Translate

29 Şubat 2012 Çarşamba

XOCALI TBMM-in MÜZAKİRƏSİNDƏ

Soyqırım təkcə Azərbaycanın deyil, Türkiyənin siyasətində də həmrəylik yaradıb 

Bu gün Türkiyə Böyük Millət Məclisində (TBMM) Xocalı faciəsinin 20 illiyinə həsr olunmuş müzakirə keçirilib. Əvvəlcə Milliyyətçi Hərəkat Partiyasının (MHP) İğdır millət vəkili, Türkiyə Azərbaycan Dərnəklərinin fəxri sədri Sinan Oğan çıxış edərək, Xocalı faciəsini parlament tərəfindən soyqırımı kimi qəbul edilməsi məsələsini qaldırıb. 

S. Oğan deyib ki, 20 il əvvəl Azərbaycana aid olan Dağlıq Qarabağ bölgəsinin Xocalı şəhərində son 100 ilin ən dəhşətli faciəsi, soyqırımı yaşanıb: “Bazar günü Türkiyənin hər yerində milyonlarla insan küçələr çıxdı, Xocalıdakı soyqırımının ağrısını ürəyində hiss etdi. Amma milyonların təmsilçisi olan bizlər hələ də bununla bağlı qərar qəbul edə bilməmişik. Qəzza üçün axıtdığımız göz yaşının yarısını Xocalı üçün axıtmadıq. Əlbəttə, Qəzza üçün ağlamaq lazımdır, amma eyni zamanda Xocalı üçün də bunu etmək çox vacibdir”.
Millət vəkili 20 il sonra ilk dəfə olaraq TBMM Xarici Əlaqələr Komissiyasının, ardınca isə Türkiyə-Azərbaycan dostluq qrupunun Xocalı soyqırımı ilə bağlı açıqlama yaydığını qeyd edib: “Düşünürəm ki, bu gün Məclis adından açıqlama yayılmasının vaxtıdır. Meksika və Pakistan Xocalıda baş verənləri soyqırımı adlandırıb. “Azərbaycanın sevinci bizim sevincimiz, kədəri bizim kədərimizdir” deyən bizlər də bir millətin iki dövləti olaraq Azərbaycanda baş verən bu vəhşiliyə soyqırımı deməliyik”.
S. Oğan TBMM-in türklərə qarşı yol verilən soyqırımlara tarixi və hüququ qiymət verməli olduğunu vurğulayıb.
Müzakirədə sonra Türkiyə hökuməti adından elm, sənaye və texnologiya naziri Nihat Ərgün çıxış edib. N. Ərgün 20 il əvvəl Xocalıda məsum insanlara qarşı törədilmiş qətliamın bəşəriyyətin boynundan asılmış utanc vəsiqəsi olduğunu bildirib: “O gecə Xocalıya daxil olan erməni silahlı dəstələri qarşılarında ordu olmadığı halda qabaqlarına çıxan hər kəsə güllə yağdırdı. Ədalət, vicdan ayaqlar altına alındı. 613 dinc sakin qətlə yetirildi. O gün Xocalının fəryadını eşitməyən dünya bu gün də bu mövqeyini davam etdirir”.
Nazir Azərbaycanla Türkiyənin iki qardaş ölkə olduğunu vurğulayıb: “Xocalıda yaşanan qətliam təkcə bizim soydaşlarımıza qarşı deyil, bütün insanlığa qarşı yönəlib. Xocalı insanlığın bu gün və gələcəkdə dərs çıxarmalı olduğu bir faciədir. Bəzi dünya ölkələri keçmişi araşdırmaqdansa, göz önündəki hadisə ilə maraqlansınlar və qiymət versinlər. Günahkarlar cəzalandırılmasa, bu tip hadisələr gələcəkdə də baş verə bilər. Bu, çox riskli və təhlükədir. Türkiyə olaraq bu qətliamın dünya tərəfindən ən incə detallarına qədər bilinməsi üçün Azərbaycana dəstəyimiz bundan sonra da davam edəcək. Biz bu günə qədər Türkiyə olaraq ədalət, vicdan və hüququn pozulduğu hər olayın qarşısında olduq, bundan sonra da qarşısında olacağıq. Xocalı hadisəsinə bənzər hadisələrin baş verməməsi üçün Türkiyə əlindən gələni edəcək. Güclü Türkiyə barış və sabitliyin təminatı olacaq”.
N. Ərgün Azərbaycan hökumətinin Dağlıq Qarabağ probleminin sülh yol ilə həllinə yönəlmiş səylərini dəstəklədiklərini bəyan edib.
Cümhuriyyət Xalq Partiyası (CHP) adından söz alan Əli Özgündüz çıxışının əvvəlində şair Səlahəddin Aslanın Xocalıya həsr etdiyi şeiri oxuyub. O, Xocalı faciəsinin BMT-nin Soyqırım Konvensiyasının 2-ci maddəsində əksini tapmış soyqırım tərifinə uyğun gəldiyini söyləyib: “1992-ci il fevralın 26-da Xocalıya girən erməni qüvvələri 613 dinc vətəndaşı qətlə yetiriblər. Ağdama qaçmağa çalışan azərbaycanlılar vəhşiliklə üzləşib. Xocalı etnik təmizliyə məruz qalıb. Bu, Ermənistanın törətdiyi ilk qətliam deyildi. 1918-ci ildə ermənilər Bakıda 30 min azərbaycanlını qətlə yetirib. Nuru paşa o vaxt Azərbaycana gedərək Bakını işğaldan qurtarıb. Xocalıdan sonra Şuşa, Laçın, Kəlbəcər, Ağdam, Qubadlı, Zəngilan, Füzuli, Cəbrayıl da işğala məruz qaldı. Bu gün Azərbaycan torpaqlarının 20 faizə yaxını işğal altındadır, 1 milyon qaçqın-köçkün var. Dünya 1915-ci ildə ermənilərin köçürülməsi olayının dalınca düşmək yerinə, 20 il əvvəl baş vermiş sənədli-sübutlu qətliamı görsün və qiymətləndirsin. Bizim erməni xalqı ilə problemimiz yoxdur, ermənilərin özlərini də sıxıntıya salan irqçi Ermənistan rəhbərləri ilə problemimiz var. Onlardan biri də Ermənistanın prezidentidir. İnşallah, Azərbaycan torpaqları işğaldan qurtular. Xocalını unutmadıq, unutdurmayacağıq!”
Milliyyətçi Hərəkat Partiyası (MHP) adından Atilla Kaya çıxış edib. A. Kaya Xocalı faciəsinin XX əsrin ən böyük qətliamlarından biri olduğunu deyib. O, problemin yaxın tarixinə nəzər salaraq, hələ 1988-ci ildə 250 min azərbaycanlının Ermənistan rəhbərliyini qərarı ilə öz tarixi torpaqlarından qovulduğunu nəzərə çatdırıb: “Bu gün Qafqazdakı qeyri-sabitliyin təməlində Ermənistan dövlətinin işğalçılıq və düşmənçilik siyasəti dayanır. Ermənistanın təkcə Azərbaycana deyil, qonşu Gürcüstan və bizim Qərbi Anadolu vilayətlərinə də ərazi iddiası var”.
A. Kaya Xocalı qətliamını törədən dəstələrə Ermənistanın indiki prezidenti Serj Sarkisyan və keçmiş prezidenti Robert Köçəryanın başçılıq etdiyini qeyd edərək S. Sarkisyanın britaniyalı jurnalist Tomas de Vaala verdiyi açıqlamanı xatırladıb: “Həmin açıqlamada Sarkisyan deyir ki, Xocalı hadisəsinə qədər azərbaycanlılar bizim mülki əhaliyə toxunmayacağımızı düşünürdülər, lakin biz zarafat etmədiyimizi azərbaycanlılara göstərdik. Yəni o, yüzlərlə, minlərlə insanın qətlə yetirilməsi ilə iftixar edir”.
A. Kaya hesab edir ki, problemin həllinin ilkin addımı kimi ermənilər Dağlıq Qarabağ ətrafındakı 7 rayondan qeyd-şərtsiz geri çəkilməli, məcburi köçkünlər öz yurdlarına dönməli və onlara kompensasiya ödənməlidir: “İşğal bitmədən, Xocalının göz yaşları qurumadan bizə rahatlıq yoxdur”.
Hakim Ədalət və İnkişaf Partiyası (AKP) adından Seyid Sərtçelik söz alıb. O, Xocalı faciəsi ilə bağlı rəsmi rəqəmləri təkrarlayaraq əslində faciənin miqyasının daha böyük olduğunu bildirib: “1275 azərbaycanlı və Ahıska türkü əsir götürülüb. Onların bir qisminin taleyindən hələ də xəbər yoxdur. 500 nəfər əlil olub. Qarabağdan qaçan yüz minlərlə azərbaycanlı bu gün qaçqın kimi yaşayır. Azərbaycan torpaqlarının 20 faizi işğal altındadır. Ermənilər 1905-1907-ci illərdə də strateji əhəmiyyətə malik olan Xocalıya dəfələrlə hücumlar ediblər”.
Dağlıq Qarabağ probleminin tarixinə nəzər salan S. Sərtçelik münaqişənin kökünün 200 il əvvələ gedib çıxdığını deyib. O, 1826-1828-ci illərdə Rusiya-İran müharibələrində ermənilərin ruslara casusluq etdiyini və ruslara yardımçı olduğunu, müharibədən sonra İranın cənubundan 40 min erməninin Dağlıq Qarabağa köçürüldüyünü, 1828-2819-cu illərdə Osmanlı-Rusiya savaşında da ermənilərin yenə rusların tərəfində yer aldığını və Osmanlının şərqindəki Doğu Bəyazit rayonunda 1000-dən çox müsəlmanı öldürdüklərini xatırladıb: “Bu cinayətdən sonra intiqamdan qorxan 90 min erməni Azərbaycan torpaqlarına qaçıb və köçürülüb. İrəvan və ətrafında azərilər çoxluqda idi, lakin o ərazilərə ermənilər köçürülərək Türkiyənin Azərbaycanla təbii əlaqəsini kəsdilər. Dağlıq Qarabağ probleminin təməli o vaxt qoyuldu”.
S. Sərtçelik də Tomas de Vaalın kitabından misal gətirərək Serj Sarkisyanın əslində öz cinayətini etiraf etdiyini söyləyib: “Xocalıda hərbi cinayət törədilib. Tragikomikdir ki, ermənilər Xocalı faciəsini əks etdirən fotoşəkilləri dünyada “erməni soyqırımı”nın sübutu kimi təqdim edirlər. Təəssüf ki, Türkiyədəki bəzi dairələr də bu təbliğata alət olur. Xocalı 20-ci əsrin utancıdır. Dünya bundan dərs çıxarmalıdır. “Xocalıya ədalət!”, “Xocalını unutma, unutdurma!” deyərək Xocalı şəhidlərini rəhmətlə anıram”. Müzakirələrdə TBMM-nin Türkiyə-Azərbaycan dostluq qrupunun sədri Nejdət Ünüvar (AKP), millət vəkilləri Yusuf Halaçoğlu (MHP), Rəşad Doğru (MHP), Ənsar Öyüt (CHP) də çıxış edərək Xocalı qətliamını lənətləyib, Azərbaycanla həmrəyliklərini bildiriblər.

APA

AZƏRBAYCANIN XAKERLƏRİ 26.02.2012 - ci il TARİXİNDƏ 1749 ERMƏNİ SAYTINI DARMADAĞIN ETDİLER

AZƏRBAYCANIN XAKERLƏRİ 26.02.2012 - ci il TARİXİNDƏ 1749 ERMƏNİ SAYTINI DARMADAĞIN ETDİLER VE ONLARIN ƏKS TƏBLİQATINA İMKAN VERMƏDİLƏR.

http://zone-h.org/archive/filter=1/published=0/notifier=CwGhost/page=1
http://www.cintres-deluxe.fr
http://www.services-vaucluse.fr
http://www.domaine-reverchon-poligny.com
http://www.ecosystem-consulting.com
http://www.emmanuelleraj-esthetiquedomicile.com
http://www.odetti-batiment.fr
http://www.c-coiffee.com
http://www.pactoleproductions.fr
http://www.garage-providentiel.com
http://www.lemantp.fr
http://www.aucoindulivre-83.com
http://www.selva-bienetre.com
http://www.leboisfute.be
http://www.ad-depannage.com
http://www.instant-privilege.com


           VƏ SAİR...

