Translate

29 Ağustos 2016 Pazartesi

KANALIMA DAXİL OLARKƏN REKLAMLARA GÖZ ATSANIZ ZƏHMƏTƏ QİYMƏT VERMİŞ OLARSINIZ.

İZLƏMƏK ÜÇÜN DAXİL OLUN:    http://qarabaqliadil.web.tv/



&  VƏTƏNSEVƏRLƏR

ŞAİR-PUBLİSİST, PROFESSOR FAMİL MEHDİnin "QARABAĞDAN ƏLİNİ ÇƏK" ŞEİRİ...

Şeiri İfa edir Azərbaycan Respublikasının Əməkdar Artisti Vidadi Rəcəb.




GÜNÜ SABAH BAŞLAYA BİLƏCƏK 10 DƏHŞƏTLİ MÜHARİBƏ

Tarix: 29 Avqust 2016 / 21:19

Bəşər tarixi heç vaxt müharibələrsiz ötüşə bilməyib. İnsanlar inkişaf edir, yeni texnologiyalar hazırlayır, inanılmaz yeniliklər kəşf edir, lakin bununla yanaşı, hələ də bir-birini məhv etməyi dayandırmır. Skeptiklər əmindir ki, müasir dünyamız müharibə astanasındadır.

Axar.az yaxın gələcəkdə baş verəcək potensial 10 müharibənin siyahısını təqdim edir.

1. Çin–Rusiya: Sibir müharibəsi

Bu fövqəldövlətlərdən biri öz durğunluq dövrünü yaşayır. Digəri isə bütün dünyanı fəth etməyə hazırdır. Rusiya və Çin Ural dağları və Şərqdəki ən böyük oyunçulardır. Hər iki ölkənin böyük ordusu, hər ikisinin nüvə silahı var. Sibir uzun müddətdir ki, Çinin maraq dairəsindədir.

Pekin artıq bu gün Sibirin şərq hissəsi ilə – etnik çinlilərin yaşadığı ərazilərlə bağlı tarixi tələblərini bildirir. Bu isə Rusiya Federasiyası üçün böyük problemdir.

Bu iki böyük dövlətin baş-başa gəlməsi və yeni bir müharibəyə start verməsi an məsələsidir.

2. Baltik müharibəsi

Son vaxtlar Avropanı Rusiya Federasiyası ilə mümkün müharibə ehtimalı narahat etməyə başlayıb. NATO–nun keçmiş komandan müavini Aleksandr Riçard Şirreffanın sözlərinə görə, bu, tamamilə mümkün ola biləcək bir ssenaridir.

Britaniyalı generalın fikrincə, artıq 2017-ci ilin may ayında Moskva Ukrayna ərazisindən Rusiya ilə Krımı birləşdirən yerüstü dəhliz açacaq, sonra isə bir və ya bir neçə Baltikyanı ölkəni işğal edəcək.

Çünki Estoniya, Latviya və Litva NATO-nun üzvüdür, bu, Rusiya ilə Qərbin müharibəsinə gətirib çıxara bilər.

3. Şimali Koreya baharı

Yüksək rütbəli Şimali Koreya diplomatı bu yay Londonda Cənubi Koreya tərəfinə keçdi.

Bu, Kim Çenin insidentli idarəçiliyinin qırılan zəncirlərinin sonuncusu idi. Artıq onun gücü qalmayıb.

Vətəndaşlar ucuz smartfonlar vasitəsilə bütün dünyada nələr baş verdiyindən agah olur. Bütün bunlar Koreya Xalq Demokratik Respublikasında inqilaba səbəb ola bilər.

4. İŞİD-in Avropada partizan müharibəsi

Hava zərbələri, iqtisadi böhran və beynəlxalq koalisiya dövlətlərinin hücumları nəticəsində İŞİD terror qruplaşması öz gücünü itirib. Amma terrorçuların bununla barışacağını gözləmək olmaz.

Böyük ehtimal ki, cihadçılar öz terrorçu-kamikadze üzvləri ilə Avropada partizan müharibəsinə başlayacaq.

5. Venesuelada vətəndaş müharibəsi

Karakas küçələrində qanunsuzluq, özbaşınalıq hökm sürür. İnflyasiya 500 faizdən çoxdur və tezliklə 1600 faizə çata bilər.

Hazırda Venesuelada polis qəddarlığı, zorakılıq, korrupsiya, vətəndaş etirazları artıq normaya çevrilib.

Maduro istefaya getmək istəmir. Vətəndaşlar tezliklə silaha sarıla və vətəndaş müharibəsinə start verə bilər.

6. Çində ikinci mədəni inqilab

Maonun dövründə baş verən mədəni inqilab olduqca qəddarcasına idi, 1,5 milyon insanın ölümünə gətirib çıxarmışdı.

Maonun hakimiyyətə gəlməyinin özü 7 milyon insanın ölümünə səbəb olmuşdu.

İndi ölkənin inkişafına baxmayaraq, hər gün Çində 500-ə yaxın etiraz təşkil olunur, hər il təxminən 100 min qiyam baş qaldırır.

İkinci mədəni inqilab gözləniləndir.

7. Bosniya N:2

1990-ci illərdə dünya qorxu içində Bosniyanın necə dağılmasını müşahidə edirdi. Etnik təmizləmə zamanı təxminən 100 000 mülki şəxs həlak oldu.

Nəticədə 1995-ci ildə ölkə daxilində 2 dövlət yaradıldı: Bosniya və Serbiya. Lakin indi görünür ki, bu yeni quruluş da stabil deyil.

Bosniyada yenidən vətəndaş müharibəsi qızışa bilər.

8. Səudiyyə Ərəbistanında inqilab

Ərəb baharı çox “yüngül” keçdi. Tunisdə, Misirdəki diktatorlar devrildi. Liviya və Suriyada müharibə başladı. Lakin Səudiyyə Ərəbistanı öz hakimiyyətini qoruyub saxlaya bildi. Hələlik. Artıq xalq partlamağa hazır bomba kimidir. Neftin qiymətinin aşağı düşməsi ölkədə çaşqınlıq yaradıb.

Səudiyyədə inqilab gözləniləndir.

9. Hindistan–Pakistan nüvə müharibəsi

2008-ci ilin qışında bütün dünya Pakistanla Hindistan arasında nüvə müharibəsi başlayacaq deyə, qorxuya düşmüşdü. Son anda diplomatlar danışıqlar yolu ilə vəziyyəti sabitləşdirdi.

Lakin iki ölkə arasındakı münasibətlər hələ də gərgin olaraq qalır. Əgər bu dəfə sözügedən bu iki ölkə toqquşsa, bu, dünyanın sonu olacaq.

10. Cənubi Çin dənizi və ya Üçüncü Dünya müharibəsi

Hindistanın və Pakistanın müharibəsindən daha dəhşətli ola biləcək tək müharibə ABŞ və Çin müharibəsidir.

Hazırda Cənubi Çin dənizi Üçüncü Dünya müharibəsinin katalizatoru kimi görünür.

Son illərdə Çin dəniz məkanında öz ərazilərini genişlənirməyə çalışır. Bu, çox böyük qarşıdurmaya gətirib çıxa bilər – dünyanın sonuna.


&  VƏTƏNSEVƏRLƏR

ƏLİ BƏY HÜSEYNZADƏ HAQQINDA SƏNƏDLİ FİLM - 2006

 İZLƏMƏK ÜÇÜN DAXİL OLUN :  IRSHAD TV

ƏZİZ VƏTƏNSEVƏRLƏR, SİZİNLƏ YAXINDAN TANIŞ OLUB TƏMAS QURMAĞA EHTİYACIMIZ VAR. BİZİM  ÖZƏL  SAYTIMIZA ( http://www.irshadtv.com/index.shtml ) DAXİL OLMAĞINIZI, SAYTIMIZI ƏTRAFLI NƏZƏRDƏN KEÇİRMƏYİNİZİ XAHİŞ EDİRİK. SAĞLIQLA İZLƏYİN. 


& VƏTƏNSEVƏRLƏR

QARABAĞIN QAYTARILMASINA MANE OLAN QÜVVƏ - ŞOK ETİRAF

Tarix: 29 Avqust 2016 / 11:00
     
Rusiya-Türkiyə 
yaxınlaşması erməniləri ciddi şəkildə təşvişə salıb.

Publika.az xəbər verir ki, “Arovat” qəzeti bunu Ermənistan üçün təhlükəli yaxınalşma adlandırıb.

“Ərdoğan və Putin bir il öncə düşmən mövqedə olmalarına baxmayaraq, indi dost kimi davranırlar. Xüsusilə Suriya kimi problemli məsələdə anlaşdıqları görünür. Məhz Suriyada rus-türk yaxınlaşması Moskva və Ankaranın bir çox məsələdə, xüsusilə Dağlıq Qarabağ münaqişəsində razılaşmasına səbəb ola bilər. Rusiya Türkiyəni də münaqişənin nizama salınması prosesinə qoşa bilər. Təsadüfi deyil ki, Türkiyə xarici işlər naziri Mövlud Çavuşoğlu Qarabağ münaqişəsinin nizama salınması məsələsinin Türkiyə-Rusiya-Azərbaycan formatı çərçivəsində müzakirə ediləcəyini bildirdi. Həmçinin, ATƏT-in Minsk qrupunun həmsədri olan Rusiya Türkiyənin prosesə daxil olmasına qarşı olmadığının qeyd edib. Bütün bunlar Rusiya və Türkiyənin Suriyada olduğu kimi Qarabağ məsələsində də razılaşacağını göstərir”, - deyə qəzet yazıb.

Qeyd edək ki, aprel döyüşlərindən sonra Dağlıq Qarabağ münaqişəsinin həlli ilə bağlı aparılan sürətli proses hazırda dalana dirənmiş kimi görünür.

“Lragir” saytı isə Dağlıq Qarabağ münaqişəsinin nizama salınmasına mane olan qüvvəni açıq şəkildə göstərib.

Saytın məqaləsində deyilir ki, Rusiya “Kazan planı”nı yeniləyərək, “Lavrov planı” adı altında dövriyyəyə saldı: “Bu, ərazilərin qaytarılmasını nəzərdə tutur. Lakin Putin “Lavrov planı”nda qaytarılacaq rayonların sayını 5-ə endirdi. Metyu Brayza isə bu günlərdə ilkin mərhələdə Azərbaycana qaytarılacaq rayonların sayının 2 olduğunu açıqladı. Lakin Rusiyanın münaqişənin həlli ilə bağlı planlarının həyata keçməsinə ABŞ mane olur. Rusiya ABŞ-dan Qarabağla bağlı güzəştlər gözləyir, əvəzində Suriyada güzəştə getməyə hazırdır. Amma görünür, Vaşinqton razılaşmır”.


Asif,
PUBLİKA.AZ  & VƏTƏNSEVƏRLƏR

TÜRKİYƏ İLƏ BÖYÜK MÜHARİBƏ (YENİLƏNİB)

Silah və döyüşçülər toplanır
Tarix: 29 Avqust 2016 / 11:45

     
PKK terror təşkilatının Suriya qanadı olan PYD-nin silahlı qanadı Münbiçə silah və döyüşçülər toplayır.

Azad Suriya Ordusunun çətiri altında döyüşən “Sultan Murad” Briqadasının lideri polkovnik Əhməd Osman Münbiçdəki YPG döyüşçülərinin bölgəni tərk etmədiyini, əksinə mövqelərini gücləndirdiyini bildirib. Osman Münbiçin bir neçə gün ərzində alınacağını deyib.

Qeyd edək ki, Türkiyə və ABŞ YPG-yə Fərat çayının şərqinə çəkilməsi üçün çağırış edib. YPG də bölgədən çəkildiyini açıqlamışdı.

***

Türkiyə Silahlı Qüvvələrinin Suriyadakı növbəti hədəfi məlum olub.

Publika.az xarici mediaya istindən xəbər verir ki, yaxın günlərdə Azad Suriya Ordusu Türkiyə Silahlı Qüvvələrinin yaxından dəstəyi ilə Menbiç şəhərinin terrorçulardan təmizlənməsi üçün hərbi əməliyyat keçirəcək.

Azad Suriya Ordusuna bağlı olan Sultan Murat tağımının lideri, polkovnik Ahmed Osman “Reuters” agentliyinə müsahibəsində bildirib ki, Türkiyə ordusunun dəstəyi ilə Cerablus terrorçulardan azad olunub. Onun sözlərinə görə, yaxın günlərdə Azad Suriya Ordusu Menbiç şəhərinin də terrorçulardan təmizlənməsi üçün hərbi əməliyyatlara başlayacaq:

“Hazırda Menbiç şəhəri PYD və İŞİD terrorçularının nəzarətindədir. Allahın köməyi ilə bir neçə günə Minbiç də terrorçulardan azad olunacaq”.

  
Ömər Dağlı, Vasif Həsənli ,
PUBLİKA.AZ  & VƏTƏNSEVƏRLƏR

NAZARBAYEV “PUTİNİN NATO-su”ndan İMTİNA EDİR

Tarix: 29 Avqust 2016 / 11:52 
    
“Hərbi blokları keçmişdə buraxmaq lazımdır. Onların mövcudluğu təhrikedici və mənasızdır”.

“RİA-Novosti” agentliyi xəbər verir ki, bunu Astanada keçirilən “Nüvə silahından azad dünyanın inşa edilməsi” adlı beynəlxalq konfransda Qazaxıstan prezidenti Nursultan Nazarbayev deyib.

Qazaxıstan prezidenti həmçinin qeyd edib ki, nüvə arsenalının ixtisarı prosesi bütün nüvə dövlətlərinin iştirakı ilə edilməlidir. Onun sözlərinə görə, Astana "Nüvə silahının tam qadağası haqqında" BMT Konvensiyasının qəbuluna nail olmaq niyyətindədir.

Qeyd edək ki, Qazaxıstan Kollektiv Təhlükəsizlik Müqaviləsi Təşkilatının üzvüdür. Təşkilata Qazaxıstandan başqa Rusiya, Ermənistan, Belarus, Qırğızıstan və Tacikistan daxildir.


Ömər Dağlı,
PUBLİKA.AZ  & VƏTƏNSEVƏRLƏR

PENTAQONDA İŞLƏYƏN AZƏRBAYCANLI : “AZƏRBAYCANDA ELƏ AİLƏLƏR VAR Kİ...”

Tarix: 29 Avqust 2016 / 12:00


“Adətən türk zabitləri ilə görüşəndə öz dilimizdə danışıram. Hətta bir dəfə Pentaqonda türk zabiti ilə belə danışanda təəccübdən çantası əlindən düşdü”.

Bu barədə Pentaqonda işləyən azərbaycanlı zabit Nəimi Əmiral (Jonh Naimi Amiral) Diaspor Jurnalistləri Birliyinin əməkdaşlarına açıqlamasında deyib.

N. Amiral 20 ilə yaxın xaricdə yaşamasına baxmayaraq, dilimizi, adət-ənənəmizi heç zaman unutmadığını deyib: “Mənim övladım həm Azərbaycan, həm də ingilis dilində danışa bilir. Çalışıram ki, türk dünyasının liderlərinə qarşı onda sevgi aşılayım. Xüsusən xaricdəki uşaqlarımızın doğma dilimizi bilməsi çox önəmlidir. Lakin Azərbaycanda elə ailələr var ki, uşaqları Azərbaycan dilində danışa bilmirlər. Bu, məni çox narahat edir. Təyyarədə gələndə AZAL-ın işçilərinin bizimlə rusca danışmasına çox təəccübləndik. Maraqlıdır ki, təyyarədə Bakı yəhudiləri də var idi. Onların Azərbaycan dilini unutmamasına sevinməmək olmurdu. Bizimlə Azərbaycan dilində danışır, milli kinolarımıza baxır, milli musiqimizi dinləyirdilər”.

N.Amiral qeyd edib ki, hər il Bakıya gəlir. 

“Bakı çox gözəldir. Hər il gələndə inkişaf hiss olunur. Yeni binalar, şəhərin əsrarəngiz görünüşü insanı valeh edir. Hər dəfə Vətənə gələndə Bakı öz yeni görkəmi ilə məni heyran edir”, - deyə o bildirib. 

Onun sözlərinə görə, qeyri-amerikalı olmağın ABŞ ordusunda yüksək rütbəyə çatmağa hər hansı maneçiliyi yoxdur. 

Yeni vəzifəsinin çətin olmadığını deyən soydaşımız işinin öhdəsindən layiqincə gəldiyini vurğulayıb. 

O, Virciniya Əyalət Məclisinə keçirilən seçkilərdə iştirakından da danışıb: “2009-cu il seçkilərində Virciniya Əyalət Məclisinə namizəd olarkən Vaşinqton şəhərinin ən müstəsna yerlərindən biri olan Metropolitan Squarede (Ağ evin yanında) Amerikada xüsusi diqqət çəkən bir dəstək mitinqi təşkil etdik. Vaşinqtondakı Azərbaycan və türk diasporundan ibarət nümayişçilər mənə hərtərəfli dəstək verdilər. Mən 3 noyabr 2009-cu il seçkilərində Virciniya Əyalət Məclisinə namizədlər sırasında ən uğurlu namizədlərdən idim. Rəqibim seçkiləri az bir fərqlə uddu. Onu Virciniyada daha çox tanıyırlar. Çünki həm orada böyüyüb, həm də həyat yoldaşı oranın baş hakimidir”. 

Qeyd edək ki, N. Amiral əslən Naxçıvanın Babək rayonunun Nehrəm kəndindəndir. O, uzun müddət ABŞ-da yaşayıb və Amerikanın dəniz qoşunlarının zabitidir. ABŞ-ın Respublikaçılar Partiyasının nümayəndəsi olan Naimi Amiral ABŞ tarixində ilk azərbaycanlı olaraq Virciniya Əyalət Məclisinə daxil olmağa ən uğurlu namizədlərdən olub. 

O, bu il ABŞ-ın Rumıniyada istifadəyə verilən Ballistik Raketlərə Qarşı Müdafiə Sistemi hərbi bazasında xarici əlaqələr bürosunun direktoru vəzifəsinə təyin olunub.


Asif,
PUBLİKA.AZ  & VƏTƏNSEVƏRLƏR

26 Ağustos 2016 Cuma

“TÜRKİYƏ GÖSTƏRDİ Kİ, İŞİD-i YER ÜZÜNDƏN SİLMƏK ÇƏTİN DEYİL”

Tarix: 26 Avqust / 15:57

Türkiyə xüsusi təyinatlıları Suriyanın şimalında hərbi əməliyyat keçirir. “Fərat qalxanı” adlanan əməliyyatda ağır hərbi texnikalar, o cümlədən tanklar iştirak edir. Tanklar İŞİD terrorçularının mövqelərinə zərbələr endiriblər. Türkiyə Hava Qüvvələrinə məxsus "F-16" bombardmançı təyyarələri də İŞİD-i havadan bombalayır. Azad Suriya Ordusunun da yaxından iştirak etdiyi hərbi əməliyyatlar nəticəsində Suriyanın Türkiyə ilə sərhəddə yerləşən Carablus şəhəri İŞİD-dən azad edilib. Türkiyə ordusu itki verməyib. Azad Suriya Ordusunun bir əsgəri həlak olub, 10-u yaralanıb.

Türkiyənin Suriyada apardığı əməliyyatı dəyərləndirən Milli Strateji Təhqiqatlar Mərkəzinin rəhbəri, politoloq Natiq Miri qeyd edib ki, bu, gecikmiş addım olsa da, Türkiyə adına çox vacib və geostrateji bir qərardır. Onun sözlərinə görə, bu əməliyyatların əsasən iki məqsədi var: “Birincisi, Türkiyənin təhlükəsizlik məsələsidir. Təbii ki, bu təhlükəsizlik məsələsi İŞİD terrorçularının Türkiyə sərhədlərinin yaxınlığında olmasıdır. Bu məkandan istifadə edərək Türkiyəyə sızır, qardaş ölkədə terror aktları həyata keçirirlər. Eyni zamanda Türkiyənin sərhədyanı rayonlarını atəşə tuta bilirdilər. Bu baxımdan bu əməliyyatlar Türkiyənin beynəlxalq hüquqa görə təməl haqqıdır”.

İkincisi məqsədə gəldikdə isə N.Miri qeyd edib ki, Türkiyənin sərhədləri yaxınlığında, Suriyanın şimalında bir kürd koridorunun yaradılması istənilir: “PKK-nın Suriya qolu olan PYD-nin silahlı qanadı YPG də məhz ABŞ-ın dəstəyindən istifadə edərək Suriyada proseslər tənzimlənənədək daha çox ərazilər zəbt etmək, kürd koridoru yaratmaqla Aralıq dənizinə çıxış etmək və bir kürd dövləti yaratmaq istəyir. Bu layihənin tərkib hissəsi təkcə Suriyadakı kürd dövləti deyil.

Bu həm də böyük bir Kürdüstan layihəsinin tərkib hissəsidir. Bu layihənin tərkibinə Türkiyənin kürdlər yaşayan bölgələri də daxildir. Bu plan həm Türkiyə, həm İran, həm də Suriya qolu olan böyük bir Kürdüstan planıdır. Bu planı reallaşdırmaq üçün münbit zəmin Suriyada mövcud olduğu üçün YPG bundan istifadə etmək istəyirdi. Türkiyənin Suriyaya müdaxiləsinin ikinci əsas məqsədi də məhz YPG-ni Fərat çayının şərq sahilinə sıxışdırmaqdan ibarətdir. Biz bu yöndə də müəyyən uğurları müşahidə etməkdəyik”.

N.Miri bidirib ki, Türkiyənin Suriyaya hərbi müdaxiləsi sıradan bir hərbi-siyasi olay deyil: “Bu, bilavasitə regionda olan hərbi-siyasi güclərlə razılaşdırılmış bir əməliyyatdır. Hiss olunur ki, ABŞ, Rusiya və İrandan əlavə bu əməliyyatlar hətta, Suriyada mövcud olan Bəşər Əsəd rejimi ilə də razılaşdırılıb. Baxmayaraq ki, Dəməşqdən Türkiyənin Suriyaya hərbi müdaxiləsi yönündə müəyyən etiraz səsləri ucalır. Bu, sadəcə diplomatik protokol xatirinə atılmış addımlardır. Əslində, Türkiyənin müdaxiləsi razılaşdırılmış bir məqamdır. Bunu Suriyada mövcud olan digər hərbi güclər də bilməmiş deyillər”.

Bəs, Ankaranın Suriyaya hərbi müdaxilə etmək qərarı Türkiyəyə və regiona nələri qazandıracaq? 

Bu sualımızı da cavablandıran politoloq qeyd edib ki, əvvəla, bu müdaxilə artıq Suriyada gələcək çözümün, yəni vətəndaş müharibəsinə son qoyulması üçün müəyyən toxumların səpilməsinə şərait yaratdı: “Biz çox yaxın zamanlarda bunun cücərtilərini müşahidə edəcəyik. Məhz bu baxımdan fikir verirsinizsə, Türkiyə hakimiyyəti müvəqqəti olsa da, Əsəd rejiminin keçid hökuməti formalaşdırılandək hakimiyyətdə qalmasına razılıq verdi. Yəni, bu, Türkiyənin bir növ geri çəkilməsi kimi dəyərləndirilə bilər. Ancaq strateji anlamda Türkiyə anlayır ki, Suriyada yaranacaq yeni hakimiyyət qucaqlayıcı – yəni, bütün islam məzhəblərini və mövcud olan siyasi qrupların hamısını qucaqlaya biləcək bir siyasi hakimiyyət olmalıdır. Əsəd rejimi də bu yöndə öz dəyərlərini artıq çoxdan itirib.

Artıq bütün dünya gücləri, o cümlədən – İran və Rusiya da anlayır ki, Suriya hakimiyyəti belə bir hakimiyyət deyil. Əgər gələcək Suriyada, həqiqətən də, sülh və əmin-amanlıq istənilirsə, bütün qüvvələrin maraqlarını ehtiva edən yeni bir hakimiyyət qurulmalıdır. Mənə elə gəlir ki, bu yöndə də artıq konkret anlaşmalar var”.
N.Mirinin sözlərinə görə, Türkiyənin Suriyaya hərbi müdaxiləsi və bir gün ərzində Carablus nahiyəsinin İŞİD terrorçularından təmizlənməsi göstərdi ki, əgər İŞİD terrorunun üzərinə səmimi olaraq, Türkiyə dövləti kimi gedilərsə, bu bəlanı bitirmək o qədər də çətin deyil: “Ona görə də fikir verdinizsə, bütün Qərb mətbuatı Türkiyənin hərbi müdaxiləsini İŞİD-i Suriyadan birdəfəlik silməsi kimi dəyərləndirdi. Bu, onu göstərirdi ki, həm Rusiya, həm də ABŞ Suriyada özlərinin geosiyasi maraqlarının təmin olunması ilə məşğuldurlar. Suriyada böyük bir oyun gedir. Məhz bu baxımdan bu oyundan yararlanan İŞİD terroru da bitirilməsi əvəzinə gündən-günə daha da çiçəklənir. Demək, İŞİD terrorunun üzərinə ciddi və səmimi olaraq gedilərsə, İŞİD terrorunu bitirmək hərbi cəhətdən böyük bir problem deyil. Carablusa türk qoşunlarının müdaxiləsi də bunu bir daha ortaya qoydu.

Ən nəhayət, Türkiyə qoşunlarının Suriyaya hərbi müdaxiləsi göstərdi ki, regionda – həm Suriyada, həm də İraqda –Türkiyəsiz bu münaqişələri, problemləri çözmək mümkün olmayacaq. Bundan sonra İraq və Suriyanın gələcək taleyi baxımından bütün müzakirələrdə Türkiyə də həlledici siyasi amil kimi iştirak edəcək. Bu, çox əhəmiyyətli bir məqamdır və Türkiyənin regionda mövqelərinin güclənməsi anlamına gəlir. Ayrıca problemin Suriyanın ərazi bütövlüyü çərçivəsində həlli həm regiona, həm də Azərbaycana müəyyən siyasi dividendlər vəd edir. Bütün bunlar hamısı təbii ki, həm Azərbaycan, həm Türkiyə, həm də region adına əhəmiyyətli geosiyasi hadisələrdir”.


Səxavət HƏMİD
& VƏTƏNSEVƏRLƏR

SURİYADA DÖYÜŞƏN “MƏXFİ ORDU” QARABAĞA GƏLİR

Tarix: 26 Avqust 2016 / 13:45 
   
Rusiya muzdlu döyüşçülərdən ibarət olan “Vaqner qrupu”nu Dağlıq Qarabağa köçürmək haqda düşünür.

Publika.az xəbər verir ki, bu barədə “RBC” saytının araşdırmasında deyilir.

Sayt yazır ki, Rusiya Müdafiə Nazirliyi Baş qərargahına məxsus Baş Kəşfiyyat İdarəsinə (QRU) bağlı olan muzdlu ordu haqda informasiyalar mediaya sızıb. Xüsusilə Ukrayna və Suriyadakı əməliyyatlarda iştirakından sonra onların kimliyi, yerləşdikləri düşərgə və digər informasiyalar de-şifrə olunub.

Federal Təhlükəsizlik Xidmətinin (FSB) zabiti sayta bildirib ki, Rusiya Müdafiə Nazirliyi qrupun düşərgəsinin başqa yerə köçürülməsini müzakirə edib.

“Mümkün variantlar arasında Tacikistan, Dağlıq Qarabağ və Abxaziya var”, - deyə o bildirib. Müdafiə Nazirliyindəki mənbə də bu faktı təsdiqləyib.

Sayt qeyd edir ki, bu qrup öz effektivliyini sübut etdiyi üçün onun ləğvi haqda düşünülmür.

Qeyd edək ki, “Fontanka” nəşrinin məlumatına görə, “Vaqner qrupu” kimi tanınan batalyon rəsmi olaraq mövcud deyil. Nə güc strukturlarında, nə hüquqi şəxslərin reyestrində onun adını tapmaq mümkün deyil. Döyüşçülərın adları şəxsi heyətin formulyar siyahılarında da yoxdur. Bundan başqa, Rusiyada şəxsi hərbi şirkətlər haqqında qanun yoxdur. Qanuna uyğun olaraq arsenalında zirehli hərbi maşınlar, daşınabilən zenit kompleksləri və minaatanlar olan mülki təşkilatlar ola bilməz. Lakin qeyri-rəsmi olaraq belə bir qrup var.

Məlumata görə, 2013-cü ildə Suriyada dağıdılan “Slavyan korpusu” əsasında formalaşdırılmış “Vaqner qrupu” 2014-cü ilin yazından Krımda, daha sonra isə Luqansk vilayətində hərəkət edib.

Vaqner kimi tanınan şəxs ehtiyatda olan polkovnik-leytenant Dmitri Utkindir. O, 2013-cü ilə qədər Müdafiə Nazirliyinin əsas kəşfiyyat məntəqəsində çalışıb.  Ehtiyata çıxandan sonra dəniz gəmilərinin mühafizəsi sahəsində ixtisaslaşan şəxsi şirkət “Moran Security Group”da işləyib. 2013-cü ildə MSG-nin menecerləri “Slavyan korpusu”nu təşkil edərək, onu Suriyaya Bəşər Əsədi müdafiə etməyə göndərib. Korpus bir sıra uğursuz döyüşlərdə iştirak edib. Dmitri Utkin 2014-cü ildən şəxsi bölmənin komandiridir və onun çağırışı ilə bölmə “Vaqner qrupu” adını alıb.


Asif
& VƏTƏNSEVƏRLƏR

22 Ağustos 2016 Pazartesi

AZƏRBAYCAN - TÜRKİYƏ STRATEJİ TƏRƏFDAŞLIĞI YENİ VƏ DİNAMİK İNKİŞAF MƏRHƏLƏSİNDƏ

Heydər Əliyev : - Azərbaycan-Türkiyə dostluğu və qardaşlığı əbədidir, sarsılmazdır. Biz çalışacağıq ki, bu dostluğu, qardaşlığı gündən-günə möhkəmlədək və yüksəklərə qaldıraq.


Müasir geosiyasi şəraitdə Azərbaycanın etibarlı strateji tərəfdaşı olan Türkiyə ilə münasibətlərin möhkəmləndirilib daha da genişləndirilməsi ölkəmizin xarici siyasətinin mühüm tərkib hissəsidir. Hər iki ölkənin dövlət və hökumət başçılarının, eləcə də siyasi, iqtisadi, ticarət, elm, təhsil, mədəniyyət və digər sahələr üzrə aidiyyəti qurumlarının rəhbərlərinin qarşılıqlı səfərləri ikitərəfli əməkdaşlığın inkişafında əhəmiyyətli rol oynayıb və bütün sahələrdə əlaqələr uğurla inkişaf edərək ölkələrimiz arasında strateji tərəfdaşlıq münasibətlərinin yüksək səviyyəyə qalxmasına səbəb olub.

Müstəqilliyin ilk illərində Türkiyə iki qardaş ölkə arasında qarşılıqlı faydalı əməkdaşlıq prinsiplərini əsas tutaraq dövlət quruculuğu yolunda respublikamızın səylərini daim dəstəkləməklə hərtərəfli əlaqələrin inkişafına geniş yardım göstərib. Azərbaycanın dünya birliyinə inteqrasiyasında, regional təhlükəsizliyin qorunmasında, ümumiyyətlə, ölkəmizin siyasi-iqtisadi və elmi-mədəni maraqlarının reallaşmasında Türkiyə dövləti ilə hərtərəfli əməkdaşlığın genişlənməsinə xüsusi əhəmiyyət verən ümummilli lider Heydər Əliyev 1993-cü ildə yenidən hakimiyyətə qayıtdıqdan sonra bu istiqamətdəki kursun yüksələn xətt üzrə inkişafını təmin etdi.

1994-cü il sentyabrın 20-də imzalanmış “Əsrin müqaviləsi”nin xarici neft şirkətlərinin konsorsiumunda “Türk petrolları” şirkətinin təmsil olunması Türkiyə ilə Azərbaycan arasında strateji əməkdaşlığın inkişafının ilk əsas təzahürü idi. Azərbaycan Prezidenti Heydər Əliyevin 1997-ci il mayın 5-8-də Türkiyəyə rəsmi səfəri zamanı keçirilən bütün görüşlərdə ölkəmizin Türkiyə ilə münasibətlərin daha da inkişafına xüsusi əhəmiyyət verdiyi göstərildi. Belə ki, səfər çərçivəsində “Azərbaycan Respublikası hökuməti və Türkiyə Respublikası hökuməti arasında strateji əməkdaşlığın dərinləşdirilməsi haqqında Bəyannamə”, eləcə də iki ölkə arasında münasibətləri yüksək səviyyəyə qaldırmış və müxtəlif sahələri əhatə edən ümumilikdə 9 sənəd imzalandı.

Azərbaycan regionda həyata keçirilən qlobal iqtisadi layihələrin həyata keçirilməsində Türkiyənin yaxından iştirakına daim xüsusi diqqət yetirir. Avropa ilə Şərq ölkələri arasında nəqliyyat-kommunikasiya əlaqələrinin yaradılması sahəsində mühüm əhəmiyyət kəsb edən “Avropa-Qafqaz-Asiya Transqafqaz” nəqliyyat dəhlizi (TRASEKA) proqramının dəstəyi ilə 1998-ci il sentyabrın 7-8-də 32 dövlətin və 13 beynəlxalq təşkilatın iştirakı ilə tarixi “Böyük İpək Yolu”nun bərpasına dair Bakıda keçirilmiş beynəlxalq konfrans Azərbaycanla ilə Türkiyə arasında strateji tərəfdaşlığın genişlənməsinə yeni stimul verdi. Bu layihə ilə yanaşı, digər iqtisadi layihələrin həyata keçirilməsi istiqamətində atılan addımlar, xüsusilə Xəzərin enerji resurslarının dünya bazarlarına nəql olunması sahəsində Azərbaycan ilə Türkiyə arasında davamlı əməkdaşlığın genişləndirilməsi hər iki dövlətin regionda siyasi-iqtisadi və strateji maraqlarının təmin edilməsinə xidmət edir.

Azərbaycanın neft strategiyasının həyata keçirilməsi regional sabitliyin möhkəmləndirilməsi və qonşu dövlətlərlə, xüsusilə Türkiyə ilə strateji tərəfdaşlıq münasibətlərinin daha da dərinləşməsində mühüm əhəmiyyət kəsb edir. Xəzər regionunda fəal mövqeyi ilə seçilən və Azərbaycanın bütün məsələlər üzrə müttəfiqi hesab edilən Türkiyə dövləti əsas diqqətini respublikamızın neft ehtiyatlarının xarici bazarlara marşrutu üzərinə cəmləşdirib. Bu məqsədlə də Türkiyə hökuməti Bakı-Tbilisi-Ceyhan əsas ixrac neft kəməri marşrutunu irəli sürüb və kəmərin təhlükəsizliyinin təmin edilməsi ilə bağlı bir sıra təkliflərlə çıxış edib.

1999-cu il noyabrın 18-də ATƏT-in İstanbulda keçirilmiş Zirvə toplantısı çərçivəsində XX əsrin çox mühüm layihəsi hesab edilən və mübahisəli müzakirələrə səbəb olan “Bakı-Tbilisi-Ceyhan əsas ixrac boru kəməri vasitəsilə Azərbaycan, Gürcüstan, Türkiyə ərazilərindən xam neftin nəql edilməsinə dair saziş”in Azərbaycan, Gürcüstan, Türkiyə və ABŞ prezidentləri tərəfindən imzalanması region ölkələrinin strateji əməkdaşlığı və Avropaya inteqrasiyası sahəsində mühüm addım oldu. Eyni vaxtda, adı çəkilən dövlətlərin prezidentləri tərəfindən bu qlobal layihəni müdafiə edən İstanbul Bəyannaməsinin qəbul edilməsi Azərbaycan dövlətinin, xüsusilə ümummilli lider Heydər Əliyevin yeni neft strategiyasının həyata keçməsi istiqamətində, eləcə də Türkiyə dövləti ilə dostluğun və əməkdaşlığın daimi olmasını təsdiq edən çox əhəmiyyətli bir sənəd idi.

Bundan əlavə, İstanbul Zirvə toplantısında regionda sülhün və təhlükəsizliyin təmin edilməsi istiqamətində Azərbaycanın və Türkiyənin iştirakı ilə “Qafqaz paktı” yaradılması ideyası irəli sürüldü. Bu ideyanın həyata keçirilməsi üçün Azərbaycanın regional təhlükəsizliyə dair daha bir təşəbbüsü 2002-ci il aprelin 29-30-da Azərbaycan, Türkiyə və Gürcüstan prezidentlərinin Türkiyənin Trabzon şəhərində keçirilən Zirvə görüşündə reallaşdı. Görüşün nəticəsi olaraq 3 dövlət arasında “Terrorizm, mütəşəkkil cinayətkarlıq, qanunsuz narkotik, psixotrop maddələrin qaçaqmalçılığı, silah, insan alveri və digər mühüm cinayətlərlə mübarizə haqqında müqavilə” imzalandı. Bununla yanaşı, “Şahdəniz” yatağından hasil olunan təbii qazın Bakı-Tbilisi-Ərzurum marşrutu üzrə Türkiyəyə nəql olunması üçün qaz boru kəmərinin də inşasının həyata keçirilməsi haqqında qərar qəbul edildi. Heç şübhəsiz ki, bu layihənin reallaşması Azərbaycan və Türkiyənin sosial-iqtisadi inkişafında, regional təhlükəsizliyin möhkəmlənməsində, qarşılıqlı əlaqələrin genişlənməsində və hər iki dövlətin dünya birliyinə hərtərfli inteqrasiyası istiqamətində mühüm əhəmiyyət kəsb edir.

Ümummilli lider Heydər Əliyevin xarici siyasət kursunu novatorcasına, dinamik şəkildə və çox uğurla davam etdirən Azərbaycan Prezidenti İlham Əliyev qardaş Türkiyə dövləti ilə münasibətləri yüksələn xətt üzrə inkişaf etdirərək bu münasibətlərin strateji müttəfiqlik səviyyəsinə qalxmasında əhəmiyyətli rol oynadı. Belə ki, Azərbaycan-Türkiyə əlaqələrinin inkişafında Prezident İlham Əliyevin 2004-cü il aprelin 13-15-də dövlət başçısı kimi ilk rəsmi səfəri zamanı iki ölkə arasında Birgə Bəyanat, mülki aviasiya və mədəniyyət sahələrində əməkdaşlığa dair protokollar, ümumilikdə isə 5 mühüm sənəd imzalandı.

2006-cı il iyulun 13-də Türkiyənin Ceyhan limanında Şərq-Qərb enerji dəhlizinin mühüm qolunu təşkil edən və ulu öndər Heydər Əliyevin adını daşıyan Bakı-Tbilisi-Ceyhan əsas ixrac boru kəmərinin təntənəli açılış mərasimi keçirildi. Bu hadisə Ümummilli Liderin uzaqgörən və düşünülmüş siyasətinin, eləcə də uğurlu neft strategiyasının nəticəsi və vaxtilə bəzi mütəxəssislərin inanmadığı üç dəniz əfsanəsinin reallığa çevrildiyi gün kimi tarixə düşdü.

Ölkələrimiz arasında bütün sahələrdə əlaqələrin dinamik şəkildə inkişafının göstəricisi olan qlobal iqtisadi layihələr - Bakı-Tbilisi-Ceyhan neft, Bakı-Tbilisi-Ərzurum qaz kəmərləri və Bakı-Tbilisi-Qars dəmir yolu layihələri regionda sülhün və təhlükəsizliyin təmin olunmasına öz töhfəsini verməklə yanaşı, xalqlarımızın rifah halının yaxşılaşdırılması baxımından da böyük əhəmiyyətə malikdir. Bu mənada 2008-ci il iyulun 24-də Azərbaycan Prezident İlham Əliyevin Türkiyəyə səfəri zamanı Qars şəhərində Bakı-Tbilisi-Qars dəmir yolunun Türkiyə hissəsinin təməlinin qoyulması mərasimindəki nitqində dövlət başçısı Azərbaycanın beynəlxalq enerji və nəqliyyat dəhlizi ölkəsi olaraq yüksək potensialını göstərməklə yanaşı, bu dəmir yolunun ümumən regionda əməkdaşlığın genişlənməsi üçün çox önəmli layihə olduğunu bildirdi. Hazırda regionun ən böyük və mühüm layihələri hesab edilən hər üç layihənin Bakıdan başlanması təkcə Azərbaycanın neft və qaz ehtiyatlarına malik olması deyil, eləcə də ölkəmizin regionda ən böyük iqtisadi potensiala, gücə və həmin layihələrin reallaşmasını diktə etmək imkanına sahib olması deməkdir.

Müasir dövrdə Azərbaycanın etibarlı strateji tərəfdaşı olan Türkiyə ilə münasibətlərin möhkəmləndirilib daha da genişləndirilməsi dövlətimizin xarici siyasətinin çox mühüm tərkib hissəsidir. Bu günədək “bir millət, iki dövlət” prinsipi əsasında inkişaf edən münasibətlərin yüksək səviyyədə olduğunu bildirən Azərbaycan Prezidenti İlham Əliyev hər iki ölkənin dövlət başçılarının qarşılıqlı səfərlərinin ikitərəfli siyasi və iqtisadi əməkdaşlığın inkişafında əhəmiyyətli rol oynadığını bildirərək qeyd edib ki, “Türkiyə ilə Azərbaycan arasında bütün sahələrdə əlaqələr çox uğurla inkişaf edir. Bu əlaqələr dostluq-qardaşlıq əsasında qurulubdur. Bizim çox zəngin birgə tariximiz, ortaq dəyərlərimiz vardır. Bu gün Türkiyə ilə Azərbaycan arasında əlaqələr bu möhkəm təməl əsasında qurulur. Son iyirmi ilə yaxın müddətdə Türkiyə ilə Azərbaycan arasında əlaqələr daim yüksək səviyyədə olmuşdur. Bu gün bu gözəl ənənələr davam edir və bütün məsələlərdə əməkdaşlığımız yaxşı nəticələr verməkdədir”.

Hər iki dövlətin irəli sürdüyü yüksək səviyyədə Strateji Əməkdaşlıq Şurasının qurulması istiqamətində verilən qərar da Türkiyə ilə Azərbaycan arasında gələcəyi əhatə edən və ikitərəfli münasibətlərdə atılan ən mühüm addımlardan biridir. Bu baxımdan “Azərbaycan Respublikası və Türkiyə Respublikası arasında Yüksək Səviyyəli Strateji Əməkdaşlıq Şurasının qurulması haqqında Birgə Bəyannamə”nin imzalanması mühüm əhəmiyyət kəsb edir.

2011-ci il iyulun 27-də Türkiyənin Baş naziri Rəcəb Tayyib Ərdoğanın Azərbaycana səfəri zamanı Türkiyə-Azərbaycan əlaqələrinin hazırda ən yüksək səviyyədə olduğunun bir daha şahidi olduq. Belə ki, Azərbaycan Prezidenti İlham Əliyevin və Türkiyənin Baş naziri Rəcəb Tayyib Ərdoğanın birgə mətbuat konfransı zamanı söylədikləri fikirlər bunu bir daha təsdiq edir. Azərbaycan Prezidenti İlham Əliyev bu əlaqələrin strateji xarakter daşıdığını, dostluq və qardaşlıq prinsiplərinə əsaslandığını bildirərək qeyd edib ki, “Bizi birləşdirən həm tarixi köklər, həm mədəni əlaqələr, bizim keçmişimiz və bugünkü siyasi maraqlarımızdır. Biz çox şadıq ki, Türkiyə-Azərbaycan əlaqələri sürətlə inkişaf edir”. Bununla yanaşı, Ermənistan-Azərbaycan, Dağlıq Qarabağ münaqişəsinin həlli yolları ilə əlaqədar danışıqların son durumu haqqında müzakirələrin aparıldığını qeyd edən dövlət başçısı İlham Əliyev Türkiyəyə bu məsələ ilə bağlı tutduğu mövqeyə görə Azərbaycan xalqının və dövlətinin minnətdar olduğunu və bunu çox yüksək qiymətləndirdiyini bildirib. Baş nazir Rəcəb Tayyib Ərdoğan da Dağlıq Qarabağ məsələsində Türkiyənin hər zaman Azərbaycanın yanında olduğuna diqqəti çəkərək deyib: “Dağlıq Qarabağ mövzusundakı mövqeyimiz, düşüncəmiz, mübarizəmiz eynidir. Azərbaycan üçün Dağlıq Qarabağ mövzusu necə bir qanayan yaradırsa, bilinməlidir ki, bizim üçün də elə qanayan bir yaradır. Bundan fərqli bir düşüncə bizdə əsla ola bilməz. Bu məsələni də sona qədər təqib edirik və bundan sonra da təqib etməkdə davam edəcəyik”.

2011-ci il oktyabrın 25-də İzmir şəhərində keçirilən Türkiyə-Azərbaycan Yüksək Səviyyəli Strateji Əməkdaşlıq Şurasının ilk toplantısı çərçivəsində Azərbaycan Prezidenti İlham Əliyev və Baş nazir Rəcəb Tayyib Ərdoğan, eləcə də hər iki ölkə nümayəndə heyətlərinin üzvləri arasında danışıqlar aparılıb və Türkiyə ilə Azərbaycan arasında qaz tranziti, qaz təchizatı və qaz alğı-satqısına dair sazişlər imzalanıb. Qaz tranzitinə dair imzalanan saziş “Cənub” dəhlizi layihəsi çərçivəsində Azərbaycan qazının Avropaya nəqlini nəzərdə tutur. Bundan başqa, Azərbaycan və Türkiyə arasında hökumətlərarası enerji protokolu, investisiyaların təşviqi və qarşılıqlı qorunması, Anadolu Agentliyi ilə AZƏRTAC arasında, Xarici İşlər nazirliklərinin Diplomatik akademiyaları arasında, ailə və sosial siyasət sahəsində, meşəçilik, meteorologiya, mətbuat və informasiya, polisin təhsili sahələrində əməkdaşlıq haqqında sazişlər imzalanıb.

Azərbaycan və Türkiyə ikitərəfli iqtisadi əməkdaşlığı və sərmayələrə verdikləri böyük əhəmiyyət də ölkələrimizin inkişafını şərtləndirən amillərdəndir. Azərbaycanla Türkiyə arasında ticarət dövriyyəsi 5 milyard dollardan çoxdur. 2020-ci ilədək Azərbaycanın Türkiyə iqtisadiyyatına yatıracaq sərmayələrin həcmi 20 milyard dollara çatacaq ki, bunun da 15 milyard dolları Dövlət Neft Şirkətinin payına düşəcək. Bakı-Tbilisi-Ceyhan neft, Bakı-Tbilisi-Ərzurum qaz kəmərləri, Bakı-Tbilisi-Qars dəmir yolu kimi nəhəng layihələr Türkiyə ilə Azərbaycan əməkdaşlığının gələcək inkişafında xüsusi əhəmiyyətə malikdir. Adı çəkilən layihələrdən sonra 2012-ci il iyunun 26-da Prezident İlham Əliyev və Türkiyənin Baş naziri Rəcəb Tayyib Ərdoğanın imzaladıqları sazişlə həyata keçirilməsinə başlanılan Trans-Anadolu (TANAP) təbii qaz boru xətti layihəsi də ölkələrimizin regionda və dünyada nüfuzunu artırıb. Beləliklə də, yaxın beş ildə TANAP layihəsinin icrasına nail olunacaq və Azərbaycan Türkiyə üçün önəmli qaz təminatçısı olmaqla yanaşı, eyni zamanda, Azərbaycan qazı Türkiyə vasitəsilə Avropaya nəql ediləcək.

2012-ci il sentyabrın 11-də Qəbələdə Azərbaycan Respublikasının Prezidenti İlham Əliyevin və Türkiyə Respublikasının Baş naziri Rəcəb Tayyib Ərdoğanın iştirakı ilə Yüksək Səviyyəli Strateji Əməkdaşlıq Şurasının ikinci iclasının keçirilməsi Azərbaycan-Türkiyə münasibətlərinin yeni mərhələsi kimi qiymətləndirilə bilər. Belə ki, Azərbaycan ilə Türkiyə arasında müxtəlif sahələrdə əməkdaşlığa dair 7 protokol imzalandı ki, bunun da hər iki dövlət üçün çox mühüm əhəmiyyəti var. Sənədlərin imzalanmasından sonra Azərbaycan Prezidenti İlham Əliyevin və Türkiyənin Baş naziri Rəcəb Tayyib Ərdoğanın birgə keçirilən mətbuat konfransında Yüksək Səviyyəli Strateji Əməkdaşlıq Şurasının ikinci toplantısının iki dövlət arasında genişlənən bu prosesi daha da sürətləndirdiyi bildirilib.

2013-cü il noyabrın 13-də Ankarada Türkiyə-Azərbaycan Yüksək Səviyyəli Strateji Əməkdaşlıq Şurasının üçüncü iclası keçirilib və iclasda Azərbaycan ilə Türkiyə arasında əməkdaşlığın bütün sahələrdə - siyasi, iqtisadi, enerji və digər sahələrdə dinamik inkişaf etdiyi, ikitərəfli layihələrin uğurla həyata keçirilməsinin əhəmiyyəti qeyd olunub. 2015-ci il yanvarın 15-də Ankarada Azərbaycan və Türkiyə prezidentlərinin iştirakı ilə Azərbaycan-Türkiyə Yüksək Səviyyəli Strateji Əməkdaşlıq Şurasının 4-cü iclası keçirilib və Şuranın toplantısı çərçivəsində birgə fəaliyyətlər, iki ölkə arasında əlaqələr və əməkdaşlığın inkişafı müzakirə olunub.

Bu gün Azərbaycan həm regionun, həm də Avropanın enerji təhlükəsizliyinin təmin edilməsində, dünyanın qlobal enerji bazarında ciddi rol oynayan ölkədir. Bir sıra Avropa ölkələrinin qaz bazarında Azərbaycanın payı 40 faizədək artıb. 2012-ci ildə Türkiyə və Azərbaycan siyasi rəhbərliyinin fəaliyyəti nəticəsində Trans-Anadolu kəmərinin tikintisi ilə bağlı razılıq əldə edilib. Azərbaycanın müəllifi olduğu və Türkiyə ilə birlikdə reallaşdırılan TANAP layihəsi həyata keçirildikdən, yəni 2017-ci ildən sonra Avropanın təbii qaz bazarında ölkənin rolu daha da yüksələcək. Bu layihə bizim uzunmüddətli inkişafımızı, onilliklər ərzində Azərbaycanın iqtisadi və digər maraqlarını təmin etmək üçün ciddi vasitə olacaq. Azərbaycanın mövcud qaz ehtiyatları bundan sonrakı 100 il ərzində respublikanın və tərəfdaş dövlətlərin mavi yanacağa olan tələbatının ödənməsinə imkan verəcək. Bununla yanaşı, 2013-cü ildə TAP layihəsi - Trans-Adriatik kəmərinin əsas ixrac marşrutu kimi seçilməsi də tarixi hadisə olub.

Hazırda beynəlxalq əməkdaşlıq məkanına çevrilmiş Xəzər hövzəsi malik olduğu zəngin karbohidrogen ehtiyatları hesabına bir sıra qlobal enerji layihələrinin reallaşdırıldığı mərkəz kimi diqqət çəkir. Bu baxımdan Xəzər dənizinin Azərbaycan sektorunda yerləşən “Şahdəniz” yatağı xüsusi əhəmiyyət kəsb edir. 2013-cü il dekabr ayının 17-də Bakıda layihə üzrə yekun investisiya qərarının imzalanması ilə “Şahdəniz” yatağının tammiqyaslı işlənməsi həlledici mərhələyə qədəm qoydu. Azərbaycan Prezident İlham Əliyevin bəyan etdiyi kimi “Şahdəniz- 2” enerji layihəsi dünyanın ən iri enerji layihələrindən biridir. Bu layihə enerji təhlükəsizliyi və enerjinin şaxələndirilməsi layihəsidir. Azərbaycan 20 il əvvəl “Əsrin müqaviləsi”ni imzalamaqla Xəzər dənizini xarici sərmayələrə açıb və ölkəmizin uğurlu iqtisadi inkişafını təmin edib. Həmin müqavilə “XX əsrin müqaviləsi” adlandırılmışdısa, “Cənub” qaz dəhlizi layihəsi XXI əsrin ən iri enerji layihəsidir.

2014-cü il sentyabrın 20-də “Əsrin müqaviləsi”nin 20-ci ildönümünü qeyd edildi. Simvolik haldır ki, məhz həmin gün “Cənub” qaz dəhlizinin təməli qoyuldu. “Cənub” qaz dəhlizi Avropanın ən böyük infrastruktur layihəsidir və bu nəhəng transmilli layihənin icrasında ölkəmiz öz liderlik keyfiyyətlərini bir daha nümayiş etdirdi. Məhz Azərbaycanın uzun illər ərzində apardığı uğurlu enerji siyasəti nəticəsində bu böyük layihə artıq reallaşır. “Şahdəniz-2”, TANAP və TAP Azərbaycan üçün nadir və əvəzolunmaz layihələrdir və uzun illər, onilliklər bundan sonra bizim milli maraqlarımızı, iqtisadi və siyasi maraqlarımızı təmin edəcək. Azərbaycan beynəlxalq əməkdaşlıq məsələlərində olduğu kimi, bu layihələrdə də liderliyi öz üzərinə götürüb.

Nəhayət, 2015-ci il martın 17-də Türkiyənin Qars vilayətinin Selim rayonunda Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan və Gürcüstan Prezidenti Giorgi Marqvelaşvilinin iştirakı ilə Trans-Anadolu qaz boru kəməri - TANAP-ın təməlinin qoyulması münasibətilə təntənəli mərasim keçirildi. Bu tarixi mərasimdə layihəyə Azərbaycan, Gürcüstan və Türkiyə ilə yanaşı, bütün Avrasiya coğrafiyasının ehtiyacı olduğu qeyd edilərək bildirildi ki, layihə Azərbaycandan başlayan genişlənmiş Cənubi Qafqaz boru kəmərini Avropa İttifaqında bir neçə kəmərlə əlaqələndirəcək. Beş il ərzində reallaşması nəzərdə tutulan layihə bir neçə mərhələdə həyata keçiriləcək və ilk mərhələ 2018-ci ildə başa çatacaq. 2020-ci ildə bu kəmərlə nəql olunacaq qazın həcmi ildə 16 milyard, 2023-cü ildə 23 milyard, 2026-cı ildə isə 31 milyard kubmetrə çatdırılacaq. İlk dövrdə TANAP kəməri ilə nəql olunacaq 16 milyard kubmetr Azərbaycan qazının 10 milyard kubmetri Avropaya, 6 milyard kubmetri isə Türkiyəyə satılacaq. Avropa üçün nəzərdə tutulan qaz Türkiyə-Bolqarıstan və ya Türkiyə-Yunanıstan sərhədində təhvil veriləcək. Bu tarixi hadisə Azərbaycan-Türkiyə strateji tərəfdaşlığının yeni və dinamik inkişaf mərhələsi kimi qiymətləndirilə bilər.

Qeyd edək ki, 2015-ci il aprelin 24-də Çanaqqala şəhərində türk ordusunun qəhrəmancasına qələbə qazanmasının 100 illiyi ilə bağlı keçiriləcək təntənəli mərasimdə Azərbaycan Prezidenti də iştirak edəcək. Bunu iki qardaş ölkənin liderləri 2015-ci il yanvarın 15-də Ankarada keçirdikləri mətbuat konfransında bəyan ediblər. Türkiyədə Çanaqqala zəfərinin 100 illiyinin qeyd edilməsinə dair qəbul olunmuş qərar qardaş ölkənin ərazilərinin düşmən əsarətindən qurtuluşunda həlledici rol oynamış tarixi hadisənin, böyük dönüş məqamının beynəlxalq ictimaiyyətin diqqətinə çatdırılması baxımından da mühüm əhəmiyyət kəsb edir. Bu, Türkiyədə və ümumiyyətlə, türk dünyasında müstəqil dövlətçiliyin, vətənpərvərliyin daha da qüvvətlənməsinə təkan verəcək mühüm hadisə olacaq. Çanaqqala zəfərinin yüksək səviyyədə anılması həmin tarixi proseslərdə əsl qardaşlıq nümunəsi göstərmiş, böyük qurtuluş savaşında könüllü iştirak etmiş və Anadolu torpaqlarında şəhid olmuş Azərbaycan oğullarının da xatirəsinə ehtiramın bir ifadəsidir.

Azərbaycan Prezidenti İlham Əliyevin Çanaqqala zəfərinin birlikdə qeyd olunması barədə qəti mövqeyi Türkiyə və Azərbaycan dövlətlərinin və xalqlarının bütün tarixi dövrlərdə olduğu kimi, bu gün də bir yerdə və həmrəy olduqlarını, həmin tarixi savaşından çıxan ibrət dərslərinin hər iki ölkə üçün çox mühüm əhəmiyyət daşıdığının dünya ictimaiyyəti qarşısında nümayişinə xidmət etməklə yanaşı, işğal altında olan torpaqlarımızın azad ediləcəyinə birgə inamın da təcəssümüdür.

Bunun bariz nümunəsini biz 2015-ci il martın 17-də Qarsda Heydər Əliyev adına Anadolu Texniki-Peşə Liseyinin açılışında Prezident Rəcəb Tayyib Ərdoğanın çıxışında da gördük. Türkiyə dövlətinin başçısı bildirdi ki, “Azərbaycan bizim üçün sadəcə dövlətlərdən bir dövlət, azərbaycanlı qardaşlarımız da millətlərdən bir millət deyil. Biz eyni dili danışan, eyni inanca mənsub, ortaq bir tarixi keçmişi olan, sözdə deyil, əməldə qardaş, bir millət, iki dövlətik. 1918-ci ildə Bakını işğaldan azad edən Qafqaz İslam Ordusunun yarısı Anadolu xalqından, yarısı da Azərbaycan xalqından ibarət idi. Bakını, Gəncəni, Dərbəndi, Dağıstanı düşməndən bu qardaşlar çiyin-çiyinə verərək yan-yana şəhid olaraq azad ediblər. Bu gün də Dağlıq Qarabağda zülmə məruz qalan azərbaycanlı qardaşlarımızın dərdini, inanın, Anadolu torpaqlarındakı hər qardaşımız ürəyində hiss edir. Bizim nəzərimizdə Qarsdakı, İğdırdakı, Ərzurumdakı vətəndaşımızla Naxçıvandakı qardaşımız arasında heç bir fərq yoxdur. Bizim üçün İzmir, İstanbul, Ankara, Antalya nədirsə, Bakı da elədir”.

Ümumiyyətlə, Ermənistan-Azərbaycan, Dağlıq Qarabağ münaqişəsinin ilk günlərindən Türkiyə dövləti daim Azərbaycanın haqlı tələblərini ardıcıl müdafiə edib, mütəmadi olaraq Ermənistanın işğal etdiyi tarixi Azərbaycan torpaqlarından dərhal və qeyd-şərtsiz çıxması tələbi ilə çıxış edərək, ölkəmizin ərazi bütövlüyünün təmin olunması istiqamətində səylər göstərib. Münaqişənin həlli yolunun yalnız Azərbaycanın razılaşacağı şərtlər çərçivəsində qəbul edəcəyini bildirən Türkiyə bu məsələ öz ədalətli həllini tapmayana qədər Ermənistan ilə diplomatik münasibətlər qurmayacağı və heç bir iqtisadi əlaqə yaratmayacağı barədə öz prinsipial mövqeyindən dönməyəcəyini ən yüksək dövlət və hökumət nümayəndələri səviyyəsində dəfələrlə bəyan edib.

Türkiyə dövləti beynəlxalq aləmdə Azərbaycanın fəal tərəfdarı kimi çıxış edərək, Ermənistan-Azərbaycan, Dağlıq Qarabağ münaqişəsinin ədalətli həlli üçün Azərbaycanın göstərdiyi bütün səyləri həmişə müdafiə edib. Belə ki, hələ SSRİ-nin mövcud olduğu dövrdə Ermənistanın Azərbaycana qarşı əsassız ərazi iddiaları və hərbi təcavüzünün genişlənməsi zamanı Azərbaycan xalqının haqq səsi məhz Türkiyə vasitəsi ilə dünyaya çatdırıldı. Bu işdə Türkiyənin rəsmi şəxslərinin mövqeyi, eləcə də kütləvi informasiya vasitələrinin əhəmiyyətli rolu xüsusilə qeyd edilməlidir. 1993-cü il aprelin əvvəllərində Ermənistanın hərbi təcavüzünün daha da genişlənməsi və Kəlbəcər rayonunun işğalı ilə əlaqədar Türkiyə Xarici İşlər Nazirliyi bəyanatla çıxış etməklə yanaşı, Türkiyə hökuməti BMT Təhlükəsizlik Şurasından təcili iclasının çağırılmasını da xahiş edib. O zaman Türkiyə dövləti Azərbaycanı dəstəkləyərək Ermənistandan işğalçılıq siyasətinə son qoymasını tələb etdi və bu işğalın davam etməsi səbəbindən Ermənistanla sərhədini bağladı.

Bütün dövrlərdə Türkiyə-Azərbaycan münasibətləri həm iki ölkə üçün, həm də region üçün çox önəmli rol oynayıb. Bu gün ölkələrimiz arasında strateji tərəfdaşlıq münasibətləri mövcuddur və bütün sahələrdə əlaqələrimiz uğurla inkişaf edir. Bu səbəbdən Azərbaycanın dövlət başçısı İlham Əliyev bəyan edib ki, bölgədə Türkiyə-Azərbaycan əməkdaşlığı, işbirliyi olmadan heç bir təşəbbüs, heç bir layihə həyata keçirilə bilməz. Bununla yanaşı, Türkiyə və Azərbaycan regional əməkdaşlıq prosesinin fəal və əsas söz sahibi olan iştirakçılarıdır. Hər iki dövlət özünün iqtisadi və enerji imkanlarından, eləcə də geosiyasi mövqeyindən ikitərəfli və regional əməkdaşlığın genişlənməsi istiqamətində səmərəli surətdə istifadə edir. Bu gün bölgənin uzunmüddətli inkişaf strategiyasının müəyyənləşdirilməsində aparıcı rol oynayan və iki ölkə arasındakı münasibətlərin çox vacib elementlərindən olan neft və qaz kəmərləri təkcə regionda deyil, eləcə də bütün dünyada dövlətlərimizin nüfuzunu əhəmiyyətli dərəcədə artırıb. Bu layihələr Azərbaycanın, Türkiyənin, eləcə də digər ölkələrin enerji təhlükəsizliyi üçün böyük təminat verir. Eyni zamanda, iki dövlət arasında genişlənən əməkdaşlıq və strateji tərəfdaşlıq regionda sabitliyin göstəricisinə çevrilib.

Ümummilli lider Heydər Əliyevin xarici siyasət kursunda Türkiyə ilə münasibətlərin inkişafına yönəlmiş ardıcıl və məqsədyönlü xəttin dövlət başçısı İlham Əliyev tərəfindən daha da inkişaf etdirilməsi sayəsində ölkələrimizin strateji tərəfdaşlığının daha da dərinləşməsinə nail olunub.

Elçin Əhmədov
Azərbaycan Respublikasının Prezidenti yanında
Dövlət İdarəçilik Akademiyasının dosenti,
“Azərbaycan Respublikası Dağlıq Qarabağ
bölgəsinin Azərbaycanlı İcması” İctimai Birliyinin
Əlaqələndirmə Şurasının sədri,
Qarabağ Araşdırmalar Mərkəzinin rəhbəri

------------
AZERTAG.AZ  & VƏTƏNSEVƏRLƏR 




16 Ağustos 2016 Salı

VAŞİNQTONDA “TÜRKİYƏ DAHA MÜTTƏFİQİMİZ DEYİL" FİKİRLƏRİ SƏSLƏNDİRİLİR...

15.08.2016 / 20:24

15 iyul hərbi çevriliş cəhdindən sonra sakit günlərinə qayıtmaq istəyən Türkiyə bu gün daha bir terror aktını yaşadı. Hərbi çevriliş cəhdi ilə əlaqədar aparılan istintaq prosesində ortaya hər gün yeni dəhşətli faktlar çıxır. Türkiyədə “baş terrorçu” adlandırılan Fəthullah Güləni qaytarmaq istəməyən Vaşinqtonda isə “Türkiyə daha müttəfiqimiz deyil” fikirləri səsləndirilir. ABŞ-da həmçinin “Türkiyədəki atom bombalarını çıxarın!” çağırışları eşidilir.

Türkiyədə güclü partlayış: 7 şəhid, 21 yaralı

Türkiyənin Diyarbəkir əyalətinin Çinar və Bismil rayonları arasında yerləşən polis nəzarət-buraxılış məntəqəsində minalanmış avtomobillə partlayış törədilib. Hadisə nəticəsində 4-ü polis və 3-ü mülki şəxs olmaqla 7 nəfər şəhid olub. Hazırda 21 nəfər xəstəxanalarda müalicə alır.

Məlumata görə, PKK terrorçuları yük maşınındakı partlayıcı qurğunu kənardan işə salıblar.

NATO-nun 624 qanadlı raketi ölkəni məhv etməyə hazır idi

Rusiyanın hərəkətləri NATO-nun yüzlərlə qanadlı raketi ilə Suriyanın vurulmasının qarşısını almağa imkan verdi. Bunu Rusiyanın müdafiə naziri Sergey Şoyqu “Rossiya 24” kanalının efirində deyib.

“Əgər bizim prezidentimiz Suriyanın kimyəvi silahının təslimi və məhv edilməsi üzrə ideyanı reallaşdırmağı bacarmasaydı, nə baş verərdi? Yalnız qanadlı raketlərdən danışırıqsa, 624 qanadlı raket Suriyaya zərbənin endirilməsi üçün hazır idi”, - nazir bildirib.

Onun sözlərinə görə, bu qədər genişmiqyaslı zərbənin vurulacağı halda, Suriyada dövlət strukturunu bərpa fövqəladə dərəcədə çətin olardı.

O, həmçinin bildirib ki, Rusiya və ABŞ Suriyanın Hələb şəhərində ortaq hərbi əməliyyata başlamağa çox yaxındır. Nazirin sözlərinə görə, ABŞ-Rusiya danışıqları İsveçrə və İordaniyada davam etdirilir: “Amerikalı həmkarlarımızla görüşlərin ən aktiv mərhələsindəyik. Hələbdə vəziyyətin stabilləşməsi və insanların evinə qayıtması üçün əməkdaşlığa addım-addım yaxınlaşırıq”.

Rusiyanın daha bir rəsmisi – xarici işlər nazirinin müavini Mixail Boqdanov isə Rusiya, İran və Türkiyənin yaxın zamanda Suriya mövzusunda üçtərəfli toplantı keçirə biləcəyini açıqlayıb.

Türkiyənin baş naziri Binəli Yıldırım Suriya böhranının həllinə çox yaxın olduqlarını açıqlayıb. O, Suriyanın bölünməyəcəyini, ölkədə PYD nəzarətində muxtar vilayətin qurulmayacağını deyib: “Sərhədlər qorunacaq, PYD nəzarətində bir dövlət yaranmayacaq. Böhran tam həll olunduqdan sonra qonşu ölkələrdəki miqrantlar öz vətəninə dönəcək. Yeni Suriyada məzhəb, etnik və regional ayrı-seçkilik olmayacaq. Məzhəbçilik olmadığına görə Əsəd də olmayacaq”.

"Türkiyə artıq müttəfiqimiz deyil"

Bu haqda "Wall Street Journal" qəzetinin yazarlarından Steven Cook yazıb.

O, Türkiyə ilə ABŞ əlaqələrinin 1974-cü il Kipr və 2003-cü il İraq işğalından sonrakı ən pis dövr olduğunu vurğulayaraq, "Çevriliş cəhdində ABŞ-ı ittiham edən Türkiyənin İncirlik bazası təhdidinə qarşı ABŞ ordusu boynuna yeni missiyalar götürməlidir. Ərdoğanın ABŞ-ın hərbi bazalarına giriş cəhdinə qadağa qoymasına cavab olaraq, Kipr, İordaniya və İraqdakı Kürd bölgəsindəki hava sahələrindən istifadə edərək ehtiyatlı olmaq lazımdır" yazıb.

Cook müasir dövrdə ABŞ və Türkiyənin eyni dəyər və maraqları paylaşmadığını vurğulayaraq, ABŞ-ın yeni müttəfiqlər axtarışına çıxmalı olduğunu bildirib.

ABŞ səfirindən ŞOK ETİRAF: “Ərdoğanı buna görə sevmirlər”

“Ərdoğan Vaşinqtonda sevilmir. Ərdoğan Avropada da sevilmir. Avtoritar görünür və yaxşı bir oyunçu olmadığı düşüncəsi hakimdir. Qərb daha əvvəllər Ərdoğandan daha avtoritar olan bir çox liderləri ilə əməkdaşlıq etdi, etməkdə də davam edir”.

Bunu ABŞ-ın ən qocaman diplomatlarından sayılan və 2008-2010-cu illərdə Türkiyədə səfir olan Ceyms Cefri “Hürriyyət”ə müsahibəsində deyib. Onun sözlərinə görə, səudiyyəlilər, misirlilər hər fürsətdə ABŞ-a yaltaqlanırlar: “Ərdoğan isə bizimlə toqquşur, səhvlərimizi üzümüzə vurur, dostumuz olmağa çalışmır. Ondan daha avtoritar liderlər isə dostumuz kimi görünərək zərər görmürlər. Çox yaxın vaxta qədər Putin də belə davranırdı. Ərdoğan Vaşinqtonda buna görə sevilmir. Bilirəm, heç ədalətli vəziyyət deyil”.

Bir sözlə, amerikalı diplomat Ərdoğanın sevilməsi üçün onun da ABŞ-a yaltaqlanmalı olduğunu deyib.

ABŞ-da sevilməyən Ərdoğanı isə əməliyyat masasında öldürmək istəyiblər. FETÖ (Fəthullahçı Terror Təşkilatı) Türkiyə prezidenti Rəcəb Tayyib Ərdoğanı cərrahiyyə əməliyyatı zamanı öldürməyi planlaşdırıb.

Bu barədə 17-25 dekabr dövlət çevrilişi cəhdi sonrası təşkilata aid 200-ə yaxın məxfi məlumat, sənəd, görüntü və səs yazısını İzmir Respublika baş prokuror Vəkili Okan Batoya təslim edən FETÖ imamı Hüseyn Sarıçiçek bildirib.

“7 fevral MİT böhranının yaşandığı gün idi. Fətullah Gülənə ən yaxın 6 nəfərlik çox gizli heyətdə olan Egey dənizi bölgə imamı Necdət İçel mənə zəng etdi və avtovağzaldan bir polkovniki götürərək Torbalıdakı bağ evinə aparmağımı istədi. Mən də o polkovniki götürərək İçelin bağ evinə apardım. Bu arada Necdət İçelin qışqıraraq bağçaya çıxdığını və yanında olan bir polis rəisinə hücum etdiyini gördüm. İçel “Əməliyyata necə girməz? Bu adam necə ölməz? deyə bağırırdı. Sonradan həmin dövrdə baş nazir olan Ərdoğanın İstanbulda bir cərrahiyyə əməliyyatından son anda imtina etdiyini öyrəndim. Necdət İçel 7 fevral və 17-25 dekabr hadisələrindən əvvəl Amerikaya gedib gəlmişdi”, - Hüseyn Sarıçiçək deyib.

Lavrovdan Qərbə siqnal

Rusiya-Qərb münasibətləri əvvəlki səviyyəsinə qayıdacaq. Bunu jurnalistlərə açıqlamasında Rusiya Xarici İşlər naziri Sergey Lavrov söyləyib. Onun sözlərinə görə, Rusiya hazırda Almaniya ilə 1990-cı ildən bu yana olan münasibətlərində ən ağır dönəmini yaşayır.

O, Rusiyanın təcrid edilməsinə imkan verməyəcəklərini bildirib. 

Terrorçular Türkiyədəki 50 nüvə bombasını ələ keçirəcək – ŞOK MƏRUZƏ

Türkiyənin İncirlik təyyarə bazasında yerləşdirilən ABŞ-ın nüvə silahının terrorçular və başqa güclər tərəfindən ələ keçirilməsi barədə ciddi qorxular var.

Bu haqda Vaşinqtondakı Stimson Tədqiqat Mərkəzinin məruzəsində deyilir. Ekspertlərin firkincə, Vaşinqtonda mütləq əminlik yoxdur ki, ABŞ Türkiyədə davam edən vətəndaş münaqişəsi fonunda nüvə silahı üzərində nəzarəti saxlaya bilər.

Birləşmiş Ştatlar ilk dəfə 1950-ci illərin sonlarında 1960-cı illərin əvvəlində – “soyuq müharibə” dövründə Avropada taktik nüvə bombalarını yerləşdirib. Məqsəd Şərqi Avropadakı sovet tank ordularını kompensasiya etmək idi. Taktik nüvə silahının əksəriyyəti 1990-cı illərin əvvəllərində Avropadan çıxarılıb. Amma hazırda Belçika, İtaliya, Almaniya, Niderland və Türkiyədə 6 bazada 180 ədəd B61 bombasının qaldığı bildirilir. Türkiyədə isə 50 bombanın olduğu deyilir.

Məruzədə B61-in bütün yüklərinin Avropadan dərhal çıxarılması və bu silah növünün alınmasının ləğvi tövsiyə edilir. Bildirilir ki, bu, iqtisadiyyata altı milyard dollardan çox xeyir verəcək. “Bu bombalar müasir müharibə üçün pis uyğunlaşdırılıb və inanılmaz şəkildə bahalıdır”, - sənəddə vurğulanır.

PKK Türkiyəni təhdid etdi: “Öcalana nəsə olsa…”

Abdullah Öcalanın təhlükəsizliyinə təhdid Türkiyənin bütün liderlərinin təhlükəsizliyinin təhlükədə olması deməkdir. Bunu ANF agentliyinə açıqlamasında PKK terror təşkilatının liderlərindən biri olan Murad Karayılan söyləyib. Onun sözlərinə görə, Öcalanın təhlükəsizliyi Türkiyənin təhlükəsizliyi deməkdir:

“Sözlərimiz hər kəs tərəfindən qəbul edilməlidir. Əgər belə olmasa, “Kürdüstan”dakı savaş idarə edilə bilməyən müharibəyə dönəcək. Bunun əsas günahkarı Türkiyə olacaq”.


Ömər Dağlı
PUBLİKA.AZ  & VƏTƏNSEVƏRLƏR

AZƏRBAYCANDA YERİN ALTINDAN SARAY TAPILDI

16.08.2016 / 09:56

Beynəlxalq Azərbaycan-Almaniya arxeoloji ekspedisiyası Şəmkir rayonunun Qaracəmirli kəndi yaxınlığında 2500 il bundan əvvəl mövcud olan şəhər tipli böyük yaşayış yerində 2006-cı ildən arxeoloji qazıntı aparır.

AMEA-da Teleqraf.com-a bildirilib ki, ekspedisiyanın qənaətinə görə, qədim şəhərdə saraylar və digər tikililər bir-birindən xeyli aralı olmaqla, parkların, bağların arasında yerləşməklə divarlarla əhatələnib.

Böyük tikililərdə geniş sütunlu zalların, uzun dəhlizlərin olduğu qeyd edilir. Bu yaşayış yerindəki abidə eramızdan əvvəl 550-ci ildən 330-cu ilə qədər, 220 il mövcud olub və Əhmənilər imperiyasına məxsus Pasarqad, Persopol tikililəri ilə müqayisə olunur. Qaracəmirli kəndi yaxınlığında yerləşən yaşayış yeri Əhmənilər imperiyasının bütün Cənubi Qafqazı idarə edən inzibati mərkəzi olduğu güman edilir.

Beynəlxalq ekspedisiya Qaracəmirli yaxınlığında qədim yaşayış yerində hələlik bir neçə yerdə qazıntı apararaq böyük inzibati, təsərrüfat, istehsalat tikililərinin və dini abidənin qalıqlarını aşkarlayıb. Onlardan böyük sarayın qalıqları xüsusi əhəmiyyət kəsb edir.

Ekspedisiyanın rəhbəri İlyas Babayev deyib: "Bu vaxta qədər burada 28 sütun altlığı tapılıb. Görünür, burada 100-dən çox sütun altlığı var. Sarayın 8 metr enində, 25 metr uzunluğunda giriş hissəsi olub, onun arxasında 675 kvadratmetrdə audiensiya zalı yerləşir, ətrafında isə dəhlizlər və böyük zallar var. Burada tapılan maddi mədəniyyət nümunələri azdır, ancaq elitardır. Gil qablar çox azdır. Halbuki saray olmasaydı, gil qablar çoxluq təşkil edərdi. Ən maraqlısı isə burada mixi yazıların olmasıdır".

Hazırda ekspedisiya saraya aid edilən 5-ci sahə adlanan ərazinin qazıntısını aparır. Beynəlxalq ekspedisiyanın tərkibində almaniyalı arxeoloqla yanaşı, milliyyətcə yapon olan, Ankara Universitetinin magistrantı Masumi Uehara da iştrak edir. Masumi Uehara bildirib ki, 10 gün davam edən qazıntılarda kərpic tikililər və onun bərabərində zibil çökəklikləri aşkarlanıb, keramika və küp parçaları, daş alətlər tapılıb. Qeyd edək ki, saray və onun divarla əhatələnmiş hissəsinin ərazisi 20 hektardır. Hələlik bu sarayın yalnız giriş zalı və özünün bir hissəsi qazılıb. Sarayın e.ə. V əsrin birinci yarısında, 2480 il bundan əvvəl tikildiyi güman edilir.


TELEQRAF.COM
& VƏTƏNSEVƏRLƏR

10 Ağustos 2016 Çarşamba

ADİL İRŞADOĞLUNUN "VƏTƏN SƏYYAR BRİQADASI" QARABAĞ CƏBHƏSİNDƏ.

İZLƏMƏK ÜÇÜN DAXİL OLUN :  IRSHAD TV



DAĞLI - ARANLI QARABAĞI, ELƏCƏ DƏ AĞDAM VƏ FÜZULİ TORPAQLARINI

QORUYAN ƏSGƏR VƏ ZABİTLƏRİMİZLƏ MÜTƏMADİ GÖRÜŞƏRDİK... 

--------------------------

& VƏTƏNSEVƏRLƏR 

ADİL İRŞADOĞLUNUN "VƏTƏN SƏYYAR BRİQADASI" HƏRBİ HOSPİTALDA

İZLƏMƏK ÜÇÜN DAXİL OLUN :  IRSHAD TV



QARABAĞ TORPAQLARINI ERMƏNİ İŞĞALINDAN QORUYAN ƏSGƏR VƏ 

ZABİTLƏRİMİZLƏ HƏRBİ HOSPİTALLARDA GÖRÜŞÜMÜZ ÇOX OLARDI... 

------------------------

& VƏTƏNSEVƏRLƏR

9 Ağustos 2016 Salı

ƏRDOĞAN PUTİNLƏ GÖRÜŞDÜ

09.08.2016 / 12:11


Bu gün səhər Türkiyə prezidenti Rəcəb Tayyib Ərdoğan şəxsi təyyarəsi ilə Rusiyanın ikinci paytaxtı hesab olunan Sankt-Peterburqa səfərə gedib.

Hurriyyet.org xarici mediaya istinadən xəbər verir ki, prezidenti Ərdoğanı Ankaranın Esenboğa beynəlxalq hava limanında Türkiyə Böyük Millət Məclisinin (TBMM) sədri İsmail Kahraman, milli müdafiə naziri Fikri Işık, Ankara şəhər valisi Mehmet Kılıçlar və Abkara Böyükşəhər Bələdiyyəsinin sədri Melih Gökçek yola salıblar.
Prezident R.T.Ərdoğanın Rusiyaya səfəri zamanı onu Türkiyə Baş nazirinin müavini Mehmet Şimşek, xarici işlər naziri Mevlüt Çavuşoğlu, mədəniyyət və turizm naziri Nabi Avcı, iqtisadiyyat naziri Nihat Zeybekci, kənd təsərrüfatı naziri Bakanı Faruk Çelik, enerji və təbii ehtiyatlar naziri Berat Albayrak, hakim Ədalət və İnkişaf Partiyasının (AKP) sədr müavini Mehdi Eker, Milli Təhlükəsizlik Təşkilatının (MİT) rəhbəri Hakan Fidan müşayiət edib.

Sankt-Peterburqa gələn Türkiyə prezidenti R.T.Ərdoğanın rəsmi qarşılanma mərasimi keçirilib.
Daha sonra Türkiyə prezidenti Rəcəb Tayib Ərdoğanla Rusiya prezidenti Vladimir Putin arasında təkbətək və geniş tərkibli görüşləri keçirilib.
Görüşlərdə bir sıra iqtisadi sazişlərin imzalanacağı gözlənilir. Hər iki tərəfdən 10 nəfərlik heyət görüşdə iştirak edir.
“Cənub dəhlizi” layihəsinin bərpası ilə bağlı da razılaşmanın imzalanacağı bildirilir.
Görüşün siyasi tərəfləri diqqət mərkəzindədir.
Rusiya mediasının məlumatına görə, ötən ilin noyabr ayında Türkiyə səmasında vurulan Rusiya bombardmançı təyyarəsinə görə rəsmi Ankara tərəfindən təzminatın ödənilməsi də danışıqların gündəliyinə salınıb. 


HURRİYYET.ORG
& VƏTƏNSEVƏRLƏR 

8 Ağustos 2016 Pazartesi

YENİKAPIDA TARİH YAZILDI

Türk milleti tarihine yeni bir destan ekledi. 5 milyon kişi Yenikapı'dan dünyaya haykırdı: TEK MİLLET, TEK VATAN, TEK BAYRAK, TEK DEVLET

08.08.2016 / 11:04


Fetullahçı Terör Örgütü'nün (FETÖ) darbe girişiminin ardından başlatılan "demokrasi nöbeti", Cumhurbaşkanlığı himayesinde, "Demokrasi ve Şehitler Mitingi" ile taçlandırıldı. Darbe ve iç savaş girişimine karşı günlerdir vatan nöbeti tutan Türkiye, dün dünyada emsali görülmemiş bir gövde gösterisi yaptı.

5 MİLYON KİŞİ TEK YÜREK OLDU

15 Temmuz'da FETÖ'cü ihanete göğsünü siper eden Türk milleti, Çanakkale ruhuyla Yenikapı'ya aktı. "Demokrasi ve Şehitler Mitingi" için kadını erkeği, genci yaşlısı toplumun her kesiminden yaklaşık 5 milyon kişi aynı alanda buluştu.



                    ( Yenikapı Şehitlik Mitinqi Sayğı duruşu ve İstiklal Marşı-Video-1)


MİLYONLAR "DARBEYE HAYIR" DEDİ

Karadan, denizden, yürüyerek hatta yüzerek alanı hıncahınç dolduran milyonlar, "Darbeye hayır" dedi; "Tek millet, tek vatan, tek bayrak ve tek devlet" sloganlarıyla dünyaya haykırdı.

TÜRKİYE'Yİ DİZAYN ETMEK İSTEYENLERE TOKAT GİBİ CEVAP

81 ile yayılan bu destansı buluşma, Türkiye'yi dizayn etmek isteyen odaklara tokat gibi bir cevap oldu.

LİDERLER İHANETE KARŞI BİRLİK MESAJI VERDİ

Cumhurbaşkanı Erdoğan, Başbakan Binali Yıldırım, CHP Genel Başkanı Kemal Kılıçdaroğlu ve MHP Genel Başkanı Devlet Bahçeli, ilk kez aynı meydanda kalabalığa hitap etti. Bu Türk siyasi tarihinde bir ilk oldu. Liderlerin mesajları birliğimizi ilan etti.

Sport ve sanat dünyasının ünlü isimleri alana koştu. FETÖ/PDY'nin ihanet girişimi sırasında şehit düşenlerin yakınları ve gaziler, mitingi protokolde kendilerine ayrılan yerden izledi.

                                   (Yenikapıda muhteşem işık gösterisi-Video-2)


ORG. AKAR DA KONUŞTU

Mitingde Cumhurbaşkanı ve siyasi parti liderlerinin yanı sıra, ilk kez bir genelkurmay başkanı da konuşma yaptı.

                    (Yenikapı mitinq alanı drone ile böyle görüntülendi-Video-3)


                 
                     

ENSONHABER.COM 
& VƏTƏNSEVƏRLƏR