Translate

20 Mayıs 2016 Cuma

ÖLKƏLƏR YOXA ÇIXACAQ

Rus politoloqun Qarabağ şərhi...
Danışıqların daha 20 il davam etməsi mümkünsüzdür.



Bunu “Azadlıq Radiosu”na müsahibəsində rusiyalı politoloq Qriqori Trofimçuk söyləyib. Onun sözlərinə görə, Qarabağ konfliktinə yaradıcı yanaşma yoxdur.

“Çətin situasiya ilə əlaqədar yeni qərarlar qəbul edilməlidir. Təəssüf ki, belə bir yaradıcı yanaşma heç kimdə yoxdur. Məhz qərarsızlıq apreldə vəziyyəti gərginləşdirdi. Mən razıyam ki, situasiyanı geriyə qaytarmaq mümkün deyil.Təxminən 6-7 il öncə məndən Qarabağ konfliktinin necə həll edilməli olduğunu soruşdular. Onda təklif etdim ki, Qarabağdan olmayan hansısa rayonun bir hissəsini Azərbaycana verin və Azərbaycan nəinki Rusiyaya, həm də bütün dünyaya buranın iqtisadiyyatını necə qaldırdığını, qaçqınları necə geri qaytardığını göstərsin. İndi Ermənistan üç şərt irəli sürür, o zaman isə bu bir idi. Onlardan əsası Ermənistan üçün təhlükəsizlik idi. Əgər test rejimində hansısa rayonun bir hissəsi verilsə, hər şeyin normal inkişafına əmin olmaq üçün uzun illər lazımdır”.

Trofimçukun fikrincə, Qarabağdakı situasiya istənilən an genişmiqyaslı, total müharibəyə çevrilə və bütün Qafqazı bürüyə bilər.

“Qarabağda son gərginliyi kim başladıb? Məncə, burada provokasiya vardı. Üstəlik, Azərbaycan indi Yaxın Şərqin yanında yerləşdiyi üçün ortada terrorizm faktoru da var. Bunu etmək çox asandır. ATƏT-in Minsk Qrupu iyuna qədər genişlənmə ilə bağlı konkret tapşırıqlar alıb. Onlar illərdir ki, Minsk Qrupunun fəaliyyətindən narazı olan Azərbaycana nə isə konkret iş gördüklərini sübut etməyə çalışacaqlar. Minsk Qrupu gərək zərəri hesablasın. Dəyən zərər təkcə iqtisadi deyil, orada onlarla insan həlak olub. Bir sözlə, meyitlər ölkələr arasında yerə sərilmiş qalanda situasiyanı Donbasdakı kimi geri çevirmək mümkün olmur. Vəziyyəti nəzarətdə saxlamaq üçün texniki vasitələrlə müşahidə aparmaq olar. Bu, vacib taktiki məsələlərdir. Bəs nə qədər kamera olacaq? Burada ərazi çox böyükdür. Onların sayı minlərlə olmalıdır. Həmin kameraları istənilən yerdə partlatmaq olar. Artıq indidən deyilir ki, əgər Qarabağda nəsə baş versə, eynisini paralel olaraq Naxçıvanda da gözləmək lazımdır. Hətta kameralar quraşdırılsa belə, indiki dövrdə müasir silah sistemləri kameradan yan qaçmaqla atəşə də imkan verir. Yəni kamera atəşi tuta bilmir". 

Trofimçukun fikrincə, postsovet məkanını böyük dəyişikliklər gözləyir.

“Bəlkə də Rusiyanın Qarabağda təmas xəttində sülhməramlı kimi dayanması Qərbə də sərf edir. Rusların Gümrüdə dayanması bir məsələ, Qarabağda olması tamam ayrı məsələdir. Bu zaman hətta bütün Cənubi Qafqaz belə partlaya bilər. Biz artıq Azərbaycan, Gürcüstan və Türkiyənin birgə təlimlər keçirdiyini görürük. Qarabağ böyük geosiyasi oyunlarla bağlıdır. Biz artıq “ikinci SSRİ-nin süqutu” ərəfəsindəyik. Birinci süqut 1991-ci ildə olmuşdu. İkinci süqutun nəticəsində hansısa ölkələr yoxa çıxacaq. Bütün bu məkan dəyişəcək.

Biz artıq buraya postsovet yox, Avrasiya kimi baxırıq. Avrasiya məkanı yenidən təşkil olunacaq. Burada güc mərkəzləri ordularının iştirakı ilə ciddi oyunları başlayacaq. Kim qalib gəlsə, ərazilərə o sahiblənəcək”.


& VƏTƏNSEVƏRLƏR

19 Mayıs 2016 Perşembe

EY YAR, SƏNƏ EHTİYACIM VAR

Röya feat. Xeyyam - Sene Ehtiyacim Var
Söz & Musiqi: Murad Arif
Aranjiman: Reşad Bağırov




Səni düşündüyüm qədər heç kəsi düşünmədim.
Səni axtardığım qədər heç kəsi axtarmadım.
Sənə vurulduğum qədər heç vaxt aşiq olmadım.
Sən bir başqasan yar, sənə ehtiyacım var...


& VƏTƏNSEVƏRLƏR

ABŞ ORDUSU AZƏRBAYCAN VƏ ERMƏNİSTANDA DÖYÜŞLƏRƏ HAZIRLAŞIR

Birləşmiş Ştatlar ordusu Azərbaycan və Ermənistana mümkün hərbi müdaxilə üçün təlimlər keçir.


Virtualaz.org xəbər verir ki, bu sensasion məxfi məlumat “The National İnterest” dərgisi tərəfindən yayılıb.

Cozef Trevetçik (Joseph Trevithick) tərəfindən yazılmış məqalədə deyilir ki, heç şübhəsiz ordunun döyüş hazırlığı mümkün qədər reallığa yaxın olmalıdır. Lakin bunun başqa tərəfi də var. Məlum olub ki, ABŞ konkret ölkələrə qarşı müharibəyə hazırlaşır və həmin ölkələrin adlarını əlbətdə, gizli saxlayır. Ancaq onlara verilən şərti adlara və əlamətlərə əsasən söhbətin hansı dövlətlərdən getdiyini ayrıd etmək çətin deyil.

Birləşmiş Ştatların yerüstü qüvvələrinin döyüşə hazırlaşdığı və şərti adla adlandırılan ölkələr arasında Azərbaycan və Ermənistan da yer alır.

“The National İnterest”in yazdığına görə 2015-ci ilin aprel ayına olan vəziyyətə əsasən ABŞ ordusu öz əsgərləri üçün müdaxilə etmək üçün “mürəkkəb keçmişi olan” beş xəyali dövlət seçib. Ariana, Atropiya, Donovia, Gorqas və Limaria adlı bu şərti dövlətlər xəyali Qafqaz peyzajında qurulub. Bu beş dövlət “Təlim mühiti üçün qətiyyətli hərəkətlər” (“Decisive Action Training Environment” və ya DATE) qrupunda birləşib.


Pentaqonun sənədlərində göstərilir ki, hərbi təlimlər həmin şərti dövlətlərdə döyüş aparmaq ssenariləri əsasında planlaşdırılmalıdır. Sənəd ABŞ-ın İnformasiya Azadlığı Aktı əsasında əldə edilib. Şərti dövlətlərin hər biri oxşar siyasi struktura, iqtisadiyyata, qoşun növlərinə, hərbi texnikaya və digər xüsusiyyətlərə malikdir. Sənəddə hansısa real ölkə əsasında modelləşdirmə aparılmır, ancaq orada əks olunanlar real vəziyyəti və hadisələri əks etdirir.

DATE-qrupda yer alan Ariana adlı şərti dövlətin əlamətləri İranla eynidir. Atropia və Limaria isə müvafiq olaraq Azərbaycan və Ermənistanı xatırladır. Sənəddə deyilir ki, hər iki şərti dövlət “Aşağı Janga” əyalətinə görə müharibə şəraitindədir. Donovia dövlətinin əlamətləri Rusiya, Gorqas dövlətinin əlamətləri isə Gürcüstanla eynidir.

Sənəddə göstərilən şərti dövlətlərdə əməliyyat aparmaq üçün 80 müxtəlif ssenari göstərilir. Bura humanitar fəlakətlər və terrorçuluğun qəfil alovlanması, digər daxili böhranlar və total müharibə ehtimalları daxildir.

“The National İnterest” yazır ki, 2012-ci ildə Luiziana ştatının Fort Polk bazasında keçirilən məşqlərdən birində Ariana dövlətinin, yəni İranın qoşunlarının Atrpoia dövlətinə, yəni Azərbaycana müdaxiləsi və neft yataqlarını ələ keçirməsi, ABŞ ordusunun Atropia dövlətinə kömək üçün hərbi əməliyyatlar aparması sınaqdan keçirilib.


& VƏTƏNSEVƏRLƏR

SON DƏQİQƏ : SƏRKİSYAN ERMƏNİ YARAQLILARINA QARABAĞDAN GERİ ÇƏKİLMƏK ƏMRİ VERDİ

Ermənistan prezidenti Serj Sərkisyan mayın 16-d Vyanada ATƏT-in Minsk Qrupu həmsədrlərinin iştirakı ilə Azərbaycan prezidenti İlham Əliyevlə keçirdiyi görüşdən sonra aprelin əvvəllərində döyüşmək üçün Qarabağa yollanan "Yerkrapa” könüllülərinə geri qayıtmaq əmri verib. Virtualaz.org xəbər verir ki, bu barədə Ermənistanda nəşr olunan "168 jam” qəzeti yazır.


Sərkisyanın könüllülərə çatdırılan əmrində deyilir ki, hazırda təmas xəttində sakitlik yaranıb və danışıqlar gedir. Ona görə də silahlı qüvvələrin tərkibinə daxil olmayan bütün könüllü qrupları silahlarını təhvil verib geri qayıtmalıdır. Bildirilir ki, artıq dünəndən etibarən könüllü erməni yaraqlıları qruplar halında Ermənistana geri qayıdır.

Aprelin əvvəllərində Azərbaycan ordusu ermənilərin müdafiə xəttini yaranda Ermənistandan 4400-ə yaxın könüllü döyüşmək üçün Qarabağa yollanıb. Onlardan 1700-i silah və sursat, hərbi geyim alaraq bilavasitə təmas xəttində mövqe tutub. Qalanları "arxa cəbhədə” qalıb. "Hazırda könüllülərin silahlarının təhvil-təslim prosesi gedir”-qəzet yazır.

Lakin qəzet yazır ki, heç də bütün könüllülər Sərkisyanın əmrinə tabe olmaq istəmir. Onlardan bir hissəsi Azərbaycan ordusu tərəfindən alınan mövqeləri geri qaytaranadək Qarabağda qalmaq istəyir. Üstəlik Qarabağın silahlı dəstələri ilə Ermənistandan gələn "Yerkrapa” könüllüləri arasında qarşıdurma yaranıb.

Bu qarşıdurmanın başlamasına səbəb olan insident isə aprelin əvvəllərində baş verib. Qarabağ müharibəsinin veteranı, keçmiş səhra komandiri Vaan Badasyan bu günlərdə sosial şəbəkələrdə yazıb ki, könüllülərdən ibarət "Yerkrapa” yarımhərbi qruplaşmasının lideri general Manvel Qriqoryan aprelin əvvəllərində gedən döyüşlər zamanı Hadruta gələndə Qarabağ hərbçilərini söyüb.

Vaan Bədəsyanın bildirdiyinə görə, general Manvel çoxsaylı mühafizəçiləri və kortejin müşaiyəti ilə Hadruta gedəndə döyüşə tələsən erməni hərbçilərinin ona yol verməməsinə qəzəblənib. General maşından düşərək qarabağlı əsgərləri və komandirlərini söyüb. Bundan sonra Manvelin adamları ilə Qarabağ hərbçiləri arasında qarşıdurma yaranıb.

Bu əhvalatın mətbuata yayılması geniş rezonansa səbəb olub. Əvvəl general Manvelin mətbuat katibi Vardan Vardanyan Vaan Badasyanı "yalançı” adlandırıb. Məbuat katibinin sözlərin görə, general Manvel Hadrutda doğrudan da yolu kəsən hərbçilərlə qarşılaşıb, ancaq heç bir söyüş-filan olmayıb. "Hərbçilər maşınların qapısını açıq qoyub yolda hərəkətə maneçilik yaratdığına görə general onlara yüngül irad bildirib”-o deyib.

"Tutaq ki, mətbuat katibi düz deyir. O zaman hansı general indi Manvel kimi kortejlə və mühafizəçilərlə gəzir? Qoy Manvel buna cavab versin. Hesab edirlərsə ki, mən yalan deyirəm, məhkəməyə versinlər. Doğrudanmı onlar istəyirlər ki, mən hər şeyi açıb töküm?”-Vaan Badasyan ona cavab olaraq deyib.

Bu həmin general Manveldir ki, birinci Qarabağ mühaibəsi zamanı onun başçılıq etdiyi başıpozuq yaraqlılardan ibarət batalyon azərbaycanlı dinc əhaliyə qarşı xüsusi amansızlığı ilə fərqlənmişdi və Xocalı qırğınlarının törədilməsində iştirak etmişdi. Lakin 1993-cü ilin yayında general Manvelin dəstəsi azərbaycanlı döyüşçülər tərəfindən Goranboy ətrafında darmadağın edildi, onun özü isə döyüşdən qaçıb canını qurtardı.

Vaan Badasyanın ittihamına cavab olaraq hakim Respublika partiyasından deputat Vaqram Baqdasaryan da general Manveli müdafiə edib. "O, yenidən cavanlaşıb, 90-cı illəri yada salıb və "Yerkrapa” könüllüləri ilə bağlı bütün təşkilat işini üzərinə götürüb. Sutkada cəmi 3-4 saat yatır, biz onu heç olmasa 2-3 günlüyünə İrəvana qaytara bilmirik ki, bir az dincəlib yenidən qayıtsın. Mən bəyan edirəm ki, bu şantajdır. Bizim qəhrəmanlarımızın ünvanına bu cür böhtanlar atılmamalıdır”-deputat deyib.

Qarabağ müharibəsinin digər iştirakçısı, general Vardan Avetisyan da bu qalmaqala münasibət bildirib. Könüllüləri təhqir edənlərə və general Manvelə qarşı çıxanlara "düşmənin dəyirmanına su tökməməyi” məsləhət görüb. O, könüllülərə qarşı tənqidlər səsləndirənləri "alçaq” adlandırıb və bildirib ki, məhz könüllülər spontan olaraq cəbhəyə tələsdi və əsgərlə bir sırada dayanıb özünü mərminin qabağına verdi.

Müdafiə naziri Seyran Ohanyan da qalmaqala münasibət bildirib, könüllülərə "xüsusi hörmət”dən danışıb. O deyib ki, döyüşlərdə həlak olan və yaralanan könüllülər hərbi qulluqçularla eyni statusa malikdir. Ohanyan könüllülərin aprel döyüşlərində cəbhəyə axın etməsinin "əsgərlərin döyüş ruhunu yüksəltdiyini” bildirib.

Xatırladaq ki, "Yerkrapa” yarımhərbi birləşməsi vaxtilə Ermənistanda Ter-Petrosyanın devrilməsində və Qarabağdan olan səhra komandirlərinin hakimiyyəti ələ keçirməsində əsas rol oynayıb. Bir neçə il əvvəl bu qruplaşmanın bir hissəsi Serj Sərkisyana qarşı çıxmışdı, lakin sonra general Manvel Sərkisyanla anlaşdı. Özünə geniş imtiyazlar alıb hakimiyyəti dəstəklədi. "Yerkrapa” böyük ölçüdə hakimiyyətin nəzarətinə keçdi. Lakin indi dişi birinci Qarabağ müharibəsində qana batmış və azərbaycanlıların evlərini, əmlakını talamaqla varlanmış bu vəhşi yaraqlılar qruplaşması yenidən bunt qaldırırır. Görünür onlar hələ də 90-cı illərin ab-havası ilə yaşayır və elə güman edirlər ki, müharibə başlasa yenə talançılıq edib qənimətlər ələ keçirə biləcəklər.

Onların qan və qənimət hərisliklərinin cavabını isə Azərbaycan ordusu aprel döyüşlərində verdi. Ağdərədə "Yerkrapa” könüllülərini daşıyan avtobus təmas xəttinə çatmamış Azərbaycan ordusunun silahlanmasında yer alan, İsrail istehsalı olan "Harop” pilotsuz döyüş sistemi ilə vuruldu. "Yerkrapa” yaraqlılarının 10-a yaxını öldü və onlar başa düşdülər ki, deyəsən indi 90-cı illər deyil...

& VƏTƏNSEVƏRLƏR

NƏ ƏCƏB DÖVLƏT İMİŞ SEYRİ - ŞİKARİ QARABAĞ !

 SEYYİD MÎR HAMZA NİGÂRΠ


& VƏTƏNSEVƏRLƏR

18 Mayıs 2016 Çarşamba

PUTİN ÇIXILMAZ VƏZİYYƏTDƏ

TƏCİLİ ! 
QARABAĞ QAYTARILIR - SƏBƏB...


Vyana görüşündən sonra Ermənistan danışıqlar prosesi çərçivəsində güzəştli variantlarla razılaşmayacaqsa, o zaman müharibə variantı yenidən gündəmə gələcək.

Publika.az xəbər verir ki, bu barədə ekspert Dmitri Verxoturov deyib.

Onun sözlərinə görə, Azərbaycan aprel döyüşləri ilə Ermənistana ciddi xəbərdarlıq etdi: “Proseslərin gedişi göstərdi ki, Ermənistan Qarabağı əlində saxlaya bilmir, müdafiə gücü zəifdir. Məhz həmin hadisələrdən sonra siyasi manevrlər başladı. Azərbaycan anlayır ki, Ermənistan Rusiyanın müttəfiqidir, ona görə də ehtiyatlı davranır. Lakin əminəm ki, əgər Bakı müharibə variantını seçəcəksə, o zaman bu variantı Moskva ilə razılaşdıracaq”.

Ekspert əlavə edir ki, Qarabağ məsələsinin inkişafı qlobal proseslərdən asılı olacaq.

“Rusiya anlayır ki, münaqişənin dondurulması Azərbaycanı bezdirib. Belə vəziyyət rəsmi Bakının alternativ güclərlə anlaşmasına gətirib çıxara bilər. Misal üçün, NATO münaqişənin həllində rol alaraq, regionda güclənə bilər. Belə halda Rusiyanın bütün cənub cinahı kəskin zəifləyir, Qərbin Xəzərə və Türkmənistana girmək imkanı güclənir. Yəni Rusiyanın strateji vəziyyəti pisləşir. Buna görə də Rusiya Qarabağ məsələsində Azərbaycan və NATO-nun yaxınlaşmasına imkan verməmək niyyətindədir”, - deyə ekspert vurğulayıb.

D.Verxoturova görə, Rusiya NATO-Azərbaycan yaxınlaşmasının qarşısını almaq üçün, Ermənistanı bütün əraziləri – Qarabağ və ətraf rayonları boşaltmağa məcbur edə bilər: “Fikrimcə, proseslərin nəticəsi gözlənilməz olacaq. Belə ki, Ermənistanı Qarabağı tamamilə Azərbaycana qaytaracaq və Rusiyanın ciddi təzyiqinə məruz qalacaq. Belə olan halda Ermənistanda çevriliş ola bilər. Lakin indiki şərait də Ermənistan prezidenti üçün əlverişsizdir. Çünki Sərkisyan I Qarabağ müharibəsinin iştirakçılarındandır. Aprel müharibəsindəki məğlubiyyət onun üçün sillə oldu və onun hakimiyyəti nüfuzdan düşdü. Bu baxımdan, Qarabağda yeni müharibəni başlatmaqla o, öz nüfuzunu bərpa etmək istəyə bilər. Lakin digər versiyaya görə o, Rusiyadan çəkinərək, buna getməyəcək”.

& VƏTƏNSEVƏRLƏR

QARABAĞDA YENİ MÜHARİBƏ ANONSU : VYANA GÖRÜŞÜNÜN PƏRDƏARXASI

“Nə qədər ki, Dağlıq Qarabağ münaqişəsi tam olaraq nizamlanmayıb, təmas xəttində atışmalar davam edəcək”.



Publika.az xəbər verir ki, bu barədə rusiyalı analitik Oleq Kuznetsov Vyana görüşünü şərh edərkən deyib.

Onun fikrincə, Vyana görüşü indiyə qədərki görüşlərdən heç nəyi ilə fərqlənmir: “Hansı ki, prezidentlərin əvvəlki görüşlərində də xoşniyyətli bəyanatlar səsləndirilir, amma heç vaxt yerinə yetirilmirdi. Biz 20 il boyunca təmas xəttində müharibənin yetişməsi prosesini müşahidə etmişik. Bu görüş mənə sıradan bir hadisə kimi gəlir. Görüşdən dərhal sonra təmas xəttində hər iki tərəf əsgər itkisi verdi. Bu, münaqişə zonasında gərginliyin azalmadığnı göstərdi”.

O.Kuznetsov qeyd edir ki, Vyanada İrəvanın sülhpərvər obrazını yaratmağa cəhd edildi.

“Amma hər birimiz bunun belə olmadığını yaxşı anlayırıq. Hesab edirəm ki, Dağlıq Qarabağda müharibə qanunları yenə hökmranlıq edir və Vyana görüşü də bu müharibənin qarşısını ala bilməyəcək. Ən azından intensiv olaraq atışmalar davam edəcək. Müşahidə kameraları da yalnız texnikanın hərəkətini izləyə biləcək. Birbaşa səngərdə baş verənləri görə bilməyəcək. Əslində tərəflər beynəlxalq nəzarətdən yayınaraq müharibə aparmaq üsullarını təkmilləşdirəcəklər. İndiyə qədər bunun təcrübələri yaşanıb”, - deyə politoloq diqqətə çatdırıb.

& VƏTƏNSEVƏRLƏR

“HƏRBİ UĞURLARIMIZI DİPLOMATİK MEYDANDA DƏFN ETDİK”

Mirmahmud Mirəlioğlu: “Rus qoşunlarının ölkəmizdən                   çıxarılması bizim 200 illik arzumuz olub”


KXCP rus qoşunlarının Azərbaycandan çıxarıldığı 25 may tarixinin bayram kimi qeyd olunması təklifi ilə çıxış edib. Maraqlıdır, partiyanın bu təklifinə hakimiyyətdən hər hansı reaksiya gəlibmi?

Bununla bağlı Moderator.az-a açıqlama verən KXCP sədri Mirmahmud Mirəlioğlu hələ ki, hakim düşərgədən təkliflə bağlı mövqe ortaya qoyulmadığını bildirib. Lakin bununla belə partiya sədri rus qoşunlarının Azərbaycandan çıxarıldığı tarixin bayram kimi qeyd edilməsinin vacib olduğunu vurğulayıb:

“Bu təklifi hansı hakimiyyət olursa-olsun, qəbul etməyə borcludur. Bu gün biz diplomatik mübarizədə uduzuruq. Bu bir faktdır. Azərbaycan döyüşçüsünün əldə etdiyi son qələbələri şəhidlərimizi təntənəli surətdə dəfn edəndən sonra, diplomatik mübarizədə dəfn elədik.
Bu gün rus qoşunlarının Azərbaycandan çıxarılmasının rəsmi şəkildə qeyd olunmasına ciddi ehtiyac var. Erməni fitnə-fəsadı, Qarabağ problemi yeni problem deyil. Bu, çar Rusiyası zamanında da, sovet Rusiyası dönəmində də özünü göstərib. Ermənistan adlı qondarma dövləti quran da, onu bizə qarşı yönləndirən də Rusiya olub. Azərbaycan Xalq Cümhuriyyəti zamanında da Qarabağda “Daşnaksütun” terror təşkilatı fəaliyyət göstərib. Ermənilər azərbaycanlılara qarşı qırğınlar, qətillər törədib. Azərbaycanın ikinci müstəqillik dönəmində də Rusiya növbəti dəfə  Qarabağ problemini yaratdı. Ruslar gec partlayan bu minanı ölkəmizdə basdırıb gediblər. Biz bu problemi həll etmək istəyiriksə, bu addımlardan biri kimi 25 may tarixini Azərbaycandan rus qoşunlarının çıxarılması günü kimi qeyd etməliyik. Bu, milli bayram, dövlət bayramı olmalıdır.

200 il ərzində rus qoşunlarının Azərbaycandan çıxarılması bütün nəsillərin arzusu olub. Bu arzu yalnız 1993-cü ildə reallaşıb. II Cahan savaşından sonra Şərqi Avropada, eləcə də Almaniyada möhkəmlənən rus qoşunlarının sonrakı dönəmlərdə bu ərazilərdən çıxması, Almaniyanın birləşdirilməsi nə qədər önəmlidirsə, Azərbaycandan rus qoşunlarının çıxarılması da bir o qədər önəmlidir. Biz bunu qansız-qadasız eləmişik. Gürcüstanın hansı vəziyyətdə olduğu, rus qoşunlarının Emənistandakı mövcudluğu hər kəsə bəllidir.
Bu hökumət bunu qeyd etməsə də, növbəti hökumət bunu hökmən qeyd edəcək.
Azərbaycan hakimiyyətindən bu təklifə hələ ki, heç bir reaksiya yoxdur. Biz bu məsələ ilə bağlı hansısa millət vəkilinin, hansısa YAP funksionerinin lağ-lağı münasibətini eşidə bilərik. Bəlkə də hakimiyyətin daha uğurlu qərar qəbul etmək imkanı olacaq və günlərin bir günündə bunu qəbul edəcəklər. Bəlkə təklifin sadəcə bizim tərəfimizdən irəli sürülməsinə görə narahatdırlar. Bəlkə sabah təklifi öz adlarına çıxaraq reallaşdırdılar. Bütün bunlara qarşıdakı dönəmdə aydınlıq gələcək”.


& VƏTƏNSEVƏRLƏR

EKSPERTDƏN VYANA GÖRÜŞÜNƏ REAKSİYA

“Rusiya Sarkisyanı xilas etdi” 


“Azərbaycan və Ermənistan prezidentləri İlham Əliyev və Serj Sarkisyan arasında Dağlıq Qarabağ münaqişəsi ilə bağlı görüş demək olar ki, əvvəlki görüşlər kimi Qarabağ-
dan daha çox ATƏT-ə və onun bivec "sülhyaratma missiyasına" xeyir gətirdi”. 

Prezidentlərin Vyana görüşünə münasibət bildirən hərbi-ekspert Üzeyir Cəfərov belə deyib. Ü.Cəfərovun sözlərinə görə, çətin durumda olan Ermənistanın cinayətkar və sapdan asılı qalan prezidenti Serj Sarkisyanı Rusiya çox böyük ustalıqla və məharətlə xilas etdi: “Bundan əlavə, yenə Qarabağ hesabına kişi olub öz ailə-uşaqlarını dolandıran, keyf edən "üç bacılar"ın dəstəsinə hazıryeyən bir xeyli "kameragüdənlər" də qatılacaq. Axı bu "ağıllı diplomatlar" qoşunların təmas xəttində vəziyyətə nəzarət etmək üçün yeni "kəşf" icad ediblər. Bütün cəbhəboyu müşahidə kameraları quraşdırılacaq. Bu kameraları izləmək üçün də qərara alınıb ki, bir sürü təzə xarici avara dəstəsi təşkil olunsun. Onlar da dünyanı gəzib dolaşan digər avara diplomatlar kimi sadəcə yeyib-yatmaqla öz günlərini keçirəcəklər. Görünən odur ki, Qarabağ məsələsinin tam həlli yəqin ki, bir xeyli sonraya qaldı. Vyanadan bizə verilən görüntülərdə Ermənistan prezidentinin sağ tərəfində lövbər salmış Rusiya xarici işlər naziri Sergey Lavrovun necə "dişlərini ağartması" və öz əlaltısı Serj Sarkisyanla necə xısın-xısın gülümsəməsi onu deməyə əsas verir ki bu "tülkülər" öz məqsədlərinə demək olar ki, tam şəkildə nail olublar”. 

Üzeyir Cəfərov qeyd edib ki, əvvəllər bu xaricilərin - BMT, ATƏT və digər irili-xırdalı qurumların öz pulunun, hər qəpiyinin qədrini bilən, qənaətcil, xəsis, çox simic bir toplum kimi təsəvvür edib: 

“Bunların o sarıdan heç düz-əməlli "ağlı" da yox imiş. Guya bu günə kimi ATƏT-in Minsk qrupu hansı qələti etmişdi ki, bunlar bundan sonra hansısa nəticələr ortalığa qoysunlar? 

Ermənistana açıq havadarlıq edən Rusiya tərəfi bizə iyun ayında guya hansısa məsələlərin müzakirirəyə çıxarılacağını bəyan edir. Bəri başdan deyirəm ki, boş və hiyləgərcəsinə düşünülmüş planın tərkib hissəsidir.  

Siz görüşlə bağlı yaylan bəyanata diqqət edin. Bəyanatda qeyd olunur ki, Dağlıq Qarabağ münaqişəsi hərbi yolla həll edilə bilməz! 
Bəlkə bunlar özlərini çox ağıllı hesab edirlər, amma məncə bunlar çox yanılırlar. Sülh yolu ilə həll edə bilmirsinizsə, bunun başqa yolunun adı nədir? Bəlkə erməniləri musiqi ilə, çal-çağırla işğalçılıq niyyətlərindən çəkindirmək mümkündür, desinlər, biz də artıq-əksik danışmayaq, heç nə deməyək... 

Rusiya rəhbərliyi yenə çox böyük riyakarlıq edərək bizə sayğısıqlıq, hətta çəkinmədən deyərdim ki, xəyanət etdi. Əslində onlar heç bir danışıq-filan olmadan da öz vassalı və qulbeçəsi olan Ermənsitana başa sala bilərdi ki, ay qanmaz erməni başbilənləri, siz BMT Təhlükəsizlik Şurasının 4 qətnaməsini 20 ildən çoxdur ki yerinə yetirmirsiz. Bunu təcili etmək gərəkdir. Bu sözləri bir dəfə də dilinə gətirməyən Rusiyadan biz hansı ədaləti və səmimiyyəti gözləyə bilərik və gözlüyürük?”.

Ekspert hesab edir ki, onların yeganə məqsədi vaxt udmaq və məsələnin həllini illərlə sonrya saxlamaqdır: 

“Orda isə nə olacaq, qoy olsun, tanış mənzərədir. Onsuz da bu münaqişəni həll edəcək bir qüvvə varsa, o da Azərbaycan Silahlı Qüvvələridir. Kim nə deyir desin, yalnız və yalnız güc yolu ilə bu rus-erməni hoqqabazlarını, o cümlədən bunların nağıllarına inanan Amerika, Fransa və digər ölkələri başa salmaq mümkün olacaq. Necə ki, aprelin əvvəllərində ordumuz bu biveclərə başa saldı ki, yetər artıq, bəsdirin bu xalqın heysiyyatı və mənliyi ilə oynadınız. Mənə elə gəlir ki, yetər artıq bu mənasız, mətiqsiz görüşlərdə bizə öz şərtlərini diqtə etmələri. Ya biz Qarabağ məsələsini həll edəcəyik, ya da bundan sonra da bizə həqarət edən, ölkəmizi təhdid edən və ona meydan oxuyan bir çox beynəlxalq güclərin çirkin oyunlarının iştrakçısı olub sonda çox ağır bir mənzərə ilə üzləşməli olacağıq”. 



CEBHE.İNFO & VƏTƏNSEVƏRLƏR 

"QARABAĞDA BİR DAHA MÜHARİBƏ OLMAYACAQ"

BUNU "STRATFOR" un BAŞ ANALİTİKİ SÖYLƏYİR...  


Kəşfiyyat-analitik mərkəzi "Stratfor". Heç şübhəsiz, onun hesablamalarına və proqnozlarına bütün dünyada diqqətlə yanaşır və onları nəzərə alırlar.
Həm qorxu, həm də ehtiramla "MKİ-nin kölgəsi" adlandırılan bu qlobal şirkət 1996-cı ildə əsası qoyulan gündən müştərilərə imkanlarını müəyyənləşdirməyə, strateji qərarlar qəbul etməyə, siyasi riskləri və təhlükəsizlik hədələrini nəzarətdə saxlamağa kömək edən geosiyasi kəşfiyyat və konsaltinq firması mövqeyində dayanır.

Həmin "Stratfor"un baş analitiki Yevgeni Çausovski "haqqin.az" saytına eksklüziv müsahibə verib.

O, bu ilin aprel ayında genişlənən Dağlıq Qarabağ münaqişəsinin əvvəldən gözlənilən bir hal olduğunu gizlətməyib.

Ümumiyyətlə, analitik müsahibəsində Ermənistan-Azərbaycan müharibəsi, Qarabağdakı mövcud vəziyyət, aprelin əvvəlindəki məlum hərbi əməliyyatlar və bütün bunlara ABŞ-la Rusiyanın münasibəti, eləcə də münaqişə tərəflərinin Vyanadakı son görüşü barədə maraqlı fikirlər söyləyib.

"Bu gün Qarabağda müharibənin yenidən başlayacağı ehtimalı nə qədər böyükdür və hərbi əməliyyatlar yenidən başlayarsa, ABŞ hansı mövqeni tutacaq" sualına isə o belə cavab verib:

- Baxmayaraq ki, burada təminatlar ola bilməz, amma indiki geosiyasi şəraitdə Qarabağda tammiqyaslı müharibə çətin ki, mümkün olsun. Daha genişmiqyaslı hərbi münaqişənin başlamasına mane olan çox vacib məhdudiyyətlər var. Bu xüsusilə Azərbaycanın təşəbbüsü ilə başladılacaq hücumlar zamanı Rusiyanın erməni silahlı qüvvələrinin tərəfində çıxış etməsi ilə bağlıdır. Hərçənd ki, Moskva bu münaqişənin nəzarətdə saxlanan şəkildə, qaynayan vəziyyətdə qalmasında maraqlı ola bilər. Bununla belə, o, Azərbaycan tərəfindən olan genişmiqyaslı hərbi əməliyyatları dəstəkləməyə meyilli deyil. Çünki bu, gözlənilməz nəticələrə gətirib çıxara bilər. Münaqişənin bu səviyyəyə qədər kəskinləşməsində yalnız ABŞ-ın deyil, həm də Türkiyə və Rusiya kimi digər xarici qüvvələrin siyasi münaqişə və bununla bağlı qlobal təhlükəsizliyin qorunmamasında bilavasitə iştirakı riski artır.

Onu da qeyd edək ki, müsahibənin rus dilində olan tam mətnini bu ling vasitəsi ilə oxuya bilərsiniz : http://haqqin.az/dictatorship/70647

& VƏTƏNSEVƏRLƏR


16 Mayıs 2016 Pazartesi

QARABAĞIN MİLLİ CİNS ATLARI VƏ ÇAPARLAR ÇOX MARAQLI ŞOU PROQRAM NÜMAYİŞ ETDİRDİLƏR

16. 05. 2016.
BRİTANİYANIN ŞAHZADƏSİ 2-Cİ YELİZAVETANIN 90 İLLİK YUBİLEYİNDƏ QARABAĞIN MİLLİ CİNS ATLARI VƏ ÇAPARLAR ÇOX MARAQLI ŞOU PROQRAM NÜMAYİŞ ETDİRDİLƏR. BU TƏDBİRDƏ QARABAĞ CİNSLİ 15 AT ŞAHZADƏNI VƏ BÜTÜN TAMAŞAÇILARI HEYRAN QOYDU. 


QEYD : XAN QIZI NATAVANDAN  YAXIN QONUMU MEHDİ BABAMA VƏ ONUN XANIMI ƏZİZ NƏNƏMƏ  MİRAS QALMIŞ VAR-DÖVLƏT, ELƏCƏ DƏ MİLLİ QARABAĞ AT İLXILARI BOLŞEVİK HÖKUMƏTİ TƏRƏFİNDƏN ƏLLƏRİNDƏN ALINMIŞDIR. RƏHMƏTLİK MEHDİ BABAMIN VƏ ƏZİZ NƏNƏMİN AT İLXILARININ TÖRƏMƏLƏRİ BAXIN GÖRÜN HANSI QABİLİYYƏTİN YİYƏSİDİRLƏR...

 AZƏRTAC & VƏTƏNSEVƏRLƏR

14 Mayıs 2016 Cumartesi

KEÇMİŞ BAŞ PROKUROR SÜKUTU POZDU - İLGİNC İTTİHAMLAR...

İxtiyar Şirin “Yeni Müsavat”a heyrətamiz faktlar açıqladı: “Sürət Hüseynov dedi ki, biz o torpaqları ermənilərə əl borcu vermişik”, “Azərbaycan 1994-cü ilin atəşkəsindən imtina etməlidir” 


Milli Konqres Partiyasının sədri, keçmiş baş prokuror İxtiyar Şirin aktiv siyasətə qayıdıb. Son illərdə mətbuatda, siyasi arenada görünməyən partiya sədri hazırda bir neçə siyasi qurumun təsis etdiyi Antiböhran Koalisiyasında təmsil olunur.

İ.Şirinlə ofisində siyasətdən uzaqlaşması və geri dönüşü barədə, eləcə də, baş prokuror işlədiyi 1992-93-cü illərdə Azərbaycanda baş verən, hazırda ölkədə cərəyan edən proseslər barədə söhbət etdik.

- Son illərdə siyasətdən uzaqlaşmışdınız. Geri dönüşə səbəb nə oldu?

- Siyasətdən getməmişdim. Bu illər ərzində də yoxa çıxmamışdım. Sadəcə, mətbuat bizdən uzaqlaşmışdı. Çox sevinirəm ki, uzun illərdən sonra qəzetiniz bizə üz tutub və müsahibə alır. Buna görə “Yeni Müsavat”a xüsusi təşəkkür edirəm.

- Hər siyasi proseslərdə aktiv iştirakınız yox idi. Bəlkə müxalifətdəki ümumi durğunluq siyasətdən getməyinizə dair fikirlərin formalaşmasına səbəb olub?

- Azərbaycan müxalifəti son illər ən ağır dövrünü yaşayır. Daxildə olan parçalanmalar, bir-birinə olan münasibətlər, aktual siyasi məsələlərdən kənarda qalmalar, ölkənin milli məsələlərini birlikdə müzakirə etmək üçün cəhdlərin olmaması müxalifəti kölgədə qoyub. Bunun yerini müxalifətdaxili münaqişələr tutub. Özünü gündəmdən çıxaran müxalifətdir. Amma son aylar təkcə Antiböhran Koalisiyasında deyil, digər qurumlarda da Azərbaycan mövzusu müzakirə olunmağa başlayıb. Müxalifətin əsas vəzifəsi də budur. Azərbaycan məsələsinin hələ ki geniş müzakirə olunduğu birlik bizik. Müsavat və AXCP kimi partiyalar tək fəaliyyətə üstünlük verirlər. Hazırda problemlərimiz o həddə çatıb ki, bunu təkcə müxalifət qurumları deyil, iqtidar partiyası və ətrafı da müxalifətlə birlikdə müzakirə etməlidir. Qarabağ kimi hərbi və diplomatik yolla həlli mümkün olan problemimiz var. Digər tərəfdən neftin qiymətinin aşağı düşməsi ilə iqtisadiyyatımızın nə yerdə olduğu üzə çıxdı. İqtidar və müxalifətin bir yerdə olmasının tam zamanıdır. Müxalifət şəxsi maraqlarını kənara qoyub, bu işlərlə birlikdə məşğul olmalıdır. Siyasəti mən belə düşünürəm. Mənə deyirsiniz ki, son illərdə yox idiniz. Bu illərdə Azərbaycanın problemləri ilə bağlı səslər eşidilmirdi. Buna təəssüflənirəm. Ancaq daxili qarşıdurmalar gündəmdə idi. Mətbuat da düşünürdü ki, əsas aktual məsələ bunlardır. Amma partiya olaraq, daim bu işlərlə məşğul olmuşuq.

- Cəbhədə baş verən məlum prosesləri necə dəyərləndirirsiniz?

“16 minlik təcrübəli ordunu türklər bizə verəcəkdilər”

-  1993-cü ildən bu yana Azərbaycan Qarabağ probleminin həlli istiqamətində böyük uğursuzluqlara düçar olmuşdu. Atəşkəslə bağlı imzalanan “Bişkək” protokolu ölkəmizi məğlub göstərmək üçün ciddi sənəd idi. Dağlıq Qarabağ da faktiki tərəf kimi tanınmışdı. 1994-cü ildə bağlanan atəşkəsdən sonra gedən danışıqların heç biri Azərbaycanın xeyrinə olmadı. ATƏT-in Minsk qrupunun meydana çıxması Türkiyənin bu prosesdə təsirini aradan qaldırdı. Rusiya, Fransa və ABŞ kimi dövlətlər həmsədrlərə çevrildilər. Bu dövlətlər isə ermənilərin dostudurlar. Biz Qarabağ məsələsini ermənilərin dostlarının əllərinə verdik. Bu dövlətlər 3 təklif irəli sürdülər. Biri problemin həlli ilə bağlı idi ki, Azərbaycan ona imza atdı. İkinci təklif paket həll planı idi. 



Azərbaycan yenə imza atdı, lakin Ermənistan qəbul etmədi. Yaxşı ki, belə addım atdılar. Üçüncü təklif ümumi dövlət həlli prinsipi idi. Yəni Azərbaycan və Dağlıq Qarabağ birlikdə dövlət yaradırdı, adı isə məlum deyildi. Azərbaycan bundan imtina etdi. Rəhmətlik Heydər Əliyev bu təklifləri parlamentin müzakirəsinə verdi. Nəticədə hər üç təklifdən imtina qərarı verildi. Həmin təkliflər bizim üçün çox aşağılayıcı idi. Azad ediləcək ərazilərə ermənilər istənilən vaxt girə bilərdilər. Uzun müddət sonra - 2007-ci ildən başlayaraq yeni təkliflər meydana çıxdı. Söhbət “Madrid prinsipləri”ndən gedir. 

Bu, ölkəmiz əleyhinə olan təkliflərdir. Bunu Azərbaycan qəbul edərsə, Dağlıq Qarabağın öz müqəddəratını təyin etmək hüququnu tanıyır. Əvvəlki üç təklifdən daha ağırdır. Qarabağın bizdən alınmasını Minsk qrupu bu təkliflərin içərisinə qoyub. Azərbaycan bu yolla gedərsə, Qarabağ bizim olmayacaq. Ona görə hazırda gedən sülh danışıqlarının ölkəmizin xeyrinə olduğunu düşünmürəm. Azərbaycan danışıqlara davam etmək istəyirsə, ilk növbədə 1994-cü ilin atəşkəsindən imtina etməlidir. Ötən ay yeni atəşkəs imzalandı. 

Apreldəki döyüşlərin ən böyük əhəmiyyəti budur. Ölkəmiz “Madrid prinsipləri”ndən də imtina etməlidir. Əgər etməsə, baxmayaraq ki, aprel döyüşlərində qələbə qazanıb, amma danışıqlarda bu şans yoxdur. Nəticədə Dağlıq Qarabağ itiriləcək. Hakimiyyətin üzərinə ağır vəzifələr düşür. Azərbaycan məsələnin hərbi yolla həllinə daha çox üstünlük verməlidir. Ermənistan üzərində daha ciddi uğur qazanılmasa, danışıqların müsbət nəticəsinə inanmıram. Başqa yolumuz da qalmayıb. Əvvəl-axır Azərbaycan müharibə yolunu seçəcək.

“Azərbaycan 1994-cü ilin atəşkəsindən imtina etməlidir”

- Torpaqlarımızın işğalı vaxtı Azərbaycan rəhbərliyində təmsil olunmusunuz. İndiki situasiya həmin dövrdə olsaydı, torpaqlarımız itirilərdi?

- Torpaqlarımız onda getməyəcəkdi. Hər hansı bir situasiyaya ehtiyac yox idi. Azərbaycan torpaqlarını müdafiə etmək üçün Kəlbəcərin işğalından sonra ciddi işlər görmüşdü. Mən Kəlbəcərin işğalından sonra prezidentlə danışıb Türkiyəyə getdim. Süleyman Dəmirəl və hərbiçilərlə görüşüb, xeyrimizə qərarlar qəbul etdirdik. Təcrübəli ordu yaratmaq üçün Türkiyədən 175 zabit gətirdik. Kifayət qədər lazımi silah aldıq. 

Məhz onların köməyi ilə BMT-də 822-ci qətnamə qəbul olundu. Türk ordusu Ermənistan sərhədlərində manevr edərək, ermənilərə işğal etdikləri Azərbaycan torpaqlarının geri qaytarılması üçün xəbərdarlıqlar etdi. Bundan sonra ermənilər Kəlbəcəri geri qaytarmaq üçün sənəd imzaladılar. Ancaq daxili düşmənlər xaricilərlə birləşib, bu prosesi davam etdirməyə mane oldular. Gəncədə 4 iyun qiyamı törədildi, ordumuz darmadağın edildi, ölkə qarışdı. Dövlət də sıradan çıxarıldı. Əks halda sentyabr ayında Kəlbəcər azad olunacaqdı. 

Həmin ilin oktyabrından etibarən hər üç aydan bir 16 minlik təcrübəli ordunu türklər bizə verəcəkdilər. Azərbaycanın heç bir rayonu işğal olunmayacaqdı. Ancaq satqın müxalifət, vəzifə hərisləri, rusların buradakı əlaltıları Azərbaycanı yıxdılar və bir neçə ay ərzində torpaqları təhvil verdilər. Sürət Hüseynov dedi ki, biz o torpaqları ermənilərə əl borcu vermişik. Bu nə deməkdir? Vətənə xəyanət deyil? 

O cümlədən, onunla birlikdə olan hər kəs vətənə xəyanət ediblər. 4 iyun qiyamı olmasaydı, Azərbaycanın heç bir rayonu işğal olunmayacaqdı, Kəlbəcər də qaytarılacaqdı. Həmin proseslər başa çatsaydı, Azərbaycan güclü dövlətə çevriləcək, torpaqlarımız da azad olunacaqdı. İndi hamı birləşib, torpaqlarımızı azad etməliyik. Müxalifətdəki partiyalar buna kökləniblər. Parlamentdə olanları demirəm, onlar müxtəlif hava çalırlar.

- Elçibəyin həbsi ilə bağlı hazırlanan sanksiya sənədi ilə bağlı daim gündəmdəsiniz. Məhkəmə buna son qoysa da, tez-tez gündəmə bununla gəlirsiz...

- Əli Ömərov məhkəmədə böhtançı kimi tanınaraq, cərimələndi. Elçibəyə heç bir sanksiya verməmişəm. Məni istəməyənlər və bilməyənlər bunu qabardırlar. Həmin sənədi Nemət Pənahlı, Ömərov və digərləri hazırlayıblar. Pənahlı özü dedi ki, biz girov götürüləndə həmin saxta sənədi hazırlayıblar.

“İqtidar və müxalifətin bir yerdə olmasının tam zamanıdır”  


- Surət Hüseynov azadlığa çıxdıqdan sonra onunla rastlaşmısız?

- Xeyr. Hesab edirəm ki, o cür şəxslə görüşmək lazımsızdır.

- Nə zamansa üz-üzə gəlsəniz, ona deyəcək sözləriniz varmı? 

- O, əlborcu verdiyi torpaqlar üçün Azərbaycan xalqının qarşısında nə vaxt cavab verəcək? Məni yalnız bu maraqlandırır. Xalqıma hesabat verib ki, verdiyi torpaqları necə qaytaracaq? Minlərlə vətəndaşımız o döyüşlərdə şəhid oldular. O, buna cavabdeh deyil?! 

- Torpaqların işğalında əsas onu günahkar görürsünüz?

- Surət Hüseynov və onunla birlikdə olan hər kəs günahkardır. Kimlər ki, onu və Gəncə qiyamını müdafiə ediblər, hamısı məsuliyyət daşıyırlar.


- Laçının işğalı günü yaxınlaşır. 1992-ci ilin bu günlərini necə xatırlayırsınız?

-  Bu məsələlərin mahiyyətinə varmaq lazımdır. O dövrdəki hadisələrin yalnız bir səbəbi var. Vəzirov, Mütəllibov və Yaqub Məmmədov hakimiyyətləri bu hadisələrin mahiyyətinə ya varmadılar, ya da baş verənləri gizlətdilər. Həmin işğala qarşı mübarizə aparmadılar. Ancaq öz hakimiyyətlərini qorumaqla məşğul oldular. Hadisələrin əksəriyyəti erməni işğalına göz yuman hakimiyyətin dövründə baş verdi. Mütəllibovu nəzərdə tuturam. Çünki iki dəfə o, hakimiyyətdən uzaqlaşdırıldı. Bu çevrilişə hər cür ad qoymaq olar. Hər şey ölkəni xilas etmək üçün edilirdi. 


Bu da xalq tərəfindən doğru qəbul edildi. Mütəllibov hazırda Bakıda oturub, Xocalı və digər hadisələrlə bağlı fikirlər bildirir. Ona məsləhət görərdim ki, ümumiyyətlə, bu məsələlərlə bağlı səsini çıxarmasa daha yaxşı olar. Çünki onun mövqeyi əvvəlki kimi yanlışdır. O dövrdə heç bir dövlət çevrilişi olmadı. Sadəcə, Azərbaycanı məğlubiyyətə aparan qüvvələrin uzaqlaşdırılması və daha ümidverici qüvvələrin hakimiyyətə gəlməsi prosesi baş verdi. Amma 4 iyun qiyamı birbaşa dövlət çevrilişi idi. Bunun başqa adı yoxdur.

- Yaqub Məmmədovun gedişini də dövlət çevrilişi kimi qəbul etmək olar?

- Orada məqsəd Məmmədovu devirmək deyildi. Sadəcə Mütəllibovu hakimiyyətə gətirmək üçün gedən proseslər idi. 15 may hadisələri komissiyasının sədri mən olmuşam. Araşdıranda məlum oldu ki, Ali Sovetin Mütəllibovu hakimiyyətə qaytarmaq səlahiyyəti yox idi. Bu, ancaq seçkilərlə ola bilərdi. Qanunsuz qərar verilmişdi. Özü də kvorum olmadan. Ona görə dövlət çevrilişi idi. Sadəcə, Ayaz bəyin tərəfdarları müxtəlif don geyindirirlər.

- Yaqub Məmmədov hakimiyyətdə qalsa necə olardı?

- Qarşıdan prezident seçkiləri gəlirdi. 17 mayda Ali Sovetin iclasında iştirak etmişəm. Məmmədov özü Ali Sovetin sədri qalmaq istəmirdi, istefa verdi. Ondan sonra sədrin kim olması gündəmə gələndə cəbhə iddiaçını irəli sürdü, hamı da onu müdafiə etdi. Fikir ayrılığı olmadı. Təkcə Heydər Əliyevlə bağlı məsələ oldu. Ona zəng etdilər, amma cavab gəlmədi. Onun namizədliyini irəli sürənlər var idi. Səsvermə üçün razılıq lazım idi.

- Həmin dövrdə əsas fiqurlardan biri də Rəhim Qazıyev idi...

“Rəhim Qazıyevin müdafiə naziri kimi cəbhə hakimiyyətində işinə davam etməsi yanlış qərar idi” 

- Şuşanın verilməsi ilə bağlı cinayət işinə rəhbərlik etmişəm. Qazıyevin Şuşanın verilməsində olan rolu mənə aydındır. Onun müdafiə naziri kimi Cəbhə hakimiyyətində işinə davam etməsi yanlış qərar idi. Azərbaycan lazım olan vacib zamanını itirmişdi müdafiə gücünü artırmaq üçün. Onun uzaqlaşdırılmasından sonra nazirliyin işi ilə tanış olanda dəhşətə gəldik. 

Heç bir şey yox idi. Ordu tamam dağılmışdı. Kəlbəcərin işğalı göstərdi ki, o zamankı ordu rəhbərliyimizin ordu qurmaq təcrübələri yox idi. Rusiya ilə həmin dövrdə dost olsaq belə, torpaqlarımız yenə də işğal olunacaqdı. Gəncə hadisələrinin nəticəsidir ki, bu gün Azərbaycan hakimiyyəti bu qədər çətinliklərlə üz-üzədir.

- Sizcə, bundan sonrakı proseslərdə müharibə qaçılmaz olacaq?

- Qərb Ermənistanı sülhə məcbur etməyəcək. Onların məqsədi Dağlıq Qarabaği müstəqil dövlətə çevirmək, ərazilərimizin bir hissəsini koridor adı ilə Ermənistana verməkdir. Hərb yolu Azərbaycanın hüququdur. Beynəlxalq hüququn tanıdığı haqdır.  BMT-nin nizamnaməsində bu var. Torpaqları azad etmək borcumuzdur.

- Zakir Həsənova qədər olan müdafiə nazirlərimiz daim tənqid olunublar. Siz necə, indiki nazirin fəaliyyətindən razısınız?

“Zakir Həsənovun fəaliyyəti məndə xoş təəssürat yaradıb” 

 - Müdafiə sahəmiz milli məsələdir. Ona görə bu sistemdə çalışanlar millətin nümayəndələridir. Hansı hakimiyyət olursa-olsun. Onları müdafiə etməliyik. Zakir Həsənov əvvəlki nazirdən fərqli fəaliyyət göstərir. Bu göz qabağındadır. Müdafiə naziri xalqın adamı səviyyəsində olmalıdır. Həsənovun fəaliyyəti hamıda, şəxsən məndə də xoş təəssürat yaradıb. 

Mən də onu müdafiə edirəm. Bu həm də milli borcumdur. Xalqımız silaha sarılıb, müharibəyə getmək istəyirdi. Bu, orduya olan inamdır. Ermənistan qalib gələ biləcəyimiz düşməndir. Çətin olan onların havadarlarıdır. Aprel döyüşlərində ordumuz qələbə qazandı. Ermənilər müxtəlif don geyindirsələr də, faktiki qələbə var. Amma elə qələbə lazımdır ki, erməni havadarları olan ölkələr başqa tələb irəli sürə bilməsinlər. Bu qələbə erməniləri yola gətirmək üçün kifayət deyil.


MUSAVAT.COM
Cavanşir ABBASLI  &  VƏTƏNSEVƏRLƏR




İŞĞALÇINI QICIQLANDIRAN ŞOK GƏLİŞMƏ


Putin ermənilərin 1 nömrəli düşmənini Bakıya göndərir 


Azərbaycan yenidən regional proseslərin episentrində; Ermənilərin faktiki “persona non-qrata” elan elədiyi Roqozinin prezidentlərin Vyana görüşündən dərhal sonra Azərbaycana gəlişinin pərdəarxası; ziyarətin silahlarla bağlı olduğu da deyilir; sabah isə Qəbələdə Türkiyə, Azərbaycan və Gürcüstan müdafiə nazirlərinin görüşü başlayır... 
Güney Qafqaz ətrafında, o sırada Dağlıq Qarabağla bağlı gedən proseslərdə son günlər maraqlı dinamika, xeyli vaxtdır görünməyən siyasi-diplomatik və hərbi aktivlik müşahidə olunmaqdadır. Baş verənlərin ötəri təhlili göstərir ki, münaqişələrlə zəngin, Rusiyanın “həyati maraqlar zonası” elan elədiyi Cənubi Qafqaz uğrunda onun ABŞ-la, Qərblə rəqabəti daha kəskin fazaya adlayıb. İntensivləşən proseslərin episentrində isə həmişəki kimi, Azərbaycan və Qarabağ münaqişəsi durur.

Buna hazırda özünü göstərən üç mühüm gəlişmədən görmək olar. Ötən sayımızda vurğuladığımız kimi, bölgə uğrunda qlobal güclərin kəskinləşən savaşı ilk növbədə hərbi güc müstəvisində özünü göstərir. Belə ki, dünəndən etibarən NATO-nun Gürcüstanda ilk və genişmiqyaslı hərbi təlimləri başlayıb. Bu təlimlərə cavab olaraq isə Rusiya forpost Ermənistanda eyni vaxtda təlimlərə start verib.

NATO təlimləri ayın axırlınadək çəkəcək və Alyansın Gürcüstanda hərbi qüvvələr saxlaması ilə başa çatacaq. Həmin vaxt Rusiya prezidenti Vladimir Putinin Bakı və İrəvana səfər edəcəyi xəbəri yayılıb, rəsmən təsdiqlənməsə də...



Bu arada - mayın 16-da isə Vyanada, ATƏT-in Minsk Qrupuna həmsədr ölkələrin xarici siyasət idarələrinin başçılarının iştirakı ilə Azərbaycan və Ermənistan prezidentlərinin görüşəcəyi xəbəri yayılıb. 4 günlük aprel müharibəsindən sonra ilk olacaq belə yüksək səviyyəli təmasda hansısa sülh sənədinin imzalanacağı real olmasa da, belə bir görüş bölgəyə Qərbin artan diqqətini göstərir. Bu da Moskvanı bir elə məmnun edən məqam deyil. Çünki Rusiya Qarabağ məsələsində dominant rolunu itirmək fikrində deyil.   

Ən maraqlısı odur ki, Vyana görüşündən cəmi bir gün sonra, mayın 17-də Rusiya baş nazirinin müavini, ölkənin hərbi-sənaye kompleksini kurasiya edən, Putinin yaxın adamlarından sayılan Dmitri Roqozin Bakıya səfər edəcək. Bu haqda “İnterfaks-Azərbaycan” məlumatlı mənbəyə istinadən xəbər yayıb.

“Rusiya baş nazirinin müavini Azərbaycan rəhbərliyi ilə danışıqlar aparacaq. Səfər çərçivəsində Rusiya prezidenti Vladimir PutininBakıya gözlənilən səfərinə dair hazırlıq işləri müzakirə olunacaq” - mənbə qeyd edib. Məlumatlara görə, gözlənilir ki, D.Roqozin Bakıda Qarabağ münaqişəsi ətrafında yaranmış vəziyyəti də müzakirə edəcək. 

*    *    *

Xatırladaq ki, D.Roqozin eyni zamanda Rusiya-Azərbaycan hökumətlərarası komissiyasının həmsədridir, V.Putinin səlahiyyətli şəxslərindən və sözçülərindən hesab olunur. Sonuncu dəfə o, mart ayında Bakıya qəfil səfər eləmiş, Rusiyanın Azərbaycana silah satışına dair müqavilələrin yerinə yetirilməsində yaranmış problemlə bağlı danışıqlar aparmışdı. 

Ondan az sonra, Putinin də diqqətində olan problem aradan qaldırılmışdı. Mötəbər mənbələr bildirir ki, Azərbaycan Rusiyadan növbəti iri partiya silah və hərbi texnika sifariş verməyə hazırlaşır və çox güman ki, Roqozinin növbəti səfərində bu məsələ detallı müzakirə olunacaq. 

Onu da yada salaq ki, aprelin əvvəllərində Qarabağda gedən hərbi əməliyyatlar zamanı Ermənistanın Rusiyanın Azərbaycana silah satmasına etirazlarına cavab olaraq Roqozin erməni tərəfinə sərt reaksiya vermiş, hətta erməniləri aşağılamışdı. Roqozin demişdi ki, belə bəyanatlar demaqogiyadır və Bakıya silah satışı davam edəcək. “Əgər Rusiya Azərbaycana silah satmasa, onun yerini dərhal NATO ölkələri tutacaq” - o, vurğulamışdı.

Roqozinin xüsusən də 4 günlük müharibədən sonra bu kimi açıqlamalar verməsi Ermənistanda güclü qıcıq doğurmuş, hətta işğalçı ölkədə o, faktiki, “persona non qrata” elan edilmişdi. Halbuki, Roqozin həmin bəyanatları Putinin adından verirdi. Ayrı sözlə desək, ermənilər bununla əslində Rusiya prezidentinə təpki göstərmişdilər.

*    *    *
Putin indi ermənilərin 1 nömrəli düşmənini təzədən Bakıya yollayır - eyni məsələ ilə bağlı, silah ticarətini genişləndirmək üçün. Həm də elə bir dönəmdə ki, Moskva İrəvana ötən il silah almaq üçün ayırdığı 200 milyon dollarlıq kreditin verilməsini uzatmaqdadır. Şübhə yox ki, bütün bunlar Ermənistanı bir az da qəzəbləndirmiş olacaq. 


Söz düşmüşkən, srağagün Rusiya XİN rəsmisi Mariya Zaxarova Moskvada keçirdiyi ənənəvi brifinqdə Bakıya silah satmaqla bağlı sual verən erməni jurnalisti məyus edib. Zaxarova deyib ki, “Rusiyanın Azərbaycana silah satmasında hər hansı nüanslar axtarmaq lazım deyil. Rusiya digər ölkələrlə hərbi-texniki əməkdaşlığını aydın beynəlxalq hüquqi əsaslarda aparır”. Yəni erməni tərəfinin narazılığı və narahatlığı Moskvada ciddiyə alınmayacaq. Niyə? 
Belə güman eləmək olar ki, Güney Qafqazın açar ölkəsi kimi, Azərbaycan Rusiya üçün hazırda təkcə etibarlı silah alıcısı kimi yox, həmçinin, başqa aspektlərdən qat-qat böyük önəm daşıyır. Söhbət yuxarıda vurğulandığı kimi,  Qərbin, NATO-nun xeyrinə rəsmi Bakının strateji seçim edə biləcəyindən dolayı əndişədən gedir. Yəni bölgədə mübarizə əslində Azərbaycan uğrundadır. Moskva hər vəchlə çalışır ki, Azərbaycan onun siyasi-hərbi orbitindən uzaqlaşmasın və imkan düşərsə, Avrasiya layihələrinə qoşulsun...  
*** 
Maraqlıdır ki, Roqozinin səfərindən iki gün öncə Qəbələdə Azərbaycan, Türkiyə və Gürcüstan müdafiə nazirlərinin üçlü görüşü planlaşdırılır. Belə ki, müdafiə naziri, general-polkovnik Zakir Həsənovun rəsmi dəvətilə mayın 14-də Gürcüstanın müdafiə naziri Tinatin Xidaşeli və Türkiyənin milli müdafiə naziri İsmət Yılmaz Azərbaycanda rəsmi səfərə gələcəklər. 

Mayın 15-dək çəkəcək müzakirələr hərbi və hərbi-təhlükəsizlik sahəsində əməkdaşlığın bundan sonrakı perspektivlərinə həsr olunacaq. Müdafiə Nazirliyindən verilən məlumata görə, səfər çərçivəsində nazirlər arasında təkbətək və üçtərəfli formatda danışıqlar nəzərdə tutulub.

*    *    *
Göründüyü kimi, proseslərin episentrində həqiqətən də Azərbaycandır. Bunun ölkəmizə, o cümlədən Qarabağ məsələsində hansı dividentlər gətirəcəyini yəqin ki, üzümüzə gələn həftə(lər)də biləcəyik.

Sonda əlavə edək ki, bir sıra analitiklər Suriyadan əsas hərbi qüvvələrini çəkdikdən sonra Rusiyanın diqqətini Ukrayna və Güney Qafqaza yönəldəcəyini təxmin etmişdilər. Hesab edilir ki, yaxın və orta perspektivdə Rusiyanın Qərblə (ABŞ, NATO ilə) maraqlarının ən çox toqquşa biləcəyi bölgələr məhz bunlardır. 

İyulda NATO-nun növbəti sammiti keçiriləcək. Sammit ərəfəsində Qərb-Rusiya rəqabəti xüsusilə Güney Qafqaz, daha dəqiqi, Alyansa üzvlüyün 1-2 addımlığında olan Gürcüstandakı proseslər fonunda qabarıq görünür. Bölgə və ətrafında Qarabağ məsələsini də öz ağuşuna alan, hətta regionun təzədən şəkillənməsinə gətirə biləcək maraqlı proseslər başlayıb.


MUSAVAT.COM & VƏTƏNSEVƏRLƏR

13 Mayıs 2016 Cuma

BİZ QAFQAZA YARAŞIRIQ, QAFQAZ BİZƏ !

DÜŞMƏNLƏRİMİZ QAFQAZDAKI ƏMİNAMANLIĞI, ADƏT-ƏNƏNƏLƏRİ VƏ HƏRTƏRƏFLİ GÖZƏLLİYİ GÖZLƏRİ GÖTÜRMƏDİYİNƏ GÖRƏ ERMƏNİLƏRİ, BU TULLANTI, YARAMAZ TAYFANI QRDAN-BURDAN YIĞIB DOLDURDULAR QAFQAZA. QAFQAZ DA QOCA QAFQAZDI HA... DÜNYANIN HƏR ÜZÜNÜ GÖRÜB.


& VƏTƏNSEVƏRLƏR

11 Mayıs 2016 Çarşamba

ATATÜRKƏ QARŞI TƏBLİĞAT APARANLARA ŞİRMƏMMƏD HÜSEYNOVDAN SƏRT CAVAB


«Atatürkün Azərbaycanı satdığı ilə bağlı fikrin tarixi reallıqla heç bir əlaqəsi yoxdur»


Turqut Ər : «Azərbaycanda Atatürk əleyhinə aparılan təbliğatın məqsədi Azərbaycanla Türkiyənin arasını vurmaqdır»

Son zamanlar bəzi saytların, qəzetlərin, telekanalların anti-Türkiyə təbliğatı aparması təsadüfi qiymətləndirilmir. Ekspertlərin fikrincə, burada konkret məqsəd var. O da Türkiyə ilə Azərbaycanın əlaqələrinə xələl gətirməkdir.

Türkiyənin Azərbaycandakı səfirliyinin keçmiş mətbuat müşaviri, “Azadlıqdan Tiranlığa” kitabının müəllifi Turqut Ər də Azərbaycanda antitürk təbliğatının getməsindən narahatdır. Sabiq diplomat qəzetimizə açıqlamasında bildirib ki, Azərbaycanda xüsusən də bir neçə tezis, tarixi həqiqətləri təhrif etməklə Türkiyə, Atatürk əleyhinə təbliğat vasitəsinə çevrilib: “Azərbaycan azadlığa qovuşduqdan sonra Türkiyə ilə qardaşlıq əlaqələri sıxlaşdıqca, Rusiyadan Bakının əlaqələri soyuduqca, Azərbaycanda Türkiyəyə qarşı iddialar baş qaldırmağa başladı. Burada əsas kimi Atatürklə Rusiya arasında imzalanan sazişlər göstərilir. Nəticədə bəziləri “iynəylə gor qazmağa başladılar” və bununla Azərbaycanla Türkiyənin arası vurulmağa çalışılır. Bir müddətdir təbliğat gedir ki, Atatürk Azərbaycanı Leninə satıb. Guya ruslar Atatürkə pul verib, istiqlal müharibəsinə maliyyə dəstəyi edib, bunun qarşılığında da Atatürk Qırmızı Ordunun Azərbaycanı işğal etməsinə göz yumub”.



T.Ərin fikrincə, bu tezisləri hər il gündəmə gətirənlər Azərbaycanda və Qafqazdakı kommunizmi hələ də beynindən, ürəyindən, qanından təmizləməmiş olanlardır. T.Ərin sözlərinə görə, Türkiyə ilə Azərbaycanın qurduğu və daha da inkişaf edəcək güclü birliyi zərbə vurmaq istəyənlərdir. T.Ər ortaya atılan bu kimi iddiaların heç birinin həqiqəti əks etdirmdəyini, dəfələrlə təkzib olunsa da, yenə bilərəkdən gündəmə gətirildiyini söyləyib.

Araşdırmaçı Şirməmməd Hüseynov bildirdi ki, Atatürk əleyhinə səslənən və tarixi reallıqla heç bir əlaqəsi olmayan ittihamlara cavab verməyə dəyməz: “Atatürk əleyhinə fikir səsləndirənlər Jirinovskinin yolunu gedirlər. Onlar istəyirlər ki, səslənən fikirlər mediada dərc olunsun və onlar populyarlıq əldə etsinlər. Tarix yanlış təbliğ olunur. Tarixin yiyəsi yoxdur. Tarixin yiyəsi olsa o düzgün təbliğ olunar və orta məktəblərdə də düzgün keçilər. Və bu cür siyasətin də nəticəsində heç kimi ağlına gəlməz ki, desin ki, Atatürk Azərbaycanı satıb. Bu sarsaq bir fikirdir. Bu fikrin tarixi reallıqla heç bir əlaqəsi yoxdur”.

AZADLİG.İNFO & VƏTƏNSEVƏRLƏR 

RƏSUL QULİYEV İCTİMAİ-SİYASİ ARENADA GƏRGİNLİK YARADIB

Eks-spikerə qarşı çıxanların sayı artır 
Tarix: 11-05-2016


Son günlər Qarabağ ətrafında baş verən hadisələr ictimai-siyasi arenada da ciddi müzakirələrə səbəb olub. Eks-spiker Rəsul Quliyev isə Qarabağ cəbhəsində baş verənləri dəyərləndirərkən fərqli fikirlər səsləndirib. O, aprelin əvvəlində baş verənləri Azərbaycan tərəfi üçün uğursuzluq kimi dəyərləndirib.

Eks-spikerin bu fikirləri ictimai-siyasi arenada etirazla qarşılanıb. Ehtiyatda olan polkovnik-leytenant, hərbi ekspert Üzeyir Cəfərov "Reytinq"ə deyib ki, Rəsul Quliyevin ordu ilə bağlı dedikləri qəbuledilməzdir.

Hərbi ekspert bildirib ki, indiki həssas məqamda, Qarabağda hər an başlaya biləcək Vətən savaşı öncəsi çox üzücü hallarla rastlaşanda susmaq yolverilməzdir və bəlkə də mənəviyyatsızlıqdır.

Ü.Cəfərovun sözlərinə görə, Amerikada mühacir həyatı yaşayan R.Quliyevin ötən ayın əvvəlində cəbhə xəttində baş verən hərbi əməliyyatlara bağlı səsləndirdiyi fikirlər təəccüb doğurur: "Görünən odur ki, hörmətli Rəsul müəllimin düşüncəsində Azərbaycan Silahlı Qüvvələri hələ də 90-cı illərin əvvəllərində gördüyü və təsəvvür etdiyi qüvvələr kimi qalıb. Belə olmasaydı, o, heç vaxt qeyri-ciddi fikirlər səsləndirməzdi. On illərdir okeanın o tərəfində oturub, Silahlı Qüvvələrimizin hazırki vəziyyətindən dərindən məlumatı olmaya-olmaya belə fikirlər səsləndirmək, ən azından öz əsgər və zabitinə sayğısızlıqdır.

Mən onu da yaxşı başa düşürəm ki, adətən rəqiblərinlə, elə iqtidarla siyasi mübarizə meydanında belə fikirlər, tənqidlər haradasa işlədilir. Amma, bədnam qonşularımız və onların məkrli havadarları ilə üz-üzə duran ordunun döyüş ruhuna azca da olsa təsir edə biləcək fikir səsləndirməyi düzgün saymıram və bunu böyük haqsızlıq hesab edirəm".

Hərbi ekspert qeyd edib ki, məsələnin siyasi tərəfinə əsla toxunmaq istəmir və bu işdə mənəvi amil son dərəcə önəmlidir: "Rəsul Quliyev deyir ki, "Azərbaycanda texnikanı idarə edəcək talantlı hərbçilər azdır". Onda sual olunur ki, bəs bu gün Silahlı Qüvvələrin minlərlə döyüş texnikasını - tankını, piyadaların döyüş maşınını, artileriya qurğularını idarə edən, ondan düşmən mövqelərinə atəş açan hərbçilər kimlərdir?

Bildiyim qədər, başqa millətdən və ya ölkədən bir nəfər də olsun hərbçi yoxdur bizim döyüş texnikamızın sükanı arxasında. Özü də onların hər biri maşallah olsun ki, onlara təhkim olunmuş döyüş texnikasının sirlərini mükəmməl bilir və istifadəsini də gözəl bacarır. Əgər hörmətli sabiq spiker bilmirsə ki, aprelin əvvəllərində Azərbaycan Ordusu düşmənə qarşı heç bir əməliyyat aparmayıb və sadəcə olaraq, düşmənin həmləsini dəf edib və bu zaman cüzi qüvvəsindən yararlanıb, onda Rəsul Quliyevin işlətdiyi fikirlərə çox təəssüflənirəm. İnşallah, yaxın günlərdə ordumuzun nəyə qadir olduğunu görəndən sonra mən çox istərdim ki, Rəsul müəllim öz fikirlərini bildirsin.

Silahlı Qüvvələrimiz cəngavər kimi hər bir silah-sursata malikdir və döyüş əzmi, ruhu da çox yüksəkdir. Mənim bildiyim və hiss etdiyim bir məqam var ki, bəzi keçmiş və hazırki siyasi-hərbi elitadan olan şəxslər sanki Azərbaycanın, Silahlı Qüvvələrin uğursuzluğunu elə bil arzulayırlarmış kimi görünürlər. Bu isə ən azından əxlaqsızlıq və mənaviyyatsızlıqdır".

Politoloq Zəlimxan Məmmədli isə deyib ki, Rəsul Quliyev Azərbaycan siyasi tarixində özünəməxsus rolu olan, mürəkkəb oyunlarda iştirak etmiş, parlamentin sədri kimi mühüm vəzifə daşımış bir şəxsdir. Onun sözlərinə görə, 1993-cü ildəki hərbi qiyamda və hakimiyyətin ötürülməsində R.Quliyevin özünəməxsus rolu olub:

"O, etiraf edir ki, dəqiq imnformasiyası yoxdur. Bu olmadığı halda obyektiv təhlil imkanları da mümkün deyil. Odur ki, subyektivliklərlə zəngin yanaşmadır.

2 apreldən başlayan prosesi Azərbaycan xalqının, Milli Ordumuzun, siyasi sistemimizin - anormallıqlarla zəngin olmasına baxmayaraq - uğuru kimi dəyərləndirirəm. Sonrakı dönəmdə isə zəif diplomatiyamızın hərbi uğuru siyasi uğura çevirə bilmədiyini müşahidə edirəm.

Son 200 illik tarixdən dərs almalıyıq. Almasaq, yenidən millətin qaymaqlarının "dənlənilməsi”nə qədər mənfiliklər yaşaya bilərik. Mövcud Azərbaycan hakimiyyəti zahirən monolit görünsə də, siyasi idarəçilikdə müxtəlif təmayüllər sezilir. Rusiyanın "dirijor çubuğu" ilə idarə olunan təfəkkürün də siyasi qərarlar vermək imkanlarının mövcudluğu dövrü mətbuatda zaman-zaman ciddiliyi ilə arqumentləşdirilib. İndi də, şübhəsiz ki, bolşevik təfəkkürü başqa bir adda və qiyafədə fəaliyyətdədir. Yəqin ki, əliyehdərlər də, nərimanovlar da yetişdirilir. Bu, tarixdə gördüyümüz acı reallıqlardır. Hansı ki, bu oyunlarla Azərbaycan əraziləri əvvəl Güney və Quzeyə bölünüb, Şimali Azərbaycan ərazisinin əhəmiyyətli hissəsi işğaldadır. Ərazilərimiz 86 min kv km-ə qədər kiçildilmişdir. Güneyli-quzeyli milyona qədər millət fədailəri məhv edilmişdir. Bu gün zaman və insanlar, o cümlədən şərtlər, fikrimcə, Azərbaycanın xeyrinə dəyişməkdədir. Bu şans düzgün dəyərləndirilməlidir".

Z.Məmmədli hesab edir ki, biz mübarizəyə, müharibəyə hazır olmasaq, bu və ya digər psixoloji diversiyaların təsirinə düşsək, mütləq uduzacağıq. "Biz əminik ki, güclü ordumuz, güclü müttəfiqlərimiz, ruhlu xalqımız var. Bu vəhdət 100 ildə nadir hallarda olur. Bu gün bu birlik və psixoloji üstünlük pik həddindədir. İndi tərəddüdlərə aludə olsaq, bu vəhdəti zədələyə və uduza bilərik. Uduzmaq haqqımız isə yoxdur.

Rusiya demokratikləşmədikcə qan qoxuyur. 20 yanvar, Xocalı soyqırımları, erməninin himayədarı olmağı əsas verir ki, Azərbaycan öz düşməninin adını uca səslə söyləsin və dünyanın əhəmiyyətli hissəsinin dəstəyini qazanaraq müstəqilliyinin geriyədönməzliyini təmin etsin", - deyə müsahibimiz fikrini tamamlayıb.

ADP sədrinin müavini Taliyyət Əliyev isə məsələyə fərdi prizmadan yanaşmayıb. O, hesab edir ki, Azərbaycan Ordusunun gücünə kölgə salan və Azərbaycanın rus-erməni birliyi qarşısında aciz durumda olduğu barədə təbliğat aparanlara qarşı sərt mövqe ifadə edib. Onun sözlərinə görə, bu, düşmənlərimizin bizə qarşı apardığı ideoloji müharibənin tərkib hissəsidir və həmin şəxslər də həmin ideoloji müharibənin alətləridir: "Onlara qarşı da çox sərt şəkildə mübarizə aparılmalıdır. Hesab edirəm ki, bu, son aprel döyüşlərindən sonra cəmiyyətimiz tərəfindən nümayiş olunan yüksək vətənpərvərlik və döyüş əhval-ruhiyyəsindən qaynaqlanır. Görünür düşmənlərimiz bizim döyüş ruhumuzdan qorxuya düşüblər. Çünki müharibədə əsas döyüş ruhudur. Düşmənlərimiz bizim döyüş əhval-ruhiyyəmizi sındırmaq üçün artıq bu cür ideoloji müharibəyə əl atır. Necə ki, zaman-zaman belə olub. Qarabağ döyüşlərinin iştirakçısı kimi deyə bilərəm ki, bu cür medotlardan 92-ci illərdə də düşmənlərimiz istifadə edirdi. O zaman da əsgərlərimizin döyüş əhval-ruhiyyəsini aşağı salmaq üçün "qabağa getmə, özümüzünkülər səni arxadan vuracaq",- deyə söz-söhbət gəzirdi. Bu, əslində düşmənin bizim içimizdə apardığı ideoloji müharibə idi. Bu, dünya praktikasında sınaqdan çıxarılmış bir üsuldur. Bir millətə və dövlətə güc yolu ilə qalib gələ bilməyənlər, ona qarşı ideoloji müharibə aparır, bəzən bu müharibədə də istədiklərinə nail olurlar. Ona görə də cəmiyyətdə bu cür təbliğat aparanlara qarşı qanuna müvafiq qaydada çox sərt tədbirlər görülməlidir.

İkincisi, Azərbaycan rus-erməni birliyi qarşısında artıq tək deyil, Türk və İslam dünyası ayılıb. Son hadisələrdə Türkiyənin, Pakistanın, İranın mövqeləri də buna sübutdur. Əksər İslam dövlətləri bu münaqişədə Azərbaycanın yanındadır. Bu gün dini şəxsiyyətlərdən biri "Cihad Qarabağdadır!" deyə fətva versə, bir Çeçenistanla bacarmayan Rusiya onda neyləyəcək? Yəqin ki, Rusiya da bunun fərqindədir. Ermənilərin axmaq fikirlərinə görə bütün İslam dünyası ilə üz-üzə gəlməz. Onda Rusiya bir dövlət olaraq tarix səhnəsindən silinər".

ADP yetkilisi onu da nəzərə çatdırıb ki, Dağlıq Qarabağ və ətraf rayonlar təkcə erməni qüvvələri tərəfindən deyil, rus-erməni hərbi birləşmələri tərəfindən işğal olunub. Onun fikrincə, bu problemin bu günə qədər həll olunmasının qarşısında duran əsas maneə Rusiyadır: "Bunu açıq şəkildə deməliyik. Rusiya postsovet məkanında özünün imperiya maraqlarını həyata keçirmək üçün bu cür iyrənc metodlardan istifadə edib və edir. Bu gün biz bu iyrənc siyasəti təkcə Azərbaycanda deyil, o cümlədən Gürcüstanda, Moldovada və son olaraq Ukraynada Rusiyanın separatçı və işğalçılıq hərəkətlərində görürük. Lakin, bu heç də o demək deyil ki, bizim qarşımızda Rusiya var deyə, əl-qolumuzu sallayıb oturmalıyıq. Azərbaycanımızın ərazi bötövlüyü və suverenliyi uğrunda savaş bir an belə dayanmamalıdır. Dağlıq Qarabağ məsələsində haqq-ədalət Azərbaycan tərəfdədir. Bu baxımdan, bu problem gec, ya tez Azərbaycanın xeyrinə həll olunmalıdır və hesab edirəm ki, olunacaq. Artıq dünyada baş verənlər bir daha sübut edir ki, mövcud münaqişələr ədalətli şəkildə həll olunmadıqca, bu münaqişələrdən hamı əziyyət çəkəcək. Sülh yolu ilə alınmasa da, Azərbaycan öz torpaqlarını işğaldan azad etmək hüququnu daim özündə saxlayır və sön döyüşlər də göstərdi ki, kənar müdaxilə olmasa Azərbaycan qısa müddətdə işğalda olan torpaqlarını azad etmək iqtidarında olan orduya malikdir".

Keçmiş döyüşçü Vaqif Əlisoy da təslimçi ruhu aşılayanlara qarşı çıxır. V.Əlisoy bildirib ki, son günlər bəzi qüvvələr millətə nəyisə qəbul etdirmək istiqamətində hazırlığa start verib: "Aprel döyüşləri başlayandan Rusiyanın dövlət telekanalları da daxil olmaqla, bütün kanalları Azərbaycanı və Türkiyəni hədəfə aldı. Ancaq nə iqtidarımızdan, nə müxalifətimizdən, nə də Qarabağ adı ilə pul basıb yeyən QHT-lərdən, özünü millətin ziyalı kəsimi hesab edən alim, şair və yazıçılardan səs çıxmadı.

Bu milləti rusla qorxudurlar. Deməyə məcburam ki, Əfqanıstanda döyüş yolu keçmiş və sonralar münaqişə zəminində Qubadlıda yerləşmış Sovet ordusunun xüsusi təyinatlılarını bir itki vermədən tərksilah etmişik. Rusu elə təqdim edirlər ki, sanki ölməz Kaşşeydir. Vaxtiylə Sovet ordusunda qulluq edənlər təsdiqləyər ki, hər hansı bir hərbi hissədə 15-20 qafqazlı olanda bütün hərbi hissə onların nəzarətində olardı. Bir də rus hansı haqla bizim işimizə müdaxilə edə bilər? Biz ki, onun müttəfiqi Ermənistana hücum etmirik? Biz Rusiya və Ermənistanın da altından imza atdığı, BMT-yə üzv olan ölkələrin də tanıdığı ərazilərimizi bərpa etmək istəyirik. Bu da bizim haqqımızdır. Rusiyaya demək lazımdır ki, Çeçenistanda bu qədər vəhşilik törətdin, sənə irad tutulanda "Ərazimdə antiterror əməliyyatı aparıram",- dedin. Sənə olar, mənə olmaz?

20 yanvar və Xocalını onlara xatırlatmaq və beynəlxalq məhkəməyə müraciət etmək lazımdır. Bu gün də həmin canilər Rusiyada sərbəst yaşayırlar. Çox təəssüf ki, hələ də rusbaşlarımız ölkəmizdə meydan sulayır. Ə.Qarayevlərin, Ç.İldırımların nəvələri, əslində, kökündə erməni qarışığı olanlar vəzifə kürsüsündədir. Bunlar hər an 1920 və 1990-ı təkrarlaya bilərlər. Amma çox ağır zərbə alacaqlar".

Sonda müsahibimiz deyib ki, aprel döyüşləri bu millətin, bu ordunun nəyə qadir olduğunu göstərdi: "Şükür Allaha ki bu gün ordumuzda rus kafalı zabitlərin sayı azdır. Türkiyədə təhsil almış milliyyətçi zabit kadrlarımız var. Şükür ki, ordumuzda Qarabağ şəhidinin, əlilinin və veteranının balaları zabit və əsgər kimi qulluq edirlər. Şükür ki, yaşı imkan verən kifayət qədər keçmiş döyüşçü qazi və şəhid olmağa hazırdır.

Sonda həmin qüvvələrə bir daha bildirirəm, son döyüş göstərdi ki, bu millət hər şeyə görə hökumətinə güzəşətə gedə bilər, amma torpaq və Qarabağ məsələsində heç kəsə güzəştə getməyəcək. Bunu həmin günlər meydana və şəhidlərin dəfninə axışan Azərbaycan Xalqı bir daha sübut etdi".


REYTİNG.AZ  & VƏTƏNSEVƏRLƏR