«Əl Əhram»ın iddiasına görə, yaxın gələcəkdə bölgədə Qarabağsız Böyük Azərbaycan dövləti qurulacaq, Ermənistan və Azərbaycanın bir hissəsi Böyük Kürdistana veriləcək

Misirdə nəşr olunan hökmətyönlü «Əl Əhram» qəzeti sözün həqiqi mənasında şok açıqlama ilə çıxış edib. TİA.AZ xəbər verir ki, qəzetin yazdığına görə, ABŞ-ın maliyyələşdirdiyi fondlardan birinin ofisində həyata keçirilən axtarış zamanı, polisin əlinə Qərbin bölgəni necə parçalayacağına dair xəritə keçib.

Həmin məlumatda vurğulanır ki, bu xəritəni Pentaqonun sifarişi ilə məşhur tarixçi, Priston Universitetinin professoru Bernard Luis hazırlayıb. Planın adı isə «Legitim İslam dünyasını ölkələrə parçalamaq» adlanır.

Rus ekspert Stanislav Tarasov «Regnum» Agentliyinə yazdı məqaləsində həmin xəritənin detallarını açıqlayıb. TİA.AZ həmin məqaləyə istinadən bildirir ki, orada birinci vacib məsələ Böyük Kürdistan dövlətinin yaradılması göstərilib. «Böyük Kürdistanın tərkibinə təkcə Şimali İraqdakı Kürdistan Muxtariyyəti deyil, Mosul, Kərkük, Türkiyə, İran, Suriya, Ermənistan və Azərbaycan ərazilərinin bir hissəsi də daxil edilir. Onu da xatırladaq ki, artıq Qərb mətbuatı İraqdan Azərbaycana kürdlərin hissə-hissə köçürüldüyünə dair xırda-xırda məlumatlar yayırlar».

Stanislav Tarasov xəritə ilə bağlı fikirlərini açıqlayaraq iddia edir ki, İran problemi Qərb tərəfindən çözüldükdən sonra bu ölkə parça-parça ediləcək. Və həmin parçalardan da Azərbaycana pay düşəcək. «İkincisi, İranla bağlı layihədən ibarətdir. Bu ölkənin ərazilərinin bir qismi hesabına «Bütöv Azərbaycan» yaradılacaq. Onun tərkibinə isə təkcə İrandakı Qərbi Azərbaycan deyil, habelə Əfqanıstan sərhədlərinə qədər uzanan torpaqlar veriləcək. Lakin Dağlıq Qarabağ müstəqil erməni dövlət olaraq qalacaq».

Suriyanın aqibətinə gəldikdə isə rus ekspert yazır ki, bu ölkə də bir neçə bölünəcək. «Suriyanı parçalayaraq, bir neçə yerə böləcəklər. Həmin bölünmə nəticəsində şiə vilayəti, mərkəzi Hələb olan sünni dövləti, mərkəzi Dəməşq olan ikinci sünni dövləti, druzların dövləti (Bura Holan təpələri, İordaniya və Livanın qərbi daxildir) yaradılacaq. Məhz bu səbəbdən də Liviya və Tunisin ələ keçirilməsi lazım olduğu üzə çıxır. Çünki onların əldə edilməsi yeni geosiyasi məkanın ortaya çıxmasına səbəb olacaq».

Qeyd edək ki, belə bir məlumatın nə dərəcədə həqiqət olduğunu demək çox çətindir. Çünki ortada ziddiyyətli məqamlar da az deyil. TİA.AZ-ın müraciət etdiyi bəzi ekspertlər bildirirlər ki, İran və Suriyanın parçalanması inandırıcı görünsə də, Dağlıq Qarabağın «müstəqil dövlət» olaraq qalmasına bir o qədər inanmırlar. Eyni zamanda onlar hesab edirlər ki, əgər bölgədə həqiqətən də Böyük Azərbaycan dövləti yaradılarsa, o zaman Ermənistan və Qarabağın varlığı belə sual altına düşəcək. Çünki əhatə olunan ərazilər bu iki subyekti öz mühasirəsinə alacaq və qısa müddətdən sonra içində əridəcək.

Böyük Kürdistan dövlətinin yaradılmasına gəldikdə isə ekspertlər Qərbin bununla bağlı planının olduğunu mümkün sayırlar. Onlar qeyd edirlər ki, Türkiyə, İran və İraqdakı kürdlərin yaşadığı əraziləri birləşdirdikdə, bölgədə yeni bir dövlətin formalaşdırılması mümkündür. Amma buraya Azərbaycan ərazilərinin də daxil edilməsi bir qədər imkansız görünür. Çünki belə olan təqdirdə, Ermənistan xəritədən silinir. «Burada bir ehtimal irəli sürmək mümkündür ki, Böyük Kürdistan dövləti yaradıldıqdan sonra Ermənistanın böyük bir qismi xəritədən silinəcək. Ermənilərə isə Ermənistanın yerdə qalan kiçik hissəsi və Dağlıq Qarabağ yaşamaq üçün verilə bilər. Amma bu da bir o qədər inandırıcı hesab olunan deyil».

27 Şubat 2012 Pazartesi

DÜNYAYA MÖHTƏŞƏM XOCALI MESAJI



Türklüyün böyük İstanbul və Bakı dalğası ermənini vurdu
Prezident İlham Əliyev xalqla birgə yürüşə qatıldı, İctimai Palata yüksək səviyyəli aksiya keçirdi; İstanbulun Taksim meydanında isə Azərbaycana dəstək məqsədilə son illərin ən izdihamlı mitinqi reallaşdırıldı 


Xocalıda körpələri süngüyə keçirən, ahılları işgəncə ilə öldürən, qadınlara təcavüz edən, kişiləri kəsib-doğrayan erməni vəhşiliyinin 20 ili tamam oldu. Bu faciənin ildönümü münasibətilə təkcə Azərbaycanda yox, qardaş Türkiyədə və Şimali Kipr Türk Cümhuriyyətində də izdihamlı etiraz mitinqləri keçirildi. Azərbaycan və Türkiyədə yüz minlərlə insanın qatıldığı yürüş-mitinqlər bütün dünyaya səs saldı. Bundan əlavə, ayrı-ayrı ölkələrdə yaşayan türk topluluqları da Xocalıda dinc insanlara qarşı bu bəşəri cinayəti törətmiş erməni cinayətkarlarını lənətlədilər. Belə aksiyalar dünyanın 40 şəhərində keçirilib. 

Həm Türkiyədə, həm də Azərbaycanda iqtidarla müxalifət birləşərək erməni faşizminə etirazını bəyan etdilər. Fevralın 26-da Bakı və İstanbul meydanlarını “Xocalıya ədalət”, “Hamımız Xocalıdanıq” şüarları bürüdü. Bakının Azadlıq meydanından Xocalı qurbanlarının xatirəsinə ucaldılmış “Ana harayı” abidəsinə doğru səhər saatlarından izdihamlı yürüş başlandı. Eyni zamanda Türkiyənin İstanbul şəhərindəki mərkəzi Taksim meydanında izdiham yaşandı. İstanbuldakı aksiyada yüz minlərlə adam iştirak edib. Yerli müşahidəçilərin və ekspertlərin rəyinə görə, bu, son illərin ən böyük aksiyası idi. Taksim aksiyası hətta Türkiyə gündəmini, Türkiyənin Azərbaycan məsələlərinə münasibətini dəyişə biləcək böyük bir hadisə kimi qiymətləndirilir.

Azadlıq meydanında 100 minlik etiraz mitinqi



Bakıdakı ümumxalq yürüşündə ölkə başçısı İlham Əliyev də əvvəldən axıradək iştirak etdi. Azadlıq meydanından başlayan mitinqdə 100 mindən çox insan var idi. Ön sırasında İ.Əliyevin və ailə üzvlərinin olduğu yürüş iştirakçıları Azadlıq meydanından Xətai rayonunda ucaldılmış Xocalı abidəsinə doğru hərəkətə başladılar. Bu izdihamın keçdiyi prospekt və küçələr boyu əllərində qanlı qırğının qurbanlarının portretləri, bu soyqırımına beynəlxalq səviyyədə obyektiv siyasi-hüquqi qiymət vermək barədə çağırışlar, soyqırımı qurbanlarının ad-soyadları yazılmış transparantlar, “Dünya Xocalı soyqırımını tanımalıdır!”, “Xocalıya ədalət!”, “Xocalını unutmayın”, “Rədd olsun erməni faşizmi!” və s. sözlər yazılmış plakatlar tutan gənclər yürüyürdü.

Xocalı soyqırımı qurbanlarının abidəsinin yanında fəxri qarovul dəstəsi və tər çiçəklər düzülmüşdü. Ölkə başçısı Xocalı soyqırımı abidəsinin önünə əklil qoydu, faciə qurbanlarının xatirəsini ehtiramla yad etdi. Tədbirə hökumət və dövlət rəsmiləri də qatılmışdılar. Ümumxalq yürüşündə iştirak edənlər abidə önündə “Xocalıya ədalət”, “Xocalını unutmayın”, “Xocalı - əsrin soyqırımı” şüarlarını səsləndirdilər.

Aksiyalar bununla da yekunlaşmadı, gün ərzində “Ana harayı” abidəsinə axın-axın insanlar gəlirdi. Müxtəlif təşkilatların, hökumət və qeyri-hökumət qurumlarının işçiləri, sadə vətəndaşlar, Xocalı qətliamının şahidləri, tələbələr, bir sözlə, hamı bir nəfər kimi yürüş-mitinqdə iştirak edirdi.

İctimai Palatanın izdihamlı aksiyası




Gözlənildiyi kimi, ümumrespublika tədbirində iqtidarla müxalifət arasında ayrı-seçkilik olmadı, siyasi baxışlar, siyasi ixtilaflar arxa plana keçdi. Bütün millət Xocalı dərdi ətrafında birləşdi. İctimai Palata (İP) əvvəlki illərlə müqayisədə daha izdihamlı yürüş-mitinq təşkil etdi. Müxalifət “A.M.A.Y.” ticarət mərkəzinin qarşısından Xocalı abidəsinə doğru böyük yürüş təşkil etdi. Öndə Müsavat başqanı İsa Qəmbər, AXCP sədri Əli Kərimli olmaqla İP üzvləri, ictimai fəallar, gənclər aksiyada fəal iştirak edirdilər. “A.M.A.Y.”ın önündən başlanan yürüşə polis müdaxilə etmədi və Xocalı abidəsinə qədər şüarlar səsləndirildi.

Minlərlə müxalifət fəalının iştirak etdiyi yürüşdə “Xocalıya ədalət”, “Qarabağ”, “Şəhidlər ölməz, vətən bölünməz”, “Azadlıq” və “Azərbaycan” şüarları səsləndirildi. İzdiham Mərkəzi Neftçilər Xəstəxanasına çatanda iştirakçıların sayı daha da artmışdı. Gənclərin əllərində “Xocalı, Serebrenitsa, Ruanda... soyqırımına son”, “Xocalı: dünya birliyi susur, tarix susmayacaq” şüarları yazılmış plakatlar var idi. Sonra Xocalı abidəsi önündə əklillər qoyuldu, dualar oxundu.
Müsavat başqanı İsa Qəmbər çıxışında Azərbaycan dövlətinin və xalqının Qarabağı azad etməyə qadir olduğunu vurğuladı. İ.Qəmbər qeyd etdi ki, Xocalının qisası alınacaq: “Biz Şuşamızı, Xocalımızı azad etməliyik, insanlarımız öz torpaqlarını qayıtmalıdır və orada xoşbəxt yaşamalıdır. O gün Xocalının qisası alınmış olacaq, şəhidlərimizin ruhu şad olacaq. Xalqımız buna qadirdir. İnanıram ki, Qarabağı azad edəcəyik. Tanrı Azərbaycanı qorusun”.
AXCP sədri Əli Kərimli Xocalı qətliamını törədənlərin Haaqa tribunalında cavab verməli olduqlarını bildirdi: “İnsanlığa qarşı bu vəhşilik cavabsız qalmamalıdır. Biz eyni şəkildə cinayət törədə bilmərik, bu amansızlığı edənlər, dövlət rəhbərləri Beynəlxalq Haaqa Məhkəməsində cavab verməlidir. Faşistlər, terroristlər cəzalandırmalıdır, bütün dünya onların sifətini görməlidir. Bu, şəhid olan insanlarımızın narahat ruhlarına ən böyük məlhəm olar. Mən inanıram ki, millətimiz Qarabağı azad edəcək. Allah bizə o gücü versin. Şəhidlərimizin qarşısında o zaman alnıaçıq ola biləcəyik”.

Polis gənclərin Xocalı aksiyasını dağıda bilmədi




İP-in aksiyası yekunlaşandan sonra fəal gənclər dünən “Torqovı”da (Nizami küçəsi) toplaşdılar. Amma polis Nəsimi heykəlinin yaxınlığında yığışan gənclərə “Xocalıya ədalət” deməyə də imkan vermədi. Polislər gənclərin bu plansız aksiyasından narahat olaraq onlara siyasi şüarlar səsləndirməyin yolverilməz olduğunu bildirdilər. Gənclər onları əmin etdi ki, şüarlar yalnız Xocalı qətliamına aid olacaq, burada heç bir siyasətdən, heç bir siyasi şüardan söhbət gedə bilməz.
Yalnız bundan sonra polislər öz rəhbərlikləri ilə danışaraq aksiyaya icazə verilib-verilməməsini müzakirə etdilər. Ancaq tərəflər arasında razılıq olmadı. Gənclərin başqa istiqamətə getdiyini görən polislər onları qovub təqib etməyə və aksiyanı dağıtmağa başladılar. Bu zaman polislə gənclər arasında toqquşma baş verdi. Polis fəal xanımlara qarşı təhqiramiz ifadələr işlətdi, bu zaman qarşıdurma yarandı. Polislə gənclər əlbəyaxa oldular, aksiyaçılara təzyiq göstərildi.
Bununla belə, Xocalı qətliamı ilə bağlı yürüş-mitinqi keçirməkdə israrlı olan gənclər məqsədinə çatdı. Təxminən 100-ə yaxın gənc “Torqovı”da “Xocalıya ədalət” şüarını səsləndirdi, dövlət himnini oxudular. Polis yenidən onlara sərt şəkildə müdaxilə etməyə cəhd göstərəndə gənclərin hamısı oturaq aksiyaya başladı. Gənclər əllərindəki plakatları qaldırdı, şüarlar səsləndirdi, sonra dağılışdılar, saxlanan olmadı.
AXCP Gənclər Komitəsinin rəhbəri Əbülfəz Qurbanlı dedi ki, polis gənclərdən Bəyim Həsənliyə, Toğrul İbrahimə və Dadaş Sadıqlıya əl qaldırıb: “Nəsimi heykəli yaxınlığında toplanıb dinc aksiya keçirmək istədik, icazə verilmədi. Məcbur qalıb başqa küçə ilə yürüş etdik. Bu zaman polis yenə qarşımızı kəsdi. Biz yerdə oturduq və himni oxuduq. Hətta yoldan keçən paytaxt sakinlərindən də bizə qoşulanlar oldu. Beləcə, aksiya başa çatdı”.

Türkiyənin qəlbi Xocalı ilə vurdu...



Qeyd etdiyimiz kimi, dünən Bakıdakı izdihamlı aksiya ilə yanaşı Türkiyədə 60 mindən çox insanın iştirakı ilə mitinq keçirildi. İstanbulun Taksim meydanında düzənlənmiş aksiyada iştirak edənlər əllərində Azərbaycan və Türkiyə bayraqlarını tutublar. Xocalı soyqırımına lazımi hüquqi qiymət verməyən beynəlxalq təşkilatları və dünyanın nüfuzlu ölkələrini qınayan ifadələrin yer aldığı plakatlar qaldırıblar və şüarlar səsləndirilib. Mitinqə Türkiyədəki tələbələrimiz, güneyli soydaşlarımız, türkiyəli gənclər də qatılıblar. Aksiyaya Ankarada, Mərsində, Kayseridə təhsil alan azərbaycanlı tələbələr də qoşulublar.
“Yeni Müsavat”ın Taksimdəki mitinqə qatılan əməkdaşı Fərahim İlqaroğlunun xəbərinə görə, mitinq başlamazdan öncə soyqırımı qurbanlarının xatirəsi bir dəqiqəlik sükutla yad edilib. Sonra Türkiyənin dövlət himni səslənib, azərbaycanlı müğənni Azərin Azərbaycanın dövlət himnini, ardınca isə “Çırpınırdın, Qara dəniz” mahnısını oxuyub.
Əllərində üzərində “Qarabağ bizimdir, bizim olacaq!”, “Hamımız azərbaycanlıyıq, hamımız türkük!”, “Dünya, Xocalı fəryadını duy!”, “Yaşamaq hüququ müqəddəsdir!”, “Bir millət, iki dövlət, Qarabağa ədalət!”, “Xocalı soyqırımını qınayırıq!”, “Qəlbimizdə Xocalı, hamımız xocalılıyıq!”, “Erməninin yalanına son!”, “Türkün türkdən başqa dostu yoxdur”, “Bunlardan kim üzr istəyəcək?”, “Türklərə edilən soyqırımlar tanınsın!”, “Ya Qarabağ, ya ölüm, başqa yolu yox artıq!” şüarlar yazılan plakatlar tutmuş aksiya iştirakçıları eyni məzmunda şüarlar səsləndirirlər.
Mitinq keçirilən meydana İstanbul valisi Hüseyn Avni Mutlu və İstanbulun polis rəisi Hüseyn Çapkın da gəlib. Qeyd edək ki, aksiyada Azərbaycan və Türkiyədən millət vəkilləri, ictimai-siyasi xadimlər, media mənsubları, Türkiyənin qeyri-hökumət təşkilatları, həmkarlar ittifaqlarının, ülkü ocaqlarının, siyasi partiyaların nümayəndələri, Türkiyədə yaşayan, eləcə digər ölkələrdən gəlmiş azərbaycanlılar iştirak ediblər.
Tədbirə Türkiyənin daxili işlər naziri İdris Naim də qatılıb. Nazir bildirib ki, Azərbaycan-Türkiyə bir millət iki dövlətin yer üzündəki ən canlı örnəyidir: “Türk milləti əsrlərdir yer üzündə qürurla yaşayıb. Qürurla həyatını gerçəkləşdirib və geridə böyük dövlətlər buraxıb. Türk milləti həmişə zülmün, zalımın qarşısında, məzlumun yanında olub”.

İstanbuldakı Fransa konsulluğu yumurta atəşinə tutuldu



Xocalı soyqırımında şəhid olanların sayını göstərən 613 ədəd qara şar havaya buraxılıb. Meydanda iştirakçılara üzərində “Sarkozi” yazılan tualet kağızları paylanıb. Müxbirimiz F.İlqaroğlu bildirdi ki, Taksim meydanı dolduğundan İstiqlal və Tarlabaşı küçələrindən gələn insanların aksiyaya qatılmasında problem yaranıb. Yaranmış izdihamda bir neçə nəfərin səhhətində problem yaranıb, həkim briqadaları onlara tibbi yardım göstərib.
Aksiya iştirakçılarının bir qrupu Fransa konsulluğunun qarşısına qara çələng qoyub. Aksiyaçılar konsulluğun binasına ayaqqabı və yumurta atıblar. Bundan başqa, meydanın yaxınlığında yerləşən restoranda ABŞ bayrağı endirilərək əvəzində Türkiyə və Azərbaycanın bayraqları asılıb. Aksiyaya Türkiyənin məşhur Osmanlı Hərbi Marş Orkestri - “Mehtər Takımı” da qatılıb.
Fərahim İlqaroğlu bildirdi ki, Taksim aksiyasının möhtəşəm alınmasında Azərbaycan hökumətinin ciddi rolu olub. Əməkdaşımız bildirdi ki, Diasporla İş üzrə Dövlət Komitəsi Türkiyədəki aksiyanın təşkilində və keçirilməsində əməyi çoxdur.
Aksiyanın sonunda qətnamə oxunub. Qətnamədə 1992-ci il, fevralın 26-da ermənilərin Azərbaycanın Xocalı şəhərində soyqırımı törədikləri vurğulanıb. Qeyd olunub ki, soyqırımı həyata keçirənlər tezliklə beynəlxalq hüquq normalarına uyğun cavab verməlidirlər. Bu kimi hadisələrin bir daha yaşanmaması üçün Xocalı soyqırımını həyata keçirənlərin cavab verməsinin vacibliyi bildirilib. Qətnamədə işğal altında olan Azərbaycan torpaqlarının işğaldan azad olunması, azərbaycanlıların tezliklə öz torpaqlarına dönməsi, bölgənin “Sülh bölgəsi” elan olunması tələb olunub. Aksiyanın sonunda Azərbaycan və Türkiyə sənətçiləri birgə “Sarı gəlin” türküsünü ifa ediblər.
MHP başqanı Dövlət Baxçalı da Xocalı ilə bağlı yazılı açıqlama yayıb. Açıqlamada Xocalı faciəsinin əsrin ən böyük faciə kimi tarixə düşdüyü vurğulanıb: “Soydaşlarımızın namusuna, şərəfinə təcavüz etməyə cürət edən erməni əxlaqsızlığını əziz millətimiz lənət və nifrətlə xatırlayacaq”.
CHP-nin qurultayında partiyanın sədri Kamal Kılıçdaroğlu da bu mövzuda çıxış edib. Kılıçdaroğlu Xocalı soyqırımını heç vaxt unutmayacaqlarını deyib.

“Yavru vətən”də qələbəlik...



Eyni zamanda fevralın 26-da Şimali Kipr Türk Cümhuriyyətinin (ŞKTC) paytaxtı Lefkoşada Xocalı soyqırımı ilə bağlı mitinq təşkilatçıları ilk beynəlxalq telekanallardan olan “Kanal T”də canlı yayıma qatılıblar. Canlı yayımda Xocalı faciəsi barədə Türkiyədəki ülküçü hərəkatın öndə gələn isimlərindən olan Yusuf Ziya Arpacıq, Azərbaycanın sabiq baş naziri Pənah Hüseyn, “Yeni Müsavat” qəzetinin baş redaktoru Rauf Arifoğlu çıxış ediblər.
Sonra Kiprin Şəhidlər Xiyabanında mitinq keçirilib. Bu barədə Kiprdə olan Pənah Hüseynin qəzetimizə verdiyi xəbərə görə, Xocalı soyqırımına həsr olunmuş mitinqə siyasi xadimlər və ictimaiyyətin nümayəndələri qatılıblar. Mitinqdə çıxış edənlər bu amansız qətliamı pisləyib, hərbi canilərin buna görə cavab verməli olduğunu bildirib.
Mitinqdə Şimali Kipr Türk Cümhuriyyətinin maliyyə naziri Ersin Tatar, Yaxın Doğu Universitetinin professoru Fəxrəddin Məmmədov, Azərbaycanda könüllü olaraq ermənilərə qarşı savaşmış Yusuf Ziya Arpacıq, təşkilatçılardan Əhməd Ötükən, 94 yaşlı şair Kamal Qaradəri, Pənah Hüseyn, Rauf Arifoğlu və başqaları çıxış ediblər.
Rauf Arifoğlunun musavat.com-a verdiyi xəbərə görə, Lefkoşadakı aksiya möhtəşəm olub: “Bir daha təsdiqləndi ki, istər qardaş Türkiyə, istərsə də ”yavru vətən" Şimali Kipr Azərbaycanla doğmadır, qardaşdan da ötədir, sevincləri, kədərləri birdir. Elə mitinq iştirakçılarından birinin qaldırdığı transparant da bu cür idi: “Can Azerbaycan, kederiniz kederimizdir”. Bu mənzərəni gördükdə türk birliyi ilə qürur duymamaq mümkün deyildi". R. Arifoğlu Azərbaycan adından Şimali Kipr aksiyasının təşkilatçılarına, Kipr dövlətinə, həmçinin ölkəmizin təvazökar dostu, iş adamı Naim Aydoğduya (o da Qarabağ uğrunda savaşan könüllülərdən olub-red. ) təşəkkürlərini çatdırıb. R.Arifoğlu deyib ki, bu nümayişlər gücümüzün miqyasını və erməni-türk savaşının perspektivlərinə dair ümidləri ortaya çıxartdı.
Ümumən isə dünən dünyanın onlarla şəhərində Xocalı faciəsinin 20-ci ildönümü qeyd olunub, erməni cinayətkarlarının törətdiyi vəhşilik pislənib. Xatırladaq ki, Xocalı soyqırımı nəticəsində 613 nəfər öldürülüb, 1275 nəfər əsir götürülüb, 150 nəfər itkin düşüb, 487 adam qəddarlıqla şikəst edilib. 8 ailə bütünlüklə məhv edilib. Qətlə yetirilənlərin 106-ı qadın, 63-ü uşaqdır.
Allah bütün şəhidlərimizə, o cümlədən Xocalı şəhidlərinə rəhmət eləsin. Amin!

Emil SALAMOĞLU

26 Şubat 2012 Pazar

BU GÜN HƏM DƏ QANADIMI İTİRDİYİM GÜNDÜR





Oqtay İrşadoğlu (Əliyev)
(Doğum tarixi: 18.10.1960 - Ölüm tarixi: 27.02.2006).


Bu günlər dünyada yaşayan bütün azərbaycanlılar "XOCALI SOYQIRIMI" represiyasını ürək yanğısı ilə yad edirlər.

 Xocalı soyqırımı insaniyyətə qarşı cinayətdir. Xocalı soyqırımı dünyadakı bütün dinlərin qəbul etmədiyi bir cinayətdir.
 Xocalı faciəsini törədən cinayətkarların və onların arxasında duran qüvvələrin əsas məqsədi Azərbaycan torpaqlarının işğalı və bu ərazilərdə etnik təmizləmə siyasətinin aparılması olub. Düşmənlərimiz öz məqsədlərinə günahsız insanların qanı hesabına çatıblar. Onlar qəsbkarlıq siyasətlərindən əl çəkmək istəmirlər. Bu kütləvi qırğını törətmiş cinayətkarlar hələ də azadlıqdadırlar. Mən haqq - ədalətin zəfər çalacağına, bu cinayətkarların öz layiqli cəzalarını alacaqlarına ümid edirəm. Bunun üçün xalqımın beynəlxalq birliyin köməyinə də ehtiyacı var.


 Bu gün, həm də, altı il bundan əvvəl "qanadımı" itirdiyim gündür. O vaxtdan tək qanadla qalmışam, heç yana uça bilmirəm. Könlüm keçir Qarabağdan, uça bilmirəm. Könlüm keçir İrəvandan, uça bilmirəm. Könlüm keçir Urmiyadan, uça bilmirəm. Tək qanadla uçmaqmı olar ?


 
Bəli, bu gün, altı il bundan əvvəl "qanadımı" itirdiyim gündür. Bu gün, mərhum qardaşım Oqtay İrşad oğlu Əliyevi itirdiyim gündür. Azərbaycan Respublikası Milli Təhlükəsizlik Nazirliyinin sabiq əməkdaşı, mərhum Oqtay İrşad oğlu Əliyevin vətənimiz, xalqımız, dövlətimiz üçün gördüyü işlərdən, aldığı qiymətli mükafatlardan bu vaxtadək çox soydaşımız xəbərsiz olub. Oqtay Əliyev də Azərbaycanın müstəqilliyi və ərazi bütövlüyü uğrunda yorulmadan çalışıb. Birinci Qarabağ müharibəsində əlinə silah götürüb erməni təcavüzkarlarına qarşı döyüşüb. Ermənistan və onun himayədarları tərəfindən Qarabağda yaradılan terrorçu rejimin ölkəmizin sərhədlərini zorla dəyişdirməyə cəhd göstərməsinə qarşı mübarizə aparıb. Müharibə veteranı adını qazanıb. Atəşkəs dövrü Qarabağ həsrətindən, orada dəfn edilmiş əcdadlarının həsrətindən, şəhid olmuş dostlarının həsrətindən sıxıntı çəkərək 45 yaşında şəhid olub.
Allah rəhmət eləsin !



ALLAH BÜTÜN ŞƏHİDLƏRİMİZƏ RƏHMƏT ELƏSİN ! AMİN ...

Adil İrşadoğlu (Əliyev).

27.02.2012.

AlertPay's Facebook Contests

23 Şubat 2012 Perşembe

Azərbaycan və Türkiyə arasında hüquqi əməkdaşlıq genişlənir

Fevralın 23-də ölkəmizə səfərə gələn Türkiyənin daxili işlər naziri İdris Naim Şahin Azərbaycanın ədliyyə naziri, Məhkəmə-Hüquq Şurasının sədri Fikrət Məmmədovla görüşüb.

Ədliyyə Nazirliyinin mətbuat xidmətindən cümə axşamı Trend-ə verilən məlumata görə, ölkələrimiz arasında dostluq və tərəfdaşlıq münasibətlərinin bütün istiqamətlərdə, o cümlədən hüquqi sahədə inkişafını qeyd edən Məmmədov, zəngin müqavilə-hüquq bazasına söykənən ikitərəfli əlaqələrin daha da möhkəmləndirilməsini, hər iki dövlətin ədliyyə nazirlərinin qarşılıqlı səfərlərinin, beynəlxalq təşkilatlar çərçivəsində göstərilən dəstəyin əhəmiyyətini, habelə Ədliyyə akademiyaları arasında səmərəli əməkdaşlığı vurğulamışdır.

Dövlət başçısı İlham Əliyevin rəhbərliyi ilə məhkəmə və ədliyyə sahəsində aparılan islahatlar və qazanılmış nailiyyətlər barədə məlumat verilib.

Azərbaycana səfərindən məmnunluğunu ifadə edən türkiyəli nazir, xalqlarımız arasında qardaşlıq münasibətlərinin dinamik inkişafını qeyd edib, respublikamızın nailiyyətlərini təqdir edib, ölkələrimiz arasında hüquqi əməkdaşlığın daha da dərinləşdirilməsinin əhəmiyyətini vurğulayıb.

Görüşdə qarşılıqlı fəaliyyətin perspektivləri, elektron xidmətlərin tətbiqi, bələdiyyələrin fəaliyyəti və s. məsələlər barədə fikir mübadiləsi aparılıb.

Tədbirdə Türkiyənin Azərbaycandakı fövqəladə və səlahiyyətli səfiri Hulusi Kılıç iştirak edib. Qonaqlar nazirlikdə Ədliyyə tarixi muzeyi ilə tanış olublar.

BİR CÜMLƏ XƏBƏR

> Qazaxıstanda Trend BİA-nın Xocalı soyqırımına dair çəkdiyi "Sözün bitdiyi zaman"          filmi nümayiş olunub.

> Qaradağ rayonunda Xocalı soyqırımı ilə bağlı "dəyirmi masa" keçirilib.

> Xocalı faciəsinə həsr olunmuş kitab Almaniyada bütün orta və ali məktəblərdə yayılacaq.

> Türkiyənin Girəsun şəhərində Xocalı soyqırımının ildönümü ilə bağlı tədbir keçirilib.

> İordaniya mətbuatında Xocalı faciəsinə həsr olunmuş məqalə çap olunub.

Din xadimləri Xocalı soyqırımı ilə bağlı dünya liderlərinə müraciət qəbul edib

Hacı Allahşükür Paşazadə Bakıda Dağlıq Qarabağ və Xocalı dəhşətlərini özündə əks etdirən kompleksin yaradılması təklifi ilə çıxış edib.

 Bu gün Qafqaz Müsəlmanları İdarəsində Xocalı soyqırımının 20-ci ildönümü ilə bağlı müzakirələr aparılıb. Müzakirələrdə Azərbaycanda fəaliyyət göstərən bütün dini icmaların rəhbərləri, işğal altında olan rayonların icra başçıları, Xocalı sakinləri, millət vəkilləri və ziyalılar iştirak edib. 

 Bütün Qafqazın şeyxi Hacı Allahşükür Paşazadə Bakıda Dağlıq Qarabağ və Xocalı dəhşətlərini özündə əks etdirən kompleksin yaradılması təklifi ilə çıxış edib. Bununla bağlı Azərbaycan prezidentinə müraciət ünvanlanacaq. 

  Konfransda çıxış edən Qafqaz Müsəlmanları İdarəsinin sədri, bütün Qafqazın şeyxi Hacı Allahşükür Paşazadə Xocalı soyqırımının insaniyyətə qarşı cinayət olduğunu, bu cür cinayətləri dünyadakı bütün dinlərin qəbul etmədiyini bildirib. 

  Konfransda Xocalı soyqırımı ilə bağlı Azərbaycandakı bütün dini icma rəhbərlərinin dünya dövlətlərinin liderlərinə ünvanladıqları müraciət oxunub.



Aqşin Rafiqoğlu

Xocalı soyqırımının 20-ci ildönümü Vaşinqtonda anılıb



Mərasimdə iştirakçılar soyqırımını əks etdirən foto-sərgi ilə də tanış olublar

 Xocalı soyqırımının 20-ci ildönümü münasibətilə, fevralın 22-də Azərbaycanın ABŞ-dakı Səfirliyi Vaşinqtonda anma mərasimi keçirib. Səfirliyin mətbuat xidmətindən ANS PRESS-ə daxil olan məlumata görə, ABŞ Konqresi ərazisində yerləşən nüfuzlu “Ehtiyatda olan Zabitlər Assosiasiyası”nın binasında keçirilən anma mərasimində müxtəlif hökumət və qeyri-hökumət təşkilatlarının nümayəndələri, xarici diplomatlar, KİV təmsilçiləri, Vaşinqtonun bir sıra tanınmış beyin mərkəzlərinin ekspertləri, alim və tələbələr, iş adamları, Azərbaycan və türk diasporunun üzvləri və digər şəxslər iştirak ediblər.

  Azərbaycanın ABŞ-dakı Səfiri Elin Süleymanov çıxış edərək, öncə Xocalı soyqırımının necə baş verməsi və faciənin qurbanları barədə məlumat verib. Azərbaycan xalqının daima güclü etnik və dini dözümlülük ənənələri ilə fərqləndiyini qeyd edən Səfir Xocalı soyqırımı baş verərkən bu faciəni tam şəkildə anlamağın, xüsusilə etnik mənsubiyyətinə görə günahsız insanların, o cümlədən çoxlu sayda uşaq, qadın və yaşlıların belə vəhşicəsinə qətlə yetirilməsinin dərk edilməsinin hər bir azərbaycanlı üçün olduqca ağır və çətin olduğunu bildirib. E.Süleymanov Xocalı faciəsinin qurbanlarının əziz xatirəsinin Azərbaycan xalqının qəlbində daima yaşayacağını qeyd edərək, azərbaycanlıların qisas arzusunda olmadıqlarını, yalnız ədalət və sülh istədiklərini diqqətə çatdırıb.

  ABŞ-da fəaliyyət göstərən Qarabağ Fondunun icraçı direktoru Dayana Koen Altman öz nitqində Xocalı faciəsi barədə fikirlərini bölüşüb, bu faciənin məsum qurbanlarının hər zaman yad edilməsinin vacib olduğunu bildirib və Xocalı barədə məlumatların gələcək nəsillərə çatdırılması üçün öz tövsiyələrini verib. Bu səpkidə natiq faciə qurbanlarına dair əşyaların toplanmasının zəruri olduğunu bildirərək, Vaşinqtonda fəaliyyət göstərən Holokost Xatirə Muzeyi timsalında belə əşyaların gələcək nəsillərin məlumatlandırılması baxımından yüksək dəyər daşıyacağını qeyd edib.

  Sonra ABŞ-da işçi səfərdə olan AR Milli Məclisinin üzvləri Asim Mollazadə və Sevinc Fətəliyeva çıxış ediblər. A.Mollazadə Xocalı faciəsini törədən cinayətkarların və onların arxasında duran qüvvələrin əsas məqsədinin Azərbaycan torpaqlarının işğalı və bu ərazilərdə etnik təmizləmə siyasətinin aparılması olduğunu bildirərək, onların öz məqsədlərinə günahsız insanların qanı hesabına çatdıqlarını qeyd edib. Bu kütləvi qırğını törətmiş cinayətkarların hələ də azadlıqda olduğunu vurğulayan millət vəkili haqq-ədalətin zəfər çalacağına, bu cinayətkarların öz layiqli cəzalarını alacaqlarına ümidvar olduğunu bildirərək, bu məsələdə beynəlxalq birliyin köməyinə ehtiyacın olduğunu diqqətə çatdırıb.

  S.Fətəliyeva Azərbaycanın bu gün 20 il öncəki Azərbaycan olmadığını, daha güclü və inkişaf etmiş dövlətə çevrildiyini bildirib, bununla yanaşı Xocalı faciəsinin bu gün də 20 il öncə olduğu kimi hər bir azərbaycanlını ağrıtdığını və bu ağrını unutmağın qeyri-mümkün olduğunu qeyd edib.

  Nitqlərdən sonra ABŞ-da yaşayan həmyerlimiz, kamança ustası İmamyar Həsənov Xocalı soyqırımı qurbanlarının xatirəsinə həzin musiqi parçaları ifa edibr.

  Mərasimdə iştirakçılar soyqırımını əks etdirən foto-sərgi ilə də tanış olublar. Xocalı soyqırımı, həmçinin Ermənistanın Azərbaycana qarşı təcavüzü barədə kitab, broşür, jurnal və disklər iştirakçılar arasında paylanıb.

“ERMƏNİLƏR YALAN DANIŞIR, MƏN VARAM...”



Xocalıda 22 yaxınını itirən gənc qız ermənilərə “Hürriyet” qəzeti vasitəsilə cavab verdi

 Bütün dünya onu Fransa prezidenti Nikola Sarkozi və Ermənistan prezidenti Serj Sərkisyana göndərdiyi məktublar sayəsində tanıdı. Hələ 3 aylıq körpəykən anasının bətnində bu faciəni yaşan Zərifə, atası da daxil olmaqla 22 yaxınını itirib. İndi Zərifənin 20 yaşı var və universitetinin ikinci kurs tələbəsidir.

 Qırğının 20-ci ildönümündə, Sarkozi və Sarkisyana, yaşadığı böyük ağrını əks etdirən məktublar göndərən Zərifənin bu cəhdinə ilk məkrli cavab bu gün Ermənistandan gəlib. Hər nə qədər Ermənistan, “Bu məktub vardır, amma belə bir qadın yoxdur. Bu adam xəyalıdır” desə də, Türkiyənin “Hürriyet” qəzeti Zərifə Quliyevanı Xocalı qırğınını anma yığıncaqlarına qatılmaq üçün gəldiyi İstanbulda qaldığı oteldə tapıb və bu iddianı soruşub. Beləcə Zərifə, bütün dünyaya, Türkiyə mətbuatı vasitəsilə səslənib: “Ermənistan yalan söyləyir. Gördüyünüz kimi, mən varam, gerçək olaraq buradayam”.
 Qeyd edək ki, anası Rahilə Quliyeva ilə birlikdə İstanbula gələn Zərifə, sabah keçiriləcək mətbuat konfransında, Xocalı qırğınını yaşayan bir qrup azərbaycanlı ilə birlikdə yaşadıqlarını danışacaq. Bazar günü isə Taksimdə daha böyük bir mətbuat konfransı keçiriləcək və Zərifə orada iştirak edəcək. Zərifə riyaziyyat müəllimliyini oxuyur və açıqlamasında “universiteti bitincə Türkiyəyə gəlib işləmək istəyirəm. Buranı çox sevirəm” deyib.
Yazdığı məktublara gəlincə isə “mənim fikrimdi. Mətnləri mən qələmə aldım. Anlatmalıydım. Daha susamazdım” deyə, ona ünvanlalan sualları cavbandırıb.
 Zərifənin anası Rahilə xanım müsahibəsində Xocalı günü haqqında bunları deyib: “Daha qızım doğulmamışdı. İki yaşındakı oğlum və ərim yanımda idi. Evdə oturmuşduq. Gecə saat 10-da qəfil atəşə tutulduq. Mən dörd güllə yarasıyla xilas ola bildim. Oğlum və ərim öldü. Zərifə altı ay sonra doğuldu...”
 Qeyd edək ki, hazırda Türkiyənin Taksim meydanında fevralın 26-da baş tutacaq yürşülə bağlı ciddi hazırlıqlar gedir. 

Fərahim İLQAROĞLU

22 Şubat 2012 Çarşamba

Türkiyə Böyük Millət Məclisinin komissiyasında Xocalı faciəsi ilə bağlı bəyanat qəbul olunub



Türkiyə Xocalı faciəsinin dünyada tanınması üzrə ədalətli mübarizədə Azərbaycanı həmişə dəstəkləməyə davam edəcək. Trend-in "Anadolu" agentliyinə istinadən verdiyi məlumata görə, bu barədə çərşənbə günü Türkiyə parlamanetinin Xarici işlər komissiyasının bəyanatında deyilir.

Xarici işlər komissiyasının sədri Volkan Bozkırın hazırladığı bəyanatda deyilir ki, Xocalı faciəsi bəşər tarixinə qara ləkə və dinc əhaliyə qarşı törədilən cinayətdir.

Bəyantda o da qeyd edilir ki, Xocalı faciəsi bütün dünya üçün dərs olmalıdır. Türkiyə bu faciədə günahkar olan bütün cinayətkarların cəzalandırılmasında qardaş Azərbaycanı həmişə dəstəkləyəcək.



A.Tağıyeva

Hərbi prokurorluq: Ermənistan və işğal olunmuş Azərbaycan ərazilərindəki separatçı rejim tərəfindən 373 terror aktı törədilib






1991-1992-ci illərdə Xocalıda və digər yaşayış məntəqələrində soyqırım törədilib, Şuşa şəhəri və başqa çoxsaylı yaşayış məntəqələri işğal edilib, bununla da həmin ərazilərdə etnik təmizləmə əməliyyatları həyata keçirilib. Eyni zamanda, dövlət terrorizmi və genosid siyasəti yeridən Ermənistan və işğal olunmuş ərazilərdəki separatçı rejim tərəfindən 1994-cü ilədək çoxsaylı insan tələfatı ilə nəticələnən 373 terror aktı törədilib.

  Trend-in məlumatına görə, bunu çərşənbə günü Baş Prokurorluğun Elm-Tədris Mərkəzində Ermənistanın Azərbaycan Respublikasına qarşı apardığı elan olunmamış müharibə nəticəsində erməni silahlı qüvvələri tərəfindən Xocalıda törədilmiş soyqırım ilə əlaqədar Respublika Hərbi Prokurorluğunda istintaq olunan cinayət işləri ilə əlaqədar brifinqdə Respublika Hərbi Prokurorluğunun Ağır cinayətlərə dair işlər üzrə istintaq idarəsinin Xüsusi istintaq şöbəsinin rəisi, ədliyyə polkovnik-leytenantı Mehman Poladov bildirib.

  Onun sözlərinə görə, müharibə nəticəsində 20 min nəfər soydaşımız şəhid olub, 50 min nəfərdən artıq vətəndaşımız yaralanıb və əlil olub, minlərlə yaşayış məntəqəsi və yaşayış binası, təhsil və tibb müəssisəsi, iqtisadi obyektlər dağıdılıb, ərazilərimizin 20 faizinin işğalı nəticəsində bir milyondan çox soydaşımız qaçqın və məcburi köçkün vəziyyətinə düşüb.

  Poladov qeyd edib ki, Dağlıq Qarabağ və Azərbaycanın digər işğal olunmuş ərazilərində, həmçinin Ermənistanda saxlanılan azərbaycanlı əsir və girovlara dözülməz işgəncələr verilərək, onların bir qismi öldürülüb və şikəst edilib.



K.Zərbalıyeva

Xocalı soyqırımının ildönümü ilə bağlı Küveytdə silsilə tədbirlər həyata keçirilir

Xalqımızın tarixində qanlı iz buraxmış Xocalı soyqırımının növbəti, 20-ci ildönümü ilə bağlı Azərbaycan Respublikasının Küveyt Dövlətindəki səfirliyi tərəfindən bir sıra silsilə tədbirlər həyata keçirilir.



 Səfirlikdən çərşənbə günü Trend-ə verilən məlumata görə, həmin tədbirlər çərçivəsində fevralın 20-də Sabah Əl-Səlim məntəqəsinin orta ümumtəhsil məktəbinin foyesində səfirliyin təşkilatçılığı ilə "Xocalı uşaqların gözü ilə" rəsm sərgisi öz işinə başlayıb.

 Sərginin açılış mərasimində səfir Tural Rzayev keçmiş sovet ordusunun yardımı ilə erməni silahlıların Xocalı şəhərində törətdiyi vəhşiliklər və faciənin əsl mahiyyəti barədə məktəbin müəllim-şagird kollektivinə və tədbirdə iştirak edən valideynlərə ətraflı məlumat verib. Sərgi iştirakçıları nəinki Azərbaycanın, həmçinin bəşəriyyətin müasir tarixində qanlı iz buraxmış bu faciənin onları olduqca kədərləndirdiyini bildiriblər. Ekspozisiya fevralın 27-dək nümayiş etdiriləcək.

 Fevralın 21-də səfirliyin binasında Küveyt KİV-in iştirakı ilə Rzayevin mətbuat konfransı keçirilib.

 Mətbuat konfransı zamanı səfir 26 fevral 1992-ci il tarixində erməni barbarları tərəfindən Xocalıda törədilmiş soyqırım haqqında jurnalistlərə ətraflı məlumat verib, bu faciənin XX əsrin ən dəhşətli cinayətlərindən hesab olunduğunu vurğulayaraq, cinayəti İkinci Dünya müharibəsi zamanı nasistlərin törətdiyi vəhşiliklərlə müqayisə edib.

 Səfir Xocalı həqiqətlərinin üzə çıxması, bütün dünya qarşısında Ermənistanın təcavüzkar siyasətinin ifşa olunmasında Azərbaycan xalqının ümummilli lideri Heydər Əliyevin mühüm rolunu xüsusilə vurğulayıb.

 Daha sonra səfir Rzayev Ermənistan-Azərbaycan, Dağlıq Qarabağ problemindən danışıb, bu problemin həlli üçün Azərbaycanın kifayət qədər hərbi qüdrətə malik olduğunu bildirib. O, 2011-ci ilin dekabr ayında Əl-Küveyt şəhərində keçirilən hərbi sərgidə ölkəsinin iştirakına işarə edərək, Azərbaycanın dəfələrlə Ermənistandan güclü olduğunu və münaqişənin müharibə yolu ilə həllinə atılarsa, Azərbaycanın qalib gələcəyini vurğulayıb.

 Ermənistan BMT Təhlükəsizlik Şurasının qəbul etdiyi dörd qətnaməyə məhəl qoymasa da, ölkəsinin işğal olunmuş əraziləri qaytarmaq üçün sülh vasitələrinə üstünlük verdiyini qeyd edib.

 Daha sonra səfir Ermənistanın Azərbaycana qarşı həyata keçirdiyi işğalçılıq və təcavüz siyasətinin BMT və İƏT-də Küveyt Dövləti tərəfindən daim pisləndiyini qeyd edərək, dost və qardaş Küveytin ölkəsinin ərazi bütövlüyü və suverenliyini dəstəklədiyini vurğulayaraq, bu taleyüklü məsələdə tutduğu ədalətli mövqeyə və dəstəyə görə Azərbaycan hökuməti və xalqı adından minnətdarlığını ifadə edib.

 Mətbuat konfransının sonunda səfirliyin təşəbbüsü və dəstəyi ilə ərəb dilinə nəşr olunmuş "Xocalı soyqırımı" kitabı və Xocalı faciəsini özündə əks etdirən filmin ərəb dilində CD variantı, həmçinin səfirlik tərəfindən hazırlanmış mətbuat bəyanatı jurnalistlərə təqdim olunub.

"Xocalı soyqırımı" kitabı, sənədli film və qanlı faciə ilə əlaqədar səfirliyin bəyanatı Küveytin dövlət, hökumət qurumlarına, parlamentinə, ölkədə fəaliyyət göstərən ictimai təşkilatlara da göndərilib.

 Fevralın 22-də Küveytin çoxtirajlı və geniş oxucu kütləsinə malik "Əl-Ray", "Əl-Nahar", "Əl-Siyasə", "Əl-Vatan", "Əl-Vasat", "Əl-Şəhid", "Əl-Ənbəə", "Aləm Əl-Yaoum" qəzetlərində Xocalı soyqırımı zamanı xalqımıza qarşı törədilmiş erməni vəhşiliklərini özündə əks etdirən geniş məqalələr dərc edilib.

 Bundan əlavə, "Xocalı soyqırımının 20-ci ildönümü münasibətilə Xocalı əhalisinin dünya xalqlarına, Birləşmiş Millətlər Təşkilatına, Avropa Şurasına, Avropada Təhlükəsizlik və Əməkdaşlıq Təşkilatına müraciəti" ərəb dilinə tərcümə edilərək, Küveytin dövlət, hökumət qurumlarına, parlamentinə, ölkədə fəaliyyət göstərən ictimai təşkilatlara, KİV-ə göndərilib.

 Silsilə tədbirlər çərçivəsində səfirliyin və Küveytdə yaşayan və işləyən Azərbaycan Respublikası vətəndaşlarını özündə birləşdirən "Vətənsevər" dostluq cəmiyyətinin təşkilatçılığı ilə səfirliyin əməkdaşları, Azərbaycan diasporunun nümayəndələri, eyni zamanda, Küveyt vətəndaşlarının iştirakı ilə fevralın 23-də Xocalı faciəsinə həsr olunmuş anım mərasimi keçiriləcək.

 Cümə gününə təsadüf edən 24 fevral tarixində isə bütün Küveyt məscidlərində söylənən cümə namazı xütbələrində Xocalı faciəsi şəhidlərinin xatirəsi yad ediləcək.



E.Mehdiyev

“BMT-dən XOCALI SOYQIRIMININ TANINMASINI İSTƏYƏCƏYİK”



Xanım Xəlilova: “Taksim yürüşü ermənilərə son cavab olacaq” 
 Türk Dünyası İnsan haqları Dərnəyi Xocalı soyqırımının beynəlxalq səviyyədə tanınması üçün fevralın 26-sı saat 14:00-da BMT-nin Ankaradakı ofisi önündə yürüş-mitinq keçirəcək. Bu barədə redaksiyamıza xalq hərəkatının fəallarından olan, hazırda Türkiyədə yaşayan professor, Azərbaycan Qadın Hüquqlarını Müdafiə Cəmiyyətinin sədri Xanım Xəlilova məlumat verdi.

 X.Xəlilova bildirdi ki, bu tələbin dəstəklənməsi və ortaya qoyulması üçün Türkiyədə bir sıra önəmli görüşlər keçirib. X.Xəlilova fevralın 13-ü AKP başqanının köməkçisi, Manisadan millət vəkili Hüseyn Tanrıverdi və AKP-nin baş katibi Haluk İpek, baş nazirlik müşaviri Saadeddin Kılıc, Böyük Birlik Partiyasının (BBP) başqanı Mustafa Destici, fevralın 14- də MHP-nin media və ictimaiyyətlə əlaqələr üzrə nümayəndəsi, başqan köməkçisi, Antalyadan olan millət vəkili Tunca Tiskayla, Türk Ocakları başqanı Nuri Gürgür, fevralın 15-də CHP-nin Spartadan olan millət vəkili Ali Haydar Önər, HAS Partiyasının rəhbəri professor Numan Kurtuluş, fevralın 16-da Keçiören bələdiyyəsinin sədri Mustafa Ak, Demokrat Partiyasının rəhbəri Namiq Zeybek, Gölbaşı bələdiyyəsinin sədri Yaqub Odabaşı, fevralın 17-də isə Akademiklər Birliyinin sədri professor Şükrü Koç-la görüşüb. Müsahibimiz bildirdi ki, görüşlər zamanı təklifinə müsbət cavab alıb: “Mitinqə Dünya Gəncləri Dostluq Dərnəyinin rəhbəri Səadət Atakan da dəstək verəcək.

 X.Xəlilova onu da bildirdi ki, BMT-nin Ankara ofisinin qarşısına doğru yürüşü Türk dünyası İnsan Haqları Dərnəyi ilə birlikdə təşkil edirlər: “BMT-nin ofisinə yürüş edəcəyik. Qurumun binasının önünə çələng qoyacağıq. Xocalı soyqırımı beynəlxalq təşkilatlar səviyyəsində tanınmalıdır. Dərnəyin başqanı Abdullah Buksür hələ 1998-ci ildə Xocalı soyqırımının tanınması üçün BMT-yə 200 səhifəlik bir müraciət edib. Fevralın 26-da ölkənin hər tərəfindən İstanbula, Taksim meydanına gedənlər olacaq. Bu böyük yürüş ermənilərə son bir cavab olacaq. 2015-ci ildə qondarma ”erməni soyqırımı"nın 100 illiyi tamamlanacaq. Ermənilər bizə çox hücum etmək istəyəcəklər. Bu mənada, Xocalı məsələsinin gündəmə gəlməsi tək Azərbaycan üçün yox, həm də Türkiyə üçün önəmlidir".

 X.Xəlilova Türkiyədə Xocalı soyqırımı ilə bağlı keçiriləcək tədbirlər haqqında da məlumat verdi: “HAS Partiyası fevralın 23-də Xocalı soyqırımı ilə bağlı tədbir keçirəcək. Fevralım 25-də Azərbaycan səfirliyinin təşkil etdiyi tədbirdə çıxış edəcəm. Ayın 27-də isə AKP-nin baş katibi Haluk İpeklə canlı olaraq "TRT avaz" kanalına qoşulacağıq. Fevralın 24-25-də “Qızılay” meydanında çadır qurulacaq, Xocalı soyqırımını nümayiş etdirən rəsm sərgisi təşkil olunacaq, broşürlər paylanacaq. Türkiyə xalqından Xocalı soyqırımı ilə bağlı imza toplanacaq. Bu məqsədlə fevralın 15-də Ankara Böyükşəhər bələdiyyəsinə müraciət etmişik. Bu tədbirin həyata keçirilməsi üçün cavab gözləyirik".

 Qeyd edək ki, Fevralın 26-da saat 14:30-dan 15:30-dək Qalatasaray və Taksim meydanı arasında böyük Xocalı yürüşü keçiriləcək. Türk Dünyası Kültür və İnsan Haqları Dərnəyinin təşkilatçılığı ilə keçirilən yürüşə Türkiyədə fəaliyyət göstərən dərnəkllr, ülkü ocaqları, siyasi partiyalar və qeyri-hökumət təşkilatları qatılacaqlar.
Bu arada Azərbaycan hakimiyyətinin Türkiyədə keçiriləcək Xocalı tədbirləri ilə bağlı 2 milyon manat ayırdığına dair məlumat yayılıb. Lakin Diasporlarla İş üzrə Dövlət Komitəsinin mətbuat xidmətinin rəhbəri Bəhruz Nəzərov bunu təsdiqləmədi: “Türkiyədə fəaliyyət göstərən dərnəklər tədbirləri öz hesablarına keçirirlər”.


Leyla İLQAR

"YAVRU VƏTƏN"də İZDİHAMLI XOCALI MİTİNQİ HAZIRLANIR

Naim Aydoğdu: "Anım törəni Levkoşadakı Şəhidlər meydanında keçiriləcək"



 Fevralın 26-da Şimali Kipr Türk Cümhuriyyətinin (ŞKTC) paytaxtı Levkoşada Xocalı soyqırımının iyirminci ildönümünə həsr olunan mitinq keçiriləcək. Bu barədə “Yeni Müsavat”a 1993-cü illərdə Qarabağ döyüşlərində könüllü olaraq iştirak etmiş ŞKTC vətəndaşı Naim Aydoğdu məlumat verdi. N.Aydoğdu bildirdi ki, mitinq Levkoşadakı Şəhidlər meydanında keçiriləcək.

 Müsahibimizin sözlərinə görə, mitinqə Azərbaycandan da qatılanlar olacaq: “Bu mitinqi hazırlayanlar Kipr Barış Hərəkatının əsasını təşkil edən Türk Müqavimət Hərəkatı Təşkilatı, Ülkü Ocaqlarının Kipr bölməsi və bir sıra QHT-lərdir”.
N.Aydoğdu həmçinin bildirdi ki, Levkoşada Xocalı qətliamı ilə bağlı komissiya da yaradıblar: “Komissiyaya Kipr Türk Mücahidlər Dərnəyinin rəhbəri Ahmet Ötüken rəhbərlik edir. Sabah geniş toplantımız olacaq. Sizə daha ətraflı məlumat verə biləcəyik”.
Qeyd edək ki, türk dünyasında Şimali Kipr respublikasına “Yavru vətən” də deyirlər.

Leyla İLQAR  

21 Şubat 2012 Salı

Avropanın mərkəzində Xocalı soyqırımı ilə bağlı mitinq keçiriləcək

Brüsseldə Xocalı soyqırımının 20-ci ildönümü ilə əlaqədar mitinq keçiriləcək.

  Diasporla İş üzrə Dövlət Komitəsindən Trend-ə verilən məlumata görə, fevralın 28-də Belçikanın paytaxtı Brüsseldə Xocalı soyqırımının 20-ci ildönümü münasibətilə mitinq keçiriləcək.

  Brüsseldəki Place Schuman meydanında Avropa Komissiyasının önündə saat 13:00-15:00 arasında keçiriləcək "İnsanlıq ayıbı Xocalıya ədalət" mitinqində "Hamımız Xocalılıyıq! Hamımız Türkük!" şüarlarının sədaları altında ölkədə fəaliyyət göstərən Azərbaycan və Türkiyə diaspor təşkilatlarının, siyasi partiya və ictimai təşkilatların nümayəndələrinin iştirakı planlaşdırılıb.

  Azərbaycan-Belçika Dostluq Cəmiyyətinin təşəbbüsü ilə baş tutacaq aksiyanın keçirilməsində məqsəd ictimaiyyətin diqqətini 26 fevral 1992-ci il tarixində ermənilərin Azərbaycanın Xocalı şəhərinin dinc sakinlərinə qarşı törətdiyi soyqırıma yönəltmək, Xocalı şəhidlərinin xatirəsini anmaqdır.



K.Zərbalıyeva

Strasburqda Xocalı soyqırımının 20-ci ildönümü münasibətilə mitinq keçiriləcək

Strasburqda Xocalı soyqırımının 20-ci ildönümü münasibətilə mitinq keçiriləcək.

 



Diasporla İş üzrə Dövlət Komitəsindən çərşənbə axşamı Trend-ə verilən məlumata görə, fevralın 25-də Fransanın Strasburq şəhərinin Kleber meydanında Strasburq "Azərbaycan Evi" və Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) təşkilatçılığı ilə "Xocalıya Ədalət" beynəlxalq kampaniyası çərçivəsində mitinq keçiriləcək.

 Strasburq "Azərbaycan Evi"nin rəhbəri Mustafa Alıncanın verdiyi məlumata görə, mitinqin keçirilməsi üçün Strasburq şəhər prefekturasının və polis idarəsinin razılığı alınıb.

 Saat 14:00-dan 16:00-dək davam edəcək mitinq zamanı Kleber meydanında fransız, ingilis dillərində kitablar və Xocalı soyqırımına həsr olunmuş fotoşəkillərdən ibarət sərgi təşkil olunacaq, havaya Xocalı şəhidlərinin xatirəsinə 613 şar uçurulacaq.

 Xatırladaq ki, 1992-ci il fevralın 26-da Ermənistan silahlı birləşmələrinin Xocalı şəhərinin yeddi minlik əhalisinə qarşı törətdiyi soyqırım aktı zamanı 613 soydaşımız, o cümlədən 106 qadın, 63 uşaq və 70 qoca xüsusi qəddarlıqla qətlə yetirilib, meyitlər üzərində təhqiredici hərəkətlərə yol verilib.



E.Mehdiyev

Xocalı soyqırımının 20-ci ildönümü ilə bağlı Odessada etiraz yürüşü keçirilib

Xocalı soyqırımının 20-ci ildönümü Ukraynanın Odessa şəhərində gənclərin etiraz yürüşü ilə yad edilib.

 Ukrayna Azərbaycanlı Gənclər Birliyindən çərşənbə axşamı Trend-ə verilən məlumata görə, İslam Konfransı Gənclər Forumunun və Ukrayna Azərbaycanlı Gənclər Birliyinin təşkil etdiyi etiraz yürüşünə Ukrayna, moldovan, yəhudi, türk və tatar gəncləri də qatılıb.

"Ermənilər Xocalıda törətdikləri vəhşiliklərə görə tarix qarşısında cavab verməlidir!" şüarı ilə Odessa şəhərinin mərkəzi küçə və meydanlarında etiraz yürüşü keçirən Ukrayna Azərbaycanlı Gənclər Birliyinin fəalları, türk, tatar, yəhudi, Ukrayna və digər xalqların gənclər təşkilatlarının üzvləri yerli əhaliyə ermənilərin Xocalı şəhərində törətdikləri vəhşilikləri fotoinformasiya bukletlərini paylamaqla çatdırıblar.

 Havanın şaxtalı olmasına baxmayaraq, yerə sərilərək Xocalı qurbanlarının sayını özündə əks etdirən 613 rəqəmini nümayiş etdirən gənclər Odessa şəhərinin mərkəzi meydanından havaya üzərində "Xocalıya Ədalət" sözləri yazılmış 613 qara şar buraxmaqla indiyədək erməni vəhşiliyinə göz yuman dünya birliyini və beynəlxalq təşkilatları haqqa və ədalətə səsləyiblər.

 Sonra Odessa vilayətində yaşayan bir sıra xalqların diaspor nümayəndələrinin, yerli və xarici tələbələrin iştirakı ilə Xocalı qurbanlarının anım mərasimi keçirilib. Anım mərasimində Ukrayna Azərbaycanlı Gənclər Birliyinin sədri Anar Tahirov və birliyin Odessa vilayət təşkilatının sədri Samirə Əliyeva çıxış edərək son iki əsrdə ermənilərin Azərbaycanda həyata keçirdikləri işğalçılıq və soyqırım siyasətini tarixi faktlarla tədbir iştirakçılarının diqqətinə çatdırıblar.

 Mərasimə qatılanlar Xocalı qətliamını özündə əks etdirən sənədli filmə baxmaqla ermənilərin şaxtalı fevral gecəsində uşaqlara, qadınlara, qocalara və dinc əhaliyə qarşı həyata keçirdikləri vəhşiliklərlə tanış olublar.

 Filmə baxdıqdan sonra "Xocalı soyqırımında birbaşa əli olan rəsmi Yerevan və onun hazırkı rəhbərliyi beynəlxalq məhkəmə qarşısında cavab verməlidir" bəyanatı ilə çıxış edən Türkiyənin Odessa şəhərindəki baş konsulu Hüseyn Ərqani, Ümumukrayna Gənclər Təşkilatının sədri Anton Daritçenko, Moldova Gənclər Təşkilatının sədri Andrey Tetyu və digər çıxış edənlər aradan 20 il ötməsinə baxmayaraq, dünya birliyinin belə bir faciəyə hüquqi siyasi qiymət verməməsini tarixi ədalətsizlik kimi qiymətləndiriblər.

 Tədbirin sonunda ermənilərin Xocalı şəhərində azərbaycanlılara qarşı həyata keçirdikləri soyqırıma hüquqi siyasi qiymət verilməsi üçün Ukrayna parlamentinə və beynəlxalq təşkilatlara müraciət qəbul olunub.

 Xatırladaq ki, 1992-ci il fevralın 26-da Ermənistan silahlı birləşmələrinin Xocalı şəhərinin yeddi minlik əhalisinə qarşı törətdiyi soyqırım aktı zamanı 613 soydaşımız, o cümlədən 106 qadın, 63 uşaq və 70 qoca xüsusi qəddarlıqla qətlə yetirilib, meyitlər üzərində təhqiredici hərəkətlərə yol verilib.



E.Mehdiyev

İndoneziyada Xocalı faciəsinin qurbanlarının xatirəsi anılıb




İndoneziyada fəaliyyət göstərən Pribadi türk məktəbində Xocalı soyqırımının 20-ci ildönümünə həsr edilmiş tədbir keçirilib.

  Azərbaycanın İndoneziyadakı səfirliyindən Trend-ə verilən məlumata görə, tədbirdə müxtəlif təhsil ocaqlarından professor-müəllim heyəti, çoxsaylı tələbələr, KİV nümayəndələri iştirak ediblər.

  Tədbir Xocalı soyqırımına dair fotoşəkillər, Dağlıq Qarabağ münaqişəsini, münaqişə zamanı ermənilər tərəfindən azərbaycanlılara qarşı törədilmiş digər cinayətləri ifşa edən kitab və nəşrlərin sərgisinə baxış və toplantı iştirakçılarına soyqırıma həsr olunmuş "The Khojaly Genocide" filminin nümayişi ilə başlayıb.

 Toplantının əvvəlində iştirakçılar Xocalı faciəsinin qurbanlarının xatirəsini bir dəqiqəlik sükutla yad ediblər.

  Tədbirdə çıxış edən səfir Tamerlan Qarayev, Pribadi məktəbinin direktoru Sudarman S. Sos, İndoneziyanın "YENBU" Fondunun nümayəndəsi Paşa İvgen və "Xocalıya Ədalət" Beynəlxalq Kampaniyanın İndoneziya üzrə koordinatoru İmas Fuciati 1992-ci il fevralın 25-dən 26-na keçən gecə azərbaycanlılara qarşı törədilmiş misli görünməmiş Xocalı soyqırımı barədə məlumat veriblər. Onlar tədbir iştirakçılarını "Xocalıya Ədalət" Kampaniyasının www.justiceforkhojaly.org internet saytında yerləşdirilmiş dünya liderlərinə törədilmiş soyqırımı insanlığa qarşı cinayət kimi tanımaları ilə bağlı müraciətə qoşulmağa dəvət ediblər.

  Tədbirin sonunda Müraciətin imzalanma mərasimi keçirilib, Səfirliyin nəşr etdirdiyi Ermənistan-Azərbaycan Dağlıq Qarabağ münaqişəsi barədə kitablar, tədbirlə əlaqədar hazırlanmış digər məlumatlar iştirakçılar arasında yayılıb.



K. Zərbalıyeva

QARABAĞ MÜNAQİŞƏSİ AVROPANIN TƏHLÜKƏSİZLİYİNİ TƏHDİD EDİR



ABŞ və NATO-da bunu başa düşürlər, lakin təhdidi aradan qaldırmaq üçün Qərbdə birgə yanaşma yoxdur, Rusiyanın təmin etdiyi status-kvo ən yaxşı çıxış yolu sayılır
 Dağlıq Qarabağ münaqişəsi və postsovet məkanındakı digər həll edilməmiş qalan münaqişələr Avropada yeni təhlükəsizlik arxitekturasının qurulması yolunda əsas əngəldir. Bu barədə ötən həftə Konqresin büdcə komissiyasında keçirilmiş dinləmələrdə ABŞ dövlət katibi Hillari Klinton bəyan edib. O deyib ki, bu münaqişələr Avropada adi silahlar üzərində nəzarətin təmin edilməsinə də imkan vermir. Dövlət katibi Avropada adi silahlar üzərində nəzarətin avroatlantik strukturların əsas prioritetlərindən biri olduğunu bildirib.

 Qeyd edək ki, söhbət Avropada Adi Silahlar üzrə Müqavilədən gedir və bu müqavilənin Azərbaycanın da qoşulduğu cinah sazişi hazırda faktiki olaraq işləmir. Bunun da əsas səbəbi Dağlıq Qarabağ münaqişəsidir.
 Sözügedən sazişə əsasən, Azərbaycan, Ermənistan və Gürcüstan adi silahlara dair bərabər kvotalar alıblar. Bu ölkələrin hər biri ən çoxu 220 tank, 220 zirehli maşın, 285 artelleriya sistemi , 100 döyüş təyyarəsi 50 zərb vertolyotuna malik ola bilər. 1990-cı illərin sonlarından başlayaraq Rusiya bu müqaviləni faktiki olaraq kağız üzərində qoyub. Ermənistana 1 milyard dollar məbləğində silah-sursat və hərbi texnika ötürülüb. Daha sonra 2000-ci illərin əvvəllərindən başlayaraq Gürcüstandakı Rusiya hərbi bazalarının silah və texnikasının əsas hissəsi Ermənistana daşınıb. Ermənistan Rusiya silahlarının anbarına çevrilib və hərbi sursatın, döyüş texnikasının əsas hissəsi Azərbaycanın işğal altındakı ərazilərində yerləşdirilmiş erməni qüvvələrinin sərəncamına verilib. Nəhayət, Rusiya Ermənistan ərazisindəki hərbi bazasında Avropada Adi Silahlar barədə Müqavilənin şərtlərinə zidd şəkildə əlavə hərbi qüvvələr yerləşdirib.
 Azərbaycan tərəfi həmin müqavilənin şərtlərinə riayət etməyə çalışaraq onun icrasına nəzarət edən ATƏT-in diqqəti Ermənistana yönəltməsinə nail olmağa çalışırdı. Lakin müqavilənin icrasına nəzarət etməli olan qurumun keçirdiyi , formal xarakter alan monitorinqlərdən başqa heç bir ciddi addım atılmırdı və nəhayət, Azərbaycan da açıq şəkildə bu müqaviləni “dəfn etdi”. Son illər Azərbaycan öz silahlı qüvvələrini gücləndirmək üçün adi silahlara dair müqavilə üzrə nəzərdə tutulmuş kvotanı dəfələrlə aşan həcmdə müasir silah sistemləri, hərbi texnika, o cümlədən hava döyüş texnikası alır. Qərb ölkələri Azərbaycana silah satmaqdan imtina etsə də Rusiya ilə anlaşmaq çətin deyil. Beləliklə, indi avropalı ekspertlər də təsdiq edirlər ki, Avropada Adi Silahlar üzrə Müqavilə artıq işləmir və gərəksiz sənədə çevrilib. Lakin bu mühüm razılaşmanın taleyi barədə əvvəldən narahat olmaq lazım idi və Qərb Dağlıq Qarabağ münaqişəsinin, digər “dondurulmuş” münaqişələrin həllində siyasi iradə göstərməməklə onun qüvvəsini itirməsinə, beləliklə də Rusiyanın postsovet məkanında əsas hərbi güc kimi qalmasına yol açmış oldu. İndi ABŞ dövlət katibi etiraf etməli olur ki, məhz münaqişələrin həllini tapmaması və nəticədə Avropada adi silahlara nəzarət üzrə mexanizmin qüvvəsini itirməsi qitədə yeni təhlükəsizlik arxitekturasının formalaşmasına əsas əngəldir.
 Vaşinqtondakı Ceymstaun Fondundan ekspert Vladimir Sokor da qeyd edir ki, Qərb Dağlıq Qarabağ və digər “dondurulmuş” münaqişələrin həllinə dair birgə yanaşma tətbiq edə bilmədiyi üçün Rusiya situasiya üzərində nəzarəti ələ keçirib. Nəticədə bu münaqişələrin həll edilməmiş qalması yeni Avroatlantik təhlükəsizlik sisteminin formalaşmasına imkan vermir. Analitikin eurasianet.org saytında dərc edilmiş məqaləsinə əsasən bu günlərdə Münhen təhlükəsizlik konfransında yüksək səviyyəli Qərb və Rusiya analitiklərinin formalaşdırdığı Avroatlantik Təhlükəsizlik Təşəbbüsü (EASİ) adından Dağlıq Qarabağ, Dnestryanı, Abxaziya və Cənubi Osetiya münaqişələrinə dair təhlil təqdim edilib. Müəlliflər münaqişələrin nizamlanmasında yeni yanaşmaların tətbiqinə dair bəzi təkliflər verirlər və bildirilir ki, sənəd bu ilin mayında ABŞ-ın Çikaqo şəhərində keçiriləcək NATO sammitində müzakirəyə təqdim olunacaq.
 Lakin sənəddə Rusiyanın təsiri üstün gəlir və münaqişələrin nizamlanmasına dair irəli sürülən təkliflərin konkretlikdən uzaq olduğu bildirilir. Eyni zamanda sənəddə əraziləri işğal olunmuş Azərbaycan və Gürcüstanın mövqeləri nəzərə alınmayıb. Bununla belə sənəddə təsdiqlənir ki, Dağlıq Qarabağ və digər münaqişələr Avroatlantik təhlükəsizlik sistemi üçün əsas təhdidlərdən biridir. Ancaq sənəd müəllifləri münaqişələrin kökündə dayanan problemlərin, o cümlədən Azərbaycan ərazilərinin işğaldan azad edilməli olduğu barədə heç nə demirlər. Eyni zamanda əsas səylərin mövcud status-kvonu saxlamağa yönəlməsi, yəni münaqişə tərəfləri arasında hərbi toqquşmaların qarşısının alınması və atəşkəs rejiminin qorunub saxlanması barədə danışırlar. Bildirilir ki, sözügedən hesabat NATO strukturlarından heç birində qəbul edilmir. Lakin NATO başda olmaqla Avroatlantik strukturların bu münaqişələrin həlli üçün hərəkətə keçməli olduğunu da deyən yoxdur.
 Xatırladaq ki, ötən həftə Azərbaycan prezidenti İlham Əliyev Brüsselə səfər edərək NATO rəhbərliyi ilə danışıqlar aparıb. Bu danışıqlarda Dağlıq Qarabağ münaqişəsi də gündəmdə olub. Azərbaycan NATO-nun mühüm tərəfdaş ölkələrindən biridir və haqlı olaraq gözləyir ki, alyans Qarabağ məsələsində daha aktiv rol oynasın. NATO Baş katibinin köməkçisi Ceyms Appaturay isə Bakı və İrəvanda təmaslar zamanı alyansın bu münaqişədəki rolunun ATƏT-in Minsk Qrupunun səylərini dəstəkləməklə məhdudlaşdığını deyib. Eyni zamanda Avropa İttifaqının da münaqişənin nizamlanması prosesində heç bir önəmli rola malik olmadığı bu günlərdə hesabat şəklində açıqlanmışdı. Beləliklə, Qərbdə hamı razılaşır ki, Qarabağ münaqişəsi Avropanın təhlükəsizliyini təhdid edən amillərdən biridir, lakin heç bir Qərb strukturu, aparıcı Qərb dövlətləri bu münaqişənin həllində adekvat addımlar atmağa hazırlaşmır. Ən yaxşı halda onlar Minsk Qrupu formatında Rusiyanın nəzarəti altında keçən danışıqlar prosesinə dair ara-sıra məsləhətləşmələr aparırlar. Məsələn, ötən həftə Moskvada Rusiya xarici işlər nazirinin müavini, stats-katib Qriqori Karasin Cənubi Qafqazdakı vəziyyəti, o cümlədən Qarabağ münaqişəsini ABŞ dövlət katibinin Avropa və Avrasiya məsələləri üzrə müavini Filipp Qordonla müzakirə edib. ATƏT-in səyləri isə Ermənistanla Azərbaycan qoşunlarının təmas xəttində atəşkəsə nəzarətə dair yeni mexanizmin formalaşdırılmasına yönəlib. Bu məsələni yaxın günlərdə regiona səfər edəcək Minsk Qrupunun həmsədrləri, daha sonra isə martın əvvəllərində bölgəyə gələcək ATƏT-in fəaliyyətdə olan sədri, İrlandiyanın xarici işlər naziri münaqişə tərəfləri ilə müzakirə edəcək.

F.MƏMMƏDOV

XOCALI KAMPANİYASI GENİŞLƏNİR



Azərbaycan dünyanın onlarla ölkəsində ermənilərin bu cinayətinə dair aktiv lobbi fəaliyyətləri yürüdür
 Xocalı soyqırımının 20 illiyinin yaxınlaşdığı bir vaxtda Azərbaycan dövlətinin və ona bağlı lobbi qruplarının bu faciəyə hüquqi qiymət verilməsi yönündə həyata keçirdiyi kampaniya da genişlənməkdədir. Son bir neçə ildə Azərbaycan bu soyqırımla bağlı lobbi fəaliyyətlərini gücləndirib və geniş beynəlxalq çevrələrin diqqətini 20 ildir cəzasız qalan bu insanlıq əleyhinə cinayətə yönəldə bilib. Son xəbərlərə əsasən ABŞ konqresinin Azərbaycan üzrə işçi qrupunun həmsədrləri, konqresmenlər Bill Şuster və Den Boren Xocalı soyqırımının 20-ci ildönümü ilə əlaqədar bəyanat veriblər.

 Bu barədə Amerika-Azərbaycan Şurasının (AAŞ) baş direktoru Cavid Hüseynov bildirib. Konqresmenlərin bəyanatında Xocalıda baş verən hadisələrlə bağlı geniş məlumat verilir, dünya KİV-lərində bu məsələ ilə bağlı yayılan məlumatlar həmkarlarının nəzərinə çatdırılır. Bəyanatda Ermənistan-Azərbaycan Dağlıq Qarabağ münaqişəsinin həllinin vacibliyi və status-kvonun yolverilməzliyi vurğulanır. Bəyanatda həmçinin bildirilir ki, Azərbaycan ABŞ-ın vacib strateji tərəfdarıdır. Konqresmenlər Azərbaycana Xocalı faciəsi ilə bağlı baş sağlığı veriblər, öz həmkarlarını soyqırım qurbanlarının xatirəsini anmağa çağırıblar.
Türkiyənin TRT kanalının Bakı Təmsilçiliyi isə “Hepimiz Hocalılıyız’’ adlı yeni sənədli film hazırlayıb. Təmsilçilikdən daxil olan məlumata görə, son yüz ilin ən vəhşi qətliamlarını həyata keçirən ermənilərin gerçək üzünü göstərən bu sənədli filmdə, xocalıların verdiyi həyat mücadiləsi, ümüdləri və arzularından bəhs edilir.
 TRT Bakı təmsilçisi Yüksel Değercan bu sənədli filmin Xocalı soyqırımının 20 illiyinə həsr edildiyini, dünyaya demokratiya dərsi verən ölkələrin Xocalı fəryadına səssiz qaldığını, ancaq bir gün bu yanlışlardan dönəcəyini bildirib.
“Hepimiz Hocalılıyız’’ filmi 21 fevral saat 13:05-də TRT AVAZ kanalında ekranlara gələcək və proqramın təkrarı 26 fevral saat 08:40-da yayımlanacaq.
“Xocalıya Ədalət” kampaniyası çərçivəsində Niderland parlamentinə də Xocalı faciəsinin 20-ci ildönümü ilə əlaqədar müraciət və Xocalı soyqırımının tanınmasına dair bir milyon ölkə vətəndaşının imzalar toplusu təqdim edilib. “Xocalıya Ədalət” kampaniyasının yerli Əlaqələndirici Komitəsinin sədri, Niderlandın milli qəhrəmanı, Oranje-Nassau Kral ordeni cəngavəri Gert van Dam Xocalı soyqırımı barədə ətraflı məlumat verərək, 20 il öncə ermənilər tərəfindən mülki azərbaycanlılara qarşı törədilmiş bu beynəlxalq cinayətə məsuliyyət daşıyanların cəzalandırılmasını tələb edib və bu faciənin Niderland parlamentində gündəmə gətiriləcəyinə ümid etdiyini bildirib. Görüşdə “Azərbaycanın Holland Dostları Cəmiyyəti”nin icraçı direktoru Marion van der Veqt bildirib ki, 100 il öncə ermənilərlə bağlı naməlum hadisələr tarixçilər tərəfindən heç bir sübuta yetirilmədiyi halda, cəmi 20 il bundan əvvəl Xocalıda törədilmiş və artıq tam təsdiqlənmiş vəhşiliklərə Niderland və beynəlxalq ictimaiyyət tərəfindən hüquqi və siyasi qiymət verilməlidir. Gert van Dam və Marion van der Veqt Xocalı soyqırımına siyasi və hüquqi qiymət verilməsini tələb edən “Milyon imzalar - bir istək” toplusunu təqdim edib.
 Almaniyanın Maqdeburq şəhərində isə Xocalı soyqırımı ilə bağlı etiraz aksiyası keçirilib. Diasporla İş üzrə Dövlət Komitəsindən ANS PRESS-ə verilən məlumata görə, Almaniyanın Maqdeburq şəhərində Zaksen-Anhalt əyaləti üzrə Alman-Azərbaycan Mədəniyyət Cəmiyyətinin təşəbbüsü ilə Xocalı soyqırımının 20-ci ildönümü münasibətilə insanlığa qarşı bu ağır cinayətə etiraz əlaməti olaraq avtomobil yürüşü keçirilib. Aksiyada soydaşlarımızla yanaşı, rus, yəhudi diasporlarının, həmçinin yerli ictimaiyyət nümayəndələri iştirak ediblər. Üzərində Azərbaycan bayrağı olan, Xocalı soyqırımını pisləyən şüarlar yazılmış avtomobillər Maqdeburq şəhərinin mərkəzi küçələrində 1 saat 30 dəqiqə ərzində müxtəlif şüarlar altında hərəkət ediblər. Aksiyadan sonra Zaksen-Anhalt əyaləti üzrə Alman-Azərbaycan Mədəniyyət Cəmiyyətinin sədri Yaşar Niftəliyev iştirakçılara Qarabağ və Xocalı dəhşətləri haqqında daha ətraflı məlumat verib, bu qətliamın insanlıq əleyhinə ağır cinayət olduğunu bildirib. (“Trend” və ANS-in materialları əsasında)

F.MƏMMƏDOV