yə verilməsi tələbi ilə çıxış etmişdilər.

Onların bu tələbləri müttəfiqlər tərəfindən qəti rədd edilmişdi.
Qərb bildirirdi ki, Türkiyə Hitlerlə müttəfiqlik etməyib və onu heç cür cəzalandırmaq olmaz.

Baza əvəzinə sovet gəmilərinə “Türkiyənin razılığı əsasında” boğazlardan keçid hüququ verilməklə kompromis əldə olunmuşdu.
Artyom Kreçetnikov yazır ki, hələ 1939-cu ildə Moskva Ankaraya hərbi baza təklifi ilə müraciət etmiş, lakin rədd cavabı almışdı.
“Görəsən, Türkiyə buna görə sonra peşmançılıq çəkməyəcək ki?” – deyə Molotov elə həmin il keçirilən Ali Sovetin sessiyasında sual etmişdi.

Ararat Ermənistanın, Ay da Türkiyənin ərazisi deyil

Molotov “Türkiyə məsələsini” əvvəlcə Hitler və Ribbentrop, sonra isə Truman və Çörçillə də müzakirə etmişdi.

1940-cı il, noyabrın 25-də Stalin Kominternin başçısı Georgi Dimitrova demişdi: “Biz türkləri Asiyaya qovacağıq. Nə Türkiyə? Orada iki milyon gürcü var, milyon yarım erməni, bir milyon kürd. Türklər cəmi 6-7 milyondurlar”.

Rusiya tarixçisi Aleksandr Qoryanov yazır ki, Stalin 1945-ci ilin əvvəllərində, Avropadakı vəziyyət imkan verən kimi, Bolqarıstan və Qafqaz ərazisindən Türkiyəyə soxulmağı planlaşdırmışdı, lakin bu planları Türkiyənin 1945-ci ilin fevralında antihitler koalisyasına qoşulması pozdu.

Məqalədə deyilir ki, Türkiyəyə ərazi iddialarından SSRİ yalnız Stalinin ölümündən sonra əl çəkdi, üstəlik məsələni belə qoydu ki, guya əvvəlki tələblərlə Moskva yox, “Gürcüstan və Ermənistan hökumətləri” çıxış edirmiş.

Buna baxmayaraq, Türkiyə ərazisində olan Ağrı dağı Sovet Ermənistanının gerbində qaldı. Türklərin buna etirazlarına cavab olaraq sovet tərəfi bildirirdi ki, Türkiyənin də bayrağında aypara var, halbuki Ay Türkiyə ərzisi deyil.

publika.az

İNGİLİSLƏRİN NEFT OYUNU: ERMƏNİ MİLYONÇU OSMANLINI NECƏ YIXDI ?


“Beijing University of Chemical Technology”nun professoru Vilyam Engdahl “Dərin tarix” jurnalının avqust nömrəsində maraqlı bir yazı ilə çıxış edib.

Publika.az xəbər verir ki, “İngilislərin neft oyunu Osmanlını necə yıxmışdı?” başlıqlı yazıda maraqlı detallara toxunulub.

1873-cü ildə İngiltərə tarixində “Böyük böhran” adlandırılan ciddi iqtisadi böhran baş verdi. 1896-cı ilə qədər davam edən böhran İngiltərənin dünya bazarında rəqabət qabiliyyətini azaltdı, dünyanın ən böyük iqtisadi gücü adını itirməyə başladı. Texnologiyadakı inqilab kömürdən neftə keçdi. 1890-cı illərdən sonra neft axtarışları İngiltərə üçün ən əhəmiyyətli məsələyə çevrildi. Neft üzərindəki qlobal döyüş günbəgün yaxınlaşırdı.

Bu illərdə Osmanlı sultanı II Əbdülhəmid almanların ölkəsinə olan marağını cavabsız qoymadı və ingilislərin neft oyununa almanlarla cavab vermək istədi. Bağdada çəkiləcək dəmir yolu xətti buna görə də əhəmiyyət qazanmağa başladı. Dəmir yolunu çəkəcək ölkə neft axtarışlarında da imtiyaz əldə edəcəkdi. Almanlar bu imtiyazı əldə edərək qalib kimi göründülər.

1909-cu ildə londonlu bankir Ernest Kassel tərəfindən Türkiyə Milli Bankı qurulur. Kasselin ortaqlarından biri isə erməni əslli milyonçu Kalust Gülbenkyan adında sirli bir adam idi. Türkiyə Milli Bankında dövlət adına heç bir üzv yox idi. Bankın İdarə Heyətində London bankından Huqo Barinq, Dük Kramer və baronlar Asburton, Nortbrook və Revelston yer alırdı.

Bu dövrdə lord Kramer İngiltərə bankının da rəhbərliyində idi. İstanbuldakı bu elit ingilis o zamanlar Türkiyə Neft Şirkətini (Turkish Petroleum) qurur. İngilislərin Türkiyə Milli Bankındakı ortaqlarından olan Gülbenkyan şirkətdə də əhəmiyyətli paya sahib idi.

Şirkətin yaradılmasında əsas məqsəd sultandan Mesopotamiyadakı neft imtiyazları qoparmaq idi. Bundan başqa, İngiltərə-Bəsrə Neft Şirkəti adında ikinci bir ingilis şirkəti də Bəsrə nefti üzərində haqların əldə edilməsi üçün məşğul olurdu. II Əbdülhəmiddən neft axtarışları ilə bağlı imtiyaz alan yeganə oyunçu isə Almaniyanın “Deutsche Bank”ına aid Bağdad Dəmiryolu Şirkəti idi. İngilislər isə bu vəziyyəti dəyişdirməyə yaxın idi.

İngiltərənin təzyiqləri nəticəsində alman şirkəti bir sıra güzəştlər verməyə məcbur oldu. 1914-cü ilin əvvəllərində - müharibənin başlanmasından əvvəl ingilis və alman hökumətlərindən dəstək alan Türkiyə Neft Şirkətinin strukturu yenidən formalaşdırılır. Şirkətin səhmlərinin yarısı gizlicə İngiltərə hökuməti tərəfindən nəzarət edilən İngilis-Bəsrə Neft Şirkətinə, 25 faizi İngiltərə və Hollandiya ortaq şirkəti olan “Shell”ə verilir. Qalan 25 faizlik hissəyə isə “Deutsche Bank” qrupu tərəfindən nəzarət edilirdi.

“Deutsche Bank” Bağdad dəmir yolunun hər iki tərəfindəki bölgədə aparılacaq neft axtarışlarında imtiyaza sahib olan yeganə tərəf idi. Nəhayət, “Shell” və İngilis-Bəsrə Neft Şirkəti bir müqavilə bağlayaraq, Gülbenkyana öz hissələrindən 2,5 faizlik pay verməyi qəbul edir. Beləliklə, Gülbenkyanın hissəsi 5 faizə çatır.

Müharibənin başlanmasından bir neçə gün əvvəl İngiltərə hökuməti İngilis-Bəsrə Neft Şirkətinin hissələrinin çoxunu gizlicə alır və beləliklə, “Deutsche Bank”ın Türkiyə Neft Şirkətindəki hissələrinin əksəriyyətini də ələ keçirmiş olur.

İngiltərənin 1914-cü ildə müharibəyə girməsinin arxasındakı əsas səbəb “Deutsche Bank”ından Karl Helfferiç tərəfindən bu sözlərlə açıqlanırdı: "İngiltərənin müharibəyə girməsinin təməl səbəbi köklü ingilis siyasəti ənənəsidir. İngiltərə bu siyasət sayəsində böyük bir gücə çevrilib”.

Əslinə baxsaq, Birinci Dünya Müharibəsinin ən əhəmiyyətli səbəblərindən biri neft bölgələrinin paylaşılması idi. Bu bölgələrin paylaşılmasında isə ingilislərin düşüncələrində Osmanlıya yer yox idi.

Ömər Dağlı

6 Ağustos 2015 Perşembe

WWW.IRSHADTV.COM




İZLƏMƏYİ UNUTMAYIN !

" İRŞAD - Teleradio Verilişləri, Sənədli və Bədii Filmlər Kompaniyası " Məhdud Məsuliyyətli Cəmiyyəti müstəqil Azərbaycanın dövlət mənafeyinə, xalqına, ölkədən uzaqlarda yaşayan digər soydaşlarına və Azərbaycanı sevən dünya  xalqlarına xidmət edir. Onlara ictimai – siyasi, maarifləndirici, sosial, dini, elmi, iqtisadi verilişlər hazırlayıb təqdim edir. Eyni zamanda azərbaycanlıların dünyanın inkişaf etmiş xalqlarının səviyyəsinə çatdırılmasında yaxından iştirak edir. Dünya azərbaycanlılarının vətənpərvərlik hisslərinin yüksəldilməsində bacardığını əsirgəmir.

İZLƏMƏYİ UNUTMAYIN